新之食 (已結業)

常和工友說這兒的上海粗麵好吃，今日終於可以同佢一齊來試下﹗門口起多左一間什麼茶賣台式飲料，如我無記錯的話官塘好似是第二間了，銀都對面都開左一間，十蚊一杯大大杯，未試過不知味道如何﹗要了每次都吃的酸辣肥牛上海麵，而工友就叫了大辣的茄蛋上海麵﹗俾上次吃的大碗了不少，上次都不知搞咩麵得幾條又細碗，今次正常返味道亦好，上海麵依然彈牙粗身有咬口，配菜亦多，一試難忘﹗工友的茄蛋勁多，大辣對佢o黎講好似無咩感覺咁，只是間唔中抹抹鼻涕，我就連呢度既中辣都真係食唔到，實感慚愧﹗要說是這兒服務每況愈下，其實亦不關0的阿姐事，只是而家樓面得兩個阿姐應付成廿幾三十張枱，落得單黎0個頭又清潔唔到，送得麵黎0個面又嘈要加多碟菜，既然有錢賺何必cut咁多人手呢？見到有幾枱食客叫極都無人應，當然包括埋我啦，實感點點勞氣，不過又唔怪得佢地，只能怪在上位的不體恤下情，心照不宣了﹗

搵番之前未寫既食店......依間真係激死我!!!!!!1條友入左去食lunch坐左係1張 有1個人已經坐緊既4人台叫左碗蕃茄牛肉手攪麵 + 凍檸茶味道冇嘜特別 蕃茄較酸 可以接受!食下食下 對面個人走左之後又有人黎食野 有個呀嬸叫我移位讓個4人台比人ok!咁我就移左去1張 有1個已經坐緊既4人台好啦~~~~~對面個人又走左啦又得番我1個人!之後有個呀嬸又叫我移位火都黎埋!!!又移?我得番4分3杯凍檬茶咋喎飲埋先都唔得既!真係想爆粗\"/

一人晚餐，帶著興奮的心情去到官塘，因為又可以吃到我最愛的酸辣肥牛小鍋粗麵﹗七點左右來到，人客都幾多，其實都唔洗揀食咩腦海已有計劃，可惜現場只係得兩個阿姐落手落單、又要沖野飲、又要收錢，全程踢哂腳，等左成三個字先有人來幫我落單﹗又也許太多人落單，落完之後再等多三個字我覺得有0的唔對勁，再找個阿姐來問，佢check一check 0的單又走埋黎再問我一次食什麼............即係頭先無落啦......唉﹗記得以前來吃服務相當好，員工夠多叫野食話咁易，今次來到餐牌食物明顯貴了，服務員亦少了，真的是海嘯影響嗎？其實自己唔趕等左半個鐘都算了﹗粗麵來到，搞一搞個湯，嘩..........配菜份量最少少左一半﹗以前肉碎、芽菜、腐竹等是滿滿的，而家只係得番幾條﹗我之前都有影過相可以睇番幾個月前的作比較，價錢其實已經加左價，何苦仲要食物減低質量呢？肥牛是八成肥一成瘦，成條是白色的睇見都唔多開胃，有冇搞錯呀？可幸的是粗麵依然有咬口彈牙，加多個通菜同豆漿吃完雖無以前咁滿足卻仍是開心的﹗希望老闆唔好因為多人食而減質啦，唔係我都唔會再來幫趁了﹗

今天下午想吃米線, 故來到一致評為抵食的新之食餐廳小鍋米線有芽菜、酸菜、腐皮、蔥等配料，份量十足，大大碗湯底可選小辣同中辣, 這個安排很好, 因不是所有人都接受到辣. 個人認為小辣味道不錯﹗加多杯檸檬茶才24蚊，真係吃得滿足﹗現場所見, 不少阿媽帶埋小朋友一起開餐, 難道'新之食'是一所親子餐廳?服務方面, 我認為以這樣平民的價錢算ok la, 上菜都算快

好幾個月無來食上海粗面，呢日咁岩官塘收工，望過對面馬路見到新之食個招牌，即時飛到咁過來整番碗﹗來呢度我只有一個選擇，就係酸辣肥牛小鍋上海粗面。小鍋麵入面已有芽菜、酸菜、炸醬、腐皮、大蔥等等配料，就咁望已覺得相當夠份量，淨面底加湯就廿蚊，加埋肥牛廿七，抵食﹗呢度0的上海粗面做得相當好，我喜愛那種咬落實淨的感覺，夠粗夠彈牙，在我心中主角是麵而不是配料﹗如不是吃得辣的要小辣便夠，我試過一次叫中辣，辣到流了一公升的眼淚都未食完，濟唔過﹗加多杯豆漿31蚊，呢個午餐食得好，成個人都醒哂﹗

本想吃譚仔的，不過各種原因打消了念頭......入內坐下看了很久餐牌才點餐，所以有時多選擇並不是好事，點了一個肉醬北京餃南瓜麵(酸辣湯底)。麵來了，"我開動了!"點酸辣湯底(註*)當然要喝一口先，"咦......?!"，再喝口細味品嚐，結果一樣。只有辣，沒有酸!究竟本身是這樣，還是人為錯誤，就不得而知。好，食隻北京餃和試試肉醬吧，餃挺大隻的、餡料份量也算多，不過皮也較厚；到肉醬了，味道不太濃，也挺合我口味。說真，洋蔥、菌類比例比那肉碎多，有點名過其實，但沒所謂(看餐牌時已知了)南瓜麵，餐牌上說是他們獨家首創，有意思。懷著好奇吃了第一口......"......"，有點無奈，吃不到南瓜味，結果南瓜麵跟普通油麵沒兩樣。吃飽即閃。盛為三十大元。來簡單點:飽肚，不過不失，很多方面都不是首選，"減價吧!!"註"酸辣湯底跟酸辣湯是兩回事

