新泰東南亞餐廳 (興旺閣)

營業中

休息中

之前已經有朋友介紹食泰國菜一定要食「新東南亞餐廳」，餐廳位於灣仔，有三層樓高，環境寬躺，座位坐得舒服。泰式生蝦 $98有5隻生蝦，每隻蝦上都有一片辣椒和蒜片，喜歡吃辣的你可以連同辣椒一起吃，沾上秘製泰式醬汁更加惹味。蜜糖燒肋骨 $88有5條肋骨，燒得很香，肉質不會太難咬。馬拉盞通菜 $75一上枱就聞到馬拉盞的香味，份量又多。泰式明爐烏頭 $188大大條烏頭，一大推香料在烏頭上，更有菇。烏頭肉質嫩滑，骨不太多。配有一碗湯，當明爐上沒有湯時，可以自行添加。職員更提醒湯要放在明爐魚形的魚尾位置下，以防湯倒在枱上。芒果糯米飯 $68有驚喜😋一定要點甜品😍是雙色糯米，有白糯米和黑糯米，倒上椰汁更美味。芒果很甜，又多肉。

A usual Thai restaurant favourite among my friends and I for its great lunch sets, spacious setting and friendly service. Today my friend and I tried having their dinner alacarte for a change and finally decided to try their baked bread stuffed with curry paste and soft shell crab which we have been eyeing for awhile. The portion was a lot bigger than we expected and outside the curry bread bowl were chunks of well toasted, crispy bread which was perfect for dipping right into the mildly sweet a

朋友在灣仔附近上班，推介三層樓高的正宗泰國餐廳🍴三層的座位幾乎坐滿，一枱接一枱生意。泰式生蝦 $98每次食泰國菜必叫生蝦😍生蝦新鮮彈牙，連同辣椒和蒜蓉片一起吃，再沾上特色辣汁，配搭一流👍🏻👍🏻即使沒有辣椒🌶️只沾漿汁辣味很夠。泰式明爐魚（烏頭)$188酸酸辣辣十分開胃😍湯底濃郁，很惹味😋配有一碗湯，客人可以自由添加在明爐上。店員還提醒我們要把它放在明爐魚的尾巴位置下，可以剩在滴下來的湯。馬拉盞通菜 $75通菜吸收了馬拉盞的味道，整碟馬拉盞炒通菜份量充足。椒鹽軟殼蟹 $78份量不算多，約有6-8件。軟殼蟹炸得很香脆，不油膩。蜜糖燒肋骨 $88燒起來陣陣焦香，有點像叉燒，啖啖肉還有骨啜。芒果糯米飯 $68當然要甜品，必點芒果糯米飯😍😍 淋上椰漿、黏而不膩的糯米飯，再一口結實芒果肉😍😍真的很好吃😋一半是黑糯米，一半是白糯米。

同朋友去咗好出名嘅新泰東南亞餐廳食晚飯，喺灣仔大王東街， 泰國菜嘅款式好多而且餐廳都好大 ，  亦都佈置得好靚！ 麵包焗咖哩軟殼蟹原來好大份， 面麵包嘅份量好多， 咖哩好香，一啲都唔辣！ 軟殼蟹浸咗咖喱都夠脆口！泰式炒雜菜雜菜炒得好有鑊氣但係又唔會太濃味， 亦都好有泰式風味！鴨肉生菜包 比較辣，啱哂鍾意食辣嘅人，伴生菜去油膩！芒果糯米飯 椰漿香濃配煙煙韌韌暖嘅糯米飯一流，芒果好新鮮香甜！青檸梳打 梳打分開上，係0kcal的, 青檸味好清新！服務員態度友善，很豐富的一餐！

如果要揀泰國餐廳，一定要黎食呢一間非常正宗嘅泰國餐廳！入面嘅裝修到好似去咗泰國咁，而且啲侍應都非常有禮貌！嗰日同朋友兩個人食咗超多野，非常飽肚每個人都係二百幾蚊一位，而且質素仲要幾高！嗰日嗌咗半隻海南雞，醬料俾咗兩款，都係偏泰式嘅味道。海南雞都幾滑身，唔會好油。而佢嘅泰式豬頸肉真係煮得好出色，豬頸肉烹調後，完全鎖住晒啲肉汁。真係食一兩舊都可以送成碗飯🤣燒扇貝食完之後真係好滿足，上面嘅芝士食完之後真係好滿足，而且扇貝亦都大大隻，非常新鮮！

