新匯聚打冷小廚 (已結業)

和朋友在觀塘食晚飯，兩支公最適合在這種打冷小廚吃飯聊天。我們去的那天人不多，坐在餐廳的角落聊天非常舒服🍺總共叫了四個菜，一支啤酒和甜品，豉椒炒聖子很夠鑊氣，聖子也非常鮮甜，配飯或送酒都是一流🤩每次去大排檔都必定會叫椒鹽鮮魷，這裡的椒鹽鮮魷也沒有令人失望，外表香脆，魷魚新鮮，點淮鹽食非常正👍🏻金銀蛋Yin菜普普通通，味道算清淡，份量也尚可👌🏻最令人失望的就是這個「蠔餅」，不但因為等了接近一個小時才上菜，味道也是麻麻地，外表看似不錯但吃落去成口都是炸粉，沒有味道口感也非常奇怪，是很奇怪的烹飪方法，我和朋友只能把裡面的生蠔挑出來食👎🏻最後意猶未盡我們還叫了甜品，我叫了芝麻糊加糖心蛋，味道不過不失👌🏻整體而言食物味道可以，除蠔餅之外都令人滿意。但價錢偏貴，不會再幫襯😅

觀塘其實係一個臥虎藏龍嘅地方，淨係工廠區嗰邊已經隱藏咗唔小隱世食店。今日去到成業工業大廈嘅〈新匯聚打冷小廚〉和友人開飯，之前試過佢隔離座嘅餐廳小廚，已經知佢哋有一定嘅水準。今次嚟到嘅新分店，地方更大，更光猛衛生。〈滷水鵝肉〉來得打冷小廚就當然要叫個滷水鵝肉。鵝件非常厚肉，滷得非常入味，而且肉質肥瘦適中，口感不乾不柴，好吃好吃〈山賊汁煎釀豆腐〉外層好酥脆，加埋醬汁好惹味。入面鯪魚同豆腐嘅比例差唔多係一半半，用料十足！！彈牙既鯪魚肉加埋爽滑嘅豆腐一齊吃，口感好好。必定要吃。〈手撕雞〉炎炎夏日見到呢個咁色彩繽紛嘅餸就已經好開心😆大大條嫩滑嘅雞絲加埋爽口嘅青瓜同紅蘿蔔絲一起吃，只有一個字：爽！！唧上隨碟嘅青檸後，酸酸地又辣辣地，味道更加清爽，夏天時絕對要點這個吃。食完飯後仲會送小甜品，今日係杞子桂花糕，爽如果送既糕點唔啱食仲可以點其他更精緻嘅糖水。選擇都幾多架，可惜今次太飽沒有吃，下次再來一定要點。

這天晚上我和家人外出用膳，經過朋友的介紹，我們決定來到這間潮州菜餐廳試一試，店內環境寬敞，餐牌上的選擇很多，而店內的客人比我預期的更多，始終餐廳位置比較偏僻，因此證明食物的質素應該相當高，餐廳十分細心，每張枱有纸巾和牙簽供應欖菜肉碎四季豆($70)用洋蔥，紅椒作襯托，欖菜味道鹹鹹的，香稔軟嫩的豬肉碎，爽口微彈的四季豆，整體份量延多，價錢可以接受魚香茄子煲($77)軟綿綿的茄子，十分新鮮，味道恰到好處，不會太鹹，份量很多，用石窩上，令食物可以一直保持在很高的温度肉絲炒麵($70)爽彈鮮美的菇，彈牙的芽菜，嫩滑細密的雞肉，麵非常脆，口感十分特別，份量非常多，非常抵食蠔餅($70)用乾蔥芫茜鋪面，用細碎的蔥，非常新鮮的蠔，蠔的海水味比較淡，人們很容易接受得到，軟綿綿的蛋，炸成的蠔餅，十分脆口，配上味道鹹鹹的醬汁，十分地道，份量十分多普洱茶($18)茶壺很有懷舊的特色，茶很濃水很熱整體來說，食物的質素很高，食物的種類很多，無論是前菜，小菜，主食，甜品都有，食物的份量非常多，食物的用料很新鮮，食物的賣相很不錯，食物的定價很大眾化，而店員亦有良好和積極的服務態度，最後我認為這間餐廳是值得再去惠顧

