新泰東南亞餐廳

營業中

休息中

黎緊14日又無得堂食, 把握最後機會同朋友出黎食飯, 人山人海, 好采BOOK左位, 所以可以即時入座~見到好多枱都有叫椰青沙冰, 所以我又試下!! 估唔到真係超好飲, 佢係用左椰肉一齊打爛, 所以好甜好香仲有口感!串燒($88/6串)好香好熱, 平時以為豬肉串燒一定好乾好鞋, 但呢到既豬肉都燒得好JUICY, 牛肉都好淋, 好好食!海南雞($128/半隻)斬得好靚, 雞胸都好滑, 配埋隔黎個辣汁好開胃好好食, 值得一試!乾炒河($78)份量超多!!呢個價錢真係好抵食! 牛肉好大片, 好滑又夠林, 河粉唔會好油, 但夠味, 好食!

嗰日同屋企人去行街，行度3、4點，覺得肚餓，就去左新泰食，之前聽人地講落都唔錯，成日喺度經過見到佢門口都唔少人。一入度去，有個著灰色衫濃妝女侍應望左我地一眼，完全冇理我地。接著，有另外一個女侍應帶我地坐低。坐低後，同佢哋拎紙巾，呢個時候，個灰色衫濃妝女侍應問我，要紙巾做乜嘢，我回答佢包口罩。然後，呢個灰色衫濃妝女侍應好大聲對著個場講，哇，你地咁嘥嘢㗎，用紙巾包口罩，真係好嘥嘢，浪費我地餐巾⋯ 起碼講左4次嘥。 我當日心情比較好，沒有同佢計較。而家諗起，都真係嬲嬲豬我真係第一次遇到一個咁差服務態度的侍應因為行得攰，唔想換餐廳喇，是但，將就下。咁就落單，又係呢個灰色衫濃妝女侍應黑口黑面行黎，叫印度酥餅話賣曬，叫蒜蓉包又話賣曬，明明我聽度其他侍應話有蒜蓉包賣🙄️ 結果我見度其他臺上左蒜蓉包。我問其他侍應，佢話唔好意思我地一直都有蒜蓉包，而家幫你再落翻單白眼，哇我真係🙄️嘢食等左起碼25分鐘先慢慢上台，首先，個泰式鳳爪完全冇味道，炒河粉好鹹，蒜蓉包係凍既仲有冰櫃味⋯ 唯獨係個青咖哩算OK我不禁感嘆，點解一間如此差服務，價格算貴，野食又非常一般的餐廳，咁多人去食⋯ 認真咩⋯ 就因為在K11對面呢個地

平日午餐時間入座，坐低叫左2個餐（一碟炒金邊粉，但成碟野見到得果3隻蝦仔已經O 左嘴，同另一個肉骨茶餐），所有野來到都只係微溫，完全唔熱（包括肉骨茶同熱奶茶都只係微溫，只係暖果隻），見味道都算ok, 咁都算。點知一食完就叫我埋住張單先，天真既我以為埋完單再慢慢飲埋杯野，因為我成杯野都仲未飲過。 點知比完錢已經轉頭催我快d 飲埋杯野交檯，佢真係好意思架wo, 我仲諗乜我地食左好耐咩？點知睇返張單，由落單計到埋單都冇40分鐘，計埋上菜我只係食左半粒鐘！ 見我成杯野都未飲夠膽死催我交檯，真係火都黎，服務衰過食茶記，離譜！ 一定冇下次！

呢間泰國餐廳環境典雅，地方寬敞，坐得舒服，好啱幾個朋友/屋企人嚟食🌟我已經係第三次食🤣今次叫咗泰式燒春雞釀香茅黃飯🐥雞肉尚算嫩滑有肉汁，熱辣辣，切開入邊釀咗滿滿嘅香茅薑黃飯，飯口感偏軟身～不過整體來講偏油，食到有啲膩🙂另外沙嗲串燒要咗豬、牛、雞向兩串，三款肉質都係偏硬同乾，但係配嘅花生沙嗲醬就好惹味🤓最後呢個椰青沙冰都幾推薦～好少地方有，飲落天然清新，椰青味超濃！🥥其實呢間餐廳大部份嘢食都唔錯，另外推介嘅有日式南瓜焗海鮮飯，同埋燒牛肉✨

