新之食 (已結業)

黎呢度食宵夜 ^_^woooooo, 25蚊有大大碗蠔仔粥, 好香好好味加多4蚊仲有腐乳通菜, 勁抵食呀!蠔仔粥 $25 + 腐乳通菜 $4 = $29GOOD!

每幾個月收工經過裕民坊，都總會入來呢度食個麵﹗其實都唔知呢間野同埋0個間有個男人o麥頭0係門口既大家食兩間點分﹗不過是旦啦﹗就食物方面我就覺得兩間野都差唔多﹗點左個小辣肥牛小鍋手攪麵，好鍾意食呢個度0的手攪麵，一來夠多夠飽肚，二來做得很彈牙，食落好有質感﹗小小辣幾香口，肥牛有四五條左右啦﹗配菜方面有芽菜、酸菜、夠哂多，用黎送麵食好味道﹗30蚊加埋豆漿，大大碗，抵食﹗

新之食(大家食集團)於港九的分店非常多,有傳觀塘區二間分店中於觀塘方面分店的食物水準和服務較差,因此今次小弟決定今次走入裕民坊的分店試探如何!地點:算方便,雖說是觀塘區,但其實較近牛頭角站,步行約5分鐘左右食物:今次點算了著名的"茄蛋牛肉手攪麵" "鹵牛肉南瓜麵"和"冷咖啡"茄蛋牛肉手攪麵 :湯底茄味濃郁,牛肉軟滑,麵算彈牙,屬穩健選擇鹵牛肉南瓜麵:牛肉略為普通,但算入味,麵彈牙,有些點兒南瓜味,可以一試冷咖啡:劣,淡如水,就連一向走甜的我都如此評,飲品非常差,而且跟餐要+4元,十分不值服務:光顧的時間是晚上六時,空位十分多,所以未見有催結帳情形,服務可以接受,不過可以的話,主動提供一下清水會更好總結:味道不俗,飲品略差,不過以23元來說算不錯!而且菜脯任吃!那才是精點!不妨一試

小弟係小鍋米線fans一名，自從"雲南風味"大不如前，已轉戰呢度食米線，亦淨係叫小鍋酸辣米線，好好味，又唔貴，值得一試，不過小鍋米線唔辣唔好食，寧叫小辣，不要走辣，唔食得辣，就唔好叫啦～（其他菜式正常茶餐廳水準，廿零叁蚊消費，OK啦。）

尋晚想食酸辣米線, 又唔想去X仔, 所以轉戰呢度~一行兩人叫左酸辣卥牛肉米線, 炸雲吞手搞麵同可樂~落單時, 同某嬸嬸惡戰左好耐, 佢硬係唔明我地要gei係卥牛唔係肥牛, 炸雲吞同麵分開上佢又以為係散叫, 差d頂佢唔順, 最後都忍住唔叫第二個幫我地落單~米線有d 令人失望, 只得spicy, 一d都唔酸, 卥牛都入味gei雲吞無食我唔知味道, 手搞麵偷左一兩條O來食, 無以前咁彈牙~通脹真係好勁, 以前$22--> $26, $15-->$19, 係可樂無加$, 不過都算係咁啦~

呢間店表面看來好似超級快餐形式, 心想不會好到那裡. 但又諗唔到食咩, 咁就試下啦.見有喜歡的蕃茄旦牛肉麵. 好, 就試呢個. 等候其間, 兩頭張望, 見鄰座其實不少食客都係點呢個. 等了差不多十分鐘, 有得食啦. 先來喝啖湯, 正喎, 係好甜的蕃茄湯. 夠濃味. 奇怪, 要煮到個湯咁濃味, d 蕃茄一定要煮到融晒先得, 但又唔係喎. 我諗佢一定係再加咗新鮮蕃茄煮成. 牛肉和旦ok, 但不特別, 不過配蕃茄湯係一很和諧的搭檔. good!唯麵聲稱係刀削麵, 跟以往食過的很不同, 厚厚的一大條, 一點也不討好.

禽晚接完愛人收工，愛人好鍾意食埋哂Ｄ酸酸辣辣野，拉左我入去坐低。兩個人叫左：酸辣米線加豬潤炸雞翼－36蚊包埋可樂，配料豐富，味道不過不失，間唔中食下唔錯。雞翼唔掂，咬開見紅，似乎未熟透。蘿蔔牛筋腩手攪麵－23蚊包熱奶茶，什麼手攪麵，似乎只係綽頭野，咬落爽爽實實，唔知咁叫唔叫特別。味清湯底，牛筋幾腍，牛腩太韌，未見突出。最有趣係杯熱奶茶，估計係之前沖過朱古力，飲落係奶茶加朱古力味，好古怪。現場所見客人只會叫豆漿或汽水凍檸茶，只有我中左招。試後建議：千祈唔好叫熱奶茶，飲其它野把啦！檯面有樽辣蘿蔔潤任你食，愛人話幾好味，不妨試試！

