新泰東南亞餐廳 (太子集團中心) (已結業)

晚餐黎到呢間泰國餐廳本身自己唔係特別有興趣泰式野食但呢間真係好足料 好豐富😋首先當然要試下個咖哩 我地揀咗個唔辣嘅 配埋個薄餅好正👍🏻而且咖哩唔會太重香料味除咗呢個小食外 仲叫咗兩款分別係燒烤串燒同埋蒜蓉越南牛油雞翼😀串燒係豬牛雞三種 我就食咗豬同雞好惹味 點埋個醬汁仲夾之後雞翼十分香口 好多蒜蓉粒到飯類就試咗菠蘿炒飯☺️賣相好靚 分量亦多味道仲好好食 炒飯粒粒分明 菠蘿仲勁甜最後係甜品拼盤 超級豐富😆自己好鍾意椰汁 所以糕點都好好味今餐好滿足 下次有機會再去😍

為慶祝朋友既生日...加上今次壽星指明要食泰國菜揀選依間泰國菜試試個佈置充滿泰國風味不過可惜在無得坐卡位店員講要5-6位先可以好可惜店中有泰國人做店員,聽到佢地做泰文對話播既歌都係泰文我地叫左好幾樣菜馬拉肉骨茶,串燒(雞,牛,豬各二),蝦粉金邊粉,珍珠椰菜炒香菇,蒜茸牛油雞翼飲品叫左椰汁冰,三色冰,菠蘿沙冰甜品係椰青班戟一開波上馬拉肉骨茶,個味幾香飲都唔錯,不過好失敗既地方係個D冬菇最大個既鮮冬菇,正常吸左D味會好好食但佢係酸,壞左串燒(雞,牛,豬各二),個沙嗲醬整得好味甜甜地,好香花生味蒜茸牛油雞翼,同我想像中有DD出入不過不失蝦粉金邊粉係我每次食泰國菜必點所以對佢最失望味道好淡,一D都唔野味,比一般炒粉差椰汁冰,三色冰正正常常~最後上既椰青班戟,睇MENU個樣係心心形出左黎係甘..個味道好得意有口感,好似食糯米糕,煙煙韌韌加上佢並不是一個凍既甜品3條友一共食左甘多野~超級飽~

好耐無食泰國野啦 今日同朋友三人行放工食好西6點幾黎到 環境舒服整齊 未有太多人入座 不過建議book左位好啲揀左個唔辣既咖哩 有少香料味道 配埋尼個薄餅食都唔錯架！😆😆越南牛油雞翼唔好見佢咀多蒜容 入面都有6-7隻雞翼 襯佢熱辣辣個陣食 一啲都唔「行口un」再黎菠蘿炒飯，腰果，提子乾，菠蘿（極甜），肉鬆 料夠曬齊 正宗泰好食👍🏻串燒（6串）$88，豬牛雞各兩串，第一啖食牛 哇 勁林身 係小驚喜最後極推薦 特別中意QQ口感糯米既人，食尼個拼盤（$148）一定喜歡！椰汁糕尼啲必食就唔洗講啦，芒果勁甜，一大舊 好似大菜糕咁既野 入口清甜 係椰青水味濃 有少少椰肉 每一樣都好好咬好煙un 食到好飽都真係要食埋去

對於上樓嘅餐廳我都有戒心，但見到呢間餐廳嘅樓下都算企理，上到樓睇見裝修都唔錯，人又唔多，即管試下。呢度午餐一律$75唔貴，份量和味道都超乎預期，加上窗口景大卡位，唔俾好評都唔得。香草牛柳絲炒河粉外表睇落材料好簡單，上枱好夠熱，幾大碟頭，食落味道好香而微辣，啲餸嘅份量幾多，牛肉有濃濃金不換嘅味道，泰式粗身河粉好彈牙。馬拉肉骨茶配白飯上枱好夠熱，肉骨茶嘅藥材味適中，餸嘅份量幾多，冬菇厚身有香味，肉係切成粒狀容易入口，成個肉骨茶做得幾好，如果再濃些少更佳。綠豆沙冰係用綠色嘅綠豆加椰汁，然後係碎冰機攪拌出嚟，味道香甜，入口似食冰凍綠豆沙，椰汁味香濃。

