新泰東南亞餐廳 (興旺閣)

營業中

休息中

天氣越嚟越熱冇乜胃口，朋友提議去食泰菜，酸辣菜式可增加食慾，經過灣仔大王東街新泰東南亞餐廳,之前去尖沙咀食過，味道方面唔錯，今晚就試吓呢間分店。餐廳共有三層樓，裝修擺設都令人感到有泰式風情，座位寬敞舒適。天氣熱最啱飲碗冬陰公，湯夠味，有蝦有菇，味道酸酸辣辣，好醒胃啊！鹽焗爐魚：用鹽焗方法煮,保留原汁原味, 比蒸或煎更有新鮮感, 而且魚肉Keep到juicy結實, 相當不錯. ​沾點酸辣沾味道更佳。叻沙蝦米線，叻沙湯底鮮甜濃郁，米線掛湯後彈牙又美味，蝦和魚片爽口，豆卜和蛋索左啲湯汁好惹味！