新泰東南亞餐廳 (太子集團中心) (已結業)

朋友介紹一間位於尖沙咀既泰國菜，因為環境好舒服，食物質素高，價錢又合理，服務又一流，所以朋友極力推介呢間餐廳。今日天氣有點涼，黃景好開陽，本來有少少凍，但好彩有暖爐，感覺非常之舒服同溫暖，真係好正炸蝦餅蝦餅好脆，炸到熱辣辣，蝦餅非常之彈牙，蝦味好濃，點埋泰式辣醬，味道好夾，好惹味蒜蓉焗扇貝 $98 兩隻扇貝每一隻都有一隻手掌咁大，扇貝上鋪滿左一層厚厚嘅蒜蓉，所以好香蒜蓉味，扇貝焗得啱啱好，多汁之餘亦都好彈牙，非常鮮甜。冬陰公海鮮金邊粉冬陰公湯非常好味，酸酸地，辣辣地，香料味好香，味道好複雜，配料有好多，有蝦、魷魚、青口等等，金邊粉索晒啲冬陰公湯，非常啱味非常非常喜歡呢一間泰國餐廳，因為食物非常之有泰式風味，好似去咗泰國咁，而且食材好新鮮，價錢又非常合理，一定要俾個讚佢！