新泰東南亞餐廳 (興旺閣)

營業中

休息中

今次去左灣仔嘅一間泰式餐廳，港鐵站一出行大約幾分鍾就到。門口好易搵,餐廳都好闊落。飯類叫左南瓜海鮮焗飯，裹面有好多南瓜粒，炒飯飯粒夠乾身。可以再刮埋裹面軟哂嘅南瓜肉同海鮮一齊食！食過唔少泰式餐廳,但呢個菜式係第一次見，可以一試～香芒軟殼蟹米紙卷嘅米紙做得唔錯，唔會太韌太厚，都食到芒果同軟殼蟹嘅味道。如果芒果份量再多D多，米紙卷會更香。軟殼蟹都幾脆，食得出係新鮮準備。馬拉盞通菜上碟好夠鑊氣，通菜嫰口。莖嘅部份爽脆，食落唔會有渣。仲有適當嘅油光，賣相同味道都唔錯。生蝦刺身大約有大約六隻，都好新鮮乾淨，算幾清甜。椰青沙冰都係第一次見到嘅飲品，好清新嘅椰香，配返重味少少嘅野食都冇問題！餐廳服務好好，侍應見到舉手反應都好快，質素不錯。