12月19，星期日，免費乘搭港鐵巴士，街上周圍都人頭湧湧，巴士站大排長龍。我都趁住呢個機會，出外飲飲食食。到左晚餐時間，朋友就推薦左我地食呢間餐廳，叫我地早啲去排隊，因為真係比較多人食。尤其係今日係星期日，人流更加多。晚餐時間我地等左差不多半小時，才入座。門前放著三輪電單車，很有泰國風情，令人聯想在泰國旅行，乘坐其飛馳感覺。入到店內，人流都幾多，晚餐時間坐滿曬人。座位十分闊落，二人台面積大，台與台之間亦都相隔較遠，同朋友聊天無咁尷尬。泰式明爐魚鍾意食魚朋友一定唔可以錯過，一條用明火奉上嘅魚，唔怕天氣凍令到魚肉變腥。有魚肉有湯，味道酸甜，特別開胃。魚很大條，十分之抵食。明爐魚最重要係個湯底，配料一定唔可以少，看圖已經見到配料舖滿整條魚，顯示製作一啲唔馬虎。熱騰騰湯汁和魚混合，一定要趁熱食！青咖喱雞+印度薄餅青咖喱加入椰奶煮成，特別香，而且唔會太辣，容易入口。薄餅有7-8塊，足夠同幾個朋友share，用來點青咖喱汁就啱曬，薄餅本身好香脆可口，混和一齊食，會有另一番滋味。越式蝦米紙卷米紙卷熱量低，算係健康之選，點上魚露，味道更豐富。蒜蓉炒貴妃苗 菜苗很翠綠，柔嫩新鮮，配合蒜蓉香味，很爽甜。總

再次來到新泰，第一次係灣仔食其烤雞釀香茅黃飯和甜品令人念念不忘！成日都同朋友講要再去食多次，今次就揀左位置比較方便的尖沙咀店，唔知味道會唔會有分別呢。泰式生蝦 $98蝦肉彈牙爽口，辣汁夠晒惹味，食得好過癮。泰式炸蝦餅 $88份量好大，因為得兩個人食，所以絕對足夠有餘。唔會油膩，蝦餅彈牙唔會好重面粉感。串燒沙嗲(6串) $88沙嗲香濃帶少少甜味，串燒份量都唔錯。牛豬雞各兩串，可以一次過試晒3款。泰式燒春雞釀香茅黃飯 $188最最最期待既泰式燒春雞釀香茅黃飯，香茅黃飯係釀係雞入面，所以吸晒雞既味道，飯絕對係精華。春雞一定係比想像中大隻，表皮烤到金黃色，雞肉嫩滑，一啖雞一啖飯好正。千層糕 $55之前第1次食既千層糕係熱的，第一次食熱的千層糕真係好有驚喜好好食，而且味道更突出。但今次呢間係凍的，雖然唔知原因，不過凍食都唔錯。整體味道都無太大分別，依然有水準，最重要係環境非常舒適，好坐又企理。

除左九龍城之外，其實尖沙嘴都有不少美味泰菜，今日同朋友仔試左呢間就覺得幾好味，菜式又好特別，要推薦下！泰式燒春雞釀香茅黃飯🍗呢個菜好特別，第二度食唔到！燒春雞外皮有少少脆身，裡面包裹住滿滿薑黃飯，雞肉唔會好材好老，點少少特製醬料食十分夾！薑黃飯粒粒分明，食落軟糯香口！不錯！鹽焗爐魚🐟呢個真心不錯，看似乾枯既魚皮下面覆蓋住鮮嫩既魚肉，肉質新鮮嫩滑，又不至於太鹹！like！小食拼盤🧆各種泰式小食匯聚一堂，蝦餅同魚餅都好彈牙，春卷外皮十分香脆，配製既2種醬汁（菠蘿汁同酸辣汁）都同呢啲小食好夾。中間係生菜包，生菜包餡料辣辣地好惹味，生菜好新鮮。一個小食拼盤滿足曬幾個願望！木薯🍠呢個甜品都係好少餐廳會有得食，其實食落似蕃薯，上面灑上香濃的椰汁，甜甜地好滋潤。椰青🥥椰青好新鮮，清新口感可以消除送菜中既油膩，食泰菜必點！呢間餐廳人山人海，超級多人食，而且交通便利，正正k11對面，價錢合理之餘食物都幾出色，大家去開尖嘴都可以去試下啊～

