新泰東南亞餐廳

營業中

休息中

下午茶時間行過尖沙咀見到你呢間門門大大既泰國菜就同朋友仔去試番餐先，餐廳係要落下層，落到去好大，位置都好多，裝修都幾靚呀。。。叫左個泰國喇沙海鮮米線。。睇MENU勁靚勁豐富,睇相勁想食，點知一上枱就知唔係好對路，湯底顏色都淺色曬😅都唔好講啲料🤣食落真係唔好味。完。都唔想再講啲咩…朋友仔叫左海南雞飯。鹹…..連相都唔想影😑😑

紅咖哩鴨🥘紅咖哩入面加咗菠蘿、蕃茄，所以食落會帶少少酸甜，其他蔬果嘅份量亦多，辣度算係溫和，唔會話食到出汗，頗為開胃🍍鴨件係類似燒鴨，鴨肉即使係鴨胸部分亦唔覺得嚡，有6、7件左右，不論係配菜定係鴨肉，整體比人嘅感覺係幾足料👍馬拉肉骨茶🍲可以揀大/小份，雖然依份係小份，不過肉嘅份量比想像中多，足足有6條排骨，足夠2個人share食，肉骨茶嘅藥材味唔算好濃，平時唔鍾意太重藥材味嘅人都應該接受到🍖鐵板蠔仔炒蛋🍳蠔仔炒蛋望落金黃蓬鬆，表面口感鬆脆，蠔仔分佈整塊蠔餅，以泰式蠔餅嚟講我覺得唔算十分油膩，底下墊咗芽菜仔🥢依間餐廳嘅位置好方便，一出港鐵站就到，今次平日夜晚7點幾都見到有人等位，可以試下早少少嚟，而且要留意有用餐時限~

喺K11商場行出嚟就見到呢間泰國餐廳門口企左好多人，啱啱又有d肚餓，天氣熱熱地食泰國菜就最啱。 打開menu，睇相已經見到好多嘢食勁吸引，小食、海鮮、燒烤、咖哩、湯、湯粉、炒粉…更吸引係尖沙咀區嚟講價錢非常親民，到上菜時更見到大大碟，份量足，絕無將貨就價。 🥬肉碎生菜包(豬肉)$72好好味! 入口先嚟檸檬嘅清香同酸味，仲夾雜住少少香茅嘅香氣，然後慢慢有洋蔥嘅甜味，仲有香葉嘅香甜，最後係辣椒與香料嘅辛辣，即使用新鮮嘅生菜包住嚟食，都唔會因此而蓋過味道豐富嘅肉碎。 🌶青咖哩羊架 $108上菜時先嚟嘅驚喜係一碟竟然有3件羊架 (平時一般所見通常只得兩件)而且羊架完全唔係果d肥羔多過肉嘅羊架，啖啖肉又夠腍，配上微辣帶香嘅青咖哩一齊食，很惹味。 🥙印度薄餅 $32有6件大大件嘅薄餅。有別於油酥餅，同樣係金黃香脆，但少了油酥餅嘅油膩感，沾咖哩食又唔會太黏汁，小小汁附在薄餅，味道啱啱好。 🍹菠蘿沙冰 $38食左咁多濃味嘅食物，一杯清香嘅菠蘿沙冰，簡直係絕配，入口唔會太甜，淡淡的菠蘿香味沙冰在口腔內慢慢融化，透心涼，亦中和了食物嘅辣味。 本來仲想食埋甜品，見到有芒果雪糕糯米飯😍，有芒果、有雪糕、仲有糯

一開始驚無位就打電話去book位，staff話2個人唔需要book直接walk in 食90分鐘咁好彩我同男朋友都係早收工，6點去到唔需要等，跟住食咗60分鐘左右，啲staff就開始不停催我地埋單話有好多人等位催到我地都嬲嬲地，你地自己唔比人book位又話食90分鐘，但係一個鐘就係咁催人走係想點，想好好地食餐飯比你地搞到心都煩埋嗌咗個大嘅冬蔭功湯，入面得幾粒菇同兩舊半分嘅蝦，食落仲要唔新鮮我同男朋友都覺得食完好口渴好唔舒服忍唔住要上嚟打個食評值得讚嘅：泰式奶茶，餐廳環境需要改善嘅：book位制度，職員態度，食物質素

