新泰東南亞餐廳 (興旺閣)

營業中

休息中

之前都幫襯過幾次，覺得質素味道都幾穩定😋🍢串燒沙嗲 $88叫咗🐥雞🐮牛🐷豬各兩串，可以mix款式👍🏼沙嗲醬好香，重🥜花生味，一定要點😽🥘泰式青咖喱（🐥雞 ）$88 配 印度薄餅 $32咖喱同印度薄餅係絕配👍🏼 青咖喱叫咗店員🤏🏼小辣，所以唔算話好🌶辣。入邊除咗🐥雞肉之外都會有啲蔬菜（🎃南瓜、豆、🍆茄子等），感覺健康啲🍀✨🍜喇沙蝦米線 $78喇沙🥥椰汁味好重，係我鐘意嘅口味😍 入面仲有豆卜、🦐蝦、🥚蛋、🐟魚片，份量十足🌟 配埋滑嘟嘟嘅米線～好夾！十分推介🌟🌟✨🥭芒果糯米飯 $68芒果都算淋滑冇渣亦都甜。糯米有⚫️黑⚪️白糯米兩款，⚪️白糯米比較軟糯，而⚫️黑糯米則比較有咬口，各有特色🌟 上面亦加上大量🥥椰漿❤️❤️❤️環境：4.2/5餐廳都幾大，我地被安排咗係二樓，牆上都有好多泰式嘅裝飾🇹🇭服務：4/5天氣轉涼，服務員都自動安排暖水👍🏼另外叫咗甜品會問你使唔使另上❤️食物：4/5🌟推介喇沙蝦米線和芒果糯米飯Revisit: yes

今日同朋友去咗灣仔,每次我哋過嚟灣仔,多數都會幫襯呢間泰國餐廳,因為啲嘢好好食,職員招呼又好,最緊要係坐得好舒服。新泰東南亞餐廳,餐廳地方好大有三層,所以喺度食飯,坐得特別舒適。紅咖哩 88元配印度酥餅,咖哩味道好香帶少少辣味,食到咖哩有香茅,香蔥,洋蔥味,味道香辣口感又柔和,配埋啱啱焗起嘅印度酥餅真係一絕,酥餅又香又脆,沾小小咖哩汁一齊食,口感非常特別。椰青冬陰功 158元, 冬陰功湯底加咗椰青,香辣得嚟又帶點清甜平衡返個辣味,冬陰功嘅材料都好豐富,有蝦,椰青肉,蘑菇仔,菜,洋蔥,整體味道酸酸甜甜又香又辣飲完真係特別開胃。第一次飲都咁好味嘅冬陰功湯。泰國街邊豬肉串 68元,豬肉串燒到好香,入口熱辣辣,燒香咗嘅豬肉仲保留到原有嘅肉汁,加上香料嘅調味,又香口又好食，剛剛燒起重要有焦香味咸魚炒芥蘭 75元,芥蘭好新鮮好嫩,入口清甜爽脆,爆香咗嘅鹹魚同蒜粒味道好香完全同芥蘭味道融為一體,味道好有層次。越式蟹肉炒粉絲 98元,呢個簡直係必食嘅推介,一上枱已經聞到好香嘅味道,粉絲炒到好乾身,完全吸收曬蟹肉嘅鮮味,口感同味道都做得好出色,真係好好食。椰青沙冰 58元,沙冰真係又清涼又解渴,最配合

今日嚟到sun Thai 食泰國菜，餐廳總共有三層，第二層環境最靚，你嘅可以揀喺戶外嘅圓枱食嘢，最適合一大班朋友同埋家庭聚會。我哋總共試左10道菜，大部份都有驚喜。羊肉串燒啲汁都好入味，啲肉夠彈牙，不過羊肉味略嫌唔夠多。泰式柚子蝦沙律味道好清新，有少少柚子加落Salad度，甘甘甜甜甘。鐵板蠔仔炒蛋好特別，唔同我平時食開泰國菜嗰啲蠔仔炒蛋，仲有銀芽加埋落去一齊炒，絕對值得一試。豬頸肉沙律少少辣，配埋生菜幾好味，食到停唔到口。最值得推介同埋最驚喜嘅係蕉葉烤鱸魚。因為喺屋企真係整唔到，佢用左一個好出色嘅香料一齊烤鱸魚，味道真係好特別好香濃，平時食開清蒸，呢一個烤魚真係好特別。而且價錢都唔貴，$128咋。最後埋單7個人先 一千蚊，真係超值，可以再食多幾次呀。