今日又同朋友去搵好野食，朋友一直都有介紹呢間泰菜，話呢間好得，今日終於有機會試！ 我熱叫左鹽焗爐鱸魚，小食拼盤，泰式燒春雞釀香茅薑黃飯，木薯，椰青。 首先椰青正常，好飲，又清甜又解渴 小食拼盤個人認為幾抵食，有蝦餅，魚餅，春卷同生菜包。我地都係睇中有生菜包又有蝦餅魚餅先叫。感覺幾出色，生菜包夠酸辣惹味，肉又唔會太肥，好食。魚餅蝦餅夠彈牙味道亦好。春卷都夠脆身，點埋個汁都一流。之後就食朋友介紹的鹽焗鱸魚，朋友話必點。由於本人本身都唔係好食魚，所以就試少少。點知都好食，魚唔會腥又唔會有泥味，而且都幾juice. 鱸魚唔算多骨，怕骨的朋友都唔洗太驚，最後同朋友仔一人一半清左條魚🤣🤣之後就到泰式燒春雞釀香茅薑黃飯，伴碟有啲沙律，呢度菜其他地方比較少見。侍應亦好貼心咁，上碟後幫我地將隻雞切開，見到啲薑黃飯即時食指大動！雞肉老實講唔算好嫩，但配埋個汁都幾開胃，而薑黃飯又香又好食。 最後，木薯甜品本身都好期待，因為第二度好少有得食，今次見番都好想食番。但呢個木薯就太甜，而且木薯有少少渣。但整體加上椰汁的味道好好，軟硬都適中，不過真係少甜就一流。

📍尖沙咀抵食泰國菜‼️· 必食南瓜焗飯🎃-- 新泰東南亞餐廳🇹🇭·=======================有冇人同小編一樣，間唔中就會想食下啲重口味嘅嘢？🤣前排小編就同屋企人嚟咗呢間位於尖沙咀嘅泰國餐廳trytry~😋------------------------------⭐️日本南瓜焗海鮮飯 $118 (4.5/5)呢個必食‼️😍😍飯係用咗原個南瓜盅裝住，份量勁多，一定要share食呀！🤣咖哩汁超濃郁，好惹味，啖啖飯都好滿足😛仲可以畢埋啲南瓜肉嚟食，真係超正😍------------------------------⭐️泰式燒春雞配香茅黃飯 $188 (4.2/5)原隻燒春雞外皮香脆，內裡塞滿香茅黃飯，加埋秘製醬汁酸酸甜甜令人食唔停～惟燒春雞肉偏柴口，有少少扣分🙈------------------------------⭐️沙嗲串燒六串（雞肉、牛肉、豬肉） $88 (4.3/5)食泰國嘢又點小得沙嗲串燒呢！三款嘅肉質都唔錯，點埋花生醬一齊食加分唔少😙------------------------------⭐️越南蝦米紙卷 $88 (2/5)呢個唔推薦可以skip!!!❌好乾身而

