文記車仔麵 (福榮街)

營業中

休息中

今日去深水埗睇玩具，經開呢間車仔麵鬼死咁多人排隊！所以就膽粗粗拉埋個朋友一齊排，不知不覺間排排下就大半個鐘。好啦終於到我哋喇先點菜然後搵位再坐低等食食車仔麵點會少得朱紅蘿蔔同埋油面？一於試埋豬腸再加埋必食瑞士雞翼，呢碗車仔麵真係好豐富不過價錢就有啲貴買單都要五十幾😅😅話好好食又唔係去到「嘩」一聲嗰種，不過不失啦雞翼係幾好食嘅好入味！總括而言，價錢偏貴，但麵量好足夠

車仔麵黎講我去必食文記架啦！同一條街有三間分店仲間間排長龍你都咪話佢流講就冇用既！上菜！！排完長長人龍之後就見到一大堆食物，柜位內的姐姐冇停過手不停淥麵夾送，睇到款款都想叫添！酸齋必食！酸中帶甜又滑魚旦同大腸都係正重點係個辣汁，食得辣既都不能錯過再加多個煎讓三寶，味道ok啦，切得細舊得濟12元/4舊，勝在姐姐好人話同我翻熱埋，熱食係吾同既原來仲有酸辣粉，比較車仔麵黎講呢就差左d，口味較港式，蕃薯粉淥得淋左d又酸左d,而加送既辣汁雞軟骨又正喎👍大至上黎講，我係覺得好味既

深水埗嘅文記有三間，而呢一間係最舊式，但亦提供啲另外兩間無嘅菜式，今次就同女朋友試埋呢間最舊式嘅文記😆一開始要係門外排隊，叫完餸比埋錢先入得去食！🍜螺肉、豬皮、魷魚、生菜，瀨粉唔辣👉🏾螺肉爽口，豬皮尚算乾淨，魷魚入味🍜酸齋、蘿蔔、滷水雞翼，瀨粉小辣👉🏾酸齋係另外兩間都無嘅菜，淨係呢間先有！👉🏾蘿蔔吸哂湯嘅味道，一咬入口就咇哂啲汁🤤👉🏾滷水雞翼滷水味濃👍🏾💦最後我地後加左庶汁，味道清味，但飲唔哂，隔咗晚夜，味道就會變酸，所以一定要襯新鮮飲！

黎到深水埗行行下，就行到黎文記車仔麵。佢外面一直都好多人排隊，不過其實都好快就落到單。比左錢職員就幫我搵左個位置坐低。我選左牛腩、韭菜、魷魚配河粉。加左少辣，但佢個辣真係好勁，所以我另外買咗一支豆漿飲。佢啲配料超入味，河粉又好滑。不過我食三個餸都要40幾蚊好似有啲貴。

好多人都慕名前來食深水埗文記車仔面，無論幾時來，都有好多人係門外排隊，黎到依到要先係門口排隊叫野食，等緊個時可以睇定餐牌諗叫咩面底同餸菜。叫左個$9河粉底，$13牛肚可以叫佢比草肚(草肚林身啲，金錢肚就爽)，$8墨丸同$10鮮蝦腐皮卷。比完錢店員會叫你坐底，然後拎個面比你，服務都幾好。依到啲湯底夠哂濃，同配料選擇多，不過每款比得唔會太多份量，依到三餸一面都要$40唔算平，但勝在真係好食，間唔中食下都不失一個選擇