❥$𝟮𝟬𝟴 麵包焗咖哩軟殻蟹🦀 麵包點埋咖哩食，好惹味‼️▫️❥$𝟭𝟬𝟴 泰式蝦炒金邊粉🍝 炒得乾爽，香噴噴不錯👌🏻▫️❥$𝟭𝟭𝟴 泰式菠蘿炒飯🍍賣相吸引，肉鬆另上夠細心‼️▫️❥$𝟴𝟴 巴東牛展🐮 牛展煮得好淋好惹味👏🏻👏🏻▫️❥$𝟲𝟴 芒果糯米飯🥭 食泰國菜必點甜品‼️🥰▫️❥$𝟱𝟴 椰青沙冰🍹 透心涼，清清甜甜❤️

突如其來的泰國之旅個日又熱又餓 行行下見到2:30有折就膽粗粗行入去了～入面環境有震驚到我，好大好靚，有泰國風味，尤其啲座位好舒服，有泰feel今次叫咗每次食泰國菜都必叫嘅冬陰功湯（細）魚（唔記得名）生菜包（豬肉）1.冬陰功湯$80一碗真係有啲細 不過味道可以 係正宗個隻味 但辣度完全唔夠 酸度差小小 但仲係好飲嘅 坊間太多好難飲溝太多水或者奶嘅冬陰功 正宗味道已經值得一飲2.魚！$160幾？大大條 食得好滋味 啲魚肉好滑 點汁惹味 唔點一樣好食 唔講咁多 必食推介！3.生菜包好難食呀 生菜好新鮮嘅 但啲肉碎搞唔掂 完全冇味 越食越難受 但我不浪費食物唯點埋魚汁食埋佢 有種比$買難受嘅感覺 肉碎冇辣又冇酸味 仲點叫泰國生菜包 好失望但200幾蚊食得飽2個人 幾抵：）

這間的泰國菜幾好食，中午有套餐食，我們叫了通菜及炒河粉，炒通菜新鮮，河粉味道也不錯，食物熱辣辣，即叫即整，可能人客不算多，也很快上菜，幾有效率，環境也坐得舒服。

今日同朋友去咗尖沙咀近K11泰國🇹🇭菜 ，環境幾好好，冇壓迫咁～空間夠大一去到果到，裝修充滿特色而且好闊落。好適合一大班人去食。疫情之後放寬返一定會選擇黎多次椒鹽軟殼蟹好食😋 味道超香，咬落好香脆，最重要係好多炸蒜，勁香，又唔會過咸，送飯一流泰式生菜包唔會好辣，好開胃，份量都好足夠～而最令我驚喜就係生菜非常新鮮，解油膩感一流～👍🏻配埋d肉碎，清新帶辣另外炒金邊粉都係非常開胃，配料夠新鮮～。而且有用蛋皮包住，賣相靚左之餘，食落有微微蛋香一流飲品價錢合理，款式都好多，食泰菜必然要配返泰飲員工服務態度都非常之好，有些員工應該係泰國人，廣東話都好流利總括而言都非常值得試嘅泰國餐廳，而且位置方便～近地鐵站

上次同朋友嚟到呢一間泰國菜，從佢嘅外表嘅裝潢已經吸引咗，真係好友泰國feel，唔知佢入邊啲嘢食好唔好食呢，所以打算一試☺️☺️☺️咁就叫左個冬陰功湯，酸酸甜甜，有啲啲辣，味蕾就五味交集，好正😛咁串燒就叫咗兩串試吓，咁佢表面除咗一啲甜甜地嘅汁之外，仲另外配搭左一個辣辣地酸酸地嘅汁俾我哋，呢一種嘅配搭又係甜酸辣都有齊，都好好味咁生菜包肉，五味俱全、香甜可口、誘人美味、食慾大開😆😆😆除咗呢啲之外仲叫咗好多嘢，實在太多所以冇嘢啦列出嚟，整體都好好食，自己睇圖啦🤣🤣🤣

上次同朋友喺灣仔食過新泰之後念念不忘，今次同朋友喺K11行街知道附近有分店，即刻決定要嚟食好西！泰式生蝦：蝦肉爽口彈牙，醬汁酸辣惹味😋泰式炸蝦餅：蝦餅彈牙有鮮味，炸到熱辣辣又唔會油膩，配埋泰式辣醬令人食到唔停口😍串燒沙爹：牛肉、豬肉同雞肉可以自由配搭，沙嗲汁夠香濃，我自己就最鍾意牛肉串 👍🏻泰式燒春雞釀香茅黃飯：上次令我哋一試難忘嘅菜式，春雞皮脆肉嫩而黃飯吸收哂雞肉嘅精華，果然無令我哋失望😍千層糕：上次喺灣仔分店食嘅係熱辣辣嘅而今次只係微暖， 雖然溫度唔同但係味道一樣都係好好食😊芒果沙冰：好濃嘅芒果味，沙冰打到好細緻唔會食到碎冰塊🥭尖沙咀同灣仔嘅食物一樣咁好食而且環境大坐得都幾舒服👍🏻

