新新酒樓

營業中

休息中

約左長輩食飯，選擇食中菜會較容易岩口味，呢間酒樓前身係地舖，開業50幾年，歷史相當悠久，依加搬左上11樓，改左名但仍舊係同一班底，一開升降機門就見到!典型酒樓裝飾，設有大魚缸供應生猛海鮮，又有大電視，正呀!多款海鮮/小菜供應亦有超值孖寶推介今晚選擇單點 :紅燒乳鴿 ($52) - 唔算太大隻，上色靚仔，上枱時未食已聞到香味!入口熱辣辣，一咬肉汁流出，皮香肉幾滑，點少少喼汁仲好味道!燒汁牛仔柳 ($128) - 顏色繽紛引起人食慾，翠綠翠玉瓜 + 紅黃甜椒 + 啡紅色牛柳粒!  配菜同牛柳粒份量目測係一比一，相當豪氣!牛柳粒一口一粒，肉質軟身又帶點嚼口，食唔到梳打粉味，一口牛一口腍甜翠玉瓜，滋味呀!蒜香脆皮鷄 ($118/半隻) - 半隻份量絶對收貨，燒至金黃色再灑上炸蒜粒係面，斬件得相當精準!鷄皮底脂肪唔太多，多食一兩件都無咁罪惡; 鷄肉相當嫩滑，配上開胃燒鷄汁伴食，水準之作!蒜蓉炒豆苗 ($98) - 同樣清炒蔬菜，選擇豆苗都係貴少少，但份量相當對眼!  翠綠分明，入口無渣，幾香蒜蓉味道，同埋以炒菜黎講，唔油膩喎!翡翠花菇燒豆腐 ($88) - 一碟有菜芯，花菇及豆腐，打埋個蠔油獻，

服務態度1130寫好點心紙，叫足15分鐘都無侍應野您。好啦1145我主動行出去大堂中間截住行過的部長，問佢點解叫極都無人理。佢不但望都唔望您，只問您幾號檯，跟住理直狀話：『呢們鐘係咁架啦，伙記去晒食飯，得兩個人做野，係咁架啦！』。午市茶客都已經坐滿半間酒樓，傳菜的就當睇唔到，直行直過，又想做多輪客生意，但又無人落單。過去不少食評話幾好，但我試覺得樣樣野都落左唔少味精，食完野夠口喝。無乜就好唔好食！勸大家如果鐘意今時今日要貼錢去食味道一般（靠味精又）、咁『陰質』的服務的中蔡、大把時間去等…咁就去試下啦！

普天同慶一連串的節日不但要和親朋好友見面聚會亦不能忘記和至親見面食個飯，開開心心共度歡樂的時光，在這個時候我通常都會較為傳統，選擇中式的晚餐坐圓枱，圍桌而坐説說笑笑，這間位於佐敦莊士敦廣場11樓的「新新酒樓」就非常適合，不但地點方便就腳還非常易找。生磨杏汁燉白肺 $168生磨杏汁燉白肺湯材料豐富有白肺、瘦肉、雞腳和杏仁清燉入口順口白肺味濃郁，立時令人有滋潤了的感覺。懷舊金錢雞懷舊金錢雞，一片雞肝、入片叉燒再加上一片爽脆的肥膏，淋上蜜汁在口中感覺非常複雜，雞肝味香濃叉燒有咬口，加上甜蜜蜜和甘肥的感覺好特別。皇阿瑪鮑魚鷄煲 $168皇阿瑪鮑魚雞煲，用上蔥薑蒜爆香而成的雞煲在雞煲裏放上鮮甜的鮑魚立時令雞煲生色不少。龍仔荷香薑米靚蟹蒸飯 $188龍仔荷香薑米靚蟹蒸飯，新鮮的蟹放在飯面，加上荷葉的香味，清香得來亦有蟹的鮮味食的時候加上少少醬油食完一碗又一碗。清蒸沙巴虎斑 $68清蒸沙巴虎斑，新鮮的虎斑即叫即劏而且大小適中，蒸煮的火候恰到好處肉質嫩滑爽口，雖然只買 $68 完全交足功課。

