新泰東南亞餐廳

營業中

休息中

禮拜日，約左朋友仔試下新泰東南亞餐廳。朋友仔R去到先回憶番早就食過，是間性價比高同值得回味再食。新泰尖沙咀加拿分道呢間比較大啲地鋪鋪面，餐廳道位於地庫，鋪面有部dudu 車，好易認到，等位其間有唔少小朋友玩。入坐時間早，我地都唔需要等，直接入坐，但一定要訂位先，走果時，都十分多人等位。餐廳內部頗大，寬敞舒適。可以慢慢嘆。食物總類多，主打當然係泰國菜，但都有東南亞菜式，東巴牛，喇沙面等等。今晚V仔都係主要試下泰國菜先。總括味道比較甜，香料味重，唔太辣，椰香多。鹽焗鱸魚🐟：鹽烤鱸魚，烤得魚肉剛剛好唔太鞋，係嫩啲。有香茅味，比較原汁原味，食到魚的鮮味。烤得唔錯，配埋酸辣汁就完美地帶出魚肉鮮味。值得一贊。越式蟹肉炒粉絲：唔油無蛋，加入芽菜爽甜，又蟹肉陪碟，算唔錯。鴨肉生菜🥬包肉香加檸檬葉加香茅葉十分配合，不油膩是重點，沒有肥肉粒，但唔鞋口，鴨肉香噴噴。泰式炒椰菜仔：圓滾滾嘅椰菜仔，雖然係簡單蒜茸炒，但又好野味，爽甜。冬蔭功湯：湯是有點甜，配上秀珍姑，加上大蝦，都係濃郁撲鼻。泰式糕點小拼盤：椰青斑㦸係最好味，椰肉加上濃郁嘅椰香，煙韌。千層糕同樣出色，煙韌椰香味。最愛係椰汁西米糕，有少少奶味，香滑

今日出尖咀行街，行到差不多六點就餓，就順便同朋友仔食埋晚餐先返屋企。響K11行出來見度呢間新泰，朋友仔話佢響灣仔返工，平時lunch都有食，話唔錯㗎。咁我又想食東南亞嘢，所以就入去試吓啦。見門口入面有架車比人打咭，好正😂。餐廳坐位要入去再行入地底。甫一下去見餐廳裝修幾有情調，而且座位相當闊落，係一班人聚餐嘅好地方。本以為咁靚嘅裝修，食物一定唔平。點知揭開餐牌，價錢相當大眾化。接下來就要睇味道了。鹽焗鱸魚🐟有烏頭同鱸魚，我哋揀咗食鱸魚，因為鱸魚唔係度度有得食，比較特別。鹽焗嘅時間恰到好處，肉質鮮嫩，唔鞋。香料恰到好處，完全滲入左肉質入邊。鴨肉生菜包🥬通常食泰國菜，生菜包都係豬肉。呢度就有唔同肉類嘅選擇，有鴨肉、豬肉、魚肉、雞肉。我哋就揀咗鴨肉。同我哋諗嘅一樣，鴨肉炒得有濃厚嘅香料味，尤其係香茅。所以當一食落口嘅時候，都分唔到係豬肉，抑或係鴨肉。不過食得幾啖嘅時候，就會發現冇豬肉咁肥膩。所以食多幾舊都唔覺得好濟。越式蟹肉炒粉絲🦀首先要讚嘅係賣相，因為今次見到佢哋用嘅粉絲係有幼嘅粉絲，但係竟然冇炒爛。我鍾意食幼粉絲，因為有幼粉絲嘅口感好好。配料有青椒、椰菜、扎肉、仲有唔少得嘅係蟹肉。加埋佢嘅

