文記車仔麵 (福榮街)

營業中

休息中

今日去咗文記食車仔麵，去到門口好多人等位呀，等咗20分鐘終於有位，雖然環境有d迫，但食材新鮮和夠美味都值得一試，我地叫咗3碗麵和叫咗碗韮菜豬紅豬腸蘿白，味道不錯是會再光顧的車仔麵店

由佢第一間舖已經開始食佢初開時冇乜人，同隔離舖比， 係少咗啲人， 因為人哋係老字號開咗好耐，我都食過，味道普通， 嗰時都唔明點解佢咁多人之後文記就開咗喺隔離， 我试過后 覺得佢好過老字號喎，但仍然都冇乜人去食， 后尾電視台介紹之後，就越嚟越多人老字號重俾佢迫走埋添! 所以有啲嘢可能真係要有啲改進，先唔會畀人後來居上生菜魚肉湯魚肉彈牙， 湯甜，必吃花膠夠淋有味，必吃蘿蔔甜，必吃瀨粉， 而家有啲燒味舖都冇，呢度都有，好嘢雞翼，第一次嚟食 就有叫， 食完 就覺得呢間嘢得食時不妨磨啲花椒， 個湯會有唔同感覺

同太太去黃金商場買電腦用品，經過文記，人龍約有20人。有米芝蓮推介，怎能錯過，一於攞飛照等。等了約15分鐘，已有位。叫了幼麵，加魚蛋、豬皮、雞翼、韮菜餃及蝦卷。麵到先渴一啖湯，非常鮮甜。魚蛋陳皮味濃，很好。豬皮非常腍，瑞士雞翼唵得非常入味，亦好。看得出文記用心做好每様餸。伙記有禮貌，服務好。加了一碟腐乳通菜，腐乳醬份量多，菜亦嫩。再加羅漢果龍眼茶，味道還可以。最後2碗麵，加2款飲品及1碟菜，盛惠135元。雖然有點貴，但值得。看見文記同一條街有3個舖位，可見食物受歡迎程度非同小可！

收工已經11點幾餐廳好多都閂哂又好肚餓 諗起好耐冇食車仔麵一於去文記整返碗見門口大排長龍以為要等好耐 玩玩吓電話好快就到我同門口煮麵姐姐想要咩麵再講低要咩餸要唔要辣 收埋錢就有專人拎到你面前 唔使驚自己拎會倒瀉麵都有十幾種選擇 米線 米粉 河粉 油麵 粗麵 等等餸就更加多到數唔哂 雞翼 豬肚 豬紅 魷魚 蘿蔔個人大愛無渣蘿蔔 煮到入口即溶 仲好鮮甜而菜譜亦係我最愛 次次都要姐姐加畀我爽爽脆脆 食落好開胃如果鍾意腩汁 文記嘅牛腩汁都試得一試另外舖頭有自制飲品 涼茶之類 我冇試過唔知味道如何 下次可以試吓食飽個肚又可以繼續努力開工了

在附近吃完腸粉,我和男朋友依然有點肚餓,就選擇到文記車仔麵這家最近榮獲米芝蓮的店舖試試看。雖然同一條街有幾間分店,但一去到,人龍已經很長,我們大概也花了三十分鐘左右等候才輪到我們。光看餐牌,配菜超過50款，連麵底都有十多款，選擇真的是超級多 這裡很環保,用MARKER在餐牌上圈起你要吃的東西,選完再把牌子給服務員,完全不會浪費任何一張紙,而桌上有十多款的SAUCES供客人選用,但我覺得一上來那碗麵的味道很足,我個人就沒有附加其他的調味料了。我和男朋友基本上都點了這裡很有名的菜, 例如冬菇 是蠔油冬菇汁、豬皮 是沙嗲豬皮、雞翼是很香的瑞士汁等等。我自己覺得瑞士雞翼是一定要吃的, 肉質嫩滑,而且很入味! 而豬大腸夠煙韌,很乾淨! 還有我很喜歡的蘿蔔,清甜好吃! 大家記得加他們煮的秘制辣汁聽說是採用新鮮辣椒，不算很辣,但配腩汁湯底真的很完美,記得要吃喔!我們再點了一碟腐通$15,在外面來吃的話,份量算多,但SAUCE真的太SALTY了,吃了一半就吃不下了…

