新泰東南亞餐廳 (興旺閣)

營業中

休息中

呢間泰國嘢已經食過好多次，灣仔同尖沙咀都有好方便。今次嚟到灣仔呢間分店，好近地鐵站，更加係樓高三層，入面嘅座位好闊落舒適，唔會好迫，入面嘅裝修仲好有泰國東南亞風情，未去到泰國就當自己去咗曼谷一轉喇🤭餐牌同我之前嚟都冇乜點變，都係傳統泰國嘢，價錢唔貴，又好食，性價比高。麵包焗咖喱軟殼蟹 $208好鍾意食泰國嘅咖喱，因為唔會好辣，又唔會好似日本嗰種咁甜，配上蛋同洋蔥，好香呀🤤麵包焗完外脆內軟，鬆軟嘅麵包點上咖喱汁令人一啖接一啖，不知不覺間吸入好多澱粉質🤣軟殼蟹都冇慳料，切好哂一件一口size食落好方便！咖喱汁同麵包真係絕配，不過想食晒成個包都有啲難度🤣個包都幾大！值得一讚係佢挖空咗個大包，入面啲包就係擺咗喺出面比我點咖喱汁，冇浪費到個包！芒果糯米飯 $68食泰國嘢點少得芒果糯米飯，喺泰國見到街邊一盒盒咁買，有時都唔敢食，喺香港餐廳食就好似會乾淨啲🤣雖然而家係冬天，但啲芒果都超級甜，好淋好多汁。最驚喜係佢嘅糯米飯係雙色，即係普通糯米同埋紫米！紫米煙靭有咬口，加埋普通糯米飯一齊食好有口感。椰汁好香，唔會係罐頭死甜嗰種，作為飯後甜品一流！正呀，大滿足嘅一餐🤰🏼

估唔到呢間係灣仔既泰國菜餐廳都幾高質，睇落仲好抵食，而且環境好舒服乾淨得黎又好闊落，一大班人黎食都冇問題呀。叫左蒜蓉炒貴妃苗，幾特別嘅菜式，唔會好鹹，個口感有啲似芽菜，新鮮炒起非常好食。叫咗個紅咖喱鴨肉，鴨嘅份量好多同埋好大舊，同埋咖喱味道都夠，非常好味， 咖喱一定要配包，於是叫咗個印度酥餅，估唔到又係勁多份量，四個人都夠食。另外叫咗個青咖喱羊架，咁嘅價錢俾咗三大舊羊架，十分之抵食，估唔到青咖喱配羊又幾夾。最後叫左條魚烏頭，店員介紹食青檸蒸烏頭，有別於明路蒸烏頭，佢嘅青檸味會燶啲同埋會開胃啲，烏頭又唔會話好聲，新鮮好味。飲品方面叫咗泰式咖啡唔會好似平時飲開嗰啲死甜，因為佢有特別調製過，所以都幾特別。

嗰陣時食到一半….發現有蛋白質 （曱甴 ）＂。即刻唔想食 地下又有一隻 個兜嘢有兩隻嗰陣時食黃咖喱 仲配埋包…兩個字唔掂….以後都唔會再想食 有關黃咖喱青咖喱乜咖喱嘅嘢⋯⋯

My family and I have been to this restaurant multiple times before, but today's experience was a letdown. Not sure if there was a change in managers or chefs. We ordered our usual dishes that included, but was not limited to - the pomelo salad, tom yum, and pork neck. All of these dishes only tasted average in comparison to previous tastings. At the end of the meal when we asked for a takeaway box, we were informed that each box would cost a whopping $3. The box wasn't extremely large and nor di

食泰國菜唔一定要去九龍城，朋友介紹灣仔新泰東南亞餐廳，餐廳地方夠大，足足有三層樓，裝潢充滿泰式格調，座位寬敞，食物以泰、越、星馬菜為主，由泰藉廚師主理。南瓜焗咖喱海鮮，海鮮包括青口、大蝦、魷魚、魚柳等，精選多種香料製成的黃咖哩不辣,但仍有濃濃的咖哩香,全部海鮮均沾滿香濃的咖喱，非常惹味，印度薄餅鬆軟似麵包但又脆脆的，沾咖哩實在太配了！泰式濕炒海鮮河：河粉之上是濃濃的獻汁，而且鋪滿豐富的海鮮和配料，海鮮新鮮爽口，並且用上泰國寬身河粉，嘅滑溜又有口感。

