新匯聚打冷小廚 (已結業)

和朋友約了吃打冷最初去錯了舊舖 店員親切地帶路終於去到新舖時間尚早 場地又寬敞坐着吃東西或和朋友聊天挺舒服的點菜後 上菜速度挺快的金銀蛋浸時蔬（$80）：菜可以自己選擇 我當日選了娃娃菜比較特別的是有點勾芡的感覺 蛋白形成蛋花狀 與巿面一般所見不同滷水拼盤（$150）：份量非常多 可供四人食用而且種類豐富 有豬耳、紅腸、大腸、豆腐等滷水汁亦吸味 即使不沾額外的調味料也可以 適合下飯招牌芝麻雞（$140/半隻）：雖然叫了半隻 但雞件不少 而且也挺大一塊的表面香脆 一咬就散發芝麻的香味 鹹度適中馬豆糕（免費）：臨走的時候 店員主動提醒有甜品👍🏻微甜收結

今日放工與同事去觀塘APM買衫👚順道一齊吃吓飯及交流育兒心得，於是就上OpenRice睇一睇有嘜嘢食，點知發現有一間新開打冷店「新匯聚打冷小廚」位於成業工業大廈，都很方便就決定去試試。店鋪都很大，有圓檯座位及卡位選擇，小菜款式也很多，有🥬🦐🐟🐚🍖等。這碟滷水拼盤非常大碟，有墨魚🦑大腸、紅腸、豬耳、鵝肉和滷水豆腐。味菜鵝腸配料甚香，有陣陣青椒氣味，鵝腸肥大爽口，夠鑊氣。廚師推介芝麻雞🐔肉質嫩滑，芝麻甚多，皮香脆熱辣，色香味俱全，連隔離枱睇到都跟著叫一碟黑椒粉絲蝦，熱騰騰的上桌，散發出陣陣黑胡椒的香氣，蝦身彈牙，若多幾條就更能滿足食慾。結賬前店舖還送上一碟椰汁糕。

今日放假去APM行街，到咗晚飯時段，朋友提議想食打冷小菜，所以我哋選擇咗喺觀塘工廠區附近一間新滙聚食打冷。地方很大，未到晚飯時段已經差不多坐滿人。餐牌上款式種類多，有打冷，小菜，燉湯等......多種選擇👍食打冷一定會叫的豬紅韭菜，豬紅口感鬆軟好入味，韭菜浸入濃汁好濃好惹味🤤滷水拼盤大大碟乜都有，墨魚好爽口，豬大腸識落煙煙Unun, 滷水鵝件入味，肉質一d都吾鞋👍啫啫芥蘭煲-芥蘭嫩嫩綠綠好爽口，配埋香噴噴的肉碎，配飯一流👍鹹魚雞粒炒飯-識落香口一啲都唔鹹，飯粒炒得粒粒分明，好好味👍食完之後仲有甜品送，食到舔舔脷👍

於 apm 逛完街，又是吃晚飯時間，想吃下中菜便上網看一看，我們找到了這家打冷小㕑。見新開張，亦有好評，便去一試。鹵水拼盤 $150份量十足，有豬耳，鹵水掌翼，鵝，紅腸，豬大腸，鹵水豆腐，墨魚。墨魚超好吃，非常爽口👍🏼，豬大腸軟腍，甘香。豆腐很軟滑。菜乾白菜燉豬肺 $50/位鮮磨杏汁燉豬肺 $50/位，滿滿杏汁味。以上兩款湯都很好喝，熱辣辣，十分暖胃。材料十足，以瘦肉和雞肉一起煲，再加上豬肺，味道層次頓時提升。上湯粉絲蝦米什菜煲 $80亦是大大煲，份量十足，上湯很清甜，粉絲和蔬菜吸收了湯的味道，火喉剛剛好，不會收乾煲仔內的上湯，還可以呷一口湯，正再加一碗白飯兩個人share，吃到要捧著肚子和打包😳還有免費的馬荳糕作甜品，不太甜，不錯。侍應服務好，態度親切，值得一讚。下次會約多兩個朋友一起來，可以試多幾款小菜，