前晚去咗呢間餐廳食嘢.上到8樓見到佢哋嘅環境都唔錯冷氣好夠.嘢食種類都算OK.都幾好食尤其是係串燒.好juicy!我最滿意嘅係有個混血waiter 好靚仔！！！見佢同一啲泰國人溝通自如.即刻O晒嘴 哈哈.我同我啲friend 坐到11點幾走.價錢唔貴.嘢食OK.仲有靚仔waiter 睇！

今日同班friend敘舊，朋友提議食呢一間係尖沙咀嘅泰國餐廳，一上到去嘅時候侍應叫我地去9樓，先知道嗰度原來有兩層，而九樓更加露天嘅平台，真係好有氣氛！！完全唔知道係尖沙咀有呢類嘅餐廳！雖然已經係夏天，但係夜晚再加上有大風扇吹着，其實都唔熱喺享受着咁靚嘅環境嘅時候，我哋亦都事不宜遲嗌咗好多食物！椰青沙冰首先一定唔可以唔講呢個椰青沙冰，夏天一定要飲凍飲啦，呢個椰青沙冰仲要好足料，成個椰青咁上，味道好濃郁，大推介！香芒牛油果軟殼蟹卷呢一個好好時味！香芒同牛油果配搭得好好，味道好有層次，軟殼蟹亦都炸得好香口！蜜糖燒肋骨肋骨肉質好，唔會好硬，蜜汁亦都好鮮甜，用來做小食前菜一流！燒春雞釀香茅黃飯呢個賣相咁特別咁吸引嘅飯我哋都係見到隔離枱嗌所以即刻嗌返個！雞肉質好鮮嫩，黃飯係入面加埋肉汁更加帶出飯嘅香味，兩個配搭埋一齊好正好好味！而且份量大，抵食！馬沙文羊肉咖喱配薄餅呢款咖喱好唔錯，因為佢唔辣，而又帶出陣陣香味，配埋薄餅味道好夾，我哋幾個真係食唔停口！呢度環境氣氛好好，食物份量亦都大，同friend敘舊真係一個幾唔錯嘅選擇！

之前諗住同幾個同學聚舊, 佢地話想食泰菜﹑要係尖沙咀方便回家,  又係我搵食嘅時候啦!黎到8樓, 侍應個個都似係泰國人/南亞人, 好有外國風味, 之後帶我地去9樓, 9樓係無窗的, 室外嘅感覺!裝修好靚, 當晚有D風所以唔熱。好鐘意呢個環境呀! 無揀錯4個人食左11道菜, 以下係幾款我推介的: 泰式青芒果沙律青芒較酸, 較爽, 少少辣, 好開胃!香芒牛油果軟殼蟹卷芒果嘅甜味, 牛油果嘅滑而不膩, 蟹嘅香脆感再加埋其他蔬菜的爽口, 真係配搭得唔錯。米紙都處理得幾好, 唔好嘅米紙會再膠味,呢個無。蜜糖燒肋骨平時去食西餐最鐘意點肋骨排。呢間的肋骨同西餐嘅唔同, 蜜糖味剛好,不會「死甜」, 燒得有一點點焦, 更加香! 食完唔會覺得油膩泰式蝦炒金邊粉呢個外形真係好加分! 大家即刻拎手機出黎影。包住飯的應該係蛋, 幾有心思。金邊粉撈埋旁邊嘅花生香氣十足。金邊粉炒得唔會太乾, 少少濕潤, 所以易入口。呢碟一上,好快就被我地清晒了越式燒春雞釀香茅黃飯比我地想像中大隻4個人食完好飽呀哈哈! 但隻雞燒得好入味, 真係好好食! 點埋佢o既醬汁 好惹味肉質嫩口, 皮有點脆脆的,焦香味, 令人好想食晒d皮!!椰