同事約咗我放工去食飯傾偈。因為同事喜歡食泰國菜，book咗去灣仔大王東街新泰東南亞餐廳，餐廳共有三層高，店內裝潢以木製傢俬為主， 具有泰國風情，座位寬敞舒適。泰式燒春雞釀香茅黃飯：原隻春雞釀入香茅黃薑飯，焗至金黃色，春雞外脆內嫩, 脆卜卜的雞皮肉質非常滑溜多汁, 雞肉醃得惹味咸香，雞嘅肉汁完全融入黃薑飯當中，飯粒粒分明沾滿醬汁香，味道濃郁。沙律菜爽口，味道酸甜，非常開胃。串燒沙嗲豬肉：串燒跟沙嗲永遠是絕配，燒得外焦內嫩，油香豐溢，配上味道濃郁的沙嗲醬，味道甜甜的帶點花生的香味。令人回味無窮，一串一串吃不停。

只要有一段時間無食泰國野🇹🇭就一定會想食😂呢個係不變既定律，而今日就趁住假期既早上去食個泰式早午餐啦🥣。🐒紅咖喱鴨💰$88🐒印度酥餅💰$32咖喱同酥餅係無可能分開🍛而鴨呢個選項係咖喱入面都少見，所以就嗌左個一試🦢食落件件都啖啖肉，都完全唔肥🫓酥餅趁熱食好酥脆，紅咖喱唔辣，點薄餅食絕配。🐒青咖喱羊架💰$108一碟有3件，仲有唔少配菜🥦而羊架好軟熟，又厚肉🐏食落好滿足，仲要呢個配搭都好少地方有得食。🐒青檸蒸烏頭💰$168呢個係店員推介，果然無介紹錯，明爐蒸就食得多，但青檸蒸就真係第一次🍋食落好開胃，而食得辣既朋友就唔可以錯過。🐒蒜蓉炒貴妃苗💰$75份量都好多，用嚟做開胃菜好適合🈴️🐒泰式凍咖啡💰$38

今日約咗朋友去灣仔行街，行完街好肚餓又唔想食中菜，朋友提議去食泰國菜，這間泰國菜朋友帶我來，入到店舖裝修很有泰國風格，店員很有禮貌，細看餐牌有很多選擇，越望越肚餓每一樣我都很想食。點了一個椰青冬陰功湯，這個湯出面好少見因為加咗椰青嘅冬陰功，湯底多了一份椰香嘅清甜味，配料勁多，海鮮有蝦，不同嘅菇類，飲一口冬陰功湯，酸辣味道剛剛好，飲完很開胃。這個馬拉盞炒芥蘭，芥蘭新鮮食入口卜卜脆，很爽口，加上馬拉盞來炒非常好味。這個紅咖喱海鮮加薄餅，紅咖喱真係好出色，辣得來又有椰奶香，薄餅外脆內軟，而且熱辣辣，點少少咖喱來食，非常美味。點了一份串燒，串燒調味幾正！就算唔點汁都好惹味，肉質嫩滑，我點了一個越式蟹肉炒粉絲，表面放滿蟹肉，吃一口味道剛剛好，有很多材料，有芫荽，芹菜，粉絲口感軟硬適中，食入口爽口彈牙，而且粉絲吸收了醬汁的味道，和蟹肉一齊食10分夾，材料相當豐富。這個椰青沙冰好好飲，椰青好大個而且好多水，表面啲沙冰好濃的椰奶味，飲一口椰汁清甜而且好香，入口透心涼，飲椰青仲可以食埋啲椰肉，椰肉好軟熟一刮就刮到出嚟，椰青每日運到十分新鮮。

灣仔有一間都幾大型嘅泰國菜餐廳，就係呢間佔地三層嘅新泰東南亞餐廳。我哋二話不說就落單，泰式炸蝦餅每次都係必點菜式，切開咗嘅蝦餅總共有八件，每件都漲卜卜夠厚身。蝦餅炸得香口又夠乾身，彈牙得嚟又有蝦味，點埋泰式甜辣醬簡直就係絕配。馬拉盞炒通菜都幾大碟，通菜新鮮夠爽口，馬拉盞充滿鹹香，又唔會過辣。我仲叫咗杯芒果沙冰，襯返泰國菜式，一路食一路覺得透心涼。甜品當然要叫芒果糯米飯。佢嘅芒果淨係睇色澤都知靚嘢，又腍又甜又香。糯米飯就用上黑白糯米，配埋海量嘅椰漿，真係冇得頂。

