新東記火鍋店 (已搬遷) 新店位置

新一年新開始,約了舊同事齊齊晚飯聚舊.我只光顧一次.只記得那個冬蔭公湯很夠味.不過舊同事們不好辣,唯有叫最大路的鴛鴦湯底.湯味一般.我們點了$88的手切肥牛,我覺得牛味十足.不過朋友嫌不夠肥(其實對我來說更好!).豬潤很新鮮.另一舊同事很愛這兒的蝦滑.但我不太喜歡它有太多馬蹄.不過整體也算爽口.我們之後也是點了普通的食材--貢丸,凍豆腐,菜,腐竹...連2jar飲品.每人$200.因為沒有像小肥牛般有那些特別的食材,亦較貴.但蠻喜歡那兒的卡位,而且待應的服務也很好--例如勤加茶和主動加湯,收拾餐檯...飯後還有糖水.加上環境企理,適合愛舒適環境打邊爐的女士們!

每次和朋友聚會,吃火煱,必到這裡,遇到有七至八人的話,就會有房,就算坐出面,都很寧靜,因為只有七至八張枱加十數張卡位.開頭成架車推嚟,會有幾層料味調任選,落晒都手軟.來到新東記,必食肥牛加牛展,肥牛可選肥/瘦/半肥瘦,灼極不靱,極有口感,牛展更不是時時有,手打魚滑也是這裡必然之選,另外,魚皮餃的皮很薄,和其他火煱店比,簡直高幾皮,白蟮片亦十分靚,食完仲有甜品送.總之,一句講晒,食物正!正!正!備註:雖然火煱料無得彈,但侍應服務態度一般.

借慶祝新環境為名，想火合下火合下為實，被兩位中學同學夾到這裡。環境尚選雅緻企理，門口開放式切肉檔掛著幾條鮮勒排，一副九龍城火鍋派指定陣式，七點半入坐，無折，客人也只是小貓三四隻，啤酒姐姐只有打牙跤分兒。餐牌一眼睇晒，加埋手寫版上的海鮮，東星、九節蝦，其實最吸引的是售罄的金錢腱。唔想等，埋位先開個鴛鴦鍋，一檯「雀仔胃」，隨便叫了幾味牛舌、肥牛粒、三式魚膠、鮮雞件、黃皇帝菜，斷估都差不多。趁食物未到，到櫃檯瞄瞄有什麼好吃的，同師傅吹了兩句，耍來了僅餘的半碟金錢腱，這味金錢鍵肉連脂肪，豐腴而富咬口，物以罕為貴，總算一嚐夙願。肥牛粒，吃來吃去也吃不出是那個位置，韌得要命，滾了半小時肉味更濃，但韌度不減，問師傅就話是肋骨位的肉粒，吃到尾時飲啖牛肉湯就真的鮮濃得無話可說，是煲湯用的物料。機切的薄牛舌，保存功夫做得好，過一過水就食得，帶著微微油甘，半個round已清碟。說是鮮雞，其實是醉雞，鮮雞肉嫩亦有薄薄花雕味道，三寶丸是鯪魚、墨魚及蝦膠，價錢$78，肉的比例唔算好高，打得不夠起，勝在不貴，收貨了。火合了兩個幾鐘，啤酒姐姐全程棟係度，無老粗的企理火鍋店，生意確是難做。

今次係第一次去幫襯新東記,上到去個環境好好,好企理,我地坐低o左就開始叫o野食,首先要o左個番茄薯仔湯底...知道呢度出名食牛,所以都叫o左碟(中)o既瘦牛肉,都幾多片,我地仲有叫o左墨魚滑,蝦滑,桂花蚌,韮菜餃,魚皮餃...等等...不得不提o既就係桂花蚌...超好食...其餘兩個滑都好好味,我o地仲帶o左支酒上去,收o左$50開瓶費,結果六個人食飽飽的,埋單仲有糖水送呢...不過真係風儉由人...可以食得好貴

新東記No.1手切本地牛肉要瘦,仲好食過肥牛!!湯底首選南北杏雪梨豬骨,好潤.好似喺10:00pm後食物有七折,我未試過,但朋友話份量同正價一樣,埋單應該掋好多.嗰日老板萬歲,仲訂咗條東星,好滑!下次人多叫條share都夠排場.其實我不太好火煱,但係新東俾我感覺同其他中高價火煱有一種分別,就係其他出名嗰啲火煱(九龍城+山林道嗰的),入去要認屎認屁,話識邊個邊個,自己係邊個個仔,然後大鼻老闆認得你先俾碟靚牛肉你,如果walk-in入去你就知所謂熟客&生客嘅分別.......生客果碟一樣2舊水但似狗不吃,食飯啫?分セ鬼嘢階層吖!!起碼仲有一間仲叫做一視同仁,有就有,無就無,個個一樣.