提早做節，要找個方便所有人的地區，尖沙咀或旺角通常是首選。今次去佐敦，都算方便。之前通常來飮茶，見到好多舊相，阿爸唔講唔知，這裡以前是名人飯堂，現在平民化了。這兒裝潢不算甚樣，有兩個方向有落地玻璃窗，令這小酒樓沒那麼焗束，都適合一家人食飯傾偈。食物方面，水準可以，以這價錢的圍餐，在旺區算合理。我比較欣賞的是高湯龍蝦伊麵，一大盤龍蝦，蓋滿了麵上，高湯濃香又滲透伊麵，一圍12人都夠吃。不用$4000，又鮑魚，又石斑，又炸雞，包1大樽1L以上橙汁，又汽水啤酒，其實好經濟。但有些小插曲，老闆娘送來炸蝦球後忽然一句「唔好意思」，便夾走了2粒，話出菜出多左...well~真係好奇怪但一家人食飯又費時嘈，所以我地都笑笑口算了，反正其他菜的份量都多，但之後再端菜來時大家都講笑：咁大碟，有無俾多架！

今日喺佐敦附近做完嘢同事們話不如食酒樓就揀了這間＂新新酒樓＂未到六點包房都爆滿很多雀友都來打麻雀，店員親切殷勤，有舊式酒樓味道🤗杏汁燉豬肺$168先來個杏汁燉豬肺湯潤一潤滋陰一下，很大的一盅起碼有10小碗，豬肺湯很足料，啖啖鮮味感覺很潤喉🤩清蒸沙巴虎斑 $68見到餐牌皇牌三重奏，晚飯優惠清蒸沙巴虎班只是$68 一條，當然不要錯過。以為細細條來到跟散叫那種一樣，真的非常抵食。虎斑蒸得恰到好處，魚肉滑溜魚皮豐潤，加上我最愛的芫茜美味無窮🤩皇阿瑪鮑魚雞煲$168鮑魚彈牙爽口，雞煲非常惹味濃而不鹹，雞件滑溜不鞋，下飯一流籠仔荷香薑米蒸蟹飯$188一打開籠仔香氣撲鼻，蟹肉嫩滑甘香，蟹油蟹膏滲入米飯中，每一口都滋味無窮芋頭西米露晚飯後還送上甜品芋頭西米露，甜味適中，窩心滿足🥰

今日放工後，黎到佐敦莊仕敦廣場，哩到有好多食肆，今次到十一樓，新新酒樓。。食番個中菜做晚餐。。。新新酒樓平時唔多覺有分店，睇番店內裝飾，應該有番咁上下歷史。食物方面都係保留傳統，北京填鴨哩d都仲有...不過我地都係叫番d 家常小菜，黑松露滑蛋蝦仁，南乳粗齋煲，啫啫雞煲同土多啤梨骨。我地揀哩幾樣價錢方面都係$88-$120左右，份量唔算太少，價錢合理。先講黑松露滑蛋蝦仁，d 蝦好大隻，好生鮮，蛋絕對好滑。推介。至於土多啤梨骨。。好大件，好厚肉，酸酸甜甜，有淡淡士多啤梨味。南乳粗齋煲，內有小白菜，木耳，粉絲、雪耳等等。。款式都好多。南乳味唔會太重、剛好。最後係啫啫雞煲，雞件都唔少、入味都嫩滑。食物方面幾好，伙計方面都好有heart, 除左同客傾計外，幫手影相都無拓心㬹，咁d 就係人情味。

很久沒去酒樓，今晩就去吃小菜。這間新新酒樓前身原來是新樂酒樓，怪不得牆上這麼多名星合照，而且一瞬間就座無虛席。地方不算大，不過頭尾都有升降機上落很方便。因為無飯屋企，靚湯對我們很重要。所以要了個精選孖寶E，$308。西洋菜煲生魚，無味精，好足料，湯又濃，份量足。冬天喝熱湯一流。上湯焗美國龍蝦伊麵，龍蝦很大隻，肉質新鮮彈牙。不過拆殼有點麻煩，好彩服務員勤換碟，而且枱面有濕紙巾，不至於拆得狼狽。伊麵較軟，有龍蝦味但不算濃烈。份量勁多。金銀蛋浸時蔬，$88。份量足，味道也不錯，菠菜是新鮮貨色。這一餐夠三至四人吃，小菜份量很多，最後出動了我的飯盒，第二天有滿滿一盒美味的龍蝦伊麵做午餐。這裏很有酒樓的熱鬧氣氛。記得新樂酒樓結業時有同老爸數度想去光顧，但太多人都去不成。一於有機會問問老爸本來不來新新酒樓飲早茶或下午茶先。

