文記車仔麵 (福榮街)

營業中

休息中

經過深水埗知道有依間米有芝蓮一星嘅車仔麵店，咁近城隍廟冇理由唔行入去求番支好籤啦 首先講下餐廳環境，雖然餐廳位於深水埗 而且賣嘅食物只不過係車仔， 但店內環境一啲都唔馬夫，枱面清潔十分之乾淨， 以喺每張枱中間亦都放置咗好多調味嘅配料醬油， 讓食客自由選擇。 唯一不足嘅就係呢度點餐十分之特別， 喺枱面會有一份硬膠板，自己用藍筆圈起想要嘅麵同埋餸和汁，咁樣一定唔會點錯。豬手，打魚肉，幼麵加瑞士汁...豬手肉質十分之彈牙膠質好重，醃得十分之入味， 手打魚肉感覺亦較一般的新鮮， 瑞士汁帶有一點甜味（看個人口味自由配搭）瑞士汁雞翼，豬大腸，玻璃魷魚，幼麵腩汁 配秘製辣醬雞翼雖然只有兩隻 ，但十分之有件頭， 邊個瑞士汁醃製味道更加突出。豬大腸整得十分之乾淨唔會有腥味 反而帶有一點 大腸獨有的鮮味， 唯一缺點是脂肪較多 ，若果脂肪可以清得更乾淨更好（想食又怕肥）玻璃魷魚真係一定要試， 每條魷魚嘅大小 都十分之平均，而且食落口會有一種彈牙，滑同爽脆嘅口感， 唔怪之得會叫*玻璃*魷魚 奶茶香滑 ，但係比較甜 （最好叫小甜）

每次想食車仔麵，個腦只會想起文記車仔麵，食過其他鋪頭既車仔麵，去完食之後必定好失望，所以以後我想食車仔麵就一定去文記，呢度個秘制辣汁真係小小都辣到你標汗，但就超級好味道，我個人覺得辣中無敵。每次去必食係尤魚，豬大腸，瑞士雞翼，其次我最愛吃魚片頭和柚皮，柚皮做得不會太淋，有口感之餘又夠味，其實仲有好多餸都好好味，好似螺肉，豬腩肉，雞翼尖，魚皮餃，冬菇仔，全部都係我至愛，所以有時我食完會再外賣一D想食既食物拎反屋企再食過😂仲有就係我好鍾意飲佢地自家製既洛神茶，庶汁，同埋龍眼茶，又好飲又吳甜，食完飲反支又可解辣，爽➕正➕舐舐脷👍😋

每次去到深水埗都一定要食文記，雖然佢同一條街有三間分店，但次次都要排隊。叫左油麵要腩汁同加秘制辣醬，餸揀左瑞士雞翼、蟹子丸、蟹柳同牛孖筋。碗麵新鮮滾熱辣，撈匀辣醬就食幾啖餸先。雞翼好入味，幾大隻肉又好嫩。蟹柳味道普通。蟹子丸既味道同平時唔同，似海膽丸多啲而且蟹子好細粒，食落冇咩口感。牛孖筋好正，筋幾淋但又有少少彈牙，食落係非常濃郁既腩汁味。文記既油麵好有質感，每一啖食落都有好多湯汁，因為叫左瑞士雞翼所以湯比較甜，再夾埋辣醬好香。佢既辣醬辣得黎唔會搶左其他味，食辣既朋友一定要加！

今日同男友去深水埗行街，途經文記車仔麵，見到有好多人排隊，同埋見佢係米芝蓮食店，聞說佢地既瑞士雞翼同玻璃魷魚出名，咁就決定排隊試試~食呢間既決定完全係正確，簡直係一試難忘，我揀左4餸車仔麵少辣，豬紅，雞翼，魷魚，菜，飲豆漿~男友就揀左墨魚丸，貢丸同菜，都係飲豆漿~豬紅好入味，好食瑞士雞翼好好食魷魚都好食，但有點辣墨魚丸同貢丸就一般，普普通通~豆漿都幾重豆味，好飲佢d辣醬都幾辣，我叫左少辣都覺得好辣整體來講，好好食 會再來