平時甚少到觀塘區覓食開餐，友人在附近放工帶路到工廠大廈內的打冷舖開餐❤︎距離地鐵站十分近，只是4分鐘路程左右〜就如其他打冷舖一樣，店內非常寬敞明亮，適合一伙人 gathering 聚餐吹水我們兩個人，點了3個菜(招牌話梅骨 / 鹵水併盤 / 四川辣子田雞煲)，另加1飯1粥 <3 首先，招牌話梅骨做得非常出色！平日特別喜歡吃話梅，甜甜酸酸生津止渴，見到有話梅入饌的菜式都定必試試❤︎呢道話梅骨，甫上枱就已經聞到話梅獨有的酸甜香味，色澤又夠紅潤，光看都令人食指大動。實際放入口亦超乎預期，排骨吸收了話梅的酸甜味道和清香，肉質變得酥軟又不油膩，微甜又帶點酸，十分開胃可口，必點菜式！四川辣子田雞煲，辣椒洋蔥加田雞炒得好香，田雞肉依家軟滑，味道亦辣得非常過癮，適合嗜辣的人士 <3打冷舖必點的鹵水併盤，料足又超級大盤，3,4個人食都足夠下次有團聚活動，會帶朋友們來試試！

早排和一同姓朋友交談發現大家竟早同袓同宗分了房的遠親。驚訝之餘真有世界真細小之感。餘慶未盡，他拉我到平時他最愛的潮洲菜館共敍鄕情。說來慚愧，雖然家裏是潮洲人，但郤很少到餐館食正宗的潮洲菜。呢間新匯聚打冷小廚地處鬧市中的隱閉一角，卻高朋滿座，食客絡驛不絕，可見小店實力留住一班忠實飯腳。我們點了一碟椒鹽九肚魚、漁香茄子㷛、薑葱田雞㷛以及一碟白灼墨魚。老實說，前兩樣菜平時也不難吃到。我也不知是否屬於潮州菜，還是各地都有的菜。但比較來說，的確做得十分出彩。我最激賞的是椒鹽九肚魚，金黃色的真是外脆內軟，入口即溶。呷一口冰凍啤酒一九肚魚，真不知應是魚來佐酒，還是酒來送魚，實是人生一大享受。兩個㷛菜火候十足，漁香茄子㷛的鹹魚肉醬拿來澆飯真覺絕配，瞬間令我的開胃指數幾何級提升，真是飯都扒兩碗。田雞肉質幼滑鮮嫩，比真雞還嫩，更有河鮮的鮮甜。別看葱沒睇頭，那些䓤都索滿了田雞的肉汁，相當惹味。壓軸的是切片白灼墨魚，這是今餐最典型的潮洲鹵味，用鹵水豆腐和花生鋪底。墨魚極鮮甜爽口，蘸著鹵水，和朋友把盞談歡，一知不覺就把整隻墨魚吃入肚了。今餐算是見識到了潮菜的風彩。

咁岩觀塘做完野放工同事話新匯聚開左另一邊 即管去試下新果間響地面的環境都大 坐得舒服既 唔算好嘈好鍾意佢個金色茶壺好多選擇 點左個避風塘蝦膠茄子新年仲有意頭小菜有我鍾意既打冷 點左拼盤,蠔餅 同蠔仔粥呢杯 柚喜 係柚子蜜mix7喜 好正!拼盤 好大碟 有6樣野 墨魚 豬耳 豬腸 豆腐 紅腸同鵝肉 個人喜歡豬耳同墨魚 豆腐好大件不得了 好大塊 勁脆口 蠔仔份量多粥好食 份量多 可以4人share哇 呢個茄子 唔油 好惹味 唔辣的 蝦膠仲好彈牙仲有糖水送 正!紅豆西米2個人 食唔哂要打包haha加埋都係400蚊 好抵!下次多d人 再試其他