幾個朋友相聚到新泰食飯，因為一至日都有 lunch set 提供，相當實惠！來到才發現還有二人或四人套餐，相比一人一個 lunch set，吃套餐有多點不同食物。串燒沙嗲雞、牛、豬根本就是串燒的拼盤，齊集三種肉類，火候控制得好好，烤得香而不燶。燒豬頸肉沙律同樣烤得好吃，配合泰式的酸辣汁，好惹味可口。拼盤（蝦餅、魚餅）相當香脆，蝦肉夠札實，非常足料。咖喱蝦配焗蒜蓉包，咖喱帶點甜味不辣，多吃也不怕辣。蒜蓉包應該是即製的，麵包很香脆，就算單食都夠蒜香。咖喱的份量頗多，我用來點串燒等其他食物都好有風味。泰式炒金邊粉外邊包了薄薄通花的蛋皮，看起來很吸引。味道甜甜酸酸，好有層次。泰式炒什菜的蔬菜爽甜，有驚喜！（因為平常其他餐廳的炒菜都好油，沒有特別。）這裏炒得很好食。每人有份甜點，是完美的作結。幾個大男人都食得很飽。

朋友鐘意食泰菜話這間抵食就去試下，原來價錢吾貴，仲有吾同2或4人餐，最後叫左4人餐加甜品，傾足3個鐘，坐得舒服待應又有禮貌，會下次再約朋友黎食。燒豬頸肉沙律：第一道上嘅菜係燒豬頸肉沙律，分量唔會太多，做前菜啱啱好!燒豬頸肉軟硬適中，加上個sauce有少少辣，食完好開胃!泰式炒金邊粉：呢道菜上嘅時候大家有嘩一聲!因為賣相真係好吸引~切開面頭嘅蛋漿，入面嘅金邊粉酸酸甜甜咁，仲好足料，蝦肉爽甜，好好味!拼盤（蝦餅，魚餅) ：蝦餅同魚餅都炸得岩岩好，炸粉唔厚，食落唔覺得好熱氣，而且唔油膩，魚餅唔腥，蝦餅啲肉仲好彈牙添！串燒沙嗲雞牛豬:串燒每串都好足料，最鐘意雞串，肉質夠juicy又彈牙，沙嗲醬好野味但唔油膩，值得一讚。泰式炒什菜 :什菜都幾多種類，但味道冇咩特別，相比其他菜式，呢碟比較失色，不過食左咁多肉再食返啲菜都唔錯。咖哩蝦配焗蒜茸包:蝦夠爽夠大粒，咖哩醬夠杰身好rich, 但唔會太咸，配蒜茸包或撈白飯一流。龍眼冰:好大杯仲有好多龍眼，甜度適中，飲完透心涼。芒果糯米飯 ：食泰國野甜品梗係必食芒果糯米飯~芒果清甜，糯米有黑白兩款，白色粘d，黑色爽d，4個人share食都夠，唔怕滯~紅豆冰 :