新泰東南亞餐廳尖沙咀加拿分道25-31號地下尖沙咀都好多泰菜選擇 但平時簡唔到食咩都會諗起哩間 location 係正K11 對面 尖東站N2一出行前就係 已經食第3次都喺咁好食 咁穩定今日同朋友約左星期六行尖沙咀 第一次試哩度既lunch年初五 無book枱都可以直接入環境依然好好 服務依舊理想食4人套餐($468)因為太肚餓就無逐張影套餐包沙律 小食拼盤 炒雜菜 炒金邊粉 咖哩蝦配蒜蓉包 4杯飲品樣樣都正常發揮 好食又食到好飽香下次再食過

12月某星期五上完堂，去咗呢度同兩個朋友食晚飯。好彩有book 枱，7點半去到已經好多人等位，我哋叫咗個生菜包，蝦紙卷，冬蔭公湯，蒜蓉炒椰菜苗再加份串燒（豬牛羊各二串）。每次去尖沙咀食泰菜都會嚟呢度，因為每樣菜式都水準中上，同九龍城啲泰菜水準其實差唔多，（我指九龍城大間嗰啲泰國菜餐廳），價錢又合理，又坐得舒服。唯一就係有90分鐘時限，同朋友聚會就唔夠時間。不過餐廳疫情下生意難做，都野解嘅。

來到尖沙咀， 你加埋於尖沙咀的泰國菜 外表布質好靚 不過不落地牢就要一啲時間。好闊落啲人度高適合同朋友一家大細嚟傾menu有好多選擇令人目不暇給約咗個蛋包金邊粉 金邊粉炒夠清爽 配上豬肉鬆 同埋雞蛋非常之美味。金邊粉甜甜 咬落去非常之可口 金邊粉配上甜蝦非常之 夾叫咗個 喇沙金邊粉 海鮮有好多材料 有大大隻的泰國 蝦。 魚蛋爽口彈牙蝦肉紮實 樂樂清爽 食得出係新鮮貨之後我就叫咗個咖哩牛肉 牛肉味濃郁心先好味 咖哩汁非常差嘅咩 好好味的配菜青椒辣椒

趕係堂食既尾班車, 果然好多人都出左黎食飯, 定唔知係新泰真係做得好好, 宜家愈黎愈多人食啦!個場好大不過都坐滿晒, 好采朋友一早BOOK定, 不過今日真係人多, 食物相對等得耐D, 不過絕對係新鮮熱辣, 碟碟都出晒煙!串燒齊晒豬牛雞, 個醬汁好好味, 有粒粒花生好香口, 泰式串燒都係帶甜, 入面有肉汁, 燒得唔錯!海南雞斬得幾好, 雞胸肉滑溜, 雞皮都正, 應該叫番一個油飯先岩!!炒貴妃苗, 呢種菜唔係成日食, 炒得唔好就有陣苦味, 不過呢到又炒得幾好, 爽脆之餘仲帶清甜, 唔錯!食泰菜一定要叫咖哩, 好少叫MASALA咖哩, 無平時既咁辣, 香, 份量多, 加埋蒜蓉包一流!炒河叫左兩碟, 一乾一濕, 本身覺得乾果碟都好好食, 點知濕既仲好食!唔會好油, 河粉一片片所以好索汁, 仲好多料!!超滿足!

今次自己一個人行完街諗住去搵一間泰國菜試吓 見平時呢一間舖頭出邊都好多人排隊 一直都好想試 今日就去咗🥰首先佢呢間舖頭設計我覺得個裝修真係好靚！感覺就係好似好高級咁樣 同埋入邊都設計得好似泰國一樣 令人好似置身左泰國咁🙈🙈🙈同埋餐廳內部燈光偏暗 識落好舒服同埋好有情調😍😍今次叫咗三樣嘢！首先叫咗個泰式海鮮冬陰功❤️❤️冬陰功飲落去又辣又酸 同之前喺泰國飲到嘅冬陰功一樣 非常之地道👍🏻👍🏻👍🏻同埋入邊有好多海鮮配料 真係一啲都唔孤寒之後叫咗個海鮮濕炒河🥳🥳份量非常之大 相信一家人嗌一碟已經夠食 因為真係會食唔晒 最後叫咗個串燒拼盤😌😌😌入面總共有六條串燒 咬落去啲肉非常之鬆軟 甚至係我食咗咁多條都冇痴牙！沙嗲汁好好食