有次H先生放假去搵P小姐食lunch經過見到文記出面排長龍🚶🏾‍♂️🚶‍♀️🚶🏾‍♂️🚶‍♀️P小姐話呢間好出名 佢食過又覺得好食💁🏻‍♀️於是今次H先生決定去try try啦🤟🏼🤟🏼.再一次舖外多人到一個點🤯我地要等十幾廿張飛先有位😞都等左半個鐘🕰入到去癲左叫勁多餸😂有上湯花膠+瑞士雞翼+玻璃辣魷魚+秘制牛孖根+鮮蝦腐皮卷+幼麵(腩汁湯底+秘制辣醬小辣+蔥花)P小姐都嚇親😱咁H先生個胃又有自動伸縮功能🤗所以好有信心食得曬 加上真係好肚餓🤤.花膠好大塊 放正喺碗中間 不過幾韌 有啲難齒開🤔雞翼好入味 瑞士汁超惹味👏🏻魷魚爽口 份量又多 😻牛筋炆得啱啱好 唔係太淋 仍然有𡁻頭😝腐皮卷就一般 有啲似獅子狗咁 失望🥺麵底H先生個人鐘意爽口啲 但呢度比較淋🤭辣醬小辣完全無feel 下次可以挑戰中辣😏腩汁湯底唔係超級濃 所以唔會好咸呢個湯配粉麵都幾唔錯💁🏻‍♂️💁🏻‍♀️

上星期四晚上要去石硤尾配水庫做義工，因先要到石硤尾體育館帶運動員上去配水庫，所以我多數係深水埗附近食少許先上去。深水埗近黄金附近真係好食店，隨街都有嘢食。雖然選擇好多，但我都係中情文記車仔麵。車仔麵麵料選擇左幼麵，豬腸，雞翼及通菜。清湯配少辣汁。我最欣賞言這間車仔麵的豬腸，烹調得好入味，再重耍豬腸新得乾淨，無一陣豬腸味。豉油雞翼亦都好入味。清湯加秘掣辣汁，唔駛加辣椒油已經夠辣。另外再加一杯凍檸檬七起。·

每次經過深水埗都會不其然想起文記車仔麵，車仔麵真係大人細路都岩食。而文記既車仔麵更加係極品我很少寫食評，但真的好想寫一篇支持一下。今天我突然好想吃車仔麵，專登搭車過來深水埗食文記，離遠已見到門口人山人海，心諗一定要等很久了。等等下估唔到條隊又幾快喎，唔洗十五分鐘已經輪到我地。我叫左四款餸，雞翼，豬紅，腸仔和牛筋，加上沙嗲湯底。另一碗我地叫左魷魚鬚，冬菇，雞翼和腸仔加沙嗲湯底。未食都流晒口。我認為文記同其他車仔麵唔同既地方係D餸更入味，特別係雞翼真係好好味。估唔到冬菇都咁好，粒粒咁新鮮爽口又入味，又無up味。另外一定要提既係菜甫，少少辣加入去更惹味。

一條街有3間分店既車仔麵舖，但3間舖都好多人排隊！第一次試呢間舊式d門面既分店！先排隊再叫點菜同麵，好經典！可以睇到各樣菜既樣！睇落好多款麵好好味，好吸引！試左蘿蔔、瑞士雞翼、豬大腸、辣汁螺肉、紅腸！蘿蔔好甜好多汁，吸左湯底味好正！瑞士雞翼同隔離間舖一樣咁好味，雖然加左湯但依然好入味！超推薦！蔗汁都超清甜！好好味！推介！但本身好奇地試左麻辣醬加入湯底！反而覺得破壞左湯底！麻麻！辣但唔太麻！店內唔太大，但坐得唔迫！雖然外面多人排隊，但店員無迫人坐到好迫！而且仲叫完麵會幫客人拎去佢分配既座位，很貼心！唔駛客人拎！👍🏻👍🏻👍🏻很讚！

今日幫襯深水埗一間出名既車仔麵。同一條街有三間舖，每間都要排隊等位。但今日因為大概食brunch 嘅時間攞位，未算太多人，需時十五分鐘就有位坐😬貴店話自己有十大必食推介：雞中奕，豬手，蘿蔔，辣魷魚，花膠，豬大腸，花菇，酸齋，韮菜餃，仲有魚肉。我點左其中兩個推介：豬大腸同酸齋，另加🐷油渣配米粉；然後再偷隔離個男人隻雞中奕。個碗真係幸福滿滿🤣點讚雞中奕同豬大腸，真係值得推介。🐔奕醃得入味，算係大隻；豬腸唔見裡面有一層層，係薄薄既單層，軟身而且滑口，味道非常好👏🏻👏🏻豬油渣就沒有什麼味道，無驚喜🙄最錯就係叫左個酸齋，酸味同湯底加所有其他食物都結唔到婚🥴怪味都不得了⋯⋯都怪自己無諗淸楚就點依個餸😣另外，本人推薦佢地既羅漢果龍眼水，非常甘甜又好飮，落足心機，而且仲有龍眼肉食，真材實料👍🏻