聽人講文記好出名 所以第一次食要排隊嘅車仔麵排到去落order嘅時候見到佢啲餸好吸引我order左牛腩通菜米粉 仲叫咗杯豆漿 而我個friend就order咗雞翼牛肚粗面牛腩好淋 好入味瑞士雞翼我覺得太甜 表面入味但係入邊唔係好夠味

一直都想試文記但每次見到源源不絕的輪候隊伍都為之卻步這次在老公的陪伴之後終於的起心肝去輪候！星期六7pm的晚飯時間...等位大約半小時～～配料選擇豐富也有各式各樣的麵類選擇湯底有腩汁﹑瑞士汁和清湯另外也有4款調味醬料選擇～～我選了油麵，配料是玻璃辣魷魚﹑酸齋及豬紅老公就要河粉﹑牛孖筋﹑豬大腸和牛膀兩碗都是腩汁還另外點了上湯花膠分別加$9 & $10，就有一小樽的洛神花茶及鹹檸七上湯花膠，獨立的上桌花膠size算大塊，口感滑溜～～我那碗有玻璃辣魷魚﹑酸齋及豬紅前兩者屬十大必食推介！腩汁湯底味香濃而不會過鹹玻璃辣魷魚夠爽脆，辣度足夠，好惹味！！酸齋的酸度恰好，吸收了腩汁的味道，再滲入玻璃魷魚的辣汁，酸酸辣辣的好開胃～～豬紅則被比下去......香味不太夠，質素普通！三餸加上油麵，份量好充足，夠飽肚！！老公的那碗有牛孖筋﹑豬大腸和牛膀他認為只有豬大腸比較突出豬大腸乾淨沒羶味，也夠稔夠入味！這款配料也屬十大必食推介之中呢～～總括而言，這次試的4款十大必食推介，沒有一款是差的～～但不在其列之中的配料，質素較為一般！不過為了玻璃辣魷魚及酸齋，是值得再光顧的！

文記車仔麵！！聽了朋友說很多次，但也沒有試過，今次終於專登來深水埗，一定要試一次！！🤗想不到接近九點，也仍然人山人海😯見到有很多分店我們選擇了新店，環境感覺舒服一點。叫了一個三餸一麵，豬手瑞士雞翼魷魚配車仔麵必食的油麵，選擇了瑞士汁做湯底。聽聞這裏的瑞士雞翼是最出名的！果然吃下去有着濃郁的味道🤩🤩🤩感覺上瑞士汁已經完全深入雞翼了，超級好味！至於湯底瑞士汁也超濃郁，不過可能叫了咖喱魷魚的關係 ，汁嘅味道有一點不同。另一個叫了特別一點的銀針粉，好像不是很多地方可以吃到。這個也是配了瑞士汁湯底，但大家看得出湯的顏色跟上圖的很不同吧？裏面配了花膠，牛孖根及蘿蔔。花膠的味道也不錯！而且價錢這麼便宜便可以吃到，真的很驚喜😋這間新店的環境比旁邊的舊店較為舒適，可是就要等耐一點位了。枱上也有很多其他調味料可以使用。

今日想食車仔麵，經過文記，見佢唔係咁多人就走去排隊,每次都係會食銀針粉,因為已經唔係好多地方有得食銀針粉,跟住每次都會食蘿蔔花菇仔，今次比較清淡只加左一個麵筋,另外叫左$30煎釀三寶,每次都好鍾意食佢三寶裏面嘅魚蛋,新鮮炸出嚟好好味,不過今次佢話唔夠人手只可以俾啲已經炸好左既我，細粒左好多，完全唔好味，都係熱食先至最正，價錢已經唔係平仲要同我講只是幫我翻熱，下次唔係新鮮炸起既絕對唔會食。

