新東記火鍋店 (已搬遷) 新店位置

其實夏天打邊爐真係幾開心!!成班人圍住個爐俾啲蒸氣焗住圍威喂烚下烚下, 食大家啲口水XD今日就同班好耐無見既朋友黎尖沙咀新東記打邊爐, 難得大家咁耐無見, 揀間好少少貴少少都唔緊要啦!Menu上都好多選擇, 呢個價錢應該要expect佢好好味 total十幾個人揀左三個鍋, 有staff入黎同我地推介最後揀左醉雞, 麻辣同洋蔥牛肉清湯, 有辣有唔辣任君選擇啦!麻辣鍋- 其實望落去好驚, 驚佢勁辣, 點知食落又唔係好辣, 仲幾香添! 不過辣既湯底都避免唔到油嫁啦!肥牛(中肥)-望見都流口水啊, 仲唔十雙筷子一齊夾落去啊!!肥牛真係唔可以淥得耐, 6,7成就好食啦! 肥牛好滑好淋入口即融, 真係食幾多都唔厭啊牛白肉-其實無人食過,即管嗌黎試一試! 點知又真係幾好味, 好爽口彈牙, 有少少肥, 口感極佳, 唔怪得要賣咁貴!滑雞- 本身對香港既雞真係無咩期待, 但呢間既雞竟然出乎意料地好味! 食落好滑而且無雪藏味, 襯埋醉雞鍋食十分夾!墨魚滑, 蝦滑&鯪魚滑- 墨魚滑, 蝦滑都縛好味幾彈牙, 鯪魚滑就好普通雜菇-終於有返啲菜食下, 菜既話配洋蔥牛肉鍋就岩哂啦! 啲菇都好新鮮, 無臭青味, 女仔

沉日同班舊同事打邊爐聚下舊，呢間新東記位置都好就腳，一出尖沙咀站上嚟行一分鐘就到打邊爐，一嚟梗係叫返碟肥牛，佢呢度啲手切牛有得揀自己鐘意嘅脂肪分佈，有少肥中肥大肥揀，我地就揀咗中肥。一上檯個個都爭住相機食先，因為真係好紅好新鮮，影完就即刻每人一兩舊夾哂，唔洗一分鐘個碟就清咗！啲牛唔單止賣相好，仲真係幾好食，脂肪分佈平均，口感一流，仲好有牛嘅鮮味！另外呢個醉雞翼真係必食，我影到out哂focus添 有濃濃嘅酒香，食完之後味蕾上有殘餘甘味，齒頰留香，如果我個胃同銀包係無底洞，我會瘋狂encore，哈哈。

這個星期好像比平時的過得很慢工作也好像提不起勁所以就在一星期的中間相約一班同事吃過晚飯😚有同事曾經嘗試過新東記食物質素不錯重點是可以book房對於我們來說是很重要因為我們太嘈了一張大台會有三個鍋這個設計不錯的😊每人面前都會有一個鍋cyn面前的是醉雞煲湯底大正淡淡的酒味配上鮮嫩的雞肉每次打邊爐都喜歡混醬這裡的炸蒜太正了濃濃的蒜香味打邊爐 牛肉是大fit的這裡的牛肉條理分明厚切的入口即溶很香的牛肉味另外蜂巢豆腐都很美味特別是它吸收了湯底的精華響鈴很脆口的沒有「油益」味輕輕在鍋中浸三秒吸收了湯底精華還保留了它本來的脆口感覺

呢個雙併鍋2種味都係從未試過的！新加坡叻沙湯底香濃但不帶椰漿，有點失望，腐竹米漿鍋好岩想清少少打邊爐既人，記得放晒D米漿入去，因為湯底實在唔濃，米漿有助提升番個口感。看見桂花蚌佢一PAT的樣子，真係以為好似酸齋咁既口感，煮好左先見到原來會捲埋一舊，變番平日係酒樓食果個樣，好得意的！豬紅既口感好爽滑，咬咬咬好似食豆腐咁，仲可以補血，正呀！唔鐘食菜既我地叫左菇類，好彈牙好新鮮，份量超充足，夠4個人食呀！墨汁丸超有誠意！成汁黑黑的丸實在不吸引，但口味非常濃郁，跟墨汁意粉比有過之而無不及，加入少許墨魚塊就多左D咬口，但有少少韌，但味道WISE是非常好的！手打讚歧烏冬真係唔可以煮得太耐，第一次煮左成十分鐘，同第二次煮五分鐘真係非常大分別，第二次兼顧咬口同順滑，非常好食！

