文記車仔麵 (福榮街)

營業中

休息中

聞名不如見面，終於有機會食好出名嘅文記！星期三既晚上，但都超多人排隊！有新同舊兩間舖頭我叫左韭菜餃，魚肉，花膠同米線。加左個滷水汁做湯底。整體上都好滿意，不過覺得味道濃咗啲。下次可能叫清湯。

瑞士雞翼腩肉粗麵😎$32文記雖然多人排隊，但今次食過之後，整體感覺覺得普普通通，腩肉幾入味，算係幾好食，可惜粗麵好硬，完全未煮熟😂最值得讚的確係雞翼，因為真係幾入味😉但講真值唔值得排咁長隊，就真係見仁見智😎

環境: 以車仔麵店黎講文記餐廳環境絕對唔失禮. 可能做左米芝連推介餐廳之後, 環境質素有相對既要求. 餐廳不論枱, 環境和餐具都很乾淨, 和一般餐廳都差唔多.食物: 每次食車仔麵, 都會叫豬大腸同雞翼, 而今次都唔例外, 叫左個雞翼和豬大腸牛肚. 文記既雞翼真係幾高質素, 瑞士汁甜味夠, 而且相當入味; 另外佢個豬大腸同牛肚都整得好出色, 唔會太鹹, 整體黎講的確係一間有水準既車仔麵.價錢:雖然係米之連, 但價錢都冇點加, 相當親民, 麵底$8, 其他餸$8-$14不等.

聽就聽左好多次次次麵排曬隊 今次終將係個唔太繁忙既時間食到啦 一定一定要試最經典既瑞子雞翼！個汁真係超正！玻璃魷魚係最精彩的小食辣得好過癮 雖然好辣但好有魔性想繼續食呀！仲有好多唔同種類既野食唔知要食幾多次先可以試得曬呢 !!!!

今日等左15分鐘就有位，已經係第三次黎食。今次係囍囍隔離個間食，店面新淨啲。文記一條街有3間分店，中間個間舖面舊啲，不過快啲食得，如果唔想等可以排第二間。肚餓得濟忍唔住食左幾啖先記得影相哈哈瑞士汁 油麵 必點瑞士雞翼 豬大腸 蘿蔔今次試埋韓式魚腐 蘿蔔好淋好入味，雞翼今次有啲鞋瑞士汁其實係好甜架，怕甜嘅人記得揀其他湯底啦架上面有好多醬汁調味料俾你加鹽加醋加辣都得！如果食得辣嘅話，建議加啲自製辣蘿蔔，都好惹味㗎！

今日行過深水埗去咗食文記車仔麵首先叫咗碗薯粉我哋叫咗瑞士汁雞翼牛腩同花膠瑞士汁雞翼係最好食嘅係非常之入味唔會話好老非常之新鮮味道係啱啱好嘅好彈牙嘅牛腩嘅量都係比較多都只係$13牛腩算係新鮮比起雞翼嘅話呢就雞翼會好食一啲然後就係花膠雖然唔係話好貴架嘅花膠但係$13來講算係好平而且份量好大係算幾好食嘅之後另外叫咗碗正餸叫咗藍乳豬手仲有一杯凍檸茶藍雨豬手味道可以亦都係好新鮮嘅唔會話主導林晒唔好食凍檸茶加$9來講呢系好大杯嘅味道係幾好嘅

嚟到深水埗搵食，太多選擇之下，選擇困難嘅我永遠都係十五十六。每次經過米芝蓮文記都排長龍，今日見無龍喎，即刻就決定試試佢啦。第一次食Order咗鎮店十寶嘅三寶，瑞士汁雞翼、鹵水豬大腸同自制韭菜餃！而麵嘅種類都有唔少選擇，連拉麵都有，都幾特別，而我最後係揀咗河粉瑞士汁雞翼大大隻，入味得嚟肉質都好滑；鹵水大腸略嫌唔太入味，但夠爽口彈牙；至於自制韭菜餃足料得嚟，菜肉比例平均，幾好味。整體嚟講，係幾好食嘅😋

