掌壽司 (已結業)

係Openrice見到掌壽司既定食幾吸引，點知發現原本想食既網燒和牛定食原來只係lunch限定，而dinner冇🥺 好失望，坐低左都無理由走啦，於是試左個A5和牛壽喜燒，廣島蠔好甜好肥美，其他野食質素都唔錯呢！😻最後兩人食左六百幾，小貴但好食。

平時午餐食過好多次，晚餐第一次食，讚！所有壽司刺身都好新鮮海膽刺身非常鮮，美味帶子刺身鮮吞拿魚壽司🍣美味蟹膏壽司好足料環境寬敞舒適，唯一不足，晚肆少套餐可揀，如果晚肆能提供更加多套餐就更好

平時過嚟觀塘食嘢都係搵大餐廳，而且而家又好難搵壽司食。今次就搵左間工廈入面既餐廳試下，呢度都有preset左一啲晚餐二人set有沙律、刺身、壽司、壽喜燒同鐵板燒，加左一就七百蚊左右，以呢個價錢呢講都算合理。沙律入面有啲小帶子，真係好好味，鮮甜新鮮！刺身都幾新鮮，冇咩雪味、腥味，本身個set配蠔但係我地個胃唔太受得，所以轉左第二樣。而壽司個飯就麻麻，可能係set所以實左啲。而鐵板燒用既牛肉都好肥美好甘甜。壽喜燒都好好味，只係食到最尾咸左啲，而且有啲膩。至於甜品雪糕，就唔好有期望啦

這天有事來到駱駝漆，本來想去同層的漢堡包店嚐新，可惜原來星期一不開門，摸了門釘，就在同一層行逛隨便找一家餐廳吃中午飯。來到兩間日本餐廳門前， ½的機會，我選擇了這家掌壽司，因為好像網上很多好評，而且開業時間比較長，以為會比較有信心及品質保證，結果卻嚴重中伏，真是悔不當初。😰餐牌有很多午市選擇，看到這一款有六件壽司及迷你刺身丼的選擇，好像不錯，就選擇了這一款套餐，另外再加了一份炸蠔。D餐壽司定食($138)燉蛋麵豉湯沙律吉列蠔($38)迷你吞拿魚蓉丼六款壽司：象拔蚌、墨魚、劍魚腩，甜蝦、三文魚、帆立貝抹茶雪糕燉蛋點完餐後前菜陸陸續續送上，第一樣吃的是燉蛋。一開始吃，覺得燉蛋燉得不錯，夠嫩滑，雖然入面的材料只是蟹柳等普通材料，但還算可以。但一路吃，情況就不對了，越吃越水，原來下邊的燉蛋根本還未熟，仍然是生蛋的狀態，這實在太差了！我吃過各式各樣的餐廳，從來未吃過生蛋的燉蛋，這家店也算是破了紀錄，由一開始已經中伏，深感不妙中陸陸續續嘗試其他菜式，大部份菜式都很恐怖…麵豉湯驚魂未定，喝一口麵豉湯定定驚⋯麵豉湯的味道沒有問題，但問題出在海帶上，這種海帶需要更多時間浸泡，但店家只是加熱水就直接奉客，

嗰日突然興起，同個朋友喺OpenRice嗰度見到有優惠就book左枱上去！都幾耐之前嘅優惠，係有一個免費嘅魚生拼盤，價值都香港超過$200 ！所以如果有興趣，可以睇吓OpenRice幾時仲有呢啲優惠活動❣️上到去之後，發現入邊都好大😮而且入邊嘅座位都滿晒人，裝修都偏日本風！好似去咗日本嘅居酒屋一樣，佢仲要有啲細房給一班人一齊去。個餐牌睇落有啲簡陋，但係我哋都係嗌多一個定食再加埋佢送嘅魚生拼盤。黑毛和牛壽喜燒鍋定食 （$198）雖然嗰陣有一個火鍋放題，但係鑒於我同朋友都唔係食得好多嘢，所以我哋就決定叫咗呢一個平啲嘅定食。佢個定食配左個燉蛋同埋一個烏冬，個燉蛋好滑材料都好夠，只係個份量有啲細，真係一人份量。至於個和牛我覺得有啲煮太熟，但係佢個汁真係好好味，如果配飯食嘅話簡直一流！魚生拼盤 （$228）雖然話係免費，但係最咪睇到張單都有收到+1服務費。個人覺得個魚生拼盤質量幾好，啲魚生都偏厚切！我個人覺得都值得一試！