今日俾老婆賣甩，係時候約下爸爸食飯。😎兩個大男人，當然去打冷小廚，食下小菜飲下啤酒就最開心。😏所以揀左係屋企附近嘅〈新匯聚打冷小廚〉來啤一啤。🍻先嚟個啱啱即炸好嘅蠔餅，炸到金黃色脆卜卜，入面有大大隻蠔，夠曬香脆。另外叫咗個蜂蜜欖角骨，大大舊，咁多件都只係$90，抵食。一字骨好厚肉，上面仲黏滿晒欖角蓉，甜甜地又啖啖肉，爽吖！有啤酒又點可以冇鹹豬手？！叫佢哋最招牌嘅酥炸德國鹹豬手是常識吧！！豬手嘅外皮整得好鬆脆酥化，肉質又唔會話勁鹹死實實，大杯酒大塊肉就是爽吧。😎估唔到食完仲有甜品送，今日係杞子桂花糕，涼涼地都幾清熱。最特別係有麒麟枝裝啤酒，兩父子係要久唔久聚一聚嘅。原來除咗小菜打冷之外仲有甜品屋，下次可以同老婆嚟食。

今日又去咗觀塘食飯， 食返喺成業街嘅打冷店。 雖然係晚市但都唔少人用餐， 仲見到有啲人自備紅酒開酒飲我哋兩個人，眼闊肚窄order了咗四碟嘢。 有鹵水鵝片 ，蠔餅 ， 馬拉盞炒通菜牛肉， 椒鹽鮮魷拼欖角骨。鹵水鵝片， 好刀工， 十數塊鵝片及底下豆腐切得均勻， 鵝肉肥瘦適中， 鹵水汁鹹甜適中。蠔餅， 沒粉漿，蠔夠肥厚，好多好大粒，而且係用鴨蛋煎香，色澤及味道較為濃郁， 加上黑胡椒同芫茜碎，好味道， 為當晚最欣賞嘅餸菜。椒鹽鮮魷併欖角骨， 單叫太大碟，可以雙併真係好，我唔介意俾多少少錢食多一味餸。 椒鹽鮮魷，唔厚粉，冇出水，脆卜卜又咸香，係熱氣左d. 蜜汁欖角骨，啖啖肉，唔鞋，仲好香脆馬拉盞炒通菜牛肉，牛肉大片，鹹 香 滑 溜 ，惹 味 家 常 菜 。食完之後餐廳仲送咗每人一件椰汁馬豆糕，好好味。

早幾年已聽聞牛下的著名小炒新匯聚餐廳小廚搬到成業街，之前已經嘗過晚飯，都真係有水準。聽聞佢又開了打冷店-新匯聚打冷小廚，響前多幾個鋪位，於是又去試下。點了蠔餅$70，我很愛吃的，一上枱，很驚訝，超巨型，好大份，外皮非常酥脆，蠔仔大大粒，都有好多隻，漿粉比例剛好，香脆。黃金脆肉瓜$80包滿咸蛋黃，好香口，咸香味足，平時黃金蝦食得多，配上瓜類，冇咁有罪惡感。招牌清湯牛筋腩$110，湯底加了胡椒，好夾濃郁的牛肉湯味，而且好大碟，好多牛筋，牛腩都好稔，成煲湯飲晒。豉油皇乾炒牛河$70（少油），這是個套餐，包埋杯飲品，杯凍檸茶啲茶香味濃，濃到好似飲緊紙包飲品果隻味，牛肉有肉味，牛肉份量都多，炒河夠乾爽，叫了少油真係做到，好難得唔膩口。每枱還送上甜品，有杞子桂花糕。碟碟有鑊氣，份量又大碟，好抵食，店員服務都好好。