今日又到係舊同事聚會今次我哋選擇咗去尖沙咀食飯就話不如試下上openrice睇有冇咩特別啦之後就見到有間泰國菜喺isquare附近覺得好似都坐得都 舒服 ，之後我哋就book咗枱約咗兩點鐘過嚟食午餐 。我哋最後叫咗一個四人套餐 $438 ，其實講真都食唔曬 ，而且價錢都好抵食坐得多好舒服，我哋坐咗兩個鐘頭先走待應態度都好好。拼盤（蝦餅，魚餅）， 每人有一嚿，好香脆和香料 ，味道不錯。串燒沙爹雞牛豬 ，雞肉好彈牙而且都幾嫩滑，牛肉嘅質感都唔錯，唔似會好淋嘅感覺 ，有口感。 沙嗲嘅香同花生香都 配合到，好味道。燒豬頸肉沙律 ，豬頸肉 畀心目中仲多，而且因為有醬汁嘅關係酸尾尾加上少少嘅菜好醒胃。咖哩蝦配焗蒜茸包 ，咖哩味好濃郁，但辣度就吾夠。 帶有少少嘅 椰子 香唔錯 ，炸蝦 嘅分量畀心目中 分量多，而且醬汁配上蒜蓉包味道好好味。蒜蓉包夠熱，而且帶有少少蒜茸和牛油香，而且 兩個食完之後其實都幾飽肚。泰式炒什菜 ，味道只屬一般 ，幸好彩都炒得好香口而且唔會太淋 ，保持到菜嘅口感。泰式炒金邊粉炒得好香， 而且份量好多，好香蛋味，酸味味好醒胃 ，但如果加多少少辣就更加好。龍眼冰 最後我哋仲一人一杯

新泰係我食過最好味 ge 泰菜試過唔同分店都係 o甘好食而且每間裝修都好靚呢~今次慶祝同事生日就 book o左 window side ge 位置就算食泰國 o野都可以好有格調, haha我 o地決定食四人套餐再點多個生蝦刺身生蝦刺身新鮮都冇得彈 好多謝同事畀為食 ge 我食多隻!d 肉非常爽呢~個拼盤好好 ar每人都可以食到炸蝦餅同魚餅兩款個蝦餅好彈牙, 魚餅都好好食 串燒有齊雞牛豬三款, 每樣有兩串share 食就 o岩哂 豬頸肉沙律個汁係酸咪咪, 好開胃 ga個豬頸肉好香 咖喱蝦加蒜蓉包, d 咖喱甜甜 o地入面有好多蝦球! d 蝦一樣係彈牙 ga, 好好食!炒什菜有好多款菜, 炒得唔油d 菜好新鮮好甜, 連唔鍾意食菜 ge 我都食 o左好多pad thai 整得好靚 好食到 o甘飽都清哂龍眼冰好清甜~

今日同朋友一齊黎呢間泰國餐廳食晚飯，估唔到侍應親自帶我地撘lift去第二層，原來係呢棟大廈的天台!! 天台佈置很有泰國風情，而且有大風扇，不會吹到頭髮亂之餘又不會覺得熱，正!小食我們叫了蒜茸越南牛油雞翼，雞翼好熱好脆，而且有好多脆蒜茸，朋友吃飽雞翼後還忍不住吃埋d蒜蓉，好香!然後就是香芒軟殼蟹卷，份量十足，軟殼蟹大大隻，清新健康之選主菜有馬沙文咖哩配印度薄餅，咖哩不太辣，有點像沙爹，岩晒不吃得太辣的我，配上羊肉好夾泰式金邊粉，很足料，薄薄的蛋包著金邊粉，酸酸甜甜越式燒春雞釀香矛黃飯雞啖啖肉，肉質鮮嫩，配上黃飯十分之香，而且賣相一流，食完呢個真的很飽哈哈最後一定要叫---椰青沙冰!!! 好大個鮮椰青，沙冰不會過甜，清涼解渴，喝完還可以食入面的椰肉，有驚喜!

