新泰東南亞餐廳

營業中

休息中

因為好多人都冇得飛泰國，掛住泰國嘅美食這裏值得一試原因是中午嘅時間佢哋會有優惠加上呢地方闊落坐得好舒服唔會有壓迫咁食物質素保持，三五知己你一個舒服嘅lunch亦都唔錯嘅選擇

未夠鐘學野，行完K11就見到呢間新泰，記得好似前幾年喺灣仔食過去分店，幾好食嘅，所以就落咗去食啦。每個客都全部book左枱咁。好彩今日係自己一個，攝到有位，等左幾分鐘就入得。 叫咗個泰式菠蘿炒飯($118)，同埋一個椰青，本身仲諗住叫一個芒果雪糕糯米飯，不過話暫時未有，剩係得芒果糯米飯，所以就冇叫啦。等咗大概10分鐘左右就想得菜，炒飯本身比較淋同濕身，唔似港式炒飯咁乾身。除左配左腰果同豬肉鬆之外，本身炒飯亦眼見有好多料，提子乾、菠蘿、三色豆、臘腸、雞肉和雞蛋絲。味道調校得幾好唔會太鹹，再加埋腰果同豬肉鬆一齊食，真係好滋味。份量都好足夠，如果唔算大食嘅，我唸都應該有三碗飯。椰青都好大嗰個，清甜之餘，入面白色椰子肉亦好嫩滑。舖頭都算幾地道，睇得出大部分侍應都係居港泰國人，有啲仲淨係識講泰文添，而且佈置都好新淨地方夠寬敞，如果同朋友嚟嘅話都應該幾開心，用餐時間係個半鐘，夠哂啦。

聚餐朋友建議去食呢間泰菜，間餐廳環境幾靚，星期一既夜晚，客人都源源不斷，真係要訂枱先好黎但無做隔板間隔，感覺同前後左右距離好近我地3條友都叫左好多野食不過最後食唔哂，朋友仲拎左部分返去比老公🤣***先黎個泰式柚子蝦沙律，實物與相片不附，又少又細碟，得兩隻蝦，要$78唔抵食，不過勝在味道唔錯，甜酸適中冬蔭公(S) 幾好飲，都幾夠辣（食埋啲辣椒😂），細size同樣地得一隻蝦開邊變兩隻，不過湯都分到3碗飲泰式炸蝦餅。好味喎呢個可以推薦，脆口&彈牙豬肉碎生菜包。豬肉碎加蔥粒生洋蔥，味道唔錯，係生菜比較少左啲者，豬肉碎就多，其實可以叫個飯撈黎食添，但當然無叫，邊食得落😆泰式炸春卷。炸得都好脆口，但相比之下覺得炸蝦餅比較好味😋泰式芒果糯米飯：椰汁熱辣辣，白糯米軟綿綿，紫糯米軟硬適中，芒果甜飲品就真係太普通，無咩特別同特式馬拉盞通菜，基本上係泰式餐必叫既菜，味道尚可，但炒得比較濕潤，唔夠野味仲有可以推介呢個燒西冷牛扒燒得岩岩好，再沾埋佢啲醬汁總結：餐廳食物ok,但價錢相應份量上，唔太化算，比較細碟，今次無叫到任何粉麵飯，見到個麵包咖喱軟殼蟹好似幾好食，下次可以再黎試多次其他食物

難得平日翻工咁忙都約到朋友 就梗係要食好啲啦 今次就去咗充滿泰國風情嘅新泰一入門口就見到勁大架tuk tuk 好似去左泰國咁🤣好快就可以坐低 見到啲餐具同menu都擺得好整齊 呢度加一加分先🤣我同朋友都好肚餓 所以一次過叫左好多野食 首先打頭陣嘅有串燒同柚子生蝦沙律🥗串燒有豬 牛 雞三款選擇 肉質彈牙 配埋秘製醬汁簡直係冇得頂呀 而柚子沙律就辣辣地但又好清新 作為開胃菜就合適不過啦🤪主菜方面就叫左大嘅冬蔭功同青咖哩雞配薄餅 個人好欣賞青咖哩雞個個多啲 除左椰汁味濃之外 啲雞都好嫰滑 同朋友都食到唔停口 另外仲加左個馬拉盞炒通菜食左咁多野有啲口渴 叫多左杯青檸梳打 上黎個時好有心思 會另外有支梳打水比你refill 貼心x100!!最後就梗係唔少得甜品啦 今次就叫左個椰汁班戟 千祈唔好比佢嘅燒腩仔外型嚇到呀！佢其實內有乾坤 除左椰汁之外 仲有啲小椰粒 口感+1！