今日想食下中式，一於去觀塘打冷，黎到呢間新匯聚打冷小廚，價錢不貴，很平民。首先點了啫啫生菜，黎到熱辣辣出晒煙，食落好香，好濃味。除了生菜也可以選擇通菜或芥蘭。之後點了椒鹽豆腐粒，炸得好脆好入味，好夠熱，鹽味也剛剛好，不會太咸。再來是豉朝炒花甲，份量好大，花甲也好大隻。平時出面蜆是很細隻，食落好juicy香口，只需100元，很抵食。👍之後叫了粟米魚肚羹，非常大碗，兩人喝了六碗，非常鮮甜，栗米味好出。

朋友在觀塘放工，說想食打冷野，就去了成業街行入小小的新匯聚打冷小廚。唔好睇佢地理位置比較隱蔽，哩間隱世小廚絕對可以食到鑊氣十足的地道風味小菜。 餐廳環境好大，基本上可以任選座位，而且地方乾淨整潔，比一般普通食打冷野既地方座得更舒適。 我地二人點了三個鎹，上菜速度極快，下單後約7-8分鐘已經上齊，完全滿足就快餓死的我們。避風塘蝦膠茄子，一碟有8件，用長碟一字排開，配上香口的椒鹽淋係上面，整個貌相絕對可以同酒樓相比。茄子外皮炸得好香脆，但肉質仍然好多汁，加上茄子上釀了蝦膠，令口感層次更加豐富，外脆內嫩。 紅燒豆腐貌相亦都幾精緻，用了西蘭花襯底，可以食多點蔬菜。豆腐外皮用了紅燒煮法，食落可口，而最重要係豆腐的肉質十分嫩滑，加上獻汁，味道一流! 砵酒焗美國桶蠔，侍應一打開個錫紙，已經聞到香噴噴的蠔味，每隻蠔有近手掌甘大，咬落啖啖都係肉，鮮味十足，而且加左好多洋蔥，完全沒有醒味，更為桶蠔加添鮮味，所以這道菜的份量同味道我都會比足十分! 差不多食完的時候，侍應竟然送左碟耶糕甜品比我地，原來哩到每日都會送唔同甜品，而且味道一點兒也不差，耶奶味好香，真是給了我一個驚喜!!

太多嘢做要 OT, 趕唔到回家食飯，叫同事去攞位，擺烏龍去了樓上那間新匯聚，原來是地下有得打冷那間，真是忙昏了頭腦😉😉放了工，人流少得多，只是中午食過，晚飯都是頭一次，普通茶餐廳格局，但地方算大。打冷檔一眼望到蠔仔粥3個人，叫了小鍋蠔仔粥，size 勁，5個人都夠食蠔仔大隻，肉碎多多，地道潮色味濃，湯鮮甜韭菜豬紅豬紅入口滑溜， 韭菜新鮮，特色小食，必叫鹵水鵝片比想像中大碟，價錢合理， 鹵水味濃，鵝片入味，啖啖肉， 好有滿足感墊底的豆腐和花生索曬鹵水汁精華， 好食到暈吹水墨魚咀聽個名唔知係乜， 原來是椒鹽墨魚咀， 墨魚咀入口爽脆， 椒鹽辣得舌頭有些麻麻感覺， 好刺激， 喜歡辣的朋友一定要試下蜜蜂欖角骨走過油的排骨， 淋上了蜂蜜欖角芡汁，甜中帶有欖角的微鹹，味道獨特， 意外的好味道食咗咁多，每人大約100，簡直抵食又好食😍😍

今日去開APM間Apple出新電話，出完就開開心心同一班朋友黎左呢間係APM附近既打冷小菜館，一入到去都已經坐爆晒咁濟，相當熱鬧。一班朋友唔少得既當然係啤啤佢，坐低先嗌左四支藍妹開心下。之後就首先就叫左滷水拼盤，一句講晒，超入味！特別係佢個大腸，送兩碗飯都有凸。再黎一個椒鹽鮮魷，外脆內軟，鮮味十足，呢個我比滿分，因為坊間已經好少再可以食到D用料咁新鮮既椒鹽鮮魷。太多肉既關係，我地仲叫左個粉絲雜菜煲中和一下，都相當出色，菜唔會太老！去開觀塘行街或者係觀塘附近番工番學既朋友，我非常建議你地黎呢間新匯聚打冷小廚試一下！