在食肆林立的莊士倫敦廣場，我們楝咗廣東菜的新新酒樓食晚飯，原來廣東菜都很受歡迎，如果不訂位，定吃閉門羹。餐牌有多款選擇，套餐、小炒、海鮮、燒味、名酒、靚湯.....我們要蜜汁叉燒$108、天使麵忌廉汁珍菌大蝦球$124、錦鹵咕嚕肉$88、士多啤梨骨$88。少肥多瘦蜜汁叉燒，肉質稔滑又鬆化，蜜味得宜。天使麵忌廉汁珍菌大蝦球，賣相一般，但天使麵夠份量、大蝦球也不少，伴有火腿粒粒和洋蔥，惟未見有珍菌，天使麵掛滿好味道的忌廉汁。士多啤梨骨，大大件的肉排走過油特別顯得香酥，甜甜酸酸吃起來特別開胃，可惜士多啤梨太少了！在餐牌看見錦鹵咕嚕肉，想起錦鹵雲吞，有點懷念那些味道，無懼今餐多肉少菜，何況餐牌顯示的照片份量不大，於是都點選埋，當錦鹵咕嚕肉上枱才知道份量不少，感覺上咕嚕肉吃來與生炒排骨差不多，做到外皮夠薄和酥脆就顯出廚師真功夫，這碟咕嚕肉也不錯！席間看見片皮鴨很受歡迎，下次要約多幾位朋友一齊來試吓先得啦！食飽飽後，侍應還送上免費竽頭西米露，太好了！

姨媽本來是佐敦 新樂酒樓 的常客, 她偶爾會遇見明星客人, 好開心.  為了懷念此酒家的美食, 她約我去 新新酒樓 (即新樂酒樓新店), 位於莊士倫敦廣場 11 樓, 酒樓入口處, 姨媽又多愛看明星照片, 回憶一次.  薛家燕, 南紅, 于素秋, 李香琴, 張英才........面積不算大, 步入餐廳,  氣氛熱鬧, 設備齊, 有大大個海鮮缸, 生猛海産, 石班游來游去.燒臘檔有乳豬, 雞, 叉燒, 燒鵝, 色澤明亮.酒吧有各式各樣酒水,  多朋友聚餐有大圓檯.今晚我和姨媽兩人坐細檯, 侍應開茶快, 有效率的送來小食及餐牌. 睇睇餐牌, 皇牌三重奏, 晚飯孖寶大優惠既有套餐, 又可單點小菜都幾多選擇.姨媽至愛 蜜汁叉燒叉燒肥瘦適中, 肉質鬆軟, 肉香調味佳. 上桌賣相吸引, "立立令"  的的蜜汁, 十分惹味.清蒸沙巴老虎斑大大條魚, 肉質爽彈鮮美 ,  充滿魚味, 鮮味超滑 !  配以 豉油, 熟油綻的蔥花, 更香, 更美味 !海鮮一品什菜煲有帶子, 大蝦及鮮魷, 什菜有菜芯, 白菜及生菜. 上湯底加粉絲, 鮮蝦蝦味濃郁, 蝦肉彈牙好新鮮.  帶子鮮甜,  好好食.粟米魚肚羹夠熱.

來到莊士敦廣場，餐廳數目特別多，和家人吃飯當然要選酒樓吧先來一盅杏汁豬肺湯，湯料特別多，有瘦肉、雞腳，還有我最喜歡吃的豬肺！煮豬肺湯真的要很多功夫，因為要花很多時間把豬肺洗乾淨，所以我平時很少弄這個湯這個湯充滿著以上料子的精華，每一口也有濃烈的杏汁味，確實滋寶養顏，所以我非常推薦各位試一下！龍蝦伊麵現在特價，不用二百元便可以吃得到片皮鴨外皮色澤均勻餐廳還非常貼心，把皮用紙分隔開，我們那的時候就更容易了鴨子身體的部分更可以用作另一道菜，份量是挺多的鮑魚洗得非常乾淨，連腸子也被除掉

呢間位於佐敦莊士倫敦廣場樓上嘅新新酒樓，前身係新樂酒樓，新樂酒樓於2015年3月結業前謝賢、羅蘭、薛家燕等紅星仍不時光顧，而升降機旁邊也放了不少明星的照片。新酒樓，新牌匾。我地一行四人叫左個燒鴨兩食，一個係片皮鴨，另一個就係涼瓜炆鴨件即場睇住侍應喺我地面前將隻燒鴨嘅皮慢慢片出黎，包保唔會被掉包片好左可以上枱啦！用黎包住片皮鴨嘅粉皮好細心咁樣用一層一層嘅牛油紙分隔開，咁夾嘅時候就唔會被另一塊粉皮痴住啦，呢個細心位值得一讚睇住都已經流晒口水涼瓜炆鴨件煮得夠入味，同埋鴨件數量都多鮑魚味道唔錯，不過大小差距較大，如果可以大隻返少少就好啦生磨杏汁燉白肺夠足料，飲落亦都啖啖杏仁味，岩晒鐘意杏仁嘅我食完之後酒樓仲送糖水比我地TIM