我在香港最愛的泰國菜❤️每次都有驚喜，真係po個食評讚下我同男朋友去食，因為我地兩個都係泰菜控，要狂叫先得了！我哋叫咗一個馬拉盞通菜 ，酥炸香茅魚配青芒果沙律 ，同埋一個椰青沙冰兩個人share。首先講講佢嘅酥炸香茅魚配青芒果沙律， 上菜嘅時候真係畀佢驚喜到 ，係原條魚炸起骨架做碟，上面放一塊塊嘅魚肉，成碟都係金黃色，叫嘅時候覺得價錢偏貴，但見到份量甘大，即刻覺得超值。魚肉炸得好酥脆，一啲都唔會覺得醒， 而且炸得好乾爽唔會覺得油。佢會配埋一個醬汁俾我地點嘅，醬汁食落帶有微微香茅味，少少酸甜，更加開胃。旁邊嘅青芒果沙律一樣出色，食落有少少咬口，煙煙韌韌，加埋上面嘅特製醬汁，可以解咗炸魚嘅油膩。另外馬拉盞通菜炒得好惹味，雖然味道係可以預計到嘅，但係我好欣賞佢冇其他餐廳咁鹹 ，而且通菜都夠嫩，唔會食到有一條特別硬特別韌。最後椰青沙冰又係，超好飲超大杯，入面仲保留住一啲椰肉可以掘嚟食，沙冰嘅甜味飲得出係天然嘅椰清甜，而且沙冰入面仲有果肉碎， 好真材實料，飲極都仲有，夠我地兩個送曬成餐飯。 我同男朋友都食得超級無敵滿足 ，一定會再encore😍

時隔2年，再次去品嘗一下位於灣仔嘅老字號泰國菜館，依然冇令人失望！麵包焗咖喱軟殼蟹鬆軟嘅農夫包，挖空中央後盛有啖啖蟹肉既香甜黃咖喱，加上菜餚嘅主角—酥炸軟殼蟹，真係Perfect match！不愧為招牌名菜！冬陰功海鮮炒飯一上菜就聞到香辣味，試一啖入口，冬陰功味十足，海鮮亦都大大粒，份量都大碟，非常夠飽。馬拉盞通菜通菜葉翠綠柔嫩，有香味之餘亦不油膩，分量十足，適合大快朵頤後作平衡味覺之用。菠蘿沙冰用菠蘿肉加冰打碎，冇額外加糖，非常健康。

今日來到東南亞風情的餐廳食泰菜。燒鱔 $128傳統白鱔當造季節係秋冬季，這次雖在炎夏吃鱔，魚肉還是挺厚肉口感肥美。串燒鱔以蜜汁處理，外層醬料燒至香口。吃下去甜蜜並帶魚油香，配上泰式秘制醬汁更醒胃。泰式醬汁只是輕輕帶酸和微辣，不會喧賓奪主。鱔肉也非常結實肉厚，嚐得出新鮮。這個價錢一客有4串高質素的串燒，非常推介。豬肉生菜包 $72傳統生菜包都是用豬肉，這裏卻提供雞、豬、鴨、魚的選擇。豬肉碎肥瘦夾雜，碗底盛著肉汁，必然是生菜包的最佳組合。生菜爽脆挺直，容易盛著香辣惹味的肉碎進食。特別喜歡紅蔥頭及金不換香料，為這道小食增添不少層次，吃的時候小心肉汁滴落啦。越式蟹肉粉絲 $98說明是越式，整體味道比泰菜來得淡，較為健康。越菜少不得有扎肉在其中，另外加入蟹肉，加上各種蔬菜絲帶出鮮甜的味道。粉絲炒得入味，麵條有彈性。簡單的材料的味互相輝映。芒果沙冰 $38一入口就知是以泰國聞名的水仙芒製作，散出陣陣芒果幽香，清新而不會死甜。水仙芒的清甜令飲品耐喝，果肉無纖維渣滓，以致沙冰打得非常幼細，入口即溶。

