新仙清湯腩咖哩專門店 (已結業)

由旺角行去油麻地時, 順路望下有咩好食, 無意間經過哩間專食牛腩既舖頭, 仲要寫明係米芝蓮榜上有名添...餐牌有多款牛既不同部位, 可以配飯或粉麵, 除左清湯牛腩湯底仲可以楝蕃莙湯底第一次黎食, 當然要試佢地既清湯底啦...一試一啖....好清好香既牛味...正....平時食粉麵我都一定會落辣椒油, 今次我一滴都冇落到, 因為唔想唗左個湯底.. 我叫左硼砂腩, 比一般爽腩更重牛肉香味...而且炆得好夠淋...我本人覺得好味過大埔那間好串既牛腩粉麵舖....老公叫左咖喱爽腩飯, 啲咖喱較香, 有少許辣, 用黎撈飯一流...啲爽腩唔肥, 適中又較淋, 但係牛肉味始終都係硼砂腩重啲...我覺得啲爽腩唔太完全, 好似好碎濕濕咁上枱本身想叫魚皮, 可惜當天賣晒, 所以叫左麻辣牛舌, 牛舌夠淋, 但係只係將麻辣醬淋上牛舌面, 普通左啲...啲麻辣醬都夠辣既

朋友帶我去食咖哩，去到門口睇到原來係米芝連推介餐廳。小小一間店舖竟然臥虎藏龍？！除左咖喱，小店仲有招牌的清湯腩。我和朋友各點了一個配小食的一人餐和單點一個咖喱坑腩飯一齊吃。落完單，食物好快上枱。咖喱好香，係用巴基斯坦煮法，不是椰汁類咖喱。香料味濃又落左好多好多洋蔥煮，辣得嚟又滲到甜味，係會不停撈飯食！牛腩半肥瘦又係幾入味，但坦白說肉的份量係少左點，薯仔分分鐘仲多。小食點了尖椒釀魚肉同麻辣牛舌。前者好辣，煎得微焦好香口，沾點甜鼓油好惹味。牛舌則微溫，但好淋，好有牛香，好食！跟餐還有一小碗上湯西洋菜，清甜菜嫩，不是馬虎之作。濕濕地中和下最好不過。

車胎人米芝蓮由氣車旅行資訊書，發展到現今的美食指南書，在米芝蓮列表中，香港也有不少餐廳上榜，而油麻地就有一間餐廳在榜上這間餐廳清湯腩及咖喱為賣點在餐單上也印有車胎人的標記內裡的裝修很古色古香，用舊時屋村的綠色鐵閘來作牆身裝飾還有舊時香港的照片，用木板及木枱作配襯，格局很有舊式香港的特色麻辣手撕雞辣度都幾適合，雞肉鮮嫩，不喜歡有骨或怕麻煩的，可以選擇這手撕雞招牌清湯腩套餐這餐廳是清湯腩作招牌菜，當然要點一個來吃啦，腩肉煮得剛剛好，肉質鬆軟，十分易入口套餐另外可再選小食拼盤選了鯪魚肉釀青椒及麻辣牛肚，這鯪魚肉將肉質打到很彈牙，加了一些砌粒的青椒，令味道很豐富，而牛肚很爽口，又不會太辣，味道適合蜂蜜姜汁薏米飲品底有好多薏米，配上姜汁及蜂蜜，帶點甜味，變了一杯半糖水的飲品，十分健康的飲料咖喱三寶三寶包括魚蛋，蘿蔔，牛筋魚蛋及很彈牙，蘿蔔多汁很爽口很配合香港風味的小食

一起身好想食咖哩牛腩飯，記得之前呢間，就坐車去試試佢。。。點知，同樓樓下朋友所言一樣，所謂的咖哩牛腩得啲濕濕碎碎既，咖哩同牛腩既味完全夾唔到，很失望。。。又再證明，米芝蓮既口味真係異於常人。。。唔會再黎

已經幫襯這店數次, 印象和食味都欠佳,  本來已經把這店打入黑名單, 不會再光顧, 皆因幾次都領野.今天原本想去對面的明記食雞什粥, 不料到門口時郤遇上該店休息兩天, 附近除了這店之外, 別無選擇. 於是進入這店, 看看與以前有無分別.下午四時的客人不多,  只有三數位, 店內有四張枱, 有兩張放了店家的雜物, 於是在已經有兩位女客人的方枱上, 灺們是亞洲人, 但是說英語的. ,可能是韓國人或日本人.當下即叫了一碗牛腩麵, 四十大元. 三分鐘有得食, 份量中等, 有牛腩五件, 蘿蔔一塊, 匙更盛著一大匙葱粒, 放了一匙辣椒油後便預備進食.夾起其中一件牛腩, 原來是一大塊全脂肪的肥羔, 不能吃的, 於是放棄, 再夾另一件, 又是一樣, 又要放棄, 於是用筷子搜索, 再發現其他的所謂牛腩, 只見其他的三件;  一件是一半肥, 一半瘦,  可以吃一半, 另外的兩件是全瘦, 可以吃, 但郤是腩底最差的部份, 味同湯渣, 又是雪貨, 無鮮味. 主角如此, 連麵也沒心情吃了. 其實麵底是不差的, 湯底跟其他的清湯腩店是差一大截, 埋單時真想把兩張鈔票撕開兩半來付賬.可見這店連魚目混珠都費事, 給不