昨晚剛下班，馬上約了和我一樣的嗜牛狂魔哥哥到新東記，其實前晚剛到這里吃過，會否有點兒過份呢？沒有辦法，試過這里的牛肉已經對其他火煱店再沒有興趣。一到了，還没有坐下，我們便急不及待地走到牛肉櫃前，看到掛滿一條條的都是牛的頂級部位，牛脊，牛頸，牛邊，最後我們還是選了那條牛脊(大碟$168)，再要了碟肥牛肉粒，鮮帶子，手打牛丸，牛舌，和我這個蚌精不可不吃的桂花蚌。湯底滾起了，馬上把一片手切牛脊放入鍋里，一..二..三..四..五..六..七..八食得！再點一下加入了腐乳醬的醬油，一放入口，「嘩！！！TMD！！！不可思議，太美了！」我哥哥連眼都反埋。帶子其鮮無比，那碟肥牛粒只不過是$68，在某百貨超市買的話起碼要$150，不到半句鐘我們已經把所有的東西吃完，服務員繼而送上腐竹糖水，不錯，有西環的水準。吃完這火鍋後，心里感覺很平靜，甚麼欲念都沒有了，因為，最好的已給我吃掉了！

看到一些食評後,發覺有些人所指的新東記其實並不是地址所指的"河內道"這一間.MM1970和基本資料所提供的圖片,都是來自"山林道"的那一間新東記. 現在"山林道"的那一間已經結業,曾打電話問過付責人,他說已開了另一間"大中華"在赫德道取而代之.現在在香港只剩下"河內道"這一間新東記(友人說在加拿大也有),但與"山林道"那間相比高下立見. "山林道"那間的湯底全部都很出色,就有如媽咪煲的靚湯一樣濃而鮮味,本地牛和其它火煱配料也很新鮮上盛. 但"河內道"那間有如出面很多火煱店一般,湯底平平無奇,感覺不到任何製作人的心血,只有一大優點就是有免費的多元化調味醬料."河內道"那一間的環境是酒家式. 而"山林道"那間是懷舊小店式. 個人情意結覺得冬天去"山林道"那間更有親切感.P.S.以下那些分數是俾"山林道"那間新東記的.

和一些外籍朋友洗塵一定去新東記，喜歡他有廳有房，還有一個ｏｐｅｎ　area的平台,有枱有椅可中場食煙.由於之前工作關係次次上要10半後才到,但正好這時間是有7折扣!! nice~~~先說牛肉,次次友善的姐姐都會代叫,只要說出要求, (我要soft,有牛味,新鮮...一定滿足到你,如你到看海鮮時一定看到玻璃房內的牛肉有機紅有機新鮮，２個大，走不了！白蟮:９９分，不愛食蟮的我都食３－４塊，外籍朋友不停說好味，一碟好快食完原條脆鯇（片＋骨）：９９分，次次都訂定，太好味了貴花蚌：　９９分，一定有水準！！外籍朋友都看看英文是什麼，但最後發現英文是錯的　墨魚滑：　９９分是食過最好的沙嗲+ 清湯湯底: 個沙嗲好好食, 濃味ａｒｍ　ａｒｍ好，不得不提烏東，是日本上價品，放在沙嗲底，不愛澱粉質的我食了２碗，你們可下次試試是不是ｍａｇｉｃ＞＞＞＞羊肉片：　我不食羊，但男友說好味．．．ｐｏｒｋ肉片：　ｓｏ　ｎｉｃｅ～～～　９０分，可比美ｊｕｓｃｏ　的上價品珊瑚蚌：　９０分，　都可以的！ｓｏｒｒｙ我對貴花蚌是太專一吧　ｈａｈａ～～唐生菜：　都　ｎｉｃｅ的９０分　只有火鍋才叫我食多ｄ菜　４個人７折後１０００到，