灣仔三層樓高嘅泰國餐廳！拼盤 $218絕對抵食推介，啱晒選擇困難嘅你，可以試均不同小食又可以一同分享，每樣都新鮮香脆，份量性價比高！串燒(6串）$88豬牛雞串燒肉質口感不錯，加埋醬汁更惹味！香芒軟殼蟹米紙卷 $88整體層次口感都非常豐富，香芒同軟殼蟹好夾，味道配搭一流，加上米紙卷咬口真不錯！泰式生蝦 $98超級新鮮嘅生蝦，冰鎮上菜保持住鮮味，加上泰式酸辣醬入口超讚！咖哩蝦 $188 / 印度酥餅 $32 / 蒜蓉包 $32咖哩都係必食之一，甜中帶微微辣，撈勻埋酥餅同蒜蓉包簡直昇華一個絕妙配搭！參峇炒通菜 $75炒通菜夠晒香濃入味，足料之餘再搭上小辣，入口更有風味！越式燒春雞釀香茅黃飯 $188不得不承認燒春雞真心好味道，切開雞肉好鮮嫩入味，每一口都肉汁豐富，再配上黃羌飯整體好完美！綠豆沙冰 $38泰國椰青 $45龍眼𣲙 $38泰式甜品小拼盤 $88加一服務費新泰東南亞餐廳 (興旺閣) (灣仔)灣仔大王東街21-23號興旺閣地下至2樓

之前都幫襯過幾次，覺得質素味道都幾穩定😋🍢串燒沙嗲 $88叫咗🐥雞🐮牛🐷豬各兩串，可以mix款式👍🏼沙嗲醬好香，重🥜花生味，一定要點😽🥘泰式青咖喱（🐥雞 ）$88 配 印度薄餅 $32咖喱同印度薄餅係絕配👍🏼 青咖喱叫咗店員🤏🏼小辣，所以唔算話好🌶辣。入邊除咗🐥雞肉之外都會有啲蔬菜（🎃南瓜、豆、🍆茄子等），感覺健康啲🍀✨🍜喇沙蝦米線 $78喇沙🥥椰汁味好重，係我鐘意嘅口味😍 入面仲有豆卜、🦐蝦、🥚蛋、🐟魚片，份量十足🌟 配埋滑嘟嘟嘅米線～好夾！十分推介🌟🌟✨🥭芒果糯米飯 $68芒果都算淋滑冇渣亦都甜。糯米有⚫️黑⚪️白糯米兩款，⚪️白糯米比較軟糯，而⚫️黑糯米則比較有咬口，各有特色🌟 上面亦加上大量🥥椰漿❤️❤️❤️環境：4.2/5餐廳都幾大，我地被安排咗係二樓，牆上都有好多泰式嘅裝飾🇹🇭服務：4/5天氣轉涼，服務員都自動安排暖水👍🏼另外叫咗甜品會問你使唔使另上❤️食物：4/5🌟推介喇沙蝦米線和芒果糯米飯Revisit: yes

今日同朋友去咗灣仔,每次我哋過嚟灣仔,多數都會幫襯呢間泰國餐廳,因為啲嘢好好食,職員招呼又好,最緊要係坐得好舒服。新泰東南亞餐廳,餐廳地方好大有三層,所以喺度食飯,坐得特別舒適。紅咖哩 88元配印度酥餅,咖哩味道好香帶少少辣味,食到咖哩有香茅,香蔥,洋蔥味,味道香辣口感又柔和,配埋啱啱焗起嘅印度酥餅真係一絕,酥餅又香又脆,沾小小咖哩汁一齊食,口感非常特別。椰青冬陰功 158元, 冬陰功湯底加咗椰青,香辣得嚟又帶點清甜平衡返個辣味,冬陰功嘅材料都好豐富,有蝦,椰青肉,蘑菇仔,菜,洋蔥,整體味道酸酸甜甜又香又辣飲完真係特別開胃。第一次飲都咁好味嘅冬陰功湯。泰國街邊豬肉串 68元,豬肉串燒到好香,入口熱辣辣,燒香咗嘅豬肉仲保留到原有嘅肉汁,加上香料嘅調味,又香口又好食，剛剛燒起重要有焦香味咸魚炒芥蘭 75元,芥蘭好新鮮好嫩,入口清甜爽脆,爆香咗嘅鹹魚同蒜粒味道好香完全同芥蘭味道融為一體,味道好有層次。越式蟹肉炒粉絲 98元,呢個簡直係必食嘅推介,一上枱已經聞到好香嘅味道,粉絲炒到好乾身,完全吸收曬蟹肉嘅鮮味,口感同味道都做得好出色,真係好好食。椰青沙冰 58元,沙冰真係又清涼又解渴,最配合

