捌哥‧馬拉籽 (已結業)

去圍方行街街前，先係附近食個late lunch。 捌哥馬拉籽 位於油站對面，主打星馬菜，喜歡食喇沙嘅小編就即刻去試試。🔅（午餐）肉骨茶細滲配白飯 $98加錢改做黃薑飯，細細份嘅肉骨茶細滲入面有晒腩肉同豬手，藥材味道啱啱好，唔覺易就清晒🔅玻璃生菜 ＋$24份量慷慨，生菜新鮮爽脆🔅娘惹喇沙 $84鮮蝦彈牙，喇沙湯充滿椰奶味，連配菜豆卜都吸晒laksa精華。麵底就揀咗滲滲，即係油麵加米粉，粗幼麵口感一流🔅咖央多士 $33斑蘭香甜，多士剛剛烘起鬆脆，雖然簡單，但食落好滿足🔅馬拉沙嗲串燒（三串）$64揀咗牛、豬、雞每樣各一，肉嫩，而特製嘅馬拉沙嗲醬就帶花生碎粒，有咬口又甜甜地

記得之前喺深水埗食過捌哥印象超級深刻係好好食！佢哋嘅配搭好正宗今次試吓大圍呢一間分店唔知味道一唔一樣中午時間嚟到有好多午市套餐超級抵食咖央多士下午茶餐除咗多士仲會有一盒半熟蛋撈豉油食，估唔到就咁樣撈豉油都幾出色咖央多士上下麵包都烘得好脆，配合中間冰凍嘅牛油超級好食，咖央醬超多好滿足咖喱牛肋條配油飯之前食過椰漿飯所以今次想試吓油飯，估唔到佢仲好食！唔好睇佢白雪雪咁冇乜特別其實充滿豬油香配埋旁邊嘅花生魚竿同埋佢哋秘製辣醬已經好好食，牛肋條炆得好淋好正大滲肉骨茶呢一個煲真係不得了，超級大煲而且入面好多料，有雞腳，豬手，五花腩，牛展，豆卜，仲有響鈴，最正嘅係個湯免費無限任添，多人嚟食嘅話一定要叫！

辣死你嗎配生炸全雞髀 $92超級大隻嘅炸雞髀 炸得酥脆可口 淡淡調味配上椰漿飯 大滿足檳城福建蝦麵 $84湯底滲出蝦既鮮香 麵底揀左米粉 完美吸收哂湯汁🤤配菜豐富 有蝦 豬腩肉片 蛋 魚片 蝦 菜 所以鮮味度好高 馬拉籽芽菜雞(例牌) $88雞肉質地嫩滑 仲有雞髀 😍 帶有胡椒香 底部係滿滿嘅芽菜 增強口感馬拉沙嗲串燒 $64牛 豬 雞各一串 花生味濃郁我知你啦薄餅配娘惹咖喱雞 $68呢款咖哩係有後勁嘅辣 雞件掛滿汁 薯仔呈半溶狀態 加上薄餅真係十分出色玻璃魷魚蕹菜 $58魷魚爽口 比起就咁食菜冇咁單調呢間馬拉菜款式眾多 性價比高 無論菜式同埋餐廳設計風格都好地道feel

今日又近近地喺大圍搵食，於是嚟試試呢間喺小巷中嘅馬拉菜😁🥤美碌恐龍濃縮版美碌，加左啲cereal脆脆喺面，我個人認為略甜左啲🫢而且比較細杯，但都要成$30😵‍💫🥪鮮牛油咖央多士凍冰冰嘅鮮油配上咖央醬，加上香脆嘅多士，口感好豐富😋但都係個句，份量略嫌細舊左少少🫢🍜咖喱喇沙 - $84呢個湯底幾濃郁，真係有辣架！個面都幾彈牙，不過可以多啲餸就好啦🤣🍜舊街白咖喱麵 - $84呢個就淡口啲🫢我個人鍾意咖喱喇沙多啲🧆魚仔醬蘿蔔糕 - $46呢個蘿蔔糕感覺剩係得舊糕，食唔到啲蘿蔔喺邊🫢魚仔醬配蘿蔔糕呢個配搭幾新鮮，就好似我哋平時食蘿蔔糕點XO醬咁，不過就多咗陣鹹香味-總結：呢餐兩個人食左差不多$290左右，價錢嚟講都ok嘅，味道都正正常常。但啲小食同飲品方面，我覺得可以整得大份啲，咁就更好啦