蒜蓉炒貴妃苗蒜香貴妃苗份量十足，色澤油潤，入口除了香濃的蒜味，爽脆的貴妃苗也燴入高湯的鮮味。這碟貴妃苗的份量足夠3-4人分享，加上翡翠苗本身是相對貴價的菜類，以這個價錢來說，性價比實在很高。青咖喱羊架 加配印度薄餅個人十分喜愛薄餅配搭青咖喱的吃法，薄餅的酥脆沾上青咖喱的濃香，實在是絕配。這裡的青咖喱味道屬中性而溫和，沒有搶喉的感覺，而且椰奶香味也不算突出，但淡味的咖喱配以肉味濃郁的羊架實在是剛好，味道變得多層次之餘，亦不會搶去羊架的風味。羊架肉質軟淋，調味適中，雖然味道未算驚喜，但勝在3件羊架都非常厚肉，有恰當的脂肪平衡，飽肚感十分。再者，廚師細心用鍚紙包上羊架的尾端，方便客人用手取起，值得一讚。Cocktail (Mai Tai)難得泰國餐廳也有cocktails 可order,  最後點了一杯以RUM 酒為base 的飲品作結，記憶中menu 介紹是以Pineapple, 青檸 及橙汁等來調味。RUM 酒調出來的味道十分獨特，可惜郤不是個人所喜好的味道，有機會再來試其他酒品。

香港泰式料理因為融入左好多香港人嘅口味，所以都係好值得期待的。book左六點半，因為遲收工差唔多遲到半小時，不過好在店員都好好俾我哋入，樓高應該有三層，去到餐廳地下層已經滿座，我同同事就上二樓，地方寬敞舒適，燈光柔和幾有氣氛，點好菜之後陸陸續續都滿座。上菜有少少慢，不過整體味道好讚！牛油雞翼外面香脆入面d肉好juicy，對本人來講有少少唔係幾好就係蒜粒偏多有少少痴牙… 咖喱軟殼蟹真係要試一試，咖喱味道香濃配印度薄餅超正，仲食左一半的麵包！蝦紙米卷都唔錯，菜比較多。飲品叫左一個椰青一個三色冰，椰青新鮮都放雪櫃雪到足夠凍，食飯兩個小時都可以keep到冰冰哋好正。最後一個甜品， 椰青大菜糕，因為店員介紹話幾受歡迎，有d飽，只係食左少少，不過味道都好好，點呢個甜品就唔好點椰青啦，都係差唔多的味道，口感唔同。

收工即刻去happy hour，同事簡左一間好有情調座位又好舒適的泰國餐廳。位置有d唔係幾好搵，不過大大個招牌唔係路癡都應該冇問題的。入店要求上二樓，店員都好nice比簡位。樓上裝修都好浪漫，燈光唔刺眼，適合聊天聚會。泰國野必點的咖喱，咖哩軟殼蟹，咖哩唔會辣，香濃滑順的質地配脆卜卜的軟殼蟹，差d連包都食曬，還有少少咖喱剩叫多個印度薄餅，印度薄餅真係好好味，叫多幾份都得，淨係咖喱都夠夠哋，不過食完咖喱真係好開胃，繼續點牛油雞翼，外脆內嫩，好可口。越式蝦紙米卷係為左平衡口味的，個人麻麻哋個口味，鐘意食菜可以試下。飲品叫左椰青同椰青甜品撞款，不過好在都好好味，好清新又夠凍，正！同事都話好好味，下次可以繼續來試試其他的款式。幾乎滿座就知有幾受歡迎。

🍗單骨炸雞翼配蒜辣蛋黃醬(8PCS) $78我哋每款小食都叫咗嚟試🤣呢款單骨炸雞翼係當中最好食！外皮好脆，入面仲有肉汁，唔會話好乾，蛋黃醬唔會太膩，雞翼辣辣地幾開胃🤤🍟啤酒漿薯條配黑松露醬 $68呢款對比起單骨炸雞翼係失色啲😂因為佢唔夠脆，有啲腍咗，個醬又唔係好黑松露，一般般啦～