炎炎夏日，本來不想打邊爐，但下很大雨，還掛起了1號風球，實在不想走動太遠，在尖東見到一個不太起眼的大樓入口，寫著＂新東記＂就走了進去。之前就聽過新東記火鍋的名字，只是一直沒機會試。想不到新東記樓下的入口那麼破舊，在一眾亮麗的酒吧中，一般人大概不會留意到吧。門面比較像是新式的西餐廳，一個RECEPTION板，後面就是主場，設計算是很精簡。坐位實在不多，不過皮椅中間沒有穿洞，不像酒樓的放東西在背後一定會跌，還算是坐得舒服。像大酒樓一樣，他們也有提供前菜小食，宵夜時段10點後還有7折優惠。極少有的腐乳醬，雖然不是什麼貴價貨，但醬汁非常濃厚，用來佐以通菜等同吃必定比豉油更佳。他們提供的沙爹醬跟芝麻醬同樣非常濃稠，鮮濃味豐，不像某些酒樓會用水溝稀。啊，沒有本地肥牛可供選擇嘛，有點失望呢。這種肥牛雪花相當多，只花5秒便吃得，雖然牛鮮味不濃，溶於口中沒有多餘筋鍵，跟本地牛比又是另一番滋味！豬肝非常稔軟，前期洗滌功夫做得相當不錯。口感流沙，不帶一絲苦澀，少有被桌上女士們讚賞的內臟菜色。韮菜餃設計獨特，涵多量足，韮菜跟肉的比例約3:7，韮菜突出的味道非常香濃，而且亦十分新鮮。牛骨髓是我從少到大的最愛東西

尋晚同朋友一齊黎食野。見到餐牌…果然係貴丫，金菇都要45蚊碟…不過大家都覺得一餐半餐，一於豪一豪啦。我地叫左清湯同四川麻辣湯底，雖然我平時好鍾意食辣，但就未試過打邊爐食麻辣湯底，因為總有1、2個唔食辣嘛。見到個湯底都真係..好似好辣咁。不過D野食食落口都OK的，好惹味，不過要慢慢食，如果唔係就好容易嗆親。醬油都幾多選擇，會用車仔推到你旁邊任你落。餸方面…我地叫左太多野食啦，其實大部分都係普通打邊爐會食既野，菜、肉、丸、響鈴……特別推介的是牛肉，牛味比較重，薄薄的，有口感，很好吃。另外，芝士丸是我的最愛，同平時食開既好唔同，個樣都唔同架，而且入面果D芝士係CREAMY D既，所以我地仲ENCALL左。鮮蝦膠：好新鮮，食到d蝦粒同埋，好彈牙，口感一流。後來encall個三色丸，有墨魚滑、蝦膠（仲有一隻唔記得係咩）順帶一題，由於我地D”o節o節”魚麵失敗哂，明明一條條”o節”落去，但熟左就散哂，我地同職員反影，好快就話幫我地cancel左個餸。

上個星期二約左舊同學食生日飯,其中一個嚟過這裏覺得幾OK,所以我地就一齊再嚟烚下烚下啦. 一行四人訂左7:15分,上到去都唔算多人,餐廳唔係好大的,火鍋係散叫,價錢都唔平架,仕應俾架車我地配醬,有好多款式選擇,麻醬,沙嗲,腐乳,跟住仲有蔥粒,西芹粒,紅辣椒粒,蒜蓉粒.....我地點左粟米甘笋豬骨湯底,跟住點左韮菜餃,肥牛肉,黑豚肉,四寶丸,鯇魚片,生根,油麥菜,生蠔,冬菇,竹苼,午餐肉,牛骨髓......湯底用料都好足的,粟米好大件,好甜添啊! 還有豬骨,甘笋都好味. 味道整體都好平均,係好味的,尤其係生蠔及竹苼,生蠔有八隻,唔算大隻但都好鮮甜,竹苼非常爽及大件架,好正呀! 鯇魚片好薄,牛肉,黑豚肉都好薄身,味道都幾好的,其餘的都係一般,沒有甚麼特別.如果講味道及用料,其實用咁既價錢真的好多地方選擇可以好過呢度,不過佢地既服務就真係一流,係好快有人幫你加湯,加茶,收嘢,換碟......所以除了係食環境及食物外,還係食服務的啊!!