星期六下午五點去到，門口一如既往大排長龍，有本地人有遊客，最後等左半個鐘先有位蘿白雞翼魷魚油麵配沙嗲腩汁 （7/10分）蘿白清甜夠淋，而且無渣，雞翼的滷水汁亦十分入味魷魚味道不錯但無以前食果種脆口的口感，相對失色。最喜歡是這裡的沙嗲湯底，香濃又不會過咸，每次必選！花膠豬紅豬手酸齋油麵配清湯 （7/10分）花膠份量十足，雖不是什麼貴價貨，但友人說幾好咬口，豬紅豬手都很入味，反而酸齋一般般，唔夠酸唔夠味，下次不會再選了總結而言，文記水準還是有，但要排甘耐隊我就覺得唔太值得

雖然呢度真係好多人好多人排隊但係大家都係慕名而來肥妹嗰日都排咗半個鐘首先會有張order版圈好晒你嘅嘢食之後入去坐低寫低枱號唔使10分鐘就有得食肥妹揀咗番薯粉豬大腸 麻辣筍絲 酸齋 牛筋根 仲要左秘製辣汁湯底他面有好多唔同嘅調味料可以任君選擇肥妹就揀咗花椒油食落有輕輕嘅麻再加埋香辣嘅菜甫 簡直係萬分美味呀豬大腸做得非常入味而且洗得好乾淨問得好琳筍絲入味得來都爽口唔會林酸齋酸酸甜甜嘅考咁刺激嘅口水嘅分泌牛孖筋蚊得非常林同埋入味肥妹終於都明白點解咁多人要排咁耐隊都要黎食碗車仔麵

深水埗出名既車仔麵，文記車仔麵一定走唔甩。一條街已經有3間分店，而且間間一定排長龍。今日亦都唔例外，排左一段時間先到我餐牌：美味酸齋加瑞士雞翼尖幼麵：當酸齋浸上湯底一齊食，簡直無得輸，甜甜咸咸既味道，十分惹味。而雞翼尖加上自家製既瑞士汁，簡直一試就愛上。

✴️ 文記車仔麵 | #深水埗 .2️⃣0️⃣1️⃣8️⃣米芝蓮得主平民優質車仔麵 已經不知道第幾年得獎 我只知道上年年頭食過後 😳‼️我每個月都要食一次先安落‼️ 本來我的車仔麵No1係金鐘 但已經無一間可以代替到文記🙌🏻.你不得不讚嘆佢每一種食材都煮得咁入味 👅1️⃣必點 瑞士汁雞翼 看看色澤你就知道滷得多入味 帶有光澤的啡色 咬落甜度剛剛好 雞肉嫩滑 一啲都無過火喉💯2️⃣ 豬皮酸齋油麵 朋友每次必點油麵 煮得爽口 而且份量很多的說 🐷皮爽口不在話下 煮得軟身吸收哂咖哩味 無豬毛🤣 3️⃣西洋菜餃菠菜秘製魷魚河粉 自家製西洋菜餃 菜比例較多 但食落肉味濃郁又不失菜鮮甜 👍🏻秘製魷魚煮得入味 爽口易咬 ☺️.*如果會叫菜記得要叫麵時候一齊落單 💡個人覺得舊店等候較短 （先落單後搵位）.#michelinguide hk 2018, best local noodle! You could choose the topping you like and recommended for their chicken wings! 🔹瑞士雞翼 $30

今日去咗行深水埗有少少肚餓,所以去咗文記食車仔麵。舊店超級多人排隊所以去咗隔離新店。文記車仔麵都有兩年冇食,見到個落單紙價錢真係貴左幾多下,除左新店裝修靚D碗筷吾同左食物味道都還算可以。整體來講變左米之蓮價錢都貴左嘅平民車仔麵。