K11 Art Mall對面呢間泰國餐廳，已經開左好多年，門面tuk tuk車非常之吸睛，次次經過都勾起我去泰國旅行嘅回憶，今次終於揾到個夜晚去試下。餐廳位於地庫，面積好大，入去已經分左幾個區，大部分都係4人位，位置好寬闊。如果多人的話，仲可以訂房添，好適合大夥人聚會。店員大部分都係泰國人，真係有去左泰國嘅感覺呀!餐牌選擇都好多，從小食、沙律、串燒到海鮮、蔬菜、甜品都好齊全，令我花左10幾分鐘睇😆。最終都係靠餐廳大拇指推介同openrice熱門菜式黎揀🤣。冬陰功（細 $78）係用左大頭蝦熬製，味道特別濃郁，細細一碗入面好多料，有一隻蝦開邊成兩份。蝦肉新鮮彈牙，推介。泰式炒椰菜仔（$95）椰菜仔份量好多，上桌係熱到出煙嘅，好有鑊氣，而且聞到好香嘅蒜蓉味。椰菜仔炒得綠油油，食落口感非常爽脆。椒鹽軟殼蟹（$78）大量避風塘炸蒜粒，加上蔥花、洋蔥片、青椒同紅椒粒，咬落沙沙聲，真係好惹味。珍多冰（$38）椰香味十足，珍多爽滑清甜，食辣野同炸野嘅時候飲啱曬😋。

今次二訪呢間泰式餐廳😽 上一次係另一間分店。 餐廳好有東南亞嘅味道，吊燈同櫈都用左竹藤編織而成，燈光微暗，散發古樸氣息～～加上店員著晒花花衫🤣 好似處身於當地咁(≧▽≦) 泰式燒春雞釀香茅黃飯💰188雞肉超級嫩滑😻😻😻 👍🏻 燒完都可以鎖住肉汁♪( ´θ｀)ノ 一切開隻雞即刻聞到陣陣黃薑味，仲有醬汁轉換下口味，同朋友2個好快就食晒隻雞🤣🤣🤣本身覺得隔離嘅沙律淨係為左裝飾，但原來都好好食😹 酸酸甜甜，更加少刺激食慾阿！！～小拼盤💰108分別有蝦餅同魚餅兩款，蝦餅炸到外層脆脆，入面蝦肉彈牙。而魚餅微微辣，魚肉混入香料再煎香(´▽｀)點埋泰式辣醬！（完美）泰式生蝦💰98食泰國野其中必嗌開胃菜😽每隻生蝦上面都有一粒蒜頭同辣椒，再點埋特製醬汁，好醒胃阿～～～☺️生蝦夠凍同鮮甜（加分🤩）而且醬汁分開，可以自行調整辣度啦！🌶️泰式青咖哩💰88可以選擇雞、牛、豬 📌我地就揀左豬肉，豬肉煮得好淋好入味😽由於青咖哩加入青檸同唔同嘅香料去煮，所以食落好清新。可能落左椰奶所以無咁辣，反而帶出甜香😋印度薄餅💰32特登嗌黎點青咖喱食😽 完美配搭！三色冰💰38芒果沙冰💰38

數埋數埋今次已經係第3次食新泰東南亞，果然仲keep到水準。裝飾好有泰國feel，金黃色嘅配設，門口亦放左啲擺設俾人打卡影相。泰式生蝦好肥美，食得出係新鮮的。泰式青咖喱辣辣地好過癮，豬肉唔會好韌，薄餅點咖喱係絕配☺️特別值得一提係燒春雞釀香茅黃飯，雞肉比想像中嫩，本身以為會好鞋颯颯，有驚喜！黃飯好入味，好香香茅味同薑味，會食唔停口。小拼盤有蝦餅同魚餅各2件，都算大舊，大大啖好有口感。整體食物同環境都唔錯，可以一大班朋友黎聚會，坐得舒服，侍應好多都係泰籍，感覺好似去左小旅行咁😹｜泰式生蝦 $98｜小拼盤 $108｜泰式青咖哩配豬肉 $88｜印度薄餅 $32｜泰式燒春雞釀香茅黃飯 $188｜芒果沙冰/三色冰 $38