訂左位, 黎到就坐低座位也大和寬敞, 好!先黎個皮蛋莞西湯, 我個人要求就係, 最緊要多莞西!!!佢莞西係多, 不過小弟覺得D莞西老左D, 皮蛋都多!因我朋友不食牛, 所以冇食, 食羊羊味不錯, 不過我呢D係鐘意食大陸式肥羊蘇到阿媽都唔認得O個D所以對我黎講, 都係唔夠, 不過個朋友話好, OK啦食左蠔, 大大隻, 簡單就係美國筒蠔, 唔會有特別驚喜, 但同時質素是肯定的.帶子, 呢個我個人認為係最唔OK的, 似雪野, 仲要係冇咩味, 唔用醬油的話, 基本上係冇味鱔片, 呢個好食, 夠肥夠香, 而且大片肉唔太薄, 最怕D人片到薄到都唔知食咩魚咀, 呢個我地係唔知咩黎, 就試下, UM.....我個朋友唔識食, 我一個食左3個魚頭囉!!!好心你話佢係魚頭我就唔叫啦, 又叫佢做咩魚咀, 等我以為係咩新野, 中晒伏水魷. 冇特別, 就係水魷囉菜茹類都係.總括而言冇特別驚喜, 但價錢我覺得偏貴, 應該話, 咁O既價錢, 我可以食得更好, 但始終K11隔離, 冇得講, 貴D係應該的, 但我唔會再黎囉.

星期五的晚上和男友2人第一次到來, 幸好訂左位, 這裡如果沒有訂位好大機會要等位.....8:00到達已九成滿, 我們被安排卡位, 正! 最後由8:00座到11:00, 服務不錯, 就算有人等位也沒有意圖趕你走....只可惜, 東西有點貴, 在沒有海鮮之情況下2人共吃了$600+, 花生醬不夠香, 對最喜歡花生醬既我來說, 簡直唔合格沙爺湯底不夠濃, 蕃茄薯仔湯底也帶酸, 連男友一向喜愛傻仔湯底的都說麻麻地....牛頸脊一般, 沒有那種一口接一口想吃的感覺, 略貴, 這個大約$118 黑栢葉雖然沒有出面好黑的顏色, 但不錯....任何丸類, 餃類都可以雙併.....讚! 魚皮餃, 牛餐肉, 豬頸肉, 粟米, 豬皮都是正常東西.....所以埋單600+ 確實貴了一點......反而這個甜品不錯.....芝麻豆腐布甸........

同朋友慶祝生日.....啤啤佢...所以就選了...十下十下....先來一個豬肚湯底....送上醬汁....見到都醒神......(因為好乾淨和整齊) 鯇魚片 (好新鮮同翠AR)羊肉 (好'蘇"呀...受不了這些味)豚肉 (因為唔食牛....豚肉是個不錯的代替品)鴨腸 (好味, 好小地方可以吃到)蠔 (好新鮮, 十個正)墨魚和蝦滑 (蝦比較好味, 墨魚冇乜特別)通菜及勝瓜 (好味)2枝啤酒....CHEERS2個人...食得款色不多...可以雙拼, 真是一個細心之選......最後埋單...七百幾.....食得開心...

一行八人被安排左間房，要最底消費1800，但睇睇餐牌都知實會過呢個金額。食物質數新鮮，佢個醬料車佢大陣象抵鑽最平既特價啤酒朝日都要24蚊支(如係藍妹都合理點)竹笙要98蚊碟 海鮮類平均要上百元沙爺湯底非常野味！ 但加水時真係加"水"唔係加湯最後就住食，大家食唔飽要落樓下再整碗雲吞面…食野唔計價錢既朋友，地點同環境都唔錯！

其實唔應該寫用餐日期,因為嬲到冇食就走左. 話晒新東記都係我同一家人既"飯堂", 即使有幾次幫襯,熱庶水"ding"極唔熱,貢丸有臭味,雲吞散晒,我地都仍然好支持佢,只係因為佢既其他食物都唔錯,特別係牛肉. 只不過,服務態度真係愈來愈差. 之前有段時間佢地個場唔滿時,都還好nice,仍有禮貌,最近唔知係味大家唔想食日本野,佢個場竟然爆晒...就出事啦~~ 明明一早訂左,話有房比我地成8-10人,食飯前幾小時還打來confirm,但係冇講任何問題,去到竟然比張出面果D4-6人枱我地!! 我地果日係專登招呼由外地回來既親戚,甘多人點迫張枱?? 我地問佢,個4眼亞姨勁寸咀,話冇gar la,因為有熟客加左人就調我地出來. 講真,你講句唔好意思,我地真係會明白同接受, 佢就係不停話熟客要坐果張,人地熟客突然多左人, 如果佢早少少講,我地就會搵其他地方啦, 話晒招呼親友, 打邊爐呀, D碗碟放晒都冇位放食物, 迫到傻...好失望呀!!! 4眼亞姨寸咀又比面色, 我D家人勁唔開心, 之後冇人來招呼, 嬲到我地起身走人. 十級失望. 其實, 食野真係好睇服務, 食物唔夠一流服務可以搭夠. 或者, 人