琴晚小弟同老婆收工行經油麻地,見落雨淋住近近地搵間餐廳食個麵,都比較過對面街另一間又係賣清湯腩既食店,見呢間門面裝修好小小又大大隻字寫住4年米之連推介就入左去食,入到去人客唔多但座位都好迫下,叫左1個餐再加個粉麵,價錢算ok,首先來到碟咖哩牛腩,我同老婆一睇都似食開大埔果間咖哩牛腩,點知我落隻勺了下碗野,真係見唔多見到有牛腩既,主要係得d零零碎碎既有肉粒同幾粒薯仔.之後來左個清湯腩河粉又係得幾粒牛腩,我相信係我平時食開既3分1份量,份量唔多唯睇下個味道有無得搭夠啦,點知都係失望,牛腩又鞋有無味,仲好意思叫招牌清湯腩,湯就就味精溝出來,無乜牛味.跟住個餐跟既小食都係無誠意既,麻辣牛肚只不過係3大舊牛肚上面迪左3迪辣油,咁既話不如洗小隻碟好過,再跟住到碟菜,個菜頭黑曬都唔切左佢,照淥比客食.總結我建議大家可以唔使再幫襯.食其他鋪頭好過,唔好比佢個招牌同鋪頭裝修坤左.如果有得比分數我會比-100分

其實好多人應該同我一樣，有啲食肆食完之後，如果唔就腳或唔順路經開都會好耐無幫襯😅這間雖在市區，但又唔知點解好少專登行過去，今日睇到有人介紹，終於的起心肝去再嘗話知你米芝連推薦😒其實不嬲都唔理咩芝連幾多星，就腳好食就自然科水再幫襯<特級蝦籽清湯腩撈麵> 🍜$54半肥瘦牛腩帶筋，都幾腍身，又唔會好癡牙😏麵質爽彈，但離竹昇麵有一點距離，總算合格😬蝦籽頗多，食到底有一丁點過鹹而已

今日放學同同學仔去咗油麻地米之蓮食店一個咖喱牛腩飯大辣$58～收費一啲都唔平，牛腩只有四件，而且我唔食薯仔，走薯仔就更小餸但咖喱汁非常香濃，有唔少香料洋蔥碎，非常好餸飯牛腩沒有渣而且琳滑，其實位於油麻地地鐵出口相當容易搵，下次放學都要再嚟

在砵蘭街這一段的三間賣清湯腩的店舖中，以這間近四年來都得到米芝蓮食府推介的「新仙清湯腩咖喱專門店」最有名氣，清湯腩的水準也最高，雖然個人覺得它的出品比起自己心目中的第一名----大埔「群記」還是有所不及，但相對其他以清湯腩馳名的店舖，它已是較好的一間。也所以，自己久不久都會來吃碗清湯腩河，又或是巴基斯坦咖喱牛腩飯做午餐。 這天來得早，店內的坑腩和爽腩仍然有貨，正好與老婆仔各叫一碗「清湯坑腩河」（$46）和「清湯爽腩河」（$46），再把一半的坑腩和爽腩交換，變成一碗「清湯坑腩爽腩雙拼河粉」，好感受兩種不同部位牛腩的滋味。看店中餐牌的介紹說，坑腩是牛的肋骨部分，肥瘦適中，又最入味，爽腩則是牛的小厴部分，因為有兩層筋膜和脂肪包裹著，所以雖然較肥，但肉汁最甜，口感也最腍。這天我正好魚與熊掌，兩者兼得，古人有燕瘦環肥，今我有坑瘦爽肥，美色美食，同樣吸引，同樣教人喜歡。要非牛腩切得較細，口感稍薄，我一定更加滿意。 吃清湯牛腩，除了牛腩要靚之外，清湯同樣重要。這兒的清湯湯味鮮甜可口，牛味雖稍遜，未如「群記」般好，仍是好喝的清湯。雖然腩河中已有蘿蔔在內，但只得那麼一兩塊當然不夠喉，所以也叫來「腩汁