疫情關係冇得去泰國旅行，唯有食泰菜止下癮😩 問朋友有咩好推介，個個都話新泰夠正宗，所以趁住今次放AL去朝聖，睇吓係咪真係名副其實先！（提提大家一定要book位，我哋好早去到已經排晒長龍）我哋三個人總共嗌咗一個柚子生蝦沙律頭盤，三個主食：串燒拼盤、馬拉盞炒通菜，青咖哩同埋我最鍾意嘅冬蔭功😍，最後仲加咗個甜品—椰汁pancake一齊share ！柚子生蝦沙律fresh得嚟酸酸甜甜夠晒開胃，做頭盤一流！串燒都唔錯，比起平時去其他泰國餐廳食嘅仲要大份，而且個汁都好惹味！馬拉盞炒通菜正常水準，食完咁多肉再食呢個都幾解膩👍 青咖哩個汁超香濃，入面嘅雞肉都好滑好入味，嗌份薄餅配嚟食勁正！至於個冬蔭功果然冇令人失望，好味又足料！最驚喜嘅都係甜品，呢個椰汁pancake嘅外型完全唔似pancake，食落口感煙煙韌韌好似年糕，而且仲有粒粒椰肉！最後附上飲品圖，我哋嗌咗杯珍多冰、青檸梳打同一杯泰式cocktail，最推薦嘅都係cocktail，第二度飲唔到㗎😋！

環境好grant 好寬闊，佈置都好靚！座位都好大，坐落好舒服，人流都好多，係要book 位。服務員都係原汁原味嘅泰國人，仲好鬼熱情，服務態度好好！係餐廳咁就叫左幾樣小食啦，首先，就係我叫左原隻魷魚筒，燒得好香，肉質亦爽口彈牙，好新鮮，再點泰式酸辣醬，非常之開胃！好食！之後就叫左米紙卷，裡面包滿米粉同蝦肉，啲生菜都好爽脆，仲加左啲九層塔葉吊下味，份量亦十足同好味！最後叫左一碟青木瓜沙律，木瓜爽甜多汁，加埋啲花生香粒，脆卜卜，再撈埋啲甜酸辣汁！非常一流，最岩今日鬼死咁熱嘅天氣，熱到無晒胃口，食啲醒神酸辣既泰國菜胃口都翻晒出嚟！食完濃味既野，叫左杯青檸梳打，飲落下成個人舒服晒！整體來講，價錢okay ，野食唔錯，環境舒服！

去到門口見到架tuk tuk 即刻諗返起泰國夜市啲大排檔 氣氛100分！一坐低就有位好靚女嘅waitress姐姐拎menu畀我哋呢度菜式選擇都算多 而且仲有幾款特色cocktail好啱同朋友gathering或慶祝紀念日去食📍柚子生蝦沙律啲蝦好大隻又好新鮮底係滿滿嘅柚子肉 唔會淨係得啲菜個汁酸酸辣辣咁 配埋甜甜嘅柚子肉食 好refreshing 📍串燒拼盤有雞肉 豬肉 同牛肉3款都燒得岩岩好 啲肉唔會好鞋 值得一讚係個雞肉真係超嫩 鎖住咗啲肉汁配埋個沙爹醬 夠哂惹味📍馬拉盞炒通菜炒得好香 唔會好咸 好岩送飯📍青咖哩+薄餅椰奶味好出 甜辣甜辣咁 啲料都好多將啲薄餅點落去 吸哂佢啲汁嚟食 正！📍冬蔭功個湯辣得嚟又酸酸地 帶少少香茅味 而且都好足料 有啲海鮮個蔬菜入面 飲到停唔到口📍椰汁pancake一開頭serve嗰陣以為點解會有碟燒腩仔係到同想像中嘅pancake樣有啲出入😂但係食落都幾有得意 有少少似新年會識到嘅椰汁年糕外面煎得脆脆地 入面好煙韌 📍Sun thai Sabai SabaiThai Whiskey 再加red bull Whiskey味好香 另外仲加咗lime jui

