新泰東南亞餐廳 (興旺閣)

營業中

休息中

經過門口見到12:50pm前埋單有9折，午市套餐又幾抵食，$75包一杯熱飲，不過今日唔想食粉麵同飯，所以就單嗌咗啲海鮮🐟 入到去環境唔錯，座位超舒服又闊落🥰 (以下價錢為原價)🦐 泰式柚子蝦沙律 $98呢個前菜好開胃，酸酸地帶少少辣，有好多配料，包括柚子、蝦、魷魚圈、腰果等。蝦同魷魚圈都好彈牙有咬口；柚子份量足，新鮮爽口，加埋啲泰式醬汁好清新。🦑 燒原隻魷魚 $98頭尾比較脆身，中間就彈牙唔會膠，屬於軟Q嗰種。本身已經有調過味，可以再點埋醬汁，少少辣🌶️🥥 椰青 $45椰子水超級清甜爽口，解辣一流，椰子肉好厚肉同埋滑嫩、容易刮唔會老，食完都好飽肚👍🏻男經理態度好好，其他東南亞籍嘅staff都幾nice💯

如果要食泰國餐廳，呢一間一定係首選！同同事嚟食，我哋嗌咗燒扇貝，呢個真係超級好食，啲蒜香味好重，而且本身扇貝都好大粒！燒原隻魷魚本身個醬汁已經調得好好，而且魷魚都笑得幾好，唔會話太乾身。一路傾偈一路食夠晒方便！越式蟹肉炒粉絲，呢一個炒粉絲真係好有驚喜，本身啲蟹肉非常之多，唔會好鹹，同埋啲粉絲炒得好乾身唔會好濕，會想一啖接一啖咁食！我自己就冇嗌到泰式奶茶，但係呢度嘅泰式飲品都非常之多！千層糕非常之正宗，食完之後真係以為自己去咗泰國一轉🤣

今日放工同朋友經過依間餐廳，外觀非常靚，而且有三層，餐廳好大好多人，我地見難得今日唔使排隊，當然要入黎食美食啦😋入面環境比我一種好高級既泰國餐廳感覺，但食物價格不貴，而且食物質素都唔錯，賣相相當吸引❤️，真心要讚D店員服務態度非常有禮👍麵包焗咖喱軟殼蟹———見到好多人推介，賣相吸引，麵包外脆內軟，再沾上咖喱汁真係好好味😍，軟殼蟹同樣炸得好酥脆，重點係食到有蟹肉，再配合埋咖喱汁既味道，真心好食😋酥炸香茅魚配青芒果沙律———依個菜式完全係打卡一流，擺盆非常有驚喜👍👍👍，魚肉炸得十分酥脆，重點係食到啖啖魚肉而且係無魚刺係魚肉入面，所以好放心食👍，青芒果沙律非常好食😋，酸酸甜甜，還有少少辣味，完全可以解滯👍蒜蓉炒貴妃苗———份量多，蒜蓉味香，貴妃苗亦都好嫩，好味😋泰國椰青———超級期待既飲品，亦都係我最近飲過最好飲既椰青水，椰青十分新鮮，椰青水好清甜，椰肉厚，好香既椰子味，超級正😍😋👍整體而言，依間泰國餐廳整體質素唔錯👍😁

灣仔有間3️⃣層樓高嘅泰國菜餐廳，樓底極高，每逢中午食飯，例必3️⃣層爆滿，所以我只會食12點🕛呢啲時間才會去😅。午餐Menu📔佢地總有4️⃣套，每個星期換一次，想食心頭好就要注意下啦(除咗佢地嘅皇牌海南鷄飯，個個Menu都有，即係日日都有得食😂)。午餐全部$75，12:50前埋單有9️⃣折。今個星期嘅Menu有我至愛南瓜咖哩帶子焗飯，正😋。泰式海南鷄飯不愧為招牌菜式，無骨海南鷄🐓，啖啖肉而且非常嫩滑😍，又唔會太油🥰，好味😋。佢地嘅黄薑油飯亦十分出色🍚，夠甘香，唔油膩，淨係食飯都非常滿足😆。最後要讚一讚佢地嘅鷄湯🍵，又大碗，又清甜😋。泰式蝦炒金邊粉金邊粉炒得很乾身👍，榨埋啲青檸汁落去，酸酸甜甜翸鹹鹹辣辣啲味混埋一齊😆，口感昇華到另外一個層次😍。泰式蝦size正常，非常爽口彈牙😋。南瓜咖哩帶子焗飯咖哩只有香不太辣，我相信唔食得辣嘅人都食得到😊，可能係啲南瓜蓉中和咖哩嘅辣味🥰，呢個組合非常之夾，好食到唔停得口😋。帶子有3️⃣粒，係有帶子裙邊嗰款，可惜就細粒咗啲同埋味道一般😶。總括而言，新泰有3️⃣高：3層高、樓底高、質素高，「泰」好味了。