今日黎到左尖沙咀呢間東南亞菜，鋪頭座位多得黎又闊落，坐得幾舒服，店員好多都係泰國人，彷彿置身泰國，突然好掛住泰國一打開餐牌，intro寫住呢間餐廳喺香港經營左二十幾年，由泰籍廚師主理。好，今日就黎試試你咩料。除左泰國菜，仲有肉骨茶，越式香茅豬扒等等其他東南亞菜，啱晒貪心嘅老饕。首先就嗌左個椰青沙冰，椰青就飲得多啦，椰青溝沙冰都係第一次試，第一啖飲落去就知道冇揀錯，口感獨特份量又大，我地兩個人都差啲飲唔晒。跟住就係呢個小食拼盤，呢個生菜包好評肉碎香辣惹味，用生菜包住黎食又可以解膩。再黎就係冬陰功，辣度適中，酸酸辣辣好開胃，係泰國嘅味道！跟住就係呢個濕炒海鮮河粉，海鮮用料豐富充足，河粉油而不膩，唔錯唔錯。最後就係呢個蠔餅啦，最近食泰國嘢都好鍾意食呢個菜，新泰嘅出品亦都冇令我地失望，蠔嘅份量適中，同煎蛋完美融合，點埋個辣椒醬簡直一流果然係老字號，每道出品都可圈可點，值得一試

假日六點幾已經好多人，七點就滿座，真係好誇張。呢間野有幾間分店，泰國餐廳黎講都算大大地甘，甘佢食物質素唔錯，價錢中等，所以間中都會同朋友黎食下。坐低兩話不說就叫個椰青沙冰，其他泰國餐飯唔見有呢個嫁，佢個沙冰椰青味好出，而且好大個，呢個價錢飲到價錢比都高。另外最中意叫拼盤，人唔多又想樣樣試吓，拼盤一定係首選啦，拼盤入面包左蝦餅、魚餅、春卷同埋生菜包；生菜包真係好好食，味道好夠有少少偏辣，相當惹味。海鮮冬陰功，呢個超正，枱枱都叫，唔洗講你都知，而且我叫左小份，海鮮份量都好多，呢個份量兩個人食岩岩好。鐵板蠔仔炒蛋，熱辣辣上枱，蠔仔又大大隻，不過我就覺得蛋好似少左啲，但整體黎講都唔錯既其實去到呢度兩個人黎講，已經好飽了，埋單平均都係200左右一個人。又係尖沙咀又可以有唔錯既環境，CP值可以。

去到尖沙咀有好多選擇，但抵食嘅我會揀呢間係正K11商場對面嘅呢間餐廳每次嚟都好多人今日我哋五點左右就食晚飯，可以揀個靚位慢慢坐裏面都幾大幾多位，五點幾都已經有好幾枱入座前菜當然要揀個開胃嘅沙律🥗，我哋揀咗海鮮柚子沙律，酸酸辣辣都幾開胃之後有串燒拼盤，豬、牛、雞各兩串，$88份量都算合理，而且都熱辣辣，又唔會燒到好乾，值得一試青咖喱豬肉就中規中矩，少少辣，配埋香脆嘅印度薄餅好味唯一缺點係啲咖哩唔夠熱最後有泰式燒春雞配黃茅飯一上菜已經好吸引，啲雞肉會唔會好乾，黃茅飯又好香，其實識識吓都幾滯，因為份量好大，我哋三個食都食唔晒，不過點埋雞汁酸酸甜甜會無噤滯，都值得推介本來想食埋甜品但真係食唔落🙈，下次再試其他菜式

有朋友之前已經食過新泰話好好味，今次同朋友gathering一於揀新泰！叫咗好多餸同一班朋友一齊share，叫咗串燒沙爹、燒春雞釀黃薑飯、小食拼盤、菠蘿炒飯、炒河、燒魷魚、燒烏頭、炒通菜、甜品拼盤，真係無一樣唔好味，新鮮滋味，至愛串燒，真係好有泰國夜市食嘅風味咁，點唔點汁都好食！可以encore！燒春雞釀黃薑飯都好有驚喜，侍應姐姐即場幫你劏開，新鮮熱辣，好惹味，略嫌雞胸肉部位乾咗少少🤏🏻 如果juicy返啲就perfect池了！