再次光顧的泰式餐廳，環境空間寬闊、裝潢充滿泰式感覺，坐得非常舒服。食物質素亦保持應有水準，今次選擇他們的週末午餐。焗奶油大蝦伊麵 ($75)• 即點即焗、製作需時，大概二十分鐘左右。• 焗的程度恰度好處，奶油表面微微焦脆，而內裡則徹底溶化，包裹著大蝦和伊麵。• 奶油味道突出，不會過於稠杰而令人感到油膩，亦令大蝦的口感增添層次。• 份量頗多，會附上大菜糕一件，作為午餐的話絕對滿足。泰式炒什菜 ($28)• 整碟口感新鮮爽脆、帶點泰式小炒風味，咸度適中，伴飯的好選擇。

心血來潮想來個泰國日，所以朝早做完Spa，之後搵咗呢間泰國餐廳食飯。一入大門口非常寬躺，有精緻嘅泰國裝飾。去到樓下雅座，人流唔少，氣氛熱鬧。點完菜之後，我唔駛等好耐就上菜啦。最大嘅驚喜係每碟菜嘅份量都唔少，兩人三款菜都好飽。最欣賞嘅係椰青，椰汁清甜椰肉嫩滑，一定要試！

前日同個朋友去黃竹坑南朗山影日落，我以為唔係好難行，點知唔係，著對Force One去行，呢兩日對腳好痛咁行完我地去左呢間泰國餐廳食飯，我見500個好味，心諗唔駛寫OpenRice啦，係人都識，但食完就要評下，一定要等左陣位，落樓梯，間野暗暗地，其實幾大，幾舒服架。好快叫左沙嗲串燒、青咖哩雞、馬拉盞通菜同香葉肉碎炒飯，同兩個椰青沙冰兩個沙冰到先，我第一次飲，椰青就飲得多，沙冰都係第一次，飲落簡直係愛上，又唔太甜，椰青嘅清香正到暈，透心涼，爽呀跟住到串燒，牛雞豬，佢有個沙嗲醬跟埋，好食嘅，醬個味就偏甜啲。通菜正常，有水準，唔太鹹青咖哩雞都好，個汁撈飯一流炒飯辣辣地醒胃，夠惹味兩個人埋單先4百幾，抵食吖，仲要幾好食，會再食架

性價比高 多人聚會之選價錢好合理 嘢食好大份 味道好食坐得好舒服 一行4人食得好飽-一人一個鮮椰青 ($45) 好清甜 個個一黎就挖椰子肉食-泰式燒春雞釀香茅黃飯 ($188)熱辣辣出爐 好食!雞肉算皮脆肉嫩 某D位少少乾飯量好多 吸盡燒雞精華 啖啖都食到香茅同雞油香味 好正 但飯太濕 影響口感幾個人share都夠食 真係好食 抵食-香芒軟殼蟹米紙卷($88)皮非常薄👍🏻開胃😋軟殼蟹多肉 但無咩味的😳-青咖喱雞($88)雞肉份量勁多 好嫩滑 滑過燒春雞入邊仲有茄子 南瓜 同豆 -配蒜蓉包($32) No.1好好食 好香脆 夾過酥餅再加8塊印度酥餅($32) No.2酥皮感重D 好香牛油味-生蝦刺生($98)無咩特別 個汁好辣哈哈!個人認為叫生蝦食只係情意結-泰式蝦炒金邊粉（$108）金邊粉炒得都OK~ 味道不過不失 青檸一定要加份量夠大 性價比高-椰汁芒果糯米飯($68)白糯米 黑糯米 芒果好甜配熱熱地嘅椰汁 好食 滿足--新泰東南亞餐廳尖沙咀加拿分道25-31號國際商業信貸銀行大廈地下1A舖及地庫

參峇炒羊豆角 💵85🍀🍀🍀🍀🍀🍀🍀🍀🍀 依家先知原來羊豆角就係秋葵😂入面亦加左啲車厘茄，參峇係一種東南亞地區特殊嘅辣椒醬，好香口但炒得有啲油～🥗燒豬頸肉沙律 💵72🍀🍀🍀🍀🍀🍀🍀🍀🍀🍀好多豬頸肉係沙律🥗入面，當中有西芹、薄荷葉🌱、辣豆角，加埋食有種清新同辣辣地既感覺～但唔鐘意食西芹既我夾走啲西芹先食🙊🐟鹽焗鱸魚 💵 128🍀🍀🍀🍀🍀🍀🍀🍀🍀🍀職員建議我地食鱸魚，因為啲肉比較滑，果然無講錯🤤肉質好滑，而且配埋個汁食好正，有啲蒜蓉🧄係入面，酸酸辣辣，好惹味～芒果糯米飯 💵68🍀🍀🍀🍀🍀🍀🍀🍀🍀 白糯米好食過紫糯米，白糯米較紫糯米煙韌，無咁硬身，而芒果🥭唔酸但又未去到好甜～珍多冰 💵38🍀🍀🍀🍀🍀🍀🍀🍀🍀 除左綠色既一條條，仲加埋黃色既一條條，食落似大樹菠蘿🍍，不過椰汁可以再多啲😜三色冰 💵 38🍀🍀🍀🍀🍀🍀🍀🍀🍀 好多唔同顏色既一條條，同其他既三色冰差唔多味～☀️整體而言，環境優美同埋坐得好舒服，而且超級多人食，新泰既服務都好好👍🏻但入到黎就難啲收到訊號😮‍💨味道都不錯🤪