大圍開左新商場，行完想食啲小店，就簡中呢間馬拉野。見到好評都幾好，雖然唔近港鐵站，諗住一心黎到就試下啦。同一條街其實都有好多餐廳，火鍋、蒸海鮮、湯麵、點心等等，呢間店叫相對少人，但始終唔係熱門既菜式，都覺得無咩問題。店內坐位好窄，不過佢仲有樓上一層，所以都供應到較多坐位。scan QR code點餐，選擇中規中矩，平時食到野都有得簡。辣死他啦 - 生炸全雞髀 隻髀算大舊，但得一舊髀對男士黎講唔係好夠另外配菜都唔係太吸引，特別係蝦片已經淋左飯偏乾，一定要撈埋啲汁先食到。整體中等水平琰璃魷魚蕹菜 佢有落辣醬，但睇落就好有色水，食落無咩味特別係個魷魚用左土魷，淥熟左之黎先點辣醬係完全無味。。。絕對不是menu上所講既重點😀…凍茶啡滲 & 馬來西亞茶 (各一)同平時飲既預期一樣甜，呢個係馬拉野飲統一既特別但係佢做唔到茶香，就好似飲緊一杯甜茶咁，茶啡滲就濃啲啲。無驚喜。一個飯+菜+兩杯飲杯埋單都$200左右地方唔算近，試咗嘅菜式亦都唔吸引，大圍都仲有好多選擇，可以暫時一別👋🏾

一直好想去馬拉，都仲未去得成嘅大胃，唯有去大圍，去圍方之前去一去食馬拉嘢見到有間捌哥，就入去醫肚，裡面嘅嘢食都好大份通常食馬拉菜都會嗌喇沙，今次就想試福建蝦麵摻摻油麵同米粉都好多，好索湯，蝦肉大大條好鮮，仲有豬腩肉同魚片等等，馬拉版大滿足辣死你嗎係椰漿飯嘅馬拉譯音，綠色嘅飯非常之有椰香，雞髀炸得好透，外脆內嫩，鎖得住肉汁，有啲魚乾、醬汁、咖喱薯仔，令口感生色不少嗌大份肉骨茶怕食唔晒，有細煲啲嗌，嗌淨豬手食吓骨膠原，超級彈牙加上濃濃湯底，好補呀另加一份油炸鬼，脆卜卜瞬間索湯汁，係品嚐肉骨茶嘅好渠道半熟蛋唔係個個都知點食，有胃民教大胃，倒啲甜豉油同胡椒粉落去撈勻就會變成可口嘅蛋漿，就咁食一流呀最後就嚟個咖央多士，一定要加牛油，同咖央醬嘅融為一體，太陶醉喇！麵包烘到勁脆身，一咬就碎，非常特別食辣嘢點都要嗌嘢飲嘅，馬拉飲品少不免拉茶或者咖啡，但馬拉鴛鴦就未試過，雙倍濃味醒神冬瓜龍眼茶嘅渣冇乜味，皆因啲味完全滲晒喺茶水之中，所以好香口

大圍有水準的馬拉餐✨🎈🍲🦥✨餐廳雖是小店一間，但馬拉菜式的種類有很多呢！而且馬拉菜式很正宗。它的喇沙湯底、肉骨茶湯膽、拉茶的茶葉、咖啡的咖啡豆、咖央多士的麵包，甚至咖央醬、魚仔醬、白咖喱醬、蝦辣醬、蝦膏醬、沙嗲醬、牛腩醬、蕹菜醬、黑鼓油、胡椒粉等醬料都是馬來西亞空運到港，保留正宗的馬拉味道，價錢亦適中，性價比高！《咖央多士》$33多士烘過很脆口，咬一口會吃到淡淡的斑蘭味道，但不會太甜，很好吃呢！《馬拉沙嗲串燒（三串）》$64串燒上的沙嗲味道很惹味，花生的香味融入得很好，點上牛、豬、雞來吃，真是開胃滿分的菜式！《細滲》$106是肉骨茶之一，其食材像是大雜燴一樣，有一字骨、大骨、雞腳、豬腳彎、豬手仔、豆卜、金菇、豬肚及三層肉等等，非常豐富。如果多人，可選大滲的款式呢！原來只要點肉骨茶系列，可以獲贈碗裝肉骨茶，而且無限任飲！《舊街白咖喱麵》$84可轉老鼠粉，混合南洋風情的湯麵，白咖喱含有濃濃的椰香味，餸菜亦很豐富，有蝦、魚蛋等等，老鼠粉的份量亦有很多！吃馬拉菜，當然要飲拉茶！《馬來西亞茶（熱）》$18很香很香很香！入口順滑，甘香美味！正宗拉茶的味道！《馬來西亞茶（冷》）$22《魚仔醬啦啦》$

附近開咗新商場，人多到完全行唔到，間間舖頭都排哂大隊😅落返黎呢頭搵吓仲有冇其他嘢食。下午茶時段，左右隔離有啲餐廳都落咗場，難得有一間仲開，就撞入嚟試吓。左右隔離都有人，睇落似街坊，應該都有啲特定捧場客我同朋友兩個人叫，咗芽菜雞飯、咖喱雞跟薄餅，生菜，跟多杯檸檬薏米水❄️比較欣賞芽菜雞，雞肉嘅表現出色，嫩滑好香沙薑味，芽菜份量好多，清爽唔油膩咖喱雞相對地就冇咁出色喇，煮得太耐，啲雞肉老咗少少🤏生菜正常表現，而檸檬薏米水就幾好飲，唔太甜，夏天飲透心涼😌

叫咗個蝦面 D蝦開左一半 見到原條腸未搣走.唯有自己清除. 見到都唔想食. 唔會再去。咁基本都唔做其他更加唔使諗。D湯冇什麼特別。件豬腩肉有冇味。早知去食車仔麵仲好。奇怪在D 人見到我搣走D蝦腸都冇反應。