我對車仔麵有一定要求文記湯底夠濃帶甜味最愛腩汁加辣汁❤️雞翼入味夠淋！九菜餃好好味，必食！再加個腐乳通菜，真係好滿足不過佢嘅豬紅我就麻麻，唔多入味又啲腥...不過總括係推介！

文記車仔麵之前食過幾次都覺得好好味黎開深水埗見唔多人排既話就算唔肚餓都要食返碗因為食飯時間多人排真係要等成個鐘先有位今日5點半左右行過見得3,4個人係門口等, 所以就決定再食一次等左15分鐘到就有位我地唔係太肚餓, 但都每人都揀左3,4個餸辣菜脯一大樽放係一到, 想要幾多自己加唎到既辣菜脯, 味道好, 爽口, 都幾辣架, 唔食得辣唔好落咁多我冇揀到瑞士汁湯底, 因為唔慣車仔麵湯底太甜口, 所以揀左腩汁加微辣餸就揀左牛丸, 豬大腸, 西洋菜好少見車仔麵有得揀西洋菜, 幾好味豬大腸原來有得圈特瘦, 唔記得左, 不過都唔會話有好多好多肥脂肪係腸到既女朋友就揀左瑞士汁湯底, 花膠, 韭菜餃, 牛肚, 菠菜瑞士汁湯底甜甜地其實幾好味, 同埋好少車仔麵有得揀瑞士汁湯底花膠雖然唔會揀貴野架喇, 但都好彈牙牛肚都爽口, 好味

一直自稱車仔麵達人嘅我竟然冇食過文記 實在太失禮啦自從佢拎完米之蓮之後我一直都好想試奈何深水埗係一個我好少會去嘅地方次次都冇機會食今次終於機會嚟啦飛雲！帶着十足嘅期待去文記勢要試試佢嘅真偽仲要今日竟然唔使排隊就可以入到啦仲唔係天助我也今日我叫咗玻璃魷魚、瑞士汁雞翼、同埋我至愛豬紅 配上車仔麵至夾嘅油麵 再揀左瑞士汁為我既湯底 再加小辣咁就成為左我第一碗嘅文記車仔麵一飲湯就知道係我杯茶啦佢甜甜地之餘唔會有死甜或死咸嘅味道好正玻璃魷魚我略嫌佢size有啲細雖則佢嘅份量好多而雞翼作為佢嘅招牌菜一啲都唔失禮雞翼非常入味而且非常juicy唔會乾爭爭豬紅呢佢應該唔係用瑞士汁鹵所以唔算有湯底既味但佢都冇內臟嘅味當然啦我食過永年嘅豬紅 的確會有啲比較嘅比較之下文記嘅豬紅就輸左少少喇但我想話嘅係佢嘅湯底非常之出色佢嘅湯底淨係加油麵我都應該可以食到兩碗所以我會再返嚟試吓其他嘅餸 當然湯都會清哂佢啦

已經食過好多次喇，但發現最近呢幾次成碗麵都唔夠熱，上個月仲發現佢D豬腸入面竟然仲有...雖然係人都知哪喳麵污糟係正常，但咁嘅程度我確實不能接受。好希望文記可以認真改善一吓

常去嘅車仔麵有三間，港島就榮記同鵝頸橋街市，九龍就一定係文記。呢度有啲餸車仔麵好少做，例如我每次都會叫嘅柚皮，另外佢嘅雞翼魷魚都做得出色。不過今次想介紹嘅係花椒油，就算唔食辣都可以試少少，因為佢有好強嘅麻香，但又唔算辣，會令你成碗車仔麵錦上添花。

拒個秘制辣醬同平時係出面食開果d味道真係有d唔同，辣得黎係帶小小甜甘，唔食辣都接受到，重有拒個雞翼係滷得好入味又唔鞋，重有玻璃魷魚都好好味，係幾爽口嫁，最後最後係我每次食都會叫姐姐比多d我ga辣菜脯，如果拒有得樽裝買菜脯就以好啦😍