平平哋食個lunch，有麵豉湯、有烏冬、有壽司、有雪糕、有茶碗蒸！好抵食👍🏻👍🏻👍🏻環境唔錯食物，質素都唔錯，喺觀塘工廠區駱駝漆都好方便，下次可以再戰

去開觀塘既朋友仔一定聽過、甚至去過「駱駝漆大廈」，特別係第3座，入面真係好多野食🤩，眼花撩亂，有時都唔知揀邊間好嫁。 今次就去左小編好耐無去既「掌壽司」，因為真係太耐無去，轉左餐牌，以前成日食既牛肉定食都唔見有，所以就食左姜汁豚肉定食啦！🍛 姜汁豚肉定食 （價錢： $88）評分： 3.8/5要讚一讚「掌壽司」，每次入得去食一定會捧住個肚行返出黎🤣，因為食物份量好多，有定食一碗、蒸蛋、前菜、麵豉湯，最後仲有甜品添😋。今次食既豚肉定食，有數塊超長既豚肉🐖，味道不錯，但感覺比以前食既淡口左，不過豚肉面有D芝麻、雲耳、蘿蔔絲🥕等配菜同特製既姜汁，中和返比較淡味既豚肉，所以味道都可以的。🥚日式蒸蛋之後有小編好鍾意食既日式蒸蛋🥚，每次黎食蒸蛋都係超熱，香滑之餘蛋味非常出，係小編喜愛之選😍。🍨伯爵茶雪糕最後，餐廳會附送一杯雪糕🍦作為甜品，只有一種口味，係伯爵茶呀🫖，平時出街好少食到伯爵茶味既雪糕，依款雪糕食落有少少伯爵茶味，相比之下奶味比較重，鍾意雪糕重奶味既朋友仔應該會好鍾意既👍🏻。———————————————————————————🐷 整體食物： 3.8/5🐷 環境：3.5/5🐷 可達度： 4

觀塘出名工廈多 知道樓上好多餐廳 今次黎到駱駝漆大廈上的日本餐廳 入到去舒適寬大的地方 坐位上亦都好闊落。今次點咗一個五色刺身飯定食, 定食中有蒸蛋, 麵豉湯, 沙律, 而主角的刺身飯入面有三文魚, 油甘魚, 甜蝦, 吞拿魚蓉, 帆立貝, 份量已經蓋滿碗面嘅範圍。值得一讚幾款嘅刺身都好新鮮, 帆立貝非常之厚身, 三文魚光澤令身, 油甘魚鮮香回味, 而甜蝦方面香甜滑身, 至於吞拿魚溶非常之軟綿綿新鮮的話說小編好喜歡薑, 可能好多人都看少這幾片薑, 但其實我好留意配菜的人, 而它屬於好爽口鮮甜的薑, 以作一個點綴至於蒸蛋方面亦都好香滑好鮮甜 燉蛋蒸得剛好唔會太過鞋口而沙律方面 係我最喜歡嘅日本沙律裙帶菜, 混合了蘿蔔絲, 青瓜絲, 飯前有此沙律, 是一個開胃嘅菜。麵豉湯方面是一如既往的味道, 但如果湯上面加個蓋 就可以保溫一點, 就唔使食完成碗飯 再飲麵豉湯的時候都已經開始變凍囉

自取點餐時，如圖示，寫明有前菜、味噌湯、白桃茶。但取餐時卻沒有味噌湯🤷‍♂️ 感覺不良好。食物味道是可以，但始終有被騙的感覺。畢竟是想到飲味噌湯才買日式定食。打算自取的朋友請留意。

門口大隻字寫住堂食8折，食完埋單先話訂位先有折，ok啦，算，兩位午餐又唔係好貴。第二個星期上網訂位，去到講埋網上訂咗位喇，埋單又話無折架，要電話訂座先有折！我問經理門口個牌都無寫，第一次又無講清楚，哈，經理話下次記得打電話訂位。如果想要得到8折就一定要打電話喇。

今次嚟到不論星期一至星期日都咁人頭湧湧嘅觀塘哩間晌駱駝漆三期嘅掌壽司假日嚟到見佢入座率都幾高 頗受歡迎而環境都幾闊落有望住師傅做壽司嘅吧枱位、一般嘅2人座位還有廂房我哋被安排坐房由於枱夠大、同隔離枱隔離都隔得遠加上暗黃嘅燈光 感覺似去左高級日本餐廳 但佢哋嘅午餐價錢卻好平民🔸刺身定食（$168）（推介*）刺身又厚又大件，食一塊落口已經充斥哂成個口腔，超滿足！有五款足料刺身！最正係蝦同海膽，不過海膽下塊青瓜有啲苦，其他嘅都好正。另外，我鍾意個壽司飯，常溫嘅溫度👍🏻，我好怕個啲雪到好凍嘅飯，但哩度嘅唔會，而且好有飯香同煙韌，醋嘅比例岩岩好，我覺得就咁齋啪都好好食。😝🔸牛肉壽喜燒湯鍋配白飯（$108）牛肉係半熟嘅，所以好嫩同鬆軟，加上大大片食落滿足。湯底有醬油香同洋蔥嘅甜，係偏清淡嘅湯底。🔸廣島蠔刺身（$30）（推介*）性價比超高！2隻成個手掌咁大嘅蠔都只係$30，唔食對唔住自己。入口好creamy，蠔味幾濃，絕對滿足！🔸明太子雞翼（$18）（推介*）外皮好香，食落微微脆口，咬落去好會滴汁，好juicy ，明太子又惹味，食到雞翼尖時仲有好香嘅燒烤味👍🏻。🔸日式餃子（$18）有4隻，餃子烤過所