係附近番工, 收工黎試下.座位基本上任你坐, 唔會限死你2個人要坐邊度. 座位岩岩好, 唔會迫.華梅骨好出色, 夠大碟又唔貴, 酸酸甜甜好開胃, 有D似咕嚕肉既進化版.滷水拼盤個人黎講覺得痳痳地, 首先個色唔夠,  滷水太淡, 唔夠味, D料唔入味.  另外點個醋都係唔得, 同個拼盤一樣問題. 不過又係好大碟,.辣子田雞辣度十足, 鐘意食辣一定要試下, 田雞夠新鮮, 肉質夠滑嫩.另外待應黎講全部都好好招呼, 好親切. 

實在很久沒有吃過打冷，於是就相約朋友去到觀塘一間不少人介紹的打冷小菜店。起初去了舊鋪，幸好店員好好人帶路去到這間餐廳。我們未到六時就入座，因為怕晚了會很多人。餐廳環境闊落，地方乾淨企理，看到餐廳裝潢不錯，非常光猛，然後枱與枱之間的空間感足夠，坐得舒服，不會感到狹窄。我和友人分別點了三道菜式，上菜速度亦都快:上湯蝦米粉絲什菜煲$80菜的款式種類很多而且份量十足，當中包括雜菇，生菜，菜心，西蘭花，白菜，芹菜。粉絲吸收了上湯的精華很惹味另外還有海鮮，包括我喜歡的魷魚滷水鵝片 $100份量很多，滷水味道不會太鹹剛剛好，我很欣賞。豆腐和花生充滿了滷水的味道，鵝片入味，肉質鮮嫩有咬口，有水準。佐酒簡直一流配上辣椒油別有一番風味。芝麻雞 半隻$140:這個芝麻雞一上枱的時候已經聞到陣陣的芝麻香味，食落非常香脆芝麻甚多肉質嫩滑，簡直是色香味俱全。餐廳的餸菜款式頗多，下次必定會再來吃別的試試

好耐之前同朋友係新匯聚食野，都係食份量超大好抵食的午餐牛扒餐，印象中小菜都唔錯，發現最近開左間新的新匯聚，地點都幾近舊個間。 Menu 有唔少小菜揀的，樣樣都想試呢。 蒜蓉炒豆苗$70 豆苗呢個價錢算係好抵，平時係街市買一斤都要最少20蚊，份量都好多，蒜蓉味十分重呢。 招牌茄汁大蝦$220 好耐冇食過大蝦，除左炸蝦同黃金蝦，茄汁都好好食。個汁甜黎得有蕃茄味，大蝦十分入味，大大隻。 芝士炸蝦丸$100 芝士餡係中間，蝦丸好彈牙，出面仲有d 脆絲的。

今日難得早收，就同朋友去左apm行街，行到肚餓就去附近搵野食，大家都想啤啤佢，就近近地黎左呢間打冷到食下小炒飲下啤酒黎得大排擋唔嗌唔得既一定係椒鹽鮮魷同埋滷水拼盤椒鹽鮮魷外脆內軟，炸粉唔厚同時又鎖得住魷魚既鮮味，另外滷水拼盤入面最為出色既一定係滷水大腸同埋滷水鵝，超入味，送飯首選！除左以上兩道菜之外，我地仲叫咗個粉絲雜菜煲同埋炸墨魚咀，墨魚咀炸得岩岩好，超多汁得黎又唔會太硬身，而雜菜煲都係水準之上，總括黎講確實值得一試。

原來呢間新匯聚打冷小廚係唔同舊個間新匯聚架，不過地點都好近，仲坐得舒服左。我地叫左幾個小菜，冇加一的，算係幾抵食架。menu 有好多選擇呢，揀都揀左一段時間。瑤柱肉碎泡飯$60雖然叫左小份，但份量夠2,3人share 了，有菜，有冬菇，牛肉加瑤柱，味道好入味，米粒亦夠軟，煙煙unun 蒜茸蒸大元貝$50隻大大隻賣相超靚呀,而且好新鮮，蒜蓉好惹味，加埋粉絲，帶子有咬感。呢個價錢黎講好抵食呢。下次都會再約朋友黎。