入去前已經知時間得個半鐘，野食係好食都上得快，坐左一粒鐘時侍應就開始問仲加唔加單、就快到交枱時間。心諗又話用餐時間個半鐘點解要係咁催，咁我地都食得7788咁咪叫埋單，侍應一收左張credit card 我地仲坐緊係位就已經係咁執枱，水都未飲完就收左個杯🙄 其實點解唔可以我地離座左先執呢？ 仲等緊拎返張credit card 時聽到又有侍應催隔離枱話就快到交枱時間，我眼見人地好多野都未食到一半，仲要佢地遲過我地入座（即用餐時間少過1粒鐘），就要俾人催催催，真係R爆頭🙄

🖌總評🖌地道泰式味道👍🏻炸物未如預期，火喉控制欠佳。卡位寬敞舒適🛋🚶🏻‍♀️星期二的黃昏5:30pm walk-in，已有3枱食客準備點菜。落左樓梯後，個場好大，燈光佈置都幾舒服。入座起計90分鐘。75分鐘時我地都已經飽飽，自行離座。6:45pm時個場已坐了7成，門口就有幾組人等緊位。如果會於繁忙時間嚟，建議還是先訂坐吧。🥘🦀🍞<麵包焗咖哩軟殻蟹 $208>上的第一碟菜，出得比沙律和拼盤快。首先放在旁邊的麵包磚烤得很香脆，而裡面的麵包碗就外脆內軟。咖哩汁好香，有蛋花，可惜的是炸軟殼蟹，軟殼蟹幾咸，口感是脆的，但裡面是吸盡油的感覺。專業術語來說，是沒有用高溫迫出炸的油！🥭🌶🥭🧅🥭<泰國青芒果沙律 $78>份量合理，青芒果夠青澀，幾香。調味料都幾足，魚露、咸蝦仔、香脆腰果，不錯！🧆🥗🧆🫔<小食拼盤 $218>上的第三碟菜，3款炸物+豬肉碎生菜包，每款4粒。可惜炸物的油氣控制不當，令炸物裡面吸盡油份(尤其是泰式春卷)🙁讚的有肉碎生菜包，肉碎肥瘦適中，拌入少少檸檬汁和檸檬葉絲，咸、鮮、香 全齊。更配有10片左右的生菜🥬🥥🥛🥥🥛<椰青沙冰 $

放工之後同同事睇完戲直落去食飯～好似都有一排冇食泰國嘢所以決定過嚟尖嘴呢一間「新泰東南亞餐廳」食個quick dinner 就坂去休息，因為第二朝大家仲要返早🤦🏻‍♂️間餐廳正門正正就係喺K11對面姐，好易搵～餐廳用膳嘅地方係位於地牢嘅，真係超級大～內部嘅裝修都好靚好精美而且都富有東南亞嘅特色！整體來講環境係乾淨舒適！坐低冇耐店員已經為我哋鋪設餐具提供飲用水同埋遞上餐牌，好有效率！呢間餐廳其實提供非常之多嘅選擇，亦都有甜品～不過由於我哋唔係太肚餓，只係想過下泰菜口癮食個quick dinner，所以最後我地只係叫咗三個菜，雖然係咁但係都充滿驚喜嘅！燒豬頸肉 $78燒得啱啱好，豬頸肉依然保持相當肉汁，而且食落又咬口！配埋隔離嗰兜泰式酸辣汁，作為小食前菜真係好開胃！馬沙拉咖喱雞 $88正正常常，咖喱唔係好辣偏甜，椰香味足！泰式蝦炒金邊粉 $108分量十足，味道對辦！金邊粉炒得條條分明，泰式蝦爽口彈牙！叫多兩杯泰式凍奶茶一飲就知係正宗泰茶黎，因為夠甜，茶底亦都飲得出係紅標茶！真係好懷念泰國嗰陣味😢