由於疫情，太耐沒有旅行，所以就去呢間泰國餐廳 食飯當補數。呢間餐廳嘅店員大部分都係泰國員工 ， 衣著打扮都有泰國特色， 餐廳裝修都富有泰國風味，好像 置身於泰國當地一樣， 好似去咗長旅行咁 ，非常之滿足。珍多冰同青檸梳打， 都係傳統泰國特色飲品。珍多冰有好多耶絲， 又有芒果 ，好有泰國嘅特色嘅飲品。我最鍾意呢味椒鹽軟殼蟹, 外脆內軟 ,炸得非常鬆脆可口。蒜蓉炒通菜 ，好有泰國特色， 好香嘅蒜蓉味， 再加少少辣味， 好好食。燒鱸魚， 鱸魚用荷葉包起 ，燒得香脆可口，好有淡淡嘅香葉香味。 魚肉新鮮美味。炒金邊粉， 有好多嘅海鮮喺上面，用料新鮮 ，材料豐富 ，完全有泰國嘅特色風味 ，食完好似去咗泰國一轉，非常滿足開心。生菜包， 呢個肉碎生菜包，都好有泰國特色， 辣 得嚟好惹味。

所以今日就把握機會同老婆一齊殺出去食好嘢，搵咗好耐終於揀咗一間好近地鐵站嘅餐廳,，約咗老婆出去尖沙咀食飯，老婆一早book咗間餐廳，如果唔係肯定要喺門口罰企，因為真係好多人排隊入去，原來門口都有兩張長凳可以坐，入到去第一個感覺生意真係唔錯全場爆滿，燈光裝修餐具亦唔錯，周圍嘅泰國籍侍應亦好有禮貌，坐得好舒服，見到個Menu真係花多眼亂實在太多選擇由於上次已經食咗刺身蝦丶芒果糯米飯同埋燒豬頸肉，所以今日要試新野首先嗌左個椒鹽軟殼蟹，真係幾好味，香草辣椒炒肉碎 ，愛嚟送飯就一流燒西冷牛扒 ，好有泰國地道風味，與別不同 呢個真係要特別推介，仲有兩種泰式嘅醬汁真係要試吓，由於我同老婆都成日食甜品，所以試一試下新野椰汁木薯 ，算唔錯。總結今次嘅CP值係75分，下次再同大家匯報下由於之前打8號風球，嚟緊又有個風球打緊嚟，所以今日就把握機會同老婆一齊殺出去食好嘢，搵咗好耐終於揀咗一間好近地鐵站嘅餐廳，約咗老婆出去尖沙咀食飯，好在老婆一早book咗間餐廳，如果唔係肯定要喺門口罰企因為真係好多人排隊入去，原來門口都有兩張長凳可以坐，入到去第一個感覺生意真係唔錯，全場爆滿，燈光裝修餐具亦唔錯，周圍嘅泰國籍侍

朋友生日 前一晚就打電話book咗 去到門口都幾好多排緊 ～我地一行四人都好肚餓 所以點咗下面幾樣嘢 好肚餓呀！🤙🏻椰汁冰 🥥因為見食評有人點呢個 個樣幾靚仔 好吸引😍！今日唔啤既我就點呢個啦！😆 嘩！一嚟見到滿滿嘅椰汁沙冰山 啜啖先！嘩 好冷😖😂加埋啲椰肉一齊攪 口感豐富 好滿足 正喎 推介！（好少飲到椰汁沙冰咁好味 朋友想叫多杯 被我制止 因為好大個 可以share飲既）生蝦叫咗兩碟😆 一碟六隻仔正常 肉質唔算10分肥美 但OK嘅 炸蝦餅 正常串燒 汁好味 但朋友覺得啲汁太甜D肉都係個d啦😂😂 香芒軟殼蟹米紙卷👍🏼好食 但容易黏埋一齊朋友覺得普通 但我鐘意食 軟糯既皮加埋入面脆脆同軟殼蟹一齊食😋 汁是帶甜的生菜包👍🏼餡料偏濕 但辣度岩我😁 自己都識整 好多時出面個d偏乾但香料唔夠 豬肉又唔好食 對比呢個 咁呢個算幾好食 ！起碼食到香茅味😂 但覺得生菜略少金邊粉普通 冇咩味咁 仲食剩一大半拎走咗😂青咖喱牛牛梳打粉發得太厲害 呢個最麻麻 不建議點🥲冬陰功呢個覺得有啲鹹 朋友話入面嘅雞件幾好食 但係我最驚泰式菜裏面啲雞 因為覺得好雪藏味 所以我始終都係冇食到😂蜜糖燒肋骨「真係骨 」😂😂😂