老公去年的火鍋心水店，他對這店的牛肉評價極高，就在一個星期一晚上約了友人伉儷來。點了蕃茄薯仔湯底，小女子以為火鍋湯底其實不用太講究，烚了許多食材後，不同的湯底也變成差不多味道了。 服務生會推來一架醬料餐車，生、熟蒜，蔥絲，椒絲，麻醬，沙爹醬等等隨己意添加。先來一碟肉味濃郁的牛柳粒再來一碟脂 肪分佈均勻的牛頸脊，因為脂肪豐富均勻，入口很甘香豐腴。新鮮富光澤的鱔片，入口肥嫩爽脆。手打蝦滑併墨魚滑，有彈牙性但不夠鮮味，比「新明記」的遜色。居然有廣島蠔，可惜蠔味夠濃厚，也嫌削了一點。牛肉質素好，再想追加，想起老公大讚這兒的手切肥牛，已經半飽就點一客例牌。哎呀，可惜呀，可惜沒有一早點這個，肌理分明油脂交錯...！入口肉味香濃，肉質帶點嚼勁但不韌，雖然不像牛頸脊般油脂豐富所以肉質鬆軟，但我覺得愛吃牛肉的會更喜歡手切牛的濃濃肉味。這碟手切牛肉完全俘虜了我的心！再來一客烏冬作結，最令我們印象深刻的是那勺子，金屬網兜光潔閃亮像新的一樣（手柄卻很舊，所以明顯不是新勺子）。烏冬有嚼勁又滑溜，飽吸了各種食材的精華，十分美味。 店家還奉送甜點，有芝麻布丁和紅茶布丁。布丁不大甜，質感也軟滑，不過芝麻味很淡薄。紅茶

因為星期五間間都分２段時間，呢間無囉！！所以一早訂左位, 如果唔訂都無位.. 環境ok 啦..waiter服務都唔錯, 醬料款式多...4個人食左:1. 紅蘿蔔蕃茄薯仔 + 溂沙湯底: 2. 例牌肥牛(瘦): 一般3. 魚皮餃 + 雲吞 : 好好味！4. 蝦膠拼墨魚膠勁彈口超新鮮, : 好得! 5. 鯇魚 : ok6. 爆醬蟹籽丸: ok7. 牛丸 : 一般8. 稻庭鳥冬+ 躦歧鳥冬+ 溂沙湯底 : 一流！！9. 仲點1支酸梅湯10. 送甜品: 記住要最正常果d..例如紅豆沙之類每人只約$200，真係OK....

本來打算book合興, 可惜佢休息...所以我決定黎新東記試下, 因為見倒d食評都好好, 地方又就腳!我地一早打黎留枱, 但係我地四個人黎到樓下, 先知新東記下面係桑拿, 仲有泊車哥哥係樓下=.=但一d都唔雜, 我地黎同走都唔見有唔正經o既人, 升降機乾淨冇問題!呢度湯底款式非常多, 而且特別, 下次再黎一定要試下其他!醬料款式多, 又大碗, 有生蔥(推介), 腐乳, 西芹粒, 蒜, 炸蒜, 辣椒粒, 沙嗲, 沙荼...我地四個人點左...蕃茄薯仔湯底, 例牌肥牛(瘦), 唐生菜, 蓎蒿, 魚皮餃, 稻庭鳥冬, 豆腐, 水餃, 粟米, 竹苼, 三色丸, 金菇菜, 雞件, 芝士腸...紅蘿蔔蕃茄薯仔湯底: 湯底非常清甜, 好新鮮, 同其他火煱店的好唔同! 侍應將湯料(豬骨) 分開上, 非常足料!例牌肥牛(瘦): 侍應問我地要肥定瘦, 我地要左瘦, 雖然係瘦, 但一D都唔韌! 呢度肥牛雖然貴, 但物有所值, 必試食物! 稻庭鳥冬: 好爽好彈牙又好滑喎!水餃: 好似有8粒, 粒粒都好大粒, 仲有好多蝦係入面, 好好食, 估唔倒水餃都咁多蝦咁好食!三色丸: 三色丸大大粒, 非常鮮味, 印象最深