今日落咗灣仔處理少少文件，整完野開始有啲肚餓，同朋友喺OpenRice望吓附近有咩好食，無意中發覺一間泰國嘅餐廳，無論價錢，性價比同食物都好吸引，即刻過去試吓即刻過去試吓。新泰東南亞餐廳，地址係灣仔大王東街21號興旺閣地下至2樓，餐廳面積非常闊落空間感好足夠坐得真係好舒適。另外值得一讚嘅就係店員服務態度非常之好，每一樣細節都照顧周到。泰式炸春卷。春卷擺碟非常美觀，外邊炸到金黃色，非常香脆，入邊嘅材料都幾豐富，食到肉碎，蘿蔔絲，粉絲，加上愚魯嘅調味外脆內軟。飛天通菜。通菜吸收左嘅調味，味道少少香辣，通菜本身都好鮮嫩，最欣賞就係配搭埋洋蔥，令到個味道層次好豐富。泰式生蝦，每次食泰國嘢都係必食之選，蝦肉味道好鮮甜，肉質爽口彈牙，加蒜蓉同辣椒吊起個鮮味。配埋旁邊嘅泰式酸辣醬，味道酸酸甜甜，又香又開胃。明爐燒烏頭。烏頭size好大望落去已經好吸引。用泰式湯汁煲一陣令到個鮮味更加突出。烏頭肉質比較結實，食落去魚味比較香。另外香料配搭得啱啱好食落去味道好有層次。馬沙文牛腩配烤餅，呢個牛腩真係有驚喜，咖喱汁偏向甜帶少少棷香，用嚟送飯真係一流，牛腩炆到好軟腍一啲都唔鞋口而且牛肉味好香，另外烤餅熱辣辣Ji

本人在10月31日, 當時職員叫我地上1/f, 1/f 計埋我地都係得3張格有客，我地12點10分落了海南雞飯凍檸茶，海鮮湯粉加熱奶茶， 海南雞飯12點20分到都算正常，但飲品同碗海粉12點35先到，但遲過我地黎既食客，無論叫焗飯，炒粉都到，我地d飲唔同湯粉12點35分先黎，同佢地個泰國女職員叫cindy講叫佢睇吓有冇流單，佢check都唔check, 就教訓我地，話d野係廚房出，廚房出咩佢就派咩，有先後次序，咁即係話遲黎先上岸啦，e間單服務態度超差，食物都不覺好食

經過門口見到12:50pm前埋單有9折，午市套餐又幾抵食，$75包一杯熱飲，不過今日唔想食粉麵同飯，所以就單嗌咗啲海鮮🐟 入到去環境唔錯，座位超舒服又闊落🥰 (以下價錢為原價)🦐 泰式柚子蝦沙律 $98呢個前菜好開胃，酸酸地帶少少辣，有好多配料，包括柚子、蝦、魷魚圈、腰果等。蝦同魷魚圈都好彈牙有咬口；柚子份量足，新鮮爽口，加埋啲泰式醬汁好清新。🦑 燒原隻魷魚 $98頭尾比較脆身，中間就彈牙唔會膠，屬於軟Q嗰種。本身已經有調過味，可以再點埋醬汁，少少辣🌶️🥥 椰青 $45椰子水超級清甜爽口，解辣一流，椰子肉好厚肉同埋滑嫩、容易刮唔會老，食完都好飽肚👍🏻男經理態度好好，其他東南亞籍嘅staff都幾nice💯

如果要食泰國餐廳，呢一間一定係首選！同同事嚟食，我哋嗌咗燒扇貝，呢個真係超級好食，啲蒜香味好重，而且本身扇貝都好大粒！燒原隻魷魚本身個醬汁已經調得好好，而且魷魚都笑得幾好，唔會話太乾身。一路傾偈一路食夠晒方便！越式蟹肉炒粉絲，呢一個炒粉絲真係好有驚喜，本身啲蟹肉非常之多，唔會好鹹，同埋啲粉絲炒得好乾身唔會好濕，會想一啖接一啖咁食！我自己就冇嗌到泰式奶茶，但係呢度嘅泰式飲品都非常之多！千層糕非常之正宗，食完之後真係以為自己去咗泰國一轉🤣

今日放工同朋友經過依間餐廳，外觀非常靚，而且有三層，餐廳好大好多人，我地見難得今日唔使排隊，當然要入黎食美食啦😋入面環境比我一種好高級既泰國餐廳感覺，但食物價格不貴，而且食物質素都唔錯，賣相相當吸引❤️，真心要讚D店員服務態度非常有禮👍麵包焗咖喱軟殼蟹———見到好多人推介，賣相吸引，麵包外脆內軟，再沾上咖喱汁真係好好味😍，軟殼蟹同樣炸得好酥脆，重點係食到有蟹肉，再配合埋咖喱汁既味道，真心好食😋酥炸香茅魚配青芒果沙律———依個菜式完全係打卡一流，擺盆非常有驚喜👍👍👍，魚肉炸得十分酥脆，重點係食到啖啖魚肉而且係無魚刺係魚肉入面，所以好放心食👍，青芒果沙律非常好食😋，酸酸甜甜，還有少少辣味，完全可以解滯👍蒜蓉炒貴妃苗———份量多，蒜蓉味香，貴妃苗亦都好嫩，好味😋泰國椰青———超級期待既飲品，亦都係我最近飲過最好飲既椰青水，椰青十分新鮮，椰青水好清甜，椰肉厚，好香既椰子味，超級正😍😋👍整體而言，依間泰國餐廳整體質素唔錯👍😁