一直唔明點解呢間野生意會咁好,,,一直想試但又怕會失望,,,今日同朋友行街經過呢度、朋友拍晒心口話呢度D 野又平又好食、既然朋友強烈推廌、就入去試下啦。叫左茄蛋牛肉手攪麵、好快就黎到啦、飲啖湯先,,,又唔錯喎、個湯好有蕃茄味、而且仲有蛋花、再試埋D 麵、D 麵幾好、又唔會太淋。的確冇介紹錯喎。

2月9日年初三~ 去APM睇長7之前唸住食少少野. 平時覺得大家食一定係d好求其既舖頭, 一路都未入過去食... 但係今日就比佢呢個茄蛋牛肉手攪麵吸引左入去!!::: 茄蛋牛肉手攪麵::: $20 (+$4 凍檸茶)原價只係$18既茄蛋牛肉手攪麵都幾大碗, 而且用料一d都唔馬虎~ 先講湯底, 好橙, 有番茄洋蔥蛋花同蔥, 茄味重, 配料都算豐富!! 牛肉係疏打既, 咬落去幾淋. d麵呢就煙煙韌韌, 整體黎講都幾好味~ 去得大家食就一定要試!!::: 雲吞擔擔麵::: $24另外多數會食既都係擔擔麵原價$18, 肉碎多而少辣少花生醬味, 令到個麵好味好多~ 今次唔想咁單調, +$4加個雲吞, 有3粒, 好抵, 味道都算ok~ 不過, 個湯底係飲得出加咗唔少味精, 好濃食完都好口渴, 等於逼你叫個飲品~大家食喺港島只係得灣仔一間分店, 如果開多d分店我地都會多d去食~ 衛生方面要注意一下. 新年期間各麵食都要加多$2~ 不過仍然係抵到爛!!

記得果陣係深水保幫襯過同一集團的大家食，果度真係搵鬼食，今次係官塘下午搵唔倒地方食野，見倒呢間有位都試下啦，價錢唔貴，一個酸辣肉碎飯加埋凍檸樂都係廿五蚊，仲要係比一罐可樂我，真係幾抵，個飯雖然唔算煮得幾好，但係d酸辣肉碎份量幾多仲要真係唔錯，不過呢度為o左方便某d食客，係門口開多兩張(木台)比人食煙，d煙飄到入黎... 真係... 守下法啦唔該。

最好食既係蕃茄牛肉南瓜麵次次一定嗌佢不過最近加左價$18冇以前咁抵喇加"食送"既份量都比以前細左不過以呢個價錢食得飽算係咁喇

和同事食lunch.原打算飲茶但太多人等位!lunch時間寶貴惟有下次再試..行前睇呢間有位..就食呢間.但分開坐..上菜都快.但咖啡無茶餐廳咁好飲咯..淡少少..呢度好迫..食左半個担担麵..可能我食得慢啦..time"s up啦!下次食快少少啦!以前的出品會好d..整體上每間分店的水準都下降....會改進?

有時因工作關係~點幾鐘先得閒食野..之前有一次, 同HONEY黎左觀塘搵食~黎左呢間大家食..之前0係其他分店食過呢度D手攪麵..但係宵夜其實有其他選擇.呢間分店好得意..每日下午4:30PM後至零晨,,係有炒粉麵飯供應嫁..!我地食過呢度既星州炒米($28) , 豉椒牛河($28) !好夠穫氣!!!!!熱辣辣!!!! 又多料喎...好似好過食佢D湯粉麵!!講真味精梗有嫁啦..但都可以接受~以$28一碟少粉麵..佢仲每碟送一杯豆漿添~真係幾抵!!

某日經過...見到好似好平咁，於是就同個fd入去試下...。首先order左個<酸辣肉醬麵>，之後my fd就叫左個<蕃茄牛肉南瓜麵>，點知...佢整錯左，之後諗住叫佢換啦...佢就話不如算，下次再黎食過wor...wa呢d咩服務態度丫，之後my fd發晒脾氣先肯換=.="總括黎講，唔好食囉...而且服務態度仲好唔得囉，好似我地錯咁...真係食都冇謂!!真係未見過咁差既人囉..........(火)!!

同完班老友燒烤後,約左另外一Star行APM,行完見肚餓就入左黎食la...服務:一入黎就歡迎你咁,又問你食乜野,阿姐計錯星星碗麵數肯改番,服務不俗,雖則阿姐間中都自己吹下水...都成9點鬆d,都好多人下,大家都叫左個米線食,我食辣無乜問題,不過另外一Star就食到大汗搭細汗咁,星星下次都唔好叫辣la麵ok,牛肉同餃都ok ga,,星星就叫左豬扒米線,總括30蚊有找有野飲又有位坐仲想點呢?