今日約咗一個好耐冇見嘅朋友食飯，佢推介呢一間泰國餐廳 ，去到門口估唔到呢間餐廳成棟都係佢嘅，有成三層咁多。 我哋兩個坐左二樓嘅位置，畀咗個四人位畀我哋 ，餐廳裝修得幾靚 好寬落好光猛。由於我朋友成日食呢間，所以今次食咩就由我發板， menu好厚，有好多選擇，多到差啲樣樣都想叫黎試下。最後我揀咗一個椒鹽軟殼蟹，蜜糖燒肋骨，諗住試下啱唔啱口味先，下次再叫多啲泰式野。椒鹽軟殼蟹🦀軟殼蟹分量都幾多，我諗佢每件切成大約四分之一嘅大細，好方便我哋食，上面放滿炸蒜 ，椒鹽味幾重。軟殼蟹咬落脆卜卜，但一啲都唔會覺得硬，而且都仲有好多肉， 送飯真係一流蜜糖豬肋骨 總共有五件咁多，每件都唔細，嚟到嘅時候色澤超靚，閃令令咁樣，咬落去好驚喜，因真係好容易就可以咬到肉同骨分離。蜜糖味重但係唔會過甜 ，同樣係好開胃。飲品我見到好特別呢度有得叫酒，所以叫咗杯荔枝mojito ，入面有好多薄荷葉，仲有原粒嘅荔枝果肉，荔枝好甜，而杯飲品好重薄荷味，成件事好清新，易入口，飲開水果酒嘅我都ok。而我哋兩個因為眼闊肚窄，所以淨係叫咗呢兩個餸嚟送飯，飯叫咗兩碗，特別一讚佢嘅白飯，一碗有平時兩碗甘多，裝到滿，而且熱辣辣，呢個細節

同同事一齊收工happy hour，近地鐵站，一d都唔難穩，總共三層，去到一樓已經滿座，安排上二樓卡位～點左牛油雞翼，軟殼蟹咖喱，印度薄餅，一個三色冰一個椰子水。上菜有d慢，不過質素認真好正！咖喱夠香夠濃，印度薄餅還熱辣辣的又脆又酥，點咖喱真係絕配唔夠食埋麵包，麵包有焗過脆脆哋都好好味！軟殼蟹份量有d少，還在味道都可以！食一啖又熱又辣的咖喱，再來一啖冰鮮椰子汁，夠我哋兩個慢慢消耗兩小時時光

灣仔附近搵嘢食，本身想食泰國菜搵咗幾間，得依間嘅餐牌有千層糕，就Walk in攞位等咗20分鐘，就有位了，行樓梯上3樓，對於一啲老人家唔係幾方便。餐廳唔係行高檔嘅格調，平民嘅裝修，唔會有太多泰國風味嘅擺設。講返嘢食，我哋兩個人眼闊肚窄嗌咗四樣嘢再加甜品。椒鹽軟殼蟹 3/5炸得香脆可口，但本身就對軟殼蟹冇乜興趣，無乜特別。南瓜焗咖哩海鮮 3.5/5原個日本南瓜，咖喱醬汁比較杰身，濃稠咁黏上海鮮，海鮮有龍蝦仔青口炸魚柳，仲有椰菜做底，其實就唔係好睇到食緊啲咩，因為醬汁完全覆蓋海鮮，所以賣相比較一般，但南瓜都幾甜。印度薄餅 3/5同我想像薄餅有分別，並唔係酥餅一絲一絲，而好似taco整硬左，但點咖喱汁都幾好食嘅，份量都幾多，有八舊。冬蔭海鮮炒飯 4/5我本人覺得幾抵，有大大隻蝦有青口有魷魚，炒飯又夠辣又夠色水又有鑊氣，略嫌太多香草定係芫荽嘅味道，加上賣相一般，唔係好啱影相打卡。芒果糯米飯 3/5糯米飯有紫米同埋糯米，夠黏口同味道足夠，普並通通正正常常。菠蘿冰 2.5/5好甜，Feel唔到有菠蘿味。地點:灣仔利東街附近，好易搵。環境:三層嘅裝修，但無乜泰國嘅風味，走向平民大排檔嘅風格。如果冇l