去咗三次，都幾滿意。環境比一般火鍋店要好，都算開闊。有多種湯底可以揀，味道好，醬料都不差，仲無味精，食材都幾新鮮，服務一流體貼。價錢雖然有點高，但是食得放心開心最緊要。（不過，牛肉的確一般好味，相比之下，我覺得自制墨魚滑就比較好味）

昨晚返去新東記(河內道)吃火鍋, 差了很多, 貴了很多, 還是那家店嗎?以前新東記的牛肉脂肉均勻, 肉鮮, 香, 嫩,昨晚的只是很一般的貨色, 好失望...

以前成日去赫德道新東記打邊爐... 一輪沙士, 再去已經唔見左, 連山林道個間都無埋, 以為消聲匿跡左。好日都唔會行過河內道, 先知原來已經搬左去現處三年。一入去個女經理竟然好似應得我地兩個。跟住叫左冬瓜海味鍋底。牛肉佢記得我地鐘意食淋既, 原來鍋料仲可以叫半份, 真係對哂我地呢d兩個人食唔到咁多又為食既。象拔蚌仍然有細細隻既.... 出面好少可以就到, 兩個人都可以叫一隻。呢餐超滿意.... 舊店情意結。

食物新鮮,服務員態度友善.墨魚滑好好味.不過真係幾貴,每人都成$2xx 埋單.(新東記已搬左去河內道啦)

天氣突然轉冷, 太座怕冷得很, 正好來一個火鍋晚宴, 兩口子在左敦, 尖沙咀一帶遊盪了半小時才想起這間店子來; 晚上九時多店子內幾近客滿, 先點了芫茜皮蛋湯, 芫茜皮蛋份量不小, 湯底香口; 再來黃牛肉, 肉質軟熟脂肪比例偏小但平均, 牛肉味香濃; 再來羊肉片, 羊羶味輕清肉質幼滑; 貢丸是太座至愛, 價錢偏貴但值回票價, 貢丸爽口, 香菇味道突出菜餃表現一般; 肉眼筋味度輕清, 肉質爽口點上唦嗲醬加倍可口; 北海道帶子, 份量比想像中多, 鮮甜味美; 最後加上粉絲, 把餘下的湯鮮味都引了出來. 對著火鍋又豈能無酒, 獨個兒喝了兩支青島舒了一身悶氣.參考資料:芫茜皮蛋湯羊肉片貢丸菜餃肉眼筋北海道帶子粉絲青島啤2技共$446

兩個人, 食沙嗲+ 清湯湯底: 個沙嗲好好好食, 濃濃的細牛肉: 好滑好嫩, 中間夾住小小肥肉, 5個正. 個fd話有食緊貴價牛扒的感覺. 涷肉舖果d真係無得比.羊肉: 都係好滑好嫩, 有d穌, 但我鐘意, 5個正啦墨魚膠: 我第一次食到咁爽口彈牙的, again, 現成墨魚丸無得比, 而且好玩, 嘻. 生菜, 生麵: 都ok 兩個人食~ $270, 係貴d, 係有d迫. 但有高質素食物, 抵番.

今晚同老友去我o地想去好耐o既新東記食火鍋~ 入到去發覺得好少位, 原來後巷仲多位~ 而個後巷都整到唔似後巷, 有晒空調~~~ <br>兩個人order o左:<br>蕃茄馬鈴薯湯底+ 沙爹湯底- 兩個湯底都好好味呀~~ 夠晒濃~ 灼完o既食物唔駛點豉油都得啦~<br>鱔片($55) - 好新鮮~<br>黃牛肉(細$65) - 好細塊, 似牛"月展" 咁~<br>水餃+ 西菜餃- 兩樣都唔錯~ 不過我地懷疑係佢地有咩菜就用咩菜做餃子, 所以可能日日唔同~<br>桂花魚扣+鵝腸- 桂花魚扣好大塊, 有d 腥, 唔多鍾意~ 鵝腸太多肥膏啦~ <br>d 侍應好好玩~ 加三罐汽水, 埋單$39X~ 整體o黎講食物唔錯, 貴d 都值~~~