新東記火鍋店 (已搬遷) 新店位置

早兩日見凍凍地, 決定去山林道的新東記食番餐火鍋.<br>行過山林道真係有十室九空之嘆, 間間都係得4,5 台客, 真係見到都驚. 不過除左老趙外,呢間係唯一一間爆的舖頭.<br>去到先叫但芫茜皮蛋湯底, 湯底好夠味. <br>當然要叫呢度出名的手切鮮牛, 貢丸, 墨魚膠,魚皮餃啦..........仲叫左其他野. <br>牛肉好"林", (但係絕對唔係同街金鳳o個隻), 有肉味,雖然冇上次黎食咁好味, 但都係正, 不過一碟大要成$148. 牛肉有兩種味道: "林" 同"肥", 今次食就兩種都差唔多好味啦.<br>墨魚膠好彈牙, 好鮮, 一舊要$80, 如果冇記錯的話.<br>貢丸同一般食o既唔同, 爽口好多, 又夠香, 正!<br>魚皮餃比普通的好食一d, 反而我覺得呢度o既雲吞同水餃仲好味, 去到不妨試下.<br>食物加埋酒水埋單三個人合共大洋1000, 認真貴>.< , 但吹脹o既係佢又爆喎, 所以好味o既野就算貴都係有人食o既.

心血來潮想去打邊爐, 諗勻晒尖咀都係諗到X香, 9點前又冇特價. 朋友介紹過山林道新東記, 咪試下囉! 無錯! 牛肉同墨魚膠真係好好食, 仲有佢地個湯底"瑤柱冬瓜金華火腿"夠晒濃郁都只不過$40.而家仲有一款新品種叫"肉燕餃"將豬肉再加馬蹄仲有秘製材料,體積細得黎又唔驚會食完飽上心口,掂呀! 招呼又好, 唔會要你叫貴野. 連日本人都去食, 皆因個老闆娘識日文!不過3個人食到最後埋單要$800都覺得幾貴!

如果你問我打邊爐最鍾意食乜，我一定諗都唔駛諗就答你係牛，如果你再問我邊度打邊爐d 牛正，答案會係『新東記』。呢間新東記門面非常「up dup」，裡面裝修又成間舊式飯店咁，講真，唔係有人同我講話呢度既牛好正我都唔會去。第一次去果陣，一黎料就叫左碟大既牛肉先算，隻碟係蒸魚果種大碟，上面鋪滿牛肉，睇見到流晒口水，即時夾一舊入去淥，放入口.....嘩...d肉鬆化到有種入口即溶既感覺，好食得好緊要!!終於果日一個人食左碟半牛.....hahahaha除左牛肉之外，果度既墨魚餃、貢丸、魚卜、生筋、金錢展同魚片都係我同朋友覺得又新鮮又正既食品。基本上每年冬天我起碼都去幾次新東記打邊爐，不過果度既價格就高左d，一碟大既牛肉好似要成$168..其餘食品價錢都偏高。

昨晚正係天氣驟降......下毛毛雨....諗注找間火鍋店食下....入去試下.... <br> <br>呢度就唔係好顯眼...門口都叫"兜某"....一入去發現得幾張檯仔....以為係得甘多地方添.....原來直入去....別有洞天...係一條巷搭成...約十多檯..好彩...約6:30pm.仲係早...有檯...叫左個"沙嗲和清湯"....$40....我就覺得沙嗲湯底很濃郁...和"方榮記"有得比...但價錢呢間就貴D...... <br> <br>我覺得材料十分新鮮...我就特別喜歡那個"墨魚膠""炸魚皮"........因為"墨魚膠或鯪魚膠"唔係間間火鍋店有得食架....... <br> <br>講真........可能人客太多....D伙記一係就催促你叫咩湯底....火鍋料丫....一係就你叫都要幾次先招呼你一次...............都有點覺得同時間鬥快甘......又或者外面有多人等檯....D伙記收碟速度....好似趕緊你甘....... <br> &