觀塘放工，行去成業街搵嘢食，喺東廣場再行入少少，記得食過一間叫「新匯聚」嘅餐廳，想OpenRice搵地址，竟然發現佢開咗間分店，咁就一於試新野啦餐廳名雖然主打打冷，但其實仲有好多經濟小菜，游水海鮮，煲仔菜，同埋炒粉麵飯，想食咩都有招牌蜂蜜欖角骨（10件$90）餐廳用一字肉排，油泡後再炒上蜜糖同欖角，可以鎖死肉汁，令肉質更鮮嫩。一碟十件，每件大大件，分量十足。欖角嘅鹹香配上蜜糖嘅鮮甜，令肉排嘅味道更有層次豉汁蒸白鱔（$130）食大白鱔最緊要肉質爽口彈牙，呢碟完全做到了，肉質夠結實。除咗基本嘅豉汁，呢碟白鱔更加用上蒜頭一齊蒸，令魚香更提鮮惹味潮式蠔仔泡飯 （細$60）呢個泡飯嘅焦點同亮點都絕對在蠔仔身上，冇腥味，冇蠔殼，夠鮮甜只是基本，呢度嘅蠔仔隻隻都脹卜卜，每啖咬落去爆汁的感覺，好有口感欖菜四季豆（$80）香濃嘅欖菜，加上肉碎，再加上本身味道偏淡的四季豆，配合起嚟可以話係恰到好處。四季豆冇腥味，亦都無「渣」，好食紅豆沙食飽之際，餐廳原來仲有糖水送，呢個糖水一啲都唔Hea，亦唔會過甜，紅豆沙裏面加咗西米，食入口嘅時候更滑溜餐牌每人平均百零蚊，食到四個菜，份量足，再加上糖水，超值之選呢間係新

杏汁燉豬肺湯一開蓋就看見奶白色的杏汁燉豬肺湯，杏汁味勁濃，豬肺難以清洗所以在家很少時候可以飲到。這湯大概九個人，每人可以飲多兩碗。豉油雞外面的色水還可以，但入邊食不出有豉油味，還有雞很結實肉質不是很滑。芝麻雞香脆，放上枱的時候已經聞到震震芝麻香，但是肉質也不是很好吃。蠔餅非常香脆可口，蠔粒粒都好大隻，絕不能夠和廟街的蠔餅相提並論，這裏的蠔餅中間的位置也能炸到香脆可口。東坡肉值得一讚，肥瘦均勻，肉質柔軟，肥膏位置入口即溶。東坡肉既咋汁撈飯一流。臘味蒸糯米飯，有好多臘味，加埋一齊蒸煮糯米飯充滿臘味香。又有些花子一齊食，好好味。最後還有西米紅豆沙，圓滿的結束。

潮洲打冷菜，親民價錢，食物質素高，最新還開了分店，Book位更加容易。蠔餅 $70超大份，用上雞蛋及炸分做炸漿，即叫即炸，金黃色火喉控制剛好，脆而不油膩，沾上蠔餅汁一起吃，更加沒有油油的感覺，蠔的份量也算多，抵食。德國脆炸豬手 $150招牌菜之一，每枱客人都會點的菜，豬手表皮燒得極脆，配上Wasabi味的沙律醬一起吃，非常夾，超加分，豬手的肉質亦十分軟腍，必試招牌菜。 炒芥蘭菜新鮮，非常綠，芥蘭爽口。

話說已有一段時間想打冷 終於有得食!工廈地下的一間小廚主打打冷菜碟頭份量大 沒茶芥不加服務費3個人食5樣餸加碗粥都只係$454❗️平均$150一人的晚餐實在抵食同時飽死😂九菜豬紅 | $40比一般的濃味 有微微沙爹的味道特別香特別惹味 食唔停口😋招牌話梅骨 | $90不愧為招牌 用話梅的酸性調味但又不會過搶溫和酸加少許甜味 平衡得剛好 超惹味好食蒜蓉炒豆苗 | $70略嫌過油 但豆苗勝在夠嫩滷水併盤 | $150超大碟的滷水拼盤❗️而且種類勁豐富有鵝肉鵝腸紅腸墨魚滷豆腐這樣多併加上碟頭咁大平時餐廳一定起碼過$200但這裡的價錢實在抵😆薑蔥田雞煲 | $90田雞略炸過份外香口但肉質依然嫩滑 薑蔥味超出勁香

舊同事在觀塘公司附近又發現了新食店，名叫新匯聚，有小炒又有打冷，今晚同事約埋去試試，重預埋我一份，食店位於工廈，地方整潔。特式椒鹽肉排：肉排選用一字排，炸至金黃色，加上炸香的蒜和辣椒甚惹味，肉排肉質鮮嫩有口感。薑蔥魚腩煲：熱騰騰用石鍋盛載上檯，保持熱度耐一點，將魚腩沾上生粉，炸至金黃色，再用很多暴香的薑葱蒜回鑊炆煮，魚腩外層吸收了醬汁好惹味，內層肉質鮮嫩！肉絲炒麵：雖然是炒麵，實際是炸脆，表面再澆上混有豬肉絲和芽菜的芡汁，卜卜脆有口感又美味！揚州炒飯：飯炒得夠香又粒粒分明，材料有蝦仁、义燒等，香潤爽口，好味！麒麟啤：美食當前，當然又要啤一啤！飯後還有糖水送！

