新之食 (已結業)

在觀塘上課，先在這裡吃午餐．中午繁忙時間客似雲來，我坐的四人枱坐了四個不相識的人，但三人異口同聲叫了茄蛋牛麵，我便是其中一人，要的是刀削麵，另加油菜和豆漿．茄湯底好鮮甜，不會太重味精；牛肉很滑，沒有鬆肉粉的怪味；刀削麵很爽口夠大碗，吃了一半已飽．＄21吃得飽飽，很滿足．

次次黎呢度都係叫茄蛋牛南瓜麵+通菜腐乳因為第一次食完之後就好難忘=]次次一黎觀塘就食!!以呢個價錢食到呢種質素既麵覺得超值啦...haha~雖然一到食飯時間呢度就好迫

依度油渣就真係唔係好掂…所以唔好試！但係茄蛋牛都唔錯…最緊要係夠平，１３蚊碗麵仲想點？加埋菜都只係加３蚊！依個價錢依個質素我覺得絶對係超值啦！

茄蛋牛肉刀削麵<--- 好好味！湯底好濃，兩舊蕃茄，牛肉碎，炒蛋絲～但其實去唔係為左食茄蛋牛，而係為左刀削麵！ｄ麵好厚身～好有口感，食幾注就已經飽飽地～要同ｄ呀姐講轉刀削麵，如果唔係佢地會比手攪麵你架！１３蚊咁既質素真係物超所值架喇～仲想點？！

唔知點解男朋友好鍾意去lee到食..成日話茄牛麵好食!!上星期終於陪佢去食一次..唔鍾意佢個環境..可能係lunch time啦..逼到冇能夠再逼..一張長"木台"坐到滿哂..d亞姐仲叫d人坐過少少讓少少位出黎..唉~~坐到個轉角都有人..過份!!至於個茄牛麵..亦唔係想像中好食..得兩舊茄加一d碎肉..我相信茄牛飯會好味d..不過$13就真係抵食~~但係再有機會我都唔會再考慮食lee間~~

之前去過幾次，多人讚的面其實一D都唔好食。但幾欣賞佢地個福建炒飯。所以晚上放飯專登去食，當日時間幾趕，只有40分鐘晚飯時間左右。一坐低，即刻落單。叫炒飯以往都要十數分鐘，但今次竟然等左25分鐘都未到。找個阿姐去跟，又跟左5分鐘去，佢竟然話之前個電腦有問題漏單。最後變左外賣，但貨不對辦，以住用芥蘭切粒，依家用菜心，雖然切左粒，睇起上唔多覺，但口感差好遠。連唯一可取的菜都煮到咁，呢間野可以摺得。

d 麵係幾好食既但係豬油麵d豬肉勁多豬毛囉.......茄牛麵都好好食

同深水步大家食比, 我覺得味道唔及(豬潤手攪麵計),可能老細係深水步呱!!又可能唔同名唔同老細呱!!整體都唔係差的.....

之前都想去食野架啦~今日有機會lu~叫左個蕃茄牛肉麪,好好味, 不過竹7幾塊牛肉,少左d,油菜好平, 只係3蚊咋,所以以後得閒都會黎食野~!!

呢間野o係我公司附近，所以我成日幫襯，價錢真係好平囉，但服務好差架，尤其lunch 時段，你會見到d侍應面目憎獰既樣，佢地為左可以坐多d客，成日將d一人客迫埋一邊，騰出d位俾雙人位坐，就算個客食緊野中，佢地都好意思搞住人，要人地搬位，所以成日見到不愉快場面，加上地方細，又成日係咁要d客入去坐，坐到大家迫一迫….只係顧住吸納客數，唔理d客坐成點。加上d野食成好遲到, 一碗麵分分鐘要等成15分鐘先黎到，離晒譜！d阿姐侍應既服務真係求求其其，坐左入去，跟住就理得你死。我成日去，一來平，同埋有豆卜米粉食，加上為左睇下呢d好戲