依家出街食飯，廿蚊有找算唔錯。以雲吞河價(或者貴幾蚊)食到有口感有味道的麵，真係唔可以挑剔了。比較推介削麵，雖然完全唔似係刀削，但係咬感和味道非常好。食左幾次，覺得蕃茄牛肉較香口，而豬"潤"亦尚算新鮮(當然唔係100%無得彈果種)非常足料，亦頗原汁原味，抵食!雖然第一眼會覺得呢度不太整潔，但其實都ok架!至於服務，都可以啦，唔受加一，無不愉快經驗就算吧。

5個同事半野間間試下,試到依間一見menu都好似幾抵20蚊個飯,廿幾蚊個麵我叫左個雪菜肉絲雲吞手攪麵+雞翼麵方面幾彈牙,湯底唔錯,好過同門既大家食好多餸方面亦都多少少雪菜肉絲味道同第2度差唔多,但係比其他地方冇咁碎雲吞係冬菇同豬肉,做唔唔係好香口,比較鐘意食鮮蝦做既炸雞翼好爛,好求其整體唔錯,廿幾蚊可以再來其它同事d麵都滿意,但係有一個食飯既同事就好唔滿意真係一分錢一分貨,得汁,餸得一粒,好慘所以下次都係食麵

放工本來都就返到屋企架喇，不過突然好想食上海厚麵，所以落車調轉頭搭番車去官塘新之食﹗食過旺角大家食既我總覺得這處比任何地方都好味，依然係必點的小辣肥牛窩仔上海麵。油菜由四蚊加到要五蚊，加左價，不過唔知點解今次有小杯豆漿送﹗用料依然很多，芽菜、香蔥、酸菜、腐竹等是滿滿的﹗麵身是出奇的有質感，好鍾意呢種有咬口既感覺，出面吃麵的地方找不到，所以總是掛住呢到﹗肥牛其實只係點綴，麵同配料才是主角﹗大大碗食完回家訓覺﹗睡得很酣﹗

5知去邉食，感就去呢到！我地叫左炸酱面同鸡翼面，炸酱面太辣了！不过都几野味，D面好有嚼头，鸡翼超细只，两啖就冇左lu！冇下次嫁喇！

下午茶時間，今日嚟到觀塘咁遠食因為要過嚟做嘢，呢間小食店都幫襯過一兩次，快食係唔錯嘅選擇，要咗一個四川擔擔手攪麪加豬扒。麪煮得還可以，但係個湯底就好唔掂，完全冇味，擔擔醬肉碎唔多唔辣但花生醬味好濃，唔合比例！ 豬扒都可以，炸得幾有心機又入味！我記得舊時個湯底都唔係咁難食，今日真係唔知佢做乜鬼搞成咁！

呢排真係中左新之食毒，無端端都會好想來食，好似尋日咁﹗一向都是麻辣支持者，今次試下酸辣肥牛米線，酸辣湯底顏色明顯在沒有麻辣的紅色，明顯胡椒比較少，食落既酸又辣層次分明，又幾好食喎﹗長期都係上海麵支持者，總覺得上海麵的粗身口感好吸引，不過呢度0的手搞面都真係幾彈牙的﹗一樣好食﹗26蚊大大碗肥牛酸辣上海麵，加多4蚊有豆漿飲，好滿足呢﹗抵食﹗

好耐都無去新之食了, 之前每次都係食雪菜肉絲, 茄蛋牛肉手攪麵或南瓜麵, 貪佢夠彈牙. 見到餐牌有肥牛小鍋酸辣米線, $23大大碗又有芽菜, 酸菜, 肉碎..., 加多碟油菜都只不過$30有找..........抵! 但衛生就認真差了, D呀姐求求其其用條千年布抹下張枱就算, 又口抹橫飛喎, 一路揸住碗麵一路大大聲講嘢, D口水落晒碗麵到啦! ....改善吓啦!

下午茶, 叫左小鍋酸辣米線+豬大腸+凍0茶.米線上檯, 已有一股酸菜加辣味撲面而來, 好香~ 此外, 有芽菜酸菜作配料大大的一碗, 非常足料, 米線又夠煙un, 又有我最愛的豬腸, 再加上少少辣, 食落真係好惹味, 好滿足!如此美食, 不妨再嚐!

官塘收工突然想起呢度，即刻跑來食個晚飯﹗今次試左麻辣肥牛上海麵上海麵夠哂粗，正是我最想食的那一種，我愛佢有質感同埋入口個感覺好full，正呀﹗麻辣湯底唔算好辣，不過食食下個口都會有0的麻痺感覺，夠惹味﹗配菜如芽菜、酸菜、腐竹等的很多，差不多仲多過0的麵，抵食﹗加多個菜四蚊，我估香港都找不到四蚊個菜了吧？三十蚊食個飽，仲要好味又抵食，真係超級值得推介﹗