近排都喺灣仔返工,每日同同事食晏都鍾意食泰國嘢,因為喺公司附近間泰國餐廳好好味,而且價錢都好合理,所以經常都會幫襯。新泰東南亞餐廳,餐廳面積非常大有三層,而且座位非常之舒適,空間感亦都好足夠。泰式生蝦,蝦size都算大,又夠厚身肉質爽甜彈牙,配上生蒜蓉片,辣椒,泰式辣醬,味道鮮甜有少少辣辣地,食完特別開胃。泰式炸春卷,擺碟擺得非常靚,春捲炸到好酥脆,入口熱辣辣香口。馬拉盞炒通菜,通菜鮮嫩翠綠,馬拉盞味道帶少少辣,加上其他配料味道香濃惹味,夠晒爽口仲有好香濃嘅油香味泰式柚子蝦沙律,柚子沙律味道酸酸甜甜,一粒粒嘅柚子食落去好有口感,材料都幾豐富,有兩隻大蝦,幾片鮮魷,扁豆,洋蔥,腰果,呢個泰式柚子沙律味道層次好豐富，口感仲非常特別，值得推介。馬沙文牛腩,配印度烤餅。呢個組合真係絕配,咖哩汁味道香帶少少辣,最欣賞泰式咖哩有陣椰香味,印度烤餅熱辣辣又鬆脆,沾上咖哩汁一齊食口感同味道都係一流。明爐烏頭,同事話好想試下所以就點咗,烏頭size好大,加少少湯汁煮一陣,魚肉好嫩滑,味道好鮮甜,加上其他香料令到魚肉味道好有層次午餐仲有一杯凍飲可以跟埋歺，今日揀咗杯凍啡咖啡，味香濃奶味又夠，凍冰冰非常舒服

餐廳位於大王東街，如果係灣仔站B2出口，步行大約3分鐘就到，餐廳樓高三層，好易搵到，今次係星期四大約夜晚7:30左右入座，餐廳入面都有好多客人👍一望入去就見到餐廳環境充滿左泰國風情，周圍都有好多裝飾，令人即刻想去泰國旅行✈️😍服務員態度好好，十分友善👍👍今次我同朋友order左👇麵包焗咖哩軟殼蟹（$208）軟殼蟹炸得十分香脆，咖哩帶少少甜味，麵包外脆內軟，配合咖哩食簡直一流⭐️酥炸香茅魚配青芒果沙律（$168）上菜的時候好驚喜😍係用原條魚炸起後，上面放一塊塊炸魚肉🐟 魚肉炸得好鬆脆，啖啖肉，另外會配埋一個酸甜汁，令人十分開胃！旁邊嘅青木瓜沙律都好好食，酸酸辣辣，可以解油膩👍蒜蓉炒貴妃苗（$75）份量好足，貴妃苗炒得好嫩，配上蒜蓉好香好好食😍泰國椰青（$45）椰青水清甜，重有一隻匙羹可以自己挖d椰子肉出嚟食，真材實料！整體黎講，呢間泰國餐廳好正宗，環境舒服寬敞，食物飲品賣相又靚又好食，用黎打卡一流📷

位於大王東街嘅新泰有3層，地方非常闊落。餐牌有好多嘢都好吸引，但我哋兩個人只可以叫幾款嘢食。先嚟一個冬陰功湯，唔會好辣所以我可以飲到。叫咗一碗細嘅，都夠每人飲兩碗。泰國菜唔少得燒魚，有烏頭同鱸魚可以選擇。我揀咗爐魚，啲魚肉比較滑。魚肚放有九層塔，點埋個酸辣汁又香又好味。咖喱軟殼蟹麵包，軟殼蟹沾咗咖喱汁都保持到脆口。周圍仲有新鮮焗起的麵包，點咖喱汁食真係超正。本來諗住叫甜品食，但實在太豐富了，已經好飽。下次要叫多幾個朋友嚟食多啲唔同嘅嘢。