今日嚟到sun Thai 食泰國菜，餐廳總共有三層，第二層環境最靚，你嘅可以揀喺戶外嘅圓枱食嘢，最適合一大班朋友同埋家庭聚會。我哋總共試左10道菜，大部份都有驚喜。羊肉串燒啲汁都好入味，啲肉夠彈牙，不過羊肉味略嫌唔夠多。泰式柚子蝦沙律味道好清新，有少少柚子加落Salad度，甘甘甜甜甘。鐵板蠔仔炒蛋好特別，唔同我平時食開泰國菜嗰啲蠔仔炒蛋，仲有銀芽加埋落去一齊炒，絕對值得一試。豬頸肉沙律少少辣，配埋生菜幾好味，食到停唔到口。最值得推介同埋最驚喜嘅係蕉葉烤鱸魚。因為喺屋企真係整唔到，佢用左一個好出色嘅香料一齊烤鱸魚，味道真係好特別好香濃，平時食開清蒸，呢一個烤魚真係好特別。而且價錢都唔貴，$128咋。最後埋單7個人先 一千蚊，真係超值，可以再食多幾次呀。

今日落咗灣仔處理少少文件，整完野開始有啲肚餓，同朋友喺OpenRice望吓附近有咩好食，無意中發覺一間泰國嘅餐廳，無論價錢，性價比同食物都好吸引，即刻過去試吓即刻過去試吓。新泰東南亞餐廳，地址係灣仔大王東街21號興旺閣地下至2樓，餐廳面積非常闊落空間感好足夠坐得真係好舒適。另外值得一讚嘅就係店員服務態度非常之好，每一樣細節都照顧周到。泰式炸春卷。春卷擺碟非常美觀，外邊炸到金黃色，非常香脆，入邊嘅材料都幾豐富，食到肉碎，蘿蔔絲，粉絲，加上愚魯嘅調味外脆內軟。飛天通菜。通菜吸收左嘅調味，味道少少香辣，通菜本身都好鮮嫩，最欣賞就係配搭埋洋蔥，令到個味道層次好豐富。泰式生蝦，每次食泰國嘢都係必食之選，蝦肉味道好鮮甜，肉質爽口彈牙，加蒜蓉同辣椒吊起個鮮味。配埋旁邊嘅泰式酸辣醬，味道酸酸甜甜，又香又開胃。明爐燒烏頭。烏頭size好大望落去已經好吸引。用泰式湯汁煲一陣令到個鮮味更加突出。烏頭肉質比較結實，食落去魚味比較香。另外香料配搭得啱啱好食落去味道好有層次。馬沙文牛腩配烤餅，呢個牛腩真係有驚喜，咖喱汁偏向甜帶少少棷香，用嚟送飯真係一流，牛腩炆到好軟腍一啲都唔鞋口而且牛肉味好香，另外烤餅熱辣辣Ji

本人在10月31日, 當時職員叫我地上1/f, 1/f 計埋我地都係得3張格有客，我地12點10分落了海南雞飯凍檸茶，海鮮湯粉加熱奶茶， 海南雞飯12點20分到都算正常，但飲品同碗海粉12點35先到，但遲過我地黎既食客，無論叫焗飯，炒粉都到，我地d飲唔同湯粉12點35分先黎，同佢地個泰國女職員叫cindy講叫佢睇吓有冇流單，佢check都唔check, 就教訓我地，話d野係廚房出，廚房出咩佢就派咩，有先後次序，咁即係話遲黎先上岸啦，e間單服務態度超差，食物都不覺好食