昨晚要OT O到8點幾先放工 太肚餓就自己一個係尖沙咀食個晚飯 有間泰菜一直想試好耐 係舊K11附近餐廳門面裝修好靚 好有泰國Feel 落到去下層 原來地方好大好寬敞 侍應ge服裝都好有特色tim泰式生蝦 ＄98生蝦好新鮮好鮮甜 配合泰式辣汁辣椒同蒜頭 好好味 5隻蝦一個人食岩岩好 青木瓜沙律 ＄68青木瓜好清新爽甜 醬汁比我想像中辣 岩晒鍾意食辣ge我冬陰功 （細） ＄78個湯酸酸辣辣好好飲 好足料 有蝦，蔬菜，仲有唔同ge菇菌類 飲完都飽 同埋細碗岩岩好一個人ge份量咸檸檬7喜 ＄38食埋咁多辣野 忍唔住叫多杯咸檸7解解辣總括而言 呢間泰國餐廳好高質 食物水準高 侍應好友善 環境舒服 其實我仲有好多菜式未試ga 下次一定會再約過朋友黎試唔同菜式先得

朋友們中意泰國菜，今次專登同朋友慶生食，就因為有點奇怪上菜次序而發生蝦碌慶生😂😂#小胖遊尖沙咀🐠 —————————————————事緣係我哋同餐廳講想喺個芒果糯米飯插上蠟燭俾個驚喜朋友🕯點知當我哋食緊主食嘅時候，侍應就送上芒果糯米飯，仲係朋友面前問係咪要點蠟燭啊？😳朋友本身仲以為係餐廳免費送😂定過神嚟先發現原來係我哋為佢準備嘅”生日蛋糕”🎂由於我哋成日生日驚喜都fail，所以真係笑咗🤭雖然有點搞笑，但食物仲係好正！.🔹鴨肉生菜包🦆 $78因為鴨肉好似比較少見所以嗌😂但肉質上唔係好食得岀同平時普通有咩分別，但好香檸檬葉等香料味，又好有辣勁🌶包埋生菜🥬唔錯！.🔹 麵包焗咖喱軟殼蟹🦀 $208賣相💯 熱辣辣麵包裝住滿滿咖喱同大隻軟殻蟹💛 咖喱算偏甜而唔辣，好香椰汁味🥥🦀炸到脆卜卜，浸係咖喱都係香脆又惹味麵包沾上咖喱🍛真係不得了，一個人起碼食到3嚿😋.🔹冬蔭公(小)🔥 $78咪睇佢細細碗，3個人飲都好夠🥣飲落第一次有如蕃茄般鮮甜，慢慢仲有澎辣勁喺口腔中擴散，好好飲😋而且入面好多料，蝦頭有膏🦐，蝦肉都爽口的.🔹串燒(雞、牛、豬 每樣2串) $88🍖肉類燒得唔錯，唔會太柴/韌，味道夠香唔會太濃味

今日媽咪生日特登帶佢食正宗嘅泰國菜,因為媽咪係泰國人，所以對食泰國菜有要求，自己係尖沙咀返工，知道有間泰國菜又正宗有好味地址就係喺尖沙咀加拿分道25號 新泰東南亞餐廳喺門口職員已經好熱情招呼我哋入去，門口嘅擺設同裝修非常有泰國風味，我最喜歡門口有兩隻大象入到去餐廳空間十分之大，座位與座位之間完全唔會迫夾，所以坐得特別舒服整體嘅環境好好，比到人置身於泰國食飯嘅感覺冬陰功，好正宗嘅冬陰功，有各種香料調味，有兩隻蝦同埋菇，味道調校得好好而且用料都好足 酸酸辣辣飲完特別開胃蒜蓉包烘到金黃色，而且蒜蓉味好香包皮做到好脆，熱辣辣又香又脆真係好好味椒鹽軟殼蟹，食物一到聞到一陣香味，軟殼蟹用椒鹽嘅形式煮特別香口酥脆，而且份量都好多，加上蟹比較新鮮所以啲味道好香，蟹味好突出越式蟹肉炒粉絲呢碟餸我成日都會食，自己鍾意食粉絲，而且佢嘅材料都好多有魚肉，蟹肉，紅蘿蔔，西芹，芽菜，粉絲炒都啱啱好唔會太淋，而且蟹肉好鮮甜，其他配料加埋一齊味道好有層次魚肉生菜包 呢個係重點推介，魚肉好入味,熱辣辣用生菜包住魚肉,味道非常之特別,又清新又爽辣，加埋啲醬汁，食落淡淡的魚肉香味慢慢滲出，呢個直情係滿分💯最後當然要飲返杯野