新泰，位於灣仔大王東街，一間有三層而且樓底極高的泰國菜餐廳，餐廳裝修佈置確實有泰國感覺，樓底極高座位寬敞舒適，食物價錢亦相當合理。二人晚餐推鹽燒鱸魚，餐廳用傳統手法處理，魚肚內加入大量香料配合鹽燒，表皮脆口，魚肉超級嫩滑，魚骨亦不算多，可以說是老幼咸宜。麵包焗咖喱軟殼蟹，正宗泰國口味，咖喱帶甜味道，麵包比想像中更出色，外脆內軟，配合咖喱進食確實一流。餐廳傳統冬蔭功湯及飛天通菜，都是回憶中的泰國口味。飲品推介芒果沙冰，甜度剛剛好，芒果味道極濃。

餐廳環境有好多裝飾，幾特別我哋被安排坐咗係2樓，其實地下已經full full地，不過好彩我哋都算係早，開始食嘢嘅時候餐廳連二樓都已經坐滿晒人，真係好受歡迎🙀本身今日係打算食泰國嘢，但係見到隻燒雞，我又覺得好似好吸引咁，於是就叫咗黎食食燒雞最驚就乾爭爭，呢度有半隻雞，每一件都仲係keep住好Juice，肉好滑。豆苗好嫩，頂部嗰啲炸蒜令到成個香氣大增，佢係再溝咗啲蒜蓉一齊炒，同樣地都唔會炒到乾爭爭，而且亦都唔會油冧冧依個炸魚係有提供生菜包，佢個炸魚除咗有起咗肉嘅炸魚粒之外，仲有好多其他配料例如花生、辣椒、炸蒜等等，一齊包落個生菜到口感會好豐富。魚肉一啲都唔腥，炸完之後好酥脆，而且魚肉都入味其實店舖都仲有好多其他特色飲品&沙冰，但始終夏天都幾鍾情於檸檬茶🙈🙈，下次同另一伴黎就可以偷飲佢個d🤫🤫

無意中起啲行巷穿插嘅時候發覺原來依度有一間新泰，索性就不如食埋個晚飯先走人啦🙈🙈呢一間入邊嘅裝修都幾舒服，而且好有泰國風情，出邊望落就已經知道佢有另外一層，餐廳安排上咗2樓食，感覺就更加舒適，因為少啲人出出入入呢個燒魚做得好出色，我哋本身糾結緊究竟食咩嘅時候餐廳推介我哋食呢一個魚而且佢話如果係食嘅話最好早啲落單，話師傅係即刻幫啲魚起肉先至拎去炸成條魚好大條，就算起咗肉之後都有好多肉粒喺度，我食落就唔多覺得有骨👍🏼集美貌與實力於一身，打完卡之後仲可以填肚蟹肉粉絲都好出色，通常呢啲菜泰國粉絲，佢哋個味道都會偏重，但呢一間我覺得做得好唔錯，佢嘅粉絲就算你真係食兩三碗都好，都唔會覺得鹹。而且蟹肉嘅份量真係肉眼可見嘅多嘢飲方便我真係好推薦椰子沙冰，唔單只係滿滿嘅沙冰，而且佢嘅味道仲好天然，又香飲落又有椰子味，勁fresh趁入秋前食真係好正

去到港島同朋友行街搵到呢間係灣仔站附近既新泰行過去好快 方便又就腳就決定同朋友即刻去試下一坐低 天氣咁熱 餐廳好好 有凍水揀超級抵讚第一個到既係香噴噴既燒豬頸肉 燒得啱啱好 好juciy 再點埋個酸辣汁 成件事好match 好開胃然後到我最鍾意既芒果糯米飯我將佢甜品當正餐食黑白兩色 好好食 有黑糯米 好好咬口飲品揀左椰青意想唔到入面有咁多椰青水仲好多肉 超抵食！食泰國野點可以無冬蔭公呢個大冬蔭公湯好出色夠酸夠香 辣得黎又唔會好嗆口仲要啖啖都係料 仲有4隻開邊蝦 入哂味最後仲有大既小食拼盤入面有蝦餅 魚餅 春卷 生菜包豬肉超足料 啖啖肉 春卷皮薄又脆 十分足料！豬肉碎超香 包極都仲有 好滿足！呢餐食到好飽 連加一一共都係600幾蚊 好抵呀

