74
17
1
港鐵深水埗站 D2 出口, 步行約1分鐘 繼續閱讀
所有分店 (4)
營業時間
今日營業
12:00 - 23:45
星期一至日
12:00 - 23:45
公眾假期
12:00 - 23:45
公眾假期前夕
12:00 - 23:45
付款方式
AlipayHK 支付寶 現金
其他資料
當面支付
食評 (128)
同以前一樣,一樣大條人龍喺主舖排隊。到門口,姐姐話已滿座,指引去隔兩間舖嘅第二分店。同以往有所不同是,有另一條人龍排隊㩒主舖外的其中一部點餐機,另一選擇,坐番埋位,掃曲,電子落單之後出番主舖另一部機付款。做哪喳麵做到佢同一條街開4間分店,仲要有自助點餐機,亦引到人專登揸車嚟食,都算巴閉。今次嗌3碗再撈亂餸食。唔知係咪撈亂咗辣度,微辣個碗辣到咀都腫,中辣嗰碗接近零辣感。豬大腸腸內肥膏太多,𦧲掉唔少肥膏,不過始終和味。螺肉就有啲硬感,醃味唔夠濃。千層鮮竹粒係一小磚嘅豆皮百頁嘅嘢。保證日本溏心蛋係唔係現成或日本產係冇從考究,不過始終鍾意湯麵有隻蛋。豬油渣仲係維持脆嘅狀態。飲嘢都係必飲呢度有得賣、轉角嗰間甘蔗王啲鮮榨蔗汁,細細樽約300ml,解渴唔會黏喉。*醬油架上有大大樽菜甫任添,小辣幾惹味 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-01
139 瀏覽
咁啱經過深水埗又知文記出名車仔麵就即管試下,一坐低就見到有成10款調味任君選擇,真係多元化叫左個玻璃魷魚,墨魚餃米線~魷魚入味又爽口,墨魚餃夠彈牙如果喜歡吃辣,真心推介呢款菜甫,辣中帶不同層次,慢慢辣出黎,完全提升哂成碗麵,簡直係靈魂。😋😋😋 繼續閱讀
(以上食評乃用戶個人意見 , 並不代表OpenRice之觀點。)
等級2 2021-11-09
133 瀏覽
今日經過深水埗見到好多人排隊,就跟住排隊買飛。搵位,之後會有姐姐送餐。老公話同之前order形式有d 唔同。我就揀咗牛筋腩、墨魚丸、辣魷魚油麵加牛腩汁。老公就揀咗豬紅、咖喱魚蛋、韭菜餃幼麵。我哋兩個交換左啲餸食。牛筋腩超入味,勁冧。咖喱魚蛋都值得一試,同其他車仔麵檔啲魚蛋唔同,食落去又彈牙口感。韭菜餃都好足料。呢三樣嘢都值得推薦。大家食麵之前記得落辣菜脯。但麵底份量較少。雖然食客眾多,但因為文記有幾間舖位相連。所以座位充足。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-22
176 瀏覽
文記車仔麵喺深水埗立足,舖位喺福榮街上越開越多,次次路經都見好多人排隊。極受大家歡迎。我同大家一樣,真係覺得佢地做得好出色先睇睇佢地個餐牌,佢哋餐牌上有曬舖頭十大必食推介食物。我揀咗佢哋個鹵水豬大腸($13蚊),同玻璃辣魷魚($14蚊), 麵底我揀油麵,調味醬料我揀秘製辣汁大辣,再加杯嘢飲,跟餐加11蚊,我揀鮮榨甘蔗汁。我好欣賞佢個辣醬用匙羹盛住同埋店方真係好細心,佢地喺枱上放曬各式各樣嘅調味料,你鍾意加麻油,加花椒,加魚露,加胡椒,好多選擇俾大家揀。個個人都可以diy出自己最啱味道嘅車仔麵鮮榨甘蔗汁清甜好飲,又可解辣 繼續閱讀
(以上食評乃用戶個人意見 , 並不代表OpenRice之觀點。)
等級2 2021-10-19
122 瀏覽
一向都係車仔麵既die heart fans,口味既野人人唔同,而最岩我胃口就一定係文記。文記真係唔講得笑,就算係閒日,唔係office lunch hour,都要等位。麵底方面,識食一定食河粉,文記既河粉唔會好快就吸晒d湯,變成漿糊。餸方面,豬紅係一定要點,甜中帶少少辣味,成舊豬紅都入哂味,軟硬程度適中。瑞士雞翼都係必食,雞翼甜得黎帶有滷水香味,都係非常入味,所以湯底我都會揀埋加瑞士汁。至於西洋菜餃我都覺得係必食,但唔係成日都有,綠色既餃皮厚薄適中,豬肉既鮮甜配上西洋菜既爽脆清香,餃控必試。 繼續閱讀
(以上食評乃用戶個人意見 , 並不代表OpenRice之觀點。)