<佐敦新新酒樓小菜唔錯>😃喺佐敦好多食肆既莊士倫敦廣場 呢間新新酒樓 經濟實惠 酒樓格局 幾啱一班朋友 或者一間大細食飯🧀 🍴翡翠花菰燒豆腐 88 蚊都落足料既豆腐 豆腐好多舊 出面爽口 入面軟熟 用既冬菇 🍄好爽滑彈牙 再加上菜點綴 佢個茨汁調得唔錯 有適當既口感 甜咸適中 😃 🍴孖寶推介 之一 298 蚊片皮鴨一隻 298 蚊 🦆其中一味菜係填鴨 真係好抵食 原隻片皮鴨推出黎 , 雖然唔係好似大陸嗰 d老師傅切 但作為員工 staff既姐姐切 都切得十分唔錯🦆鴨都燒得好香脆 入面咬落啖啖油花 帶少少香濃既鴨肉 😃 加以甜醬 青瓜同葱花🌿🥒 用蒸得熱辣辣既包皮包住黎食 鴨油滲入包皮 好正😈 如果個包皮再薄 d會更好🙂 🍴孖寶推介 298 蚊之一 金蒜粉絲蒸元貝 😍有4 個大大隻既扇貝 大隻新鮮 食落幾新鮮 啖啖肉 佢既粉絲同蒜蓉 都整得幾香同爽口 同扇貝 perfect match 😃#扇貝 #填鴨 #片皮鴨 #豆腐 #冬菇 Score 平均分 <6.9/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygien

first I'm typing this message when after waiting for food long time.what they have and what they don't have need to ask.food never come out take tooo long time.order automatic cancel if they don't want to serve.so stupid to eat here.super bad service, food maybe good but service make me feel food also bad.very bad place i ask every body don't go if you never go before.i ask my friend if you want to eat with me don't ask me to come to herethis place is toooooo bad and i been typing this for long

約左哥嫂晚飯，一心諗住食大閘蟹，由尖東站邊行邊上網揾，度度都無，最後行到佐敦，老公叫我放棄，最後求其喺倫敦廣場選了間中菜就上去，很耐無嚟過呢度，上到去餐廳裝修一般，可能太早，只坐了幾枱客，菜牌有不少孖寶套餐，價錢尚算合理。我地4個人，隨便叫了隻乳鴿，蝦多士，啤酒，一個燉湯，上湯龍蝦伊麵，雲耳浸菜苗。食物質素很一般，服務尚算可以，換左幾次碟，昨天星期日人算多，但做一輪就完了。這裡傾偈一流😀湯淡淡地，但味道還可蝦多士按件計錢$28/件，蝦夠大隻乳鴿味道最好上湯龍蝦伊麵，個麵太淡，唔夠味

新新酒樓,在友人口中讚不絕口的一家老洒家。 終於有機會一試。要食特色菜式的話，記得早幾天打電話預定。懷舊裝修但保養得尚可，衞生情況滿意！帶有少許舊的味道但少了一份現今酒樓的浮誇，感覺還舒服自在。服務員合到好處的熱情，感覺放鬆。上的第一道菜是爵士湯, 鄧肇堅爵士創立的湯。內有蜜瓜，螺頭，沙參，雞腳等等及一些我忘記了名字的滋潤湯料。湯味十足，很甜，密瓜的甜味全都溶化在湯水之中！對我來講是太甜了少許，但驚喜地喝後嘴唇因乾燥及缺乏保養而長伴左右的死皮全都一下子消失！在場的每位朋友都停不了口，自行添渴及把湯料都差不多吃清光，太甜可能是我個人的喜好問題吧！菜式之中，有三款真的不可不介紹！鹽焗奄仔蟹。飽滿蟹膏令在座各位嘩聲四起！蟹的尺寸及其爆膏程度....看相便知我沒有誇大！ 隨了蟹膏的香濃味，當中還夾雜著海鮮的甜!其味道有別於一般的蟹膏,沒有那個我一直以為是吃蟹必有的「甘苦」味！炆斑翅:石斑魚皮但口感比美花膠!膠質豐富! 薑蔥炆煮，十分野味！只是需要比較費勁咀嚼！如果可以再軟腍一點口感更好！焗魚腸:這道菜式已經不是很多地方可以吃得到！內臟清理得十分乾淨！機本上可以一點胡椒粉都不需要加！絕對不可不