新之食 (已結業)

好耐無來啦! 自從一次食過jordan shop後就怕左.因為嗰間特別dirty.於是等到有癮先來食,今次試sichuen 旦旦南瓜手攪麵,都ok!當然呢到唔會出正宗ge旦旦麵啦!但可以一試咯.反而嗰到好食過茄旦牛.因為d牛肉好差..次次來都差唔多無枱.一個人來食就易找位呢!

昨晚本來打算去食熱狗，點知冇開(斷估都應該執咗)。推有退而求其次，吃手覺麵。見此店有新產品，小鍋紅薯粉，心思思試下，另加豬膶。都好大碗，配菜有芽菜、韮菜、腐皮、酸菜和肉碎，賣相好豐富，早知唔駛加餸，因為啲豬膶勁難食，嚡兼老。紅薯粉煙煙韌韌，又彈牙，口感奇好，可惜那個所謂的酸辣湯底真係唔知是甚麼來，泛著紅油，卻不辣不酸，又是不清湯，令人搲頭。

個日見肚餓,又趕住去體戲,同老公仔去左新之食到食野.本來去個陣唔係好多人,大約8成滿,但係過左陣就勁多人喇,多到好似災難營甘.我叫左豬排飯同凍檸賓,老公仔要左碗牛唔知咩麵同雪碧,叫雪碧個陣個人仲問我淨係要罐裝得唔得,我話ok啦,點知我地等左好耐好耐好耐,距都仲未上野.跟住有4個人黎,距就叫我地搬未,ok啦,搬囉.點知等呀等,等呀等,都未上野,個人見多人,仲問我地有無點野食,簡直想趕我地走,我當時幾想話我地等左勁耐都未上野,點食呀?跟住我終於忍唔住,我話我地等左好耐,上得野未.然後由當初點左開始等左大約30分鐘,終於上左碗面,勁少肉少面,勁清淡.然後又等大約10分鐘,又上埋碟飯,豬扒炸到d有多到可以炒飯,簡直好似汁甘,整到碟飯好油,豬扒又好乾wo,d飯好似爛飯甘,仲有"雜質"!簡直唔開胃,終於食完,點知野飲都未到,距當初仲話罐裝,罐到甘耐都未黎,你估你係花園餐廳d餐茶咩~又幾分鐘過後,終於上黎喇,點知都未飲完,我先到一半,個伺應又問我地食完未,可唔可以比個位比個兩個人.嘩!激死人,發誓唔去個度食呀~~~~~~~~~~~~~~~~~~~

呢間野行開好多地方都見有分店，但都未試過所以諗住試一次，見倒價錢真係好平，一個麵連野飲都係$18，叫o左個茄蛋牛肉手攪麵，一黎見倒好大碗，點知一食，麵就好似一舊舊咁，都唔知係咪真係手攪，蕃茄湯又唔好味，仲有d牛肉質素差到飛起，真係唔知點解可以開倒咁多間分店，無下次.......

觀塘兩間大家食都試過,真係好平及好多人剩米線$17走辣,真的很大碗,已包括腐皮,芽菜及肉碎,湯底很濃,不過那次的腐皮變壞了,有少少酸試過加$4豬潤,份量不多,淥得不會太硬另一次試過茄蛋牛肉手攪麵$14,不是太大碗,但湯底好甜及足料蕃茄不算靚,因不夠紅,偏黃;牛肉則好稔,今次的手攪麵煮得好食,好鍾意重麵粉的味道,且麵條夠粗身,不會太碎加$4配油菜,選了腐乳通菜,都算大碟相信係觀塘食晚餐來講,最抵都係大家食了,但若果地方可以乾淨一點便更好

開頭新開張果陣好新鮮，好多配搭，味道幾好架，尤其個茄蛋牛肉面，面同送配合得好好，好中意食，但慢慢d水準愈妮愈差，成日d蛋同肉同面唔成比例，搞到好難食。不過因為真係幾平既關係，我有時都會幫襯下，d油菜真係幾好既問心，但係而家去多數都係食d穩陣d既野食，好似鹵牛肉面呀，油豆腐面等等。不得不讚既一定係佢個豬扒飯，$20大大碟，兩塊大豬扒，炸得鬆鬆脆脆，好好味，真係抵食。另外，間野比人既感覺唔係咁乾淨，成日污煙障氣，所以我次次都takeaway咁滯，不過佢效率好低，好慢，希望佢既水準回復剛開業咁就好嚕。