今日和朋友喺尖沙咀行完街，行到差不多晚飯時段，見到這間餐廳門口已經排劑滿很多人，原來是一間泰國餐館，人多代表餐廳有水準，所以我們決定在這裏食晚餐🥣餐廳地方非常闊落，空間感十足😊而且這裏裝修十分有泰國色彩☺️員工亦很有禮貌，見到我們連忙招呼我們入座😉細看餐牌有很多選擇，每一樣食物我都很想食。一直令我好想食嘅就係這個蟹肉炒粉絲，😋肥美嘅蟹肉，份量好多，食入口蟹肉鮮甜美味，😋不過成個餸亮點在粉絲，😜因為吸收晒蟹嘅精華，超級好味！😙所以最快被我食晒嘅就係粉絲😜蟹肉炒粉絲，乾身又彈牙！啖啖充滿豐富的層次味道絕非單一的口味，🤩真的食唔停口😋 蟹肉炒粉絲，份量充足，😁賣相也靚，吃起來也不會有油膩感，😊非常好味👍另外叫了一碗紅彤彤，🥣酸辣誘人的冬陰功湯，😙輕啜一口，就能激活你的味覺，讓你胃口大開🤩我喜歡喝冬陰功湯，喜歡他酸酸辣辣的味道，而且椰漿的香濃😁各種香料混合在一起，有大蝦，材料非常足夠，越喝越好味😻叫了一個蒜蓉包香濃的蒜味，溶化的牛油，配合酥脆的麵包，食入口卜卜脆， 牛油蒜蓉味超香👍，大人細路都咁啱食炸至金黃色又脆身的軟殼蟹，蟹肉嫩滑不膩😋表面金黃酥脆，一口咬下直接吃進飽滿蟹肉和酥脆軟殼😁搭配特製

適逢朋友生日，book咗呢一間泰國餐廳同佢慶祝🥂餐廳空間好大，好多座位，而且環境佈置好有泰國風味，好啱打卡📸👨👩Staff全部都係泰國人，不過識得聽+講廣東話，而且好有禮貌👍👍🗒餐牌嘅嘢食好多選擇，每一樣都好想食🤣，揀咗好耐，我哋先揀到以下幾款👇🌟燒西冷牛扒$118-本來係諗住叫燒豬頸肉的，睇睇下見到有燒牛扒，朋友話食其他泰國菜館，都冇見過有燒牛扒，所以就試吓。上枱熱辣辣好好食，好細心已經切到一片片，而且是7成熟，一啲都唔un😋🌟香草肉碎炒飯$75- 炒粉麵飯又係我哋另一個選擇好耐嘅項目，本來想食傳統炒金邊粉，不過朋友話未試過肉碎炒飯，所以就叫咗，而且佢本來係辣的，店員聽到朋友話唔係好食得辣，就話可以小辣或者走辣，十分細心🥰。炒飯粒粒分明，少少鹹鹹地，好好味🤤🌟飛天通菜$75-同我哋叫嘅炒飯一樣，可以小辣或者走辣，而我見到另一款係馬拉盞炒通菜，我就問職員飛天通菜咩叫飛天？原來即係泰式通菜😆😆，味道冇乜特別，都係鹹鹹地，好食👍每一碟份量都好多，我哋兩個人都食唔晒，全部都有淨，有啲浪費🙈🙈朋友話會再嚟，因為仲有好多其他嘢食想試😌😌

今年生日，約左2位好朋友一齊慶祝生日🎂🎊🎉朋友揀左呢度食飯，平時有食開灣仔嗰間嘅lunch ，但就未食過Dinner….😅Book 左7pm , 準時到但都係要等多半個鐘，入座後計90mins , 坐低我地都唔浪費時間，叫左啲嘢食先🤣3個女仔，叫左個香芒軟殻蟹米紙卷，個米紙皮好煙勒，軟殻蟹好脆口，幾好食，而且一份有8份，份量都多，唯一係我無乜感覺有食到芒果🤣🤣 青咖喱雞+薄餅🫓，個咖喱好香，唔太辣但啲雞就有少少辣嘅，但啲汁點啲餅食勁好食。👍🏻👍🏻👍🏻 仲有個炒菜苖，呢個真係超級甜，勁好食，真係食完想再叫多碟咁👍🏻👍🏻 最後仲叫左個泰式蝦金邊粉，呢個反而有啲乾，我覺得麻麻地🤣🤣🤣3個女仔，4碟餸，其實都飽到反肚㗎啦🤣🤣