灣仔有間3️⃣層樓高嘅泰國菜餐廳，樓底極高，每逢中午食飯，例必3️⃣層爆滿，所以我只會食12點🕛呢啲時間才會去😅。午餐Menu📔佢地總有4️⃣套，每個星期換一次，想食心頭好就要注意下啦(除咗佢地嘅皇牌海南鷄飯，個個Menu都有，即係日日都有得食😂)。午餐全部$75，12:50前埋單有9️⃣折。今個星期嘅Menu有我至愛南瓜咖哩帶子焗飯，正😋。泰式海南鷄飯不愧為招牌菜式，無骨海南鷄🐓，啖啖肉而且非常嫩滑😍，又唔會太油🥰，好味😋。佢地嘅黄薑油飯亦十分出色🍚，夠甘香，唔油膩，淨係食飯都非常滿足😆。最後要讚一讚佢地嘅鷄湯🍵，又大碗，又清甜😋。泰式蝦炒金邊粉金邊粉炒得很乾身👍，榨埋啲青檸汁落去，酸酸甜甜翸鹹鹹辣辣啲味混埋一齊😆，口感昇華到另外一個層次😍。泰式蝦size正常，非常爽口彈牙😋。南瓜咖哩帶子焗飯咖哩只有香不太辣，我相信唔食得辣嘅人都食得到😊，可能係啲南瓜蓉中和咖哩嘅辣味🥰，呢個組合非常之夾，好食到唔停得口😋。帶子有3️⃣粒，係有帶子裙邊嗰款，可惜就細粒咗啲同埋味道一般😶。總括而言，新泰有3️⃣高：3層高、樓底高、質素高，「泰」好味了。

近排都喺灣仔返工,每日同同事食晏都鍾意食泰國嘢,因為喺公司附近間泰國餐廳好好味,而且價錢都好合理,所以經常都會幫襯。新泰東南亞餐廳,餐廳面積非常大有三層,而且座位非常之舒適,空間感亦都好足夠。泰式生蝦,蝦size都算大,又夠厚身肉質爽甜彈牙,配上生蒜蓉片,辣椒,泰式辣醬,味道鮮甜有少少辣辣地,食完特別開胃。泰式炸春卷,擺碟擺得非常靚,春捲炸到好酥脆,入口熱辣辣香口。馬拉盞炒通菜,通菜鮮嫩翠綠,馬拉盞味道帶少少辣,加上其他配料味道香濃惹味,夠晒爽口仲有好香濃嘅油香味泰式柚子蝦沙律,柚子沙律味道酸酸甜甜,一粒粒嘅柚子食落去好有口感,材料都幾豐富,有兩隻大蝦,幾片鮮魷,扁豆,洋蔥,腰果,呢個泰式柚子沙律味道層次好豐富，口感仲非常特別，值得推介。馬沙文牛腩,配印度烤餅。呢個組合真係絕配,咖哩汁味道香帶少少辣,最欣賞泰式咖哩有陣椰香味,印度烤餅熱辣辣又鬆脆,沾上咖哩汁一齊食口感同味道都係一流。明爐烏頭,同事話好想試下所以就點咗,烏頭size好大,加少少湯汁煮一陣,魚肉好嫩滑,味道好鮮甜,加上其他香料令到魚肉味道好有層次午餐仲有一杯凍飲可以跟埋歺，今日揀咗杯凍啡咖啡，味香濃奶味又夠，凍冰冰非常舒服

餐廳位於大王東街，如果係灣仔站B2出口，步行大約3分鐘就到，餐廳樓高三層，好易搵到，今次係星期四大約夜晚7:30左右入座，餐廳入面都有好多客人👍一望入去就見到餐廳環境充滿左泰國風情，周圍都有好多裝飾，令人即刻想去泰國旅行✈️😍服務員態度好好，十分友善👍👍今次我同朋友order左👇麵包焗咖哩軟殼蟹（$208）軟殼蟹炸得十分香脆，咖哩帶少少甜味，麵包外脆內軟，配合咖哩食簡直一流⭐️酥炸香茅魚配青芒果沙律（$168）上菜的時候好驚喜😍係用原條魚炸起後，上面放一塊塊炸魚肉🐟 魚肉炸得好鬆脆，啖啖肉，另外會配埋一個酸甜汁，令人十分開胃！旁邊嘅青木瓜沙律都好好食，酸酸辣辣，可以解油膩👍蒜蓉炒貴妃苗（$75）份量好足，貴妃苗炒得好嫩，配上蒜蓉好香好好食😍泰國椰青（$45）椰青水清甜，重有一隻匙羹可以自己挖d椰子肉出嚟食，真材實料！整體黎講，呢間泰國餐廳好正宗，環境舒服寬敞，食物飲品賣相又靚又好食，用黎打卡一流📷