晏就去左食個下午菜，又發現隱世好味清湯腩爽腩湯河我有個習慣就係黎到整啖老火湯底，好清無味精，爽腩筋膜軟滑間帶點爽脆，絕對是爽腩獨有的口感。甘香，油香係口腔內迥香河粉河粉有很韌弹性，煮熟后是半透明的白色麻辣手撕雞手撕雞有啲鞋口同乾身,不過個辣度好勁初初食面頭個啲以為冇料到點知食到有麻辣汁係面既雞,辣到飛起呀!!食得辣既朋友就一定不能錯過炸雲吞見到呀姐，係面前親手整雲吞，令到我即刻叫多個小食外皮好脆，入面d料好足，必試！

This restaurant rewarded ''Michelin recommended restaurant ''which specialises in selling different cuts of beef brisket noodle soups.The restaurant interior minics the old HongKongese ''Dai Pai Dong''style.The iron folding shutter,green iron wind frames,very nostalgic and vintage.They mainly sells three types of beef briskets showing below:Boneless brisket(坑腩)art of the ribs,moderate fat content,has intense beefy flavours.Skirt steak(爽腩):sandwiches between layers of fat and fascia,most tender a

坐落於油麻地核心地帶之一。小小的門面吸引着無數嘅人進出。吸引了我也進入試一試出名的清湯腩。新仙新鮮，今晚咩好？最後決定點性價比最高的一人餐A裏有一客清湯腩、兩款小食、時菜、白飯清湯腩。滿分之作。由牛腩到蘿蔔到湯底都無可挑剔。蘿蔔微甜，無苦澀味，無渣無沙，而且煮得夠耐，蘿蔔夠淋，湯汁完全被吸收。清湯內存在著淡淡的牛腩味，用有配飯吃一流。而牛腩當然做得最好，無用牛根充數，選料上亦只用到最瘦的部分。再加上炆得夠淋，同蘿蔔、清湯相輔相成，做就出滿分清湯腩。真係啖啖肉，絕無偷雞。兩款小食:鯪魚肉釀青椒，家鄉煎鯪魚飯。雖然兩款都是用油煎炸，但一點也不油膩，鯪魚肉亦都打得夠彈牙。食得太清淡，多點一客麻辣雲呑。出乎意料之外辣到一個地步，千萬不要跟清堂腩同時進食，麻辣感絕對會蓋過腩味，建議最後才吃。每一顆雲呑有兩至三隻蝦，交足貨👍已經諗定下次過黎吃飯一定點咖哩試試味道🙈

牛腩，在我輩已成邪惡美食。嘴饞時，一要選優質、二要控制食量。此店的清湯腩河，可選小份的，正合吾意。四片半肥瘦的牛腩，正好解饞而不超標。有驚喜的是那一大塊蘿蔔，清甜入味。店子膽敢在招牌上標榜不含味精，可信性甚高，所以很放心地大啖其少油的清湯。

放工後有啲肚餓,同同事去食啲野呢度出名清湯腩同咖哩,2樣都叫啲試下教你邊個部位打邊個部位,有埋圖好清楚爽腩河爽腩係有啲筋膜包住個脂肪,所以食落除左腍之外仲有啲煙韌感而個湯底真係好清,一啲都唔油,又冇味精味,但重點係唔會冇味完全食到牛既肉味同河粉既麵粉味咖哩三寶既然呢度出名食咖喱又叫一個小食試下三寶即係有魚蛋,牛筋同蘿蔔最欣賞佢既蘿蔔,夠腍又冇渣完全吸收哂咖喱既味道,咖喱雖然唔辣,但好香好惹味而牛筋好腍,又入味,正!!炸雲吞個皮夠香脆,而入面啲料又夠多點少少泰式辣醬,多份酸甜口感,整體好正飲品叫左杯薏米蜜薏米夠哂多,不過就甜左少少,消暑一流

接老公收工後搵食，0係油麻地街頭，地鐵站附近，見到有間清湯腩就走左入去食了。呢度裝修幾特別，行復古風，好多老香港既裝飾，幾有格調。呢度既牛腩分成好多種，有幅圖會顯示哂唔同既部位，例如坑腩、崩沙腩等等。我地兩個一人叫左一碗河粉，加一份小食。《坑腩河》坑腩係主角，但其實無咩太特別。反而湯底清香味鮮甜，好好飲。而配角反而先是主角，比到驚喜我地，蘿蔔煮得好唸好甜好入味。河粉簡直係神級，切到好薄好薄，又煮得好滑好滑，但又唔易斷wor。《牛四寶河》牛四寶，分別有牛腩、牛肚、牛筋、牛舌。當中都係牛腩、牛舌最好味。夠火候所以入味，有牛味同甜甜地。《鯪魚尖椒》小食揀左鯪魚尖椒，魚肉煎得好香，有魚味，表面脆脆地。尖椒入口微辣，後勁十分凌厲。成件都煎得好香口，脆一脆。配埋甜豉油，味道一流，甜豉油有煮過，甜甜地，吊到味。呢個小食意外地好高分。呢度既河粉同小食都好高質，反而牛腩就無咩特別。兩個人最後食左$150，簡簡單單，算係親民價。