一入餐廳已經覺得環境好靚 樓底好高好舒服❤️生蝦⭐️⭐️略嫌唔夠新鮮 但你點埋醬汁就好食的生菜包（豬肉）⭐️⭐️⭐️⭐️肉碎夠辣 味道好好 嫌佢得5塊生菜 唔開心冬陰功湯（大）⭐️⭐️⭐️⭐️⭐️3個女仔食 每人可以飲2碗夠味足料 甜酸適中 唔辣的菇菇好食😋泰式燒春雞釀香茅黃飯⭐️⭐️⭐️⭐️雞味不濃 但雞燒得岩岩好黃飯味道適中好食！椰皇冰⭐️⭐️⭐️味道夠甜不假甜

南洋風味冰花沙拉我喜歡吃冰花，口感爽脆，生吃或調理成沙拉、飲品均美味。冰花搭配蘋果、鳳梨，以及各樣堅果、葡萄乾及乾蔓越莓，淋上魚露酸甜辣醬，口感美味到一整盤沙拉由我一個人吃完！冰花，別名為水晶冰菜、冰菜，富含水分、礦物質、肌醇，有利人體健康。因葉子有數顆滴水珠狀，宛若冰霜的「水囊泡」而得名，原產於非洲，台灣則從日本引進。南洋風味冰花沙拉採用 #熱帶玫瑰椰糖 調味

全幢都係間餐廳你見過未？我真係見過，呢間位於灣仔專門食泰國菜嘅餐廳。到底係乜嘢驅使佢有信心做咁大地方呢？我哋就即管我要搵吓呢個原因！泰式去骨海南雞（半隻）滑滑滑！泰國菜點都要試海南雞，就好似來香港一定要食雞蛋仔一樣。最重要係每一啖雞肉都係非常嫩滑，配上海南雞醬，開胃，美味，又飽肚，值得推介。冬陰功海鮮炒飯一放上枱就聞到一陣香辣嘅氣味，令人食指大動。海鮮配料充足，辣味適中，Oyster分量十足，非常抵食！馬拉盞通菜新鮮通菜本身都已經好好食，配埋馬拉盞嘅鹹香鮮味，將好似喺泰國先食到嘅嘢放咗入口，大大碟，食完之後非常飽。由此可見，新泰對自己餸菜出品有非常大嘅信心，所以先全幢都係做自己餐廳嘅。尚有好多特色泰國菜，留待下次再去品嚐。

喺灣仔行完街，朋友話想食泰國菜，即刻拎個電話出嚟打開openrice，就搵到呢間係大王東街既 新泰東南亞餐廳。行上樓梯，已經感受到一種好有泰國氣息嘅風味，連啲擺設都好有feel，好似去咗泰國咁。餐廳仲要好細心，有凍水熱水亂水比大家選擇，天氣咁熱，如果好似某啲餐廳剩係得熱水提供，真係會中暑！第一味燒豬頸肉，燒到啱啱好，唔會太乾身，有肉有汁，再配上特調醬汁，香口又開胃。第二味 冬蔭公湯，超級足料，兩隻大蝦，夠酸夠香夠辣，開胃又飽肚！食完蝦，店員仲好主動咁樣幫手換咗隻碟，超抵讚！飲品嗌椰青同埋芒果沙冰，椰青夠晒多汁多水，之後仲有甜甜嘅果肉食，芒果沙冰好重芒果味，唔知出邊某啲剩係得糖水味！大拼盤，食泰國嘅一定要有蝦餅魚餅春卷，呢度一個大拼盤滿足你三個願望，全部都係皮薄餡多，中間仲有個豬肉碎包生菜，勁好食！芒果糯米飯又點少得，同樣高質，糯米粒粒分明芒果又甜又香！買單都係每人三百幾蚊，超抵！