觀塘人多車多，午飯時間要搵間食物高質又坐得舒服嘅餐廳都唔易🥺不過近排試嘅呢間日本野就真係好唔錯🙆🏻‍♀️裝修簡約，有bar枱有矮枱仲有房，牆身嘅清酒盒裝飾亦好有心思🤗Set lunch價位不高，最平$78，最貴都只係$168。全部都配有茶碗蒸、味噌湯、前菜同飲品雪糕二選一😯茶碗蒸好滑好香好足料😋正我點咗五色刺身飯($148），有帆立貝、吞拿魚蓉、油甘魚、三文魚同甜蝦😋份量大方，刺身唔算好厚，但就幾新鮮。基本上以呢個價錢，咁嘅質素絕對收貨🙌🏻男朋友點嘅係壽司定食($118)，有六款壽司之餘，仲可以四選一咁選配定食。我哋揀咗黃金蟹膏飯，份量剛剛好🥰蟹膏夠鮮但唔會腥，撈飯一流！我哋仲額外點咗兩客燒雞皮，燒得夠脆夠香，唔會過油😍雖然雞皮較幼，但都好滿足~甜品我哋揀咗檸檬🍋sorbet，係今個午餐嘅完美句號❣️

駱駝漆真係好多高質食店，今次呢間日本餐廳地方寬敞，午市定食有前菜，茶碗蒸，味噌湯，飲品或雪糕。前菜係漬物，醃得幾酸幾開胃。茶碗蒸面層有味粉，所以第一啖只吃到粉味，底層料幾多，蛋夠滑。味噌湯有幾粒蜆仔，都唔錯。壽司定食 $118 有六件壽司（三文魚，油甘魚，帆立貝，蝦，北寄貝及魷魚）配黃金蟹膏飯，正阿！都唔駛點形容，上枱睇到賣相就已經流口水，好鮮味！個帆立貝，油甘魚同魷魚好好食！蟹膏撈飯有蟹肉，撈飯真係一流。牛肉壽喜燒湯鍋配烏冬 $118，牛肉嫩滑，湯底帶甜，配料仲有菜，豆腐同菇，滿足左之前一直想食Su__ya個壽喜燒但宜家無晚市堂食又唔會3點去食晏而食唔到既慾望...另外加點小食鹽燒雞軟骨 $18/2串 好味，爽口燒雞皮 $18/2串 略嫌唔夠脆口，不過都好味

黎開kwun tong搵食，見到個環境幾闊落，唔係特別多人，空間感幾大就入左黎試下喇！叫左2個set lunch一個係壽司定食$118，另一個係牛肉壽喜鍋$108。都係有跟湯，前菜，茶碗蒸同埋 飲品或雪糕2揀一，見到有Hagen-dazs雪糕幾開心湯唔使講，無特別，就係粉溝出黎個d。前菜好疑惑係咩黎，好似無骨鳳爪😂茶碗蒸麻麻，無乜味，唔香。壽司定食唔多新鮮，黎到個樣乾乾地咁，foodie app影靚左。不過不失啦又唔會難食。燾喜燒牛肉幾好，湯甜肉都幾嫩，食晒成碗飯。環境is good，坐得舒服，唔逼。

掌壽司一向都係我心目中好滿意嘅餐廳，連我身邊嘅朋友試過都話真心高質，幸好前排禁晚市堂食之前黎得切再次同朋友光顧佢地嘅裝潢一直都冇乜變，一直都係日式帶d歐陸風格，燈火通明芥末八爪魚係開胃小菜，爽口彈牙，芥末味道濃郁，次次食都係一開頭以為平平無奇，但唔知點解最後會令人欲罷不能😂枝豆春卷外脆內軟，鹹香味道十足，就算唔點醬都好夠味佢地嘅雞軟骨都好好食，因為佢係肥肥地咁，雞油味好香濃刺身盛唔洗多講，睇賣相都吸引啦，最爽嘅係厚切啊！每一舊放入口都係啖啖肉，而且魚香味好凸出，尤其油甘魚👍赤蝦刺身清理得好乾淨，口感即綿又糯之後叫嘅壽司當然唔係普普通通嗰d架啦，我地食3件軍艦，一份左口魚邊壽司，又左口魚壽司開始順時針食到蟹膏軍艦，香味層層遞進。佢軍艦每舊都好滿料呢個雞肉野菜卷就厲害咯，超級肥仔，裡面雞肉嫩滑，外面一卷雞皮係爆油，啱曬我呢d鍾意食肥野嘅人豬頸肉反而比我想像中結實，而且唔會太油激烈炸蠔及格，炸粉唔厚，超熱辣辣，入面都好飽滿冇收縮最後口痕點多份鰻魚串，不過就有少少可惜，有皮嗰面有d焦了，火候控制可以好d除咗食物，服務都係一流，店員係好好笑容，而且好迅速，每食完一道菜都會主動換碟。本身想orde