油渣麵真係唔得....都唔係油渣....一d 都唔香口不過d麵幾得....都幾有咬口至於話無菜甫.....佢可以自己任加冬菜同炸菜都OK至於我朋友叫了茄牛麵同担担麵都唔錯...加多三蚊有油菜十蚊有五粒炸雲吞....真係好抵食....但係個地板不論晴天雨天也是滑潺潺....真係掂同埋d冷唔平均

之前有人講緊大家食& 新之食既問題~我可以講下俾大家知~大家食第一間鋪就o係深水步既~ 當時間野係兩個親戚定鄉里合伙既~因為果個整個樣上去做trade mark 果個老細即係果個手攪麵發明者呢就同另一老細不合!! 就自己出黎攪過第間o係同一條街~ 大家鬥頂law 咩事呀!! 咁就分開左兩間野啦~我最鐘意食既就係"北方澆麵" 改上海粗麵加牛肉!!"北方澆麵" 係包括京蔥, 針菜, 木耳, 肉碎等炒成再煮~ 非常香口~ 不過無乜肉所以我次次都加牛肉既~可惜既係因為呢個麵工序麻煩無左~~而且個人唔係咁欣賞佢d手攪麵, 口感太林唔掂!!搵日去返另一間睇下仲有無先!!

黎過一次,都成年前.本身鍾意食豬油渣麵, 就叫左豬油渣手攪麵.好!名副其實,豬油渣手攪麵就真係剩係得豬油渣,連豬油渣麵不可或缺既菜甫都冇,死得.而且豬油渣唔香,似炆多過似炸,份量又少,湯底亦平平無奇,決定以後唔黎.之後路過好多次,見佢其門如巿,完全不能理解.上星期某夜,一個人未吃晚飯,路經新開既灣仔分店(位於天樂里),見人唔太多,心想不如俾多次機會佢.叫左蕃茄牛肉雞蛋手攪麵.咦,居然唔錯,係多油左少少,不過蕃茄味足,配上雞蛋牛肉真係好味.兩次經驗.一次天堂一次地獄,打個和.

在此店現時為止總共食過3 次。第一次係東坡肉手攪面+油菜$18第二次係上海粗炒+凍檸樂$29第三次係福建炒飯+凍擰樂$29先講第一次的東坡肉手攪面+油菜油菜叫左生菜，但因為無為個汁麻麻，影響左成個油菜的味道，建議大家叫油菜，記得話要腩汁。東坡肉手攪面，手攪面係此店標榜的招牌，彈牙度可以，但不及刀削面，只係優勝在毋須技術。而且面的上味程度亦麻麻。東坡肉做得不夠用心，入味道一般，但稍嫌「鞋」口，做不到東坡肉的味道。如果叫做炆五花腩則尚可，叫東坡肉則言過期實。再談第二次的上海粗炒+凍檸樂上海粗炒賣相不俗，味道適中，亦不見太油。可惜配菜略少，只得豬扒絲。但火喉不俗，愛吃炒粉面的朋友大可一試。此店的涷檸樂係可樂與檸冰分開上，算照顧了食客。最後講福建炒飯+凍擰樂福建炒飯需時頗久，我約等了15分鐘。賣相極為吸引，飯底係旦炒飯，味道OK。上面的汁係用雞肉粒、西芹、冬菇、蝦仁及尤魚煮成。味道不俗。配料亦多。算係三餐之中最吸引。總括而言，招牌面言過其實。快餐飯亦亦普普通通。反而炒飯炒粉類有俾心機，可以一試

出到官塘,成日都未有正餐落過肚,近近地走過來食平野,五點半左右,店內不算多人,叫了茄蛋牛手攪麵,又係等了很久才有得食,麵大大碗,先落些冬菜,食一啖麵,嘩!比我想像中正好多!!口感不錯,雖然牛和蛋是小得很,不過以$13的價錢是超值.雖然服務不太好,但以價錢來說, 不可要求太高的.