位於大王東街嘅新泰有3層，地方非常闊落。餐牌有好多嘢都好吸引，但我哋兩個人只可以叫幾款嘢食。先嚟一個冬陰功湯，唔會好辣所以我可以飲到。叫咗一碗細嘅，都夠每人飲兩碗。泰國菜唔少得燒魚，有烏頭同鱸魚可以選擇。我揀咗爐魚，啲魚肉比較滑。魚肚放有九層塔，點埋個酸辣汁又香又好味。咖喱軟殼蟹麵包，軟殼蟹沾咗咖喱汁都保持到脆口。周圍仲有新鮮焗起的麵包，點咖喱汁食真係超正。本來諗住叫甜品食，但實在太豐富了，已經好飽。下次要叫多幾個朋友嚟食多啲唔同嘅嘢。

新泰，位於灣仔大王東街，一間有三層而且樓底極高的泰國菜餐廳，餐廳裝修佈置確實有泰國感覺，樓底極高座位寬敞舒適，食物價錢亦相當合理。二人晚餐推鹽燒鱸魚，餐廳用傳統手法處理，魚肚內加入大量香料配合鹽燒，表皮脆口，魚肉超級嫩滑，魚骨亦不算多，可以說是老幼咸宜。麵包焗咖喱軟殼蟹，正宗泰國口味，咖喱帶甜味道，麵包比想像中更出色，外脆內軟，配合咖喱進食確實一流。餐廳傳統冬蔭功湯及飛天通菜，都是回憶中的泰國口味。飲品推介芒果沙冰，甜度剛剛好，芒果味道極濃。

餐廳環境有好多裝飾，幾特別我哋被安排坐咗係2樓，其實地下已經full full地，不過好彩我哋都算係早，開始食嘢嘅時候餐廳連二樓都已經坐滿晒人，真係好受歡迎🙀本身今日係打算食泰國嘢，但係見到隻燒雞，我又覺得好似好吸引咁，於是就叫咗黎食食燒雞最驚就乾爭爭，呢度有半隻雞，每一件都仲係keep住好Juice，肉好滑。豆苗好嫩，頂部嗰啲炸蒜令到成個香氣大增，佢係再溝咗啲蒜蓉一齊炒，同樣地都唔會炒到乾爭爭，而且亦都唔會油冧冧依個炸魚係有提供生菜包，佢個炸魚除咗有起咗肉嘅炸魚粒之外，仲有好多其他配料例如花生、辣椒、炸蒜等等，一齊包落個生菜到口感會好豐富。魚肉一啲都唔腥，炸完之後好酥脆，而且魚肉都入味其實店舖都仲有好多其他特色飲品&沙冰，但始終夏天都幾鍾情於檸檬茶🙈🙈，下次同另一伴黎就可以偷飲佢個d🤫🤫

無意中起啲行巷穿插嘅時候發覺原來依度有一間新泰，索性就不如食埋個晚飯先走人啦🙈🙈呢一間入邊嘅裝修都幾舒服，而且好有泰國風情，出邊望落就已經知道佢有另外一層，餐廳安排上咗2樓食，感覺就更加舒適，因為少啲人出出入入呢個燒魚做得好出色，我哋本身糾結緊究竟食咩嘅時候餐廳推介我哋食呢一個魚而且佢話如果係食嘅話最好早啲落單，話師傅係即刻幫啲魚起肉先至拎去炸成條魚好大條，就算起咗肉之後都有好多肉粒喺度，我食落就唔多覺得有骨👍🏼集美貌與實力於一身，打完卡之後仲可以填肚蟹肉粉絲都好出色，通常呢啲菜泰國粉絲，佢哋個味道都會偏重，但呢一間我覺得做得好唔錯，佢嘅粉絲就算你真係食兩三碗都好，都唔會覺得鹹。而且蟹肉嘅份量真係肉眼可見嘅多嘢飲方便我真係好推薦椰子沙冰，唔單只係滿滿嘅沙冰，而且佢嘅味道仲好天然，又香飲落又有椰子味，勁fresh趁入秋前食真係好正