前日同朋友慶祝生日就book左呢間新泰東南亞餐廳啦~咁呢佢成間餐廳分左做兩層 8樓就係室內餐廳 而9樓就係露天餐廳 咁個日因為多人所以就被安排坐9樓雅座一去到見到成個露天雅座勁浪漫同有feel 完全有東南亞既風味咁我地晚餐就叫左牛油蜜糖雞翼 啲雞翼外皮勁脆 雞肉熱辣辣勁多汁 正！😋😋😋 之後黎左個軟殼蟹春卷 佢就用米皮做既 軟淋淋既皮 配脆卜卜既軟殼蟹 真心絕配😍 仲配埋個自家制既醬汁 簡直一流👍🏻👍🏻沙律呢就係芒果沙律 用新解鮮既泰芒整成 配以甜甜酸酸既汁 食落好fresh 而且好開胃😽 不過就有少少辣 但成個dish都係清新😺主菜呢就有椰菜苗配鮮菇 先講主角椰菜苗 真心新鮮 唔係間間整得惹味 而呢碟椰菜苗配埋鮮菇 完全將田園既感覺帶到出黎 兩者又互不蓋過對方既味道 金邊粉就更加不得了 以一塊簿如紙張既蛋餅鋪上金邊粉上 金邊粉係井字型圖案既蛋餅若隱若現 同蛋餅既鮮黃色相映成趣 金邊粉炒既鑊氣岩岩好 唔會炒燶 亦非常入味 唔會太油亦唔會太乾 可以話各方面都控制得好好👍🏻👍🏻雞飯呢就更加唔係道道有得食 黃薑飯本身都好好味 而呢到更加將黃薑飯放入雞肉入面一齊煮 雞味更加滲透至每一粒飯入面

星期四晚上同幾位朋友食泰國菜，早一日打電話去訂位，話無問題。點知去到話無位，要坐露天位，預先係無同我講室內位無晒。酷熱天氣警告都出埋，三十幾度真係好難坐露天位，同侍應講唔坐，佢覆一句 "咁你等啦，不過唔知等到幾時架"！打電話一早訂位原來係廢嘅。終於，訂咗位都要等30分鐘先入到去。一坐低即點菜，結果等10分鐘先上兩個椰青，再隔10分鐘先上埋杯芒果沙冰。時間又過多10分鐘終於上碟炒菜，點知侍應入錯單，拎走又等過。等了又等，再上另一碟炒菜，又係錯嘅！叫椰菜仔又炒碟菜苗出嚟。由於太肚餓，炒錯都照食。如是者又要坐喺到等下一碟餸，眼見隔離幾枱都不停上錯菜，都知道餐廳服務亂到不得了。紅咖哩牛肉，有咖哩香味，味道卻甜甜的，尚可。蒜蓉包，眼見佢扮咗喺水吧到10分鐘都未拎俾我哋，要催佢先行過去拎，上到枱已經凍晒。明爐烏頭，味道好，酸酸地，好醒胃，而且另外有一確湯俾我哋一路燒一路加湯，唔會燒乾水，就同時令條魚更入味。芒果糯米飯，有黑白糯米，芒果份量亦夠多，全晚最欣賞嘅菜式。整體而言，食物味道價錢都可以接受，但服務實在令人非常失望。

星期六心血來潮，和朋友到香港文化中心看舞蹈表演。完場時晚上6時30分，在看看附近有甚麼好吃的，最後選了新泰這間東南亞餐廳。 話說到埗的時候7時也沒有，有空調的那層已經滿座了，侍應說帶我們到室外那層，我登時大為擔心：因為天氣實在太熱啦！但是肚子又實在太餓，於是在乘算升降機到上一層的室外餐廳。 到了後，感覺還不錯，因為自然風也不少，不算熱，而且裝修也不俗，很有異國風情。 我們4個人先點了5個菜。第一個菜是米紙春卷，感覺很清淡，因為包著的除了蝦外，就是不同的蔬菜，有吃沙律的感覺。 第二個是肉骨茶，我很喜歡吃這個，去新加坡或馬來西亞是必吃的。這款藥材味道較重，但材料不少，而且亦容易入口。 第三道菜是炒雜菜，又一清新的菜色。油份不算多，除了椰菜仔外，亦加入了不同的菌或菇類，口感豐富。 第四道菜是炒粉絲。份量很足夠，其他配料也很豐富，味道很惹味，令人很想不斷吃。 第五道菜是豬肉生菜包，推薦之作！豬肉碎的份量超多，可以放很多進生菜包內，那種飽滿豐富的感覺，實在令人非常滿足！ 吃過主菜，我們意猶未盡，於是便點了兩個甜品：椰汁木薯及芒果糯米飯。起初