下午二時半，行過深水埗，是閒日星期二，仍然有人龍，是米芝蓮的嘉許，又見只有一號舖不用排隊，就試試，特別是試米芝蓮懂不懂街坊食品。侍應生禮貌很好，店內位雖然窄，但算是清潔。食品方面，比較特別的是柚皮和花膠。柚皮不錯，比我平常食車仔麵選的蘿蔔會入味。其餘的餸一慨普通。如灣仔有一間我的車仔麵至愛，它的酸齋帶有微脆，新鮮好味得多。最敗筆的是湯。很甜，留意，不是鮮甜，是甜，很不自然。有其中一個食評說湯好味到要喝清。我也有把湯喝完一半左右，其結果是，整個下午口腔喉嚨非常乾渴。Michelin? MSG吧！米芝蓮還是在5星級酒店餐廳才作參考，平民食店？不信也罷。最後，一餐車仔麵要$70元，喝味精湯，一次便足夠。

食文記排隊是必須的，但都值得啊!香港式車仔麵，日本式拉麵店隔局，地方小但企理。食物選擇多，連醬汁選擇亦多。兩個人吃了90元車仔麵，再打包。特愛的是瑞士雞翼和牛膀。下次來要預早一點還有不要餓著肚子等啊！

終於試左文記！我地小食叫左玻璃魷魚，炸魚皮，酸齋個酸齋好好味！玻璃魷魚就辣，但都好惹味。兩碗車仔麵個自製九菜餃好好好好好食！好足料。小花姑都好味重有鮮蝦腐皮卷都幾好食。每一樣都好滿意叫左咁多野食、食到捧住個肚，每人都只係$89！

深水埗最出名既車仔麵受歡迎程度非常之高，每次經常都大排長龍，皆因佢攞過米芝蓮，今日黎到深水埗醫肚就試下味道有幾米芝連啦。中午時分等了十幾個籌隔離文記分店都好多人下分別在於一間裝修新d另一間舊式啲枱前有好多醬料提供，甜醬花椒都有。座位都幾逼下蘿白豬紅薯仔粉 少辣蘿白幾甜有少少渣豬滑爽滑湯甜酸齋春卷粗麵 少辣揀左店鋪十大必食既酸齋因為酸齋的關係湯底變得酸甜加上花椒碎味道幾好整體來說味道不錯，亦無伏味。米芝連應該算係一個指引，只要多d發掘，其實有更加仲好味。

香港著名的車仔麵店🌟，平日經常大排長龍🐉，而人妻🐷最討厭就是排隊😠，可惜此乃老公🍋最愛之一💘，經過他遊說了幾個月後😓，人妻🐷最終也是妥協了😫。每個座位前都放有多款醬料🌶，任君選擇😌。牛孖筋豬紅通菜油麵🍜：牛孖筋是店內十大必食推介之一✨，亦是人妻🐷最愛之一💘，當然不能錯過😁，口感腍中帶脆😋，非常入味👍，難怪眼看身邊多位食客也點了🤣；豬紅當然也是必點的😉，入口脆滑🤤，完全沒布半點血腥味😚；通菜是老公🍋大力推介的💪，口感爽嫩清甜😊，吸收了湯汁😲，更為滋味🤤。總結：要多謝附近多間的玩具店🃏，為人妻🐷排隊的過程減輕了痛苦😘。店員態度親切💞，加上選擇亦較多🤔，對比人妻🐷於銅鑼灣最愛的車仔麵店🐷，回頭率的確是更高😌。老公🍋，這次就算你贏好了😂！

係深水埗出哂名嘅車仔麵，今次朝一朝聖。首先佢係日式風格咁坐，岩哂後生仔坐。之後點餐方便，慢慢簡，又可以查，岩哂選擇困難的人。佢有十大推介，全部都好味，羅白我食過咁多次，冇一次令人失望，冇渣，又甜，又入味！👍🏻今次試下另類野，水準一樣，湯不用說，清甜，不會令人口喝。同埋小心佢的辣，係真係好辣！

文記榮登左米芝連推介後 門口排隊既人一直有增無減最近仲竟然要拉起排隊線 可見受歡迎既程度有幾高好彩襯早六點左右黎到 竟然只等左一陣就入得太好了！建議大家早點去今次試下佢既花膠夾起超大塊 大過塊手掌而且一啲都唔削 成大塊煮到淋身起哂膠食落淡淡都係骨膠原 只係$13 好抵！牛肚夠爽身夠入味韮菜餃好大隻 豬肉同菜既份量配合適中菠菜新鮮無渣 亦貼心咁剪好方便食用 加分！瑞士汁湯底甜甜地 好夾塊花膠同餃子 正評！

This is one of my favourite noodle place to visit in Hk, they have about 3 stores along the same street in sham shui po, every time I visit there’s a queue outside , but the lines move pretty fast. You get to pick a big variety of ingredients for your noodles depending on your preference, Michelin restaurant for an affordable price