餐廳門口有好多打卡位影相，等朋友嗰陣唔使怕悶，餐廳就係地庫，好大好闊，枱與枱之間都好多空位。 冬蔭公 $78(小) 去食泰國嘢真係唔少得冬陰功，料頭都好足，海鮮有兩隻開邊蝦，好多草菇，不過酸度同辣略嫌不足。 串燒沙嗲(豬、牛、雞) $88(6串)串燒就各有千秋，三款都燒到個皮好脆，個沙嗲汁好多花生碎，算偏甜。不過就略嫌沙嗲汁少咗啲。 越南烤庶蝦 $78蝦肉好實好彈牙，甘蔗味略淡。唔會烤到好乾，而且最尾條甘蔗好多汁！ 泰式燒春雞釀香茅黃飯 $188唔好以為隻雞細細隻，真係內有乾坤，無論係個飯定隻雞，都好入味，隻雞又唔嚡，個飯又唔會乾。 椰青沙冰 $58呢個就原個椰青上，堆到好高，同埋每一啖沙冰都食到啲椰子肉，而且飲到後面，唔會得返水，真係極度推薦。

上次朋友生日就去了灣仔新泰東南亞餐廳，好好食呀！今日尖沙咀做完野，見到新泰都有分店，就點了幾款我最想食的，埋單300元左都好飽，仲要食唔晒打包走，都算抵食，唔怪得走時全場爆滿，仲有唔少人等位。巴東牛展$88面層鋪上香茅絲、咖哩、馬拉盞等，入口就感受到炆煮的牛腱，腍滑又鬆化，吸盡濃濃的香料的精華，不算辣，但好惹味，伴飯一流，可惜是夜晚唔敢食太多飯，所以食左兩件就打包回家，聽日晏晝餐飯有著落。🍃泰式炸春卷$68入口脆卜卜，內裡的饀料有紅蘿蔔絲、菜絲、菇絲及馬蹄粒，口感清新，充滿泰國特色，吃時加點酸甜充滿檸檬香的醬汁同吃，更是滋味。🐥泰式青咖哩雞配蒜茸包$88就有豬、牛及雞可揀，我揀左雞，份量都幾足，雞肉好嫩滑，都是雞肶肉，配料就有南瓜、豆角、紅椒、香葉，咖哩汁調教得剛剛好，少辣但好咖哩香，帶少甜。蒜茸包$32食青咖喱雞，必配的蒜茸包，咖喱汁淋在蒜茸包上，咖喱很香又夠厚身，與香脆的蒜茸包簡直是絕配，食到要吮手指，一客四件好想再Encore，但肚皮唔爭氣，一於下次再食。☕凍咖啡$33本來想飲杯泰式咖啡或奶茶，好彩問一問，真是調教時已加甜，還是飲杯還魂凍咖啡就算，咖啡都幾濃，走甜都唔苦，以咖啡作

次次行過，次次都一大堆人係門口等位，唔食唔知道，原來餐廳十分之大！係勁大，超多位，座位都寬敞，一大班人聚餐最啱！餐牌好多嘢食，不能盡影。大部分店員都係泰國人，夠哂地道 冬蔭公 $78(小) 兩個人嗌細碗已經好夠！望落去比較稀少少，酸辣度可以更強，但湯料十足，呢個價位好抵食。 串燒沙嗲(豬、牛、雞) $88(6串)各款2串，平均$15/串唔洗，以呢個大舖位同地段，性價比高。沙嗲醬偏甜，啱我口味，肉類都燒得唔錯，個人口味覺得可以再醃得濃味d。 越南烤庶蝦 $78好耐無食過！炸粉均勻，蝦肉勁彈牙，必點！ 泰式燒春雞釀香茅黃飯 $188呢個唔好睇少佢份量，係十分飽肚，成隻雞都釀入香茅黃飯，飯十分之入味，唔知有無加入雞油，好香，至於泰式燒春雞夠哂火喉，皮燒至微脆，但肉質就唔夠嫩。 椰青沙冰 $58必點！超大杯不特止，真係啖啖有果肉！