觀塘成業街雖然係工業區，但一到夜晚就變成為美食集中地，無論新落成大廈還是舊式工業大廈，都佈滿各式食肆，我就較為喜歡去舊式工廈搵食，因為通常大件夾抵食今日我就幫襯左新匯聚打冷小廚，貪佢有潮式又有中式菜式，餐牌有齊多款小菜及打冷菜式鹵水拼盤份量超大，鹵水墨魚彈牙又有墨魚味，肉質彈牙， 紅腸充滿鹵水咸香，鵝翼入味之餘又夠晒腍身，送啤酒一流,鹵水豬頭肉，肉質彈牙有咬口，充滿鹵水味的骨膠原，鹵水鵝肉夠晒厚身, 啖啖肉超好味，大腸有濃濃鹵水味，而且忟得整腍，有水準炸蠔餅蠔餅份量超大，雞蛋混和香脆炸粉，入口鬆脆又香口，入邊有唔少蠔仔人， 隻隻夠晒肥美，蠔味又濃清湯牛筋腩又係一大鍋份量夠大，清湯腩大大件牛味好夠，牛筋更正 ，條條夠粗，而且忟得極腍，入口即溶，火侯好夠整體呢間工廈餐廳，除左潮式打冷仲有中式小炒，食物大碟又好味，是一個不錯選擇

今天和女朋友在觀塘晚餐，她竟然突然之間想打冷，於是上網一找，發現這家新開業的新匯聚打冷小廚就在附近，就來試一試。環境乾淨企理，座位寬敞舒適，侍者服務貼心，比一般的打冷不同，帶女朋友來也不用怕。餐牌選擇多，潮州打冷、各式鹵水、鑊氣小炒任君選擇，食物份量亦是重量級。鹵水拼盤打冷是自然少不了必點的鹵水拼盤，種類繁多，有鵝件、鵝掌、墨魚、大腸、紅腸、豬耳等，貨真價實，沒有像其他餐廳墊底有一層厚厚的芽菜，滷水味道醇香味美，香腴美芳縈齒頰，配上白醋及潮州辣椒油，令人停不了口。招牌話梅骨招牌的話梅骨，芡汁酸、甜、鹹味平衡，味道融和，更帶有話梅獨特的清香，而且稀稠寬緊合度，豬肉肥瘦適中，炸漿厚薄得宜，入口咬嚼有外層焦香酥脆而內裡嫩滑的滋味。蒜茸炒豆苗最後來一客簡單的蒜茸炒豆苗，最簡單的炒菜是最能反映餐廳水準的，這客炒豆苗清香脆嫩，鑊氣十足，油而不膩，賣相亮麗，色香味質盡皆佳妙。

位於成業街的「新匯聚餐廳小廚」，我已經嘗過多次的午、晚飯，都很滿意。行開成業街無意間發覺在19-21 號有間「新匯聚打冷小廚」新店，於是約埋又食一餐囉！舖位位置比較深入，店舖地方闊落寬敞，貼牆是卡位，大廳放置大圓桌，地方整潔又光猛。打冷，我就真係很少，今次有款咖喱魷魚$60，吸引我們一定要嘗嘗，打冷就是潮州大排檔的冷菜式，中辣的咖喱尚可接受，水魷魚處理得很好，爽脆又入味。蜂蜜欖角骨$90（10件），爆香的肉排隨著空氣中飄送來陣陣香氣，欖角的鹹香和蜜味又令肉香得到更佳的提升，我們大快朵頤！剛剛睇過鼎爺教做柚皮，真係睇吓就算啦！我都自己煑過柚皮，明白是一百分之二百的手工菜，我竟然在菜牌睇見蝦籽扣柚皮$85，咁當然要嘗一嘗，沒想到蝦籽扣柚皮是大大碟份量，碟面兩塊大柚皮，滿滿的蝦籽，兩塊大柚皮之下，尚有三塊較少的柚皮，細嚼柚皮，鬆化入味無渣！豉油皇乾炒牛河$70（走配菜），沒有醃到軟腍腍的牛肉有肉味，牛肉份量都多，炒河夠乾爽。奉送的西米紅豆糖水，很窩心。茗茶每位$6，免加一，抵食！好食！