食左個茄牛旦飯，好難食不夠熱蕃茄太多旦太少肉太少唔知似乜

試左:小窩米線($17)+ 馬鮫丸($4)+ 凍檸茶($4)+ 生菜($3)讚:生菜上既蒜蓉醬配合得幾好;米線質地都幾好彈:稍嫌炸醬中太多肥豬肉;馬鮫丸也只是一般整體ok!幾抵食,又唔使等位.會再黎

今晚七點左右落左呢到食麵,估唔到初四竟灰有咁多人食麵喎! 仲要係比平日多人呀!坐到無晒位咁滯!犀利!証明真係好食呢!隔離嗰間上海食店就麻麻地啦!今餐點左炸排骨南瓜麵,一碟炸雲吞和豆漿,飲品無咩別,但當然比唔上公和靚豆漿! 反而炸排骨今次有d爽身唔鞋外脆內鬆軟,d麵就超級碎,唔知攪咩鬼,可能係用機攪碎剩下來的煮埋我碗麵咯!?!?今次係光顧呢間分店以來最差的一次經驗,但下次都會光顧,因為下次我會換過第二碗嘛! haha!

最好係平~!

上星期日夜晚7點左右個fd帶o左我來呢間食..我屋企人都成日食大家食集團既分店...不過自己就未食過呢間...之前都想試...但見openrice o的食評唔多人讚佢就唔夠膽試~...今次個fd係咁推介我來呢度食芝士焗上海年糕...聽倒有o的咁特別既o野...佢之前又食過...終於試o左...又幾得意...聞落好香芝士味...個面o個o的上海年糕就脆脆o地..入面o個o的就滑一滑...個fd話都有2條上海年糕咁多o家!...以$12一碟來講都幾抵呀!...再叫o左個茄牛刀削南瓜麵...都好香茄味...o的麵又好滑同彈牙...牛肉都有十幾舊喎...唔通夜晚食會多o的牛肉o既???^^...仲要一讚...呢間o的熱豆漿係煲熱的...但我之前o係深水埗總店叫熱豆漿竟然係"叮"熱俾我~.~...是次二人都叫o左熱豆漿...約共消費$3-40啦...

同暖暖打波後一行九男女來吃(我當然係無份打，係觀眾果種)，成十一點幾先o黎食晚餐，真係餓死我。我係餓一餐都會頭暈兼無力。(好渣! >p<)咁夜，呢頭仲係無咩地方可容納到我們大班人，行到這裡，見有位，就算啦。食物款式好多。叫了蕃茄蛋牛手攪麵($13)，麵少，女仔都係剛好啦。味道唔錯啦。要平平地一餐，呢度都得。

多數都係食茄牛麵, 好抵食又大碗, 13蚊食到你飽, 加3 蚊仲有個菜仲可以要求佢d乜? 服務一般, 阿姐落單後唔會再煩你. 想食得開心d就唔好望地下同個toilet, 否則只會(囉)苦黎辛. 一路食一路望住個睇到雪花多個睇到節目既電視, 果一刻忽然感覺自己好孤獨...

一個字抵,兩個人兩碗麵,兩杯飲品,一個兩個油菜,加一個淨油渣,都係70幾80蚊,我真係唔知仲可以用咩字來形容,而且味道真係唔差,份量都ok,一定夠飽,特別喜歡鮮茄牛肉手攪麵,$13一碗,每次去都食!

夜半時份選擇不多，因此也光顧過好幾次，每次也是吃水餃手攪麵，味道是還可以的。而吃過一次煙肉金菇卷，熱熱的，但亦油油的，不太討好。不知為何最近兩次去也只有四隻水餃，之前吃的明明有五隻的，不知是不是變相加價呢？！