價錢嚟講唔算貴但野食就真係好一般唔近大圍站 特登嚟食就不了店內地方好窄，坐得唔舒服蝦麵，好多油，色水好深，但冇味，唔香的啲餸都幾多，有3隻蝦，但好唔鍾意啲蝦連殼上，好難mit😅開邊開一半，又唔開埋後半，食到好狼狽，又驚啲油彈到自己炸滷肉卷，話有芋頭同肉？errr好似食緊酒樓點心咁，又唔脆，肉又冇味，我覺得唔好食串燒都ok嘅，啲沙嗲汁有花生碎，甜甜地，啱我但$6x 3串咁少都幾貴，唔值另外男朋友嗌咗個芽菜雞飯，雞肉唔鞋嘅，但個雞冇味，芽菜又冇味，有汁都救唔到😅overall馬拉菜有好多選擇😅不用來

📍捌哥‧馬拉籽 (大圍)大圍積存街14號兆苑地舖特式馬來西亞菜😉小店有兩層，醬身畫左好多貓貓畫，食物款式多🌸鮮牛油咖央多士🧈$38面包烘得脆身，牛油夠凍厚身，幼滑咖央醬搽滿麵包，好食😋🌸魚子醬啦啦$54蜆仔份糧大，味道咸咸辣辣，大約有20隻，表面有好多蔥花🌸砂煲老鼠粉$98好大份，味道香口，非常惹味，我地兩個人食岩岩好，我見其他人系温泉蛋，但我個個系熟蛋🙈🌸馬來西亞茶(冷)$22鴛鴦，茶味濃，咖啡☕️香滑，兩溝好飲#大圍#大圍美食#香港#hongkong#hkfood#hkfoodie#食好西#相機食先#手機食先#香港好去處#週末好去處#馬來西亞#馬拉菜#老鼠粉#魚子醬啦啦#咖央#多士

大圍終於都有地道嘅馬來西亞菜喇以為店舖細小，原來樓上雅座仲有好多位嚟到一定必點✨肉骨茶細滲湯底用豬骨、香料和藥材熬煮而成有滋補功效，仲好足料飲完仲可以再加湯✨檳城福建蝦麵湯底味香濃，揀咗滲滲同時可以食到油麵同米粉蝦肉新鮮爽口✨魚仔醬啦啦蜆肉新鮮，隻隻飽滿加埋魚仔都很香，辣辣地好惹味✨馬拉籽芽菜雞雞肉嫩滑啖啖肉，下面舖滿大量芽菜每條都肥嘟嘟 漲卜卜，非常爽✨玻璃魷魚蕹菜玻璃魷魚口感彈牙配上鮮嫩嘅蕹菜，食到停唔到口✨馬來西亞茶欣賞拉茶上厚厚嘅泡泡茶底香濃幼滑，比起港式奶茶更好飲✨檸檬薏米水酸中帶甜嘅味道加入粒粒薏米 同 新鮮檸檬，清新又解辣以後嚟大圍可以再嚟食喇

店舖有2層，地方不大不小。過了食飯時間，所以不用等位。餐牌上有很多馬拉小菜的選擇，每一款都很想試。結果，叫了滿滿的一枱食物。咖央多士，過口癮砂煲老鼠粉，好大煲，味道一般。肉骨茶豬手仔，細細碗，一人一件，好快食完。肉骨茶無限添飲，好好飲，令你飲完一碗再添一碗。馬拉小食，魚仔醬啦啦，蜆仔幾惹味。馬拉籽芽菜雞（例牌），肉質嫩滑，味道不錯。淨蕹菜，應該跟通菜一樣，新鮮好味。如果想念馬拉小菜，就可以來這間店舖，不會令你失望。

小編口痕係大圍覓食 經過見到餐牌好吸引，有齊哂平時食馬拉菜必食既食物，店員熱情招呼於是就試下啦！餐廳裝修帶有南洋風味，分為上下兩層，主打正宗馬拉菜，所有醬料都係由馬來西亞空運到港。————————————♥———————————- - - - - - - - - - - - - - - - - - - - - - - - - - - - - -♥️ 鮮牛油咖央多士 $38幼滑咖央醬配搭鬆脆金黃色多士，再加上鮮牛油🧈奶油入口即化，一啖咬落去多重口感，味道昇華不少而且甜度岩岩好。♥️ 馬拉沙嗲串燒（三串）$64串燒即叫即燒有3款肉類選擇，小編揀左牛、豬、雞各一串，肉質唔乾配上特製馬拉沙嗲醬，甜甜地之餘帶有獨特香料味道。♥️ 我知你啦薄餅 $52店主幾有創意😆個名好搞笑，熱辣辣薄餅好香牛油味，外層金黃酥脆內裏煙韌，可以蘸香辣咖喱汁/牛肉汁，蘸醬汁食好惹味。♥️ 馬來西亞茶（熱）$18茶香突出口感幼滑，係一杯出色馬來西亞茶👍🏻💕整體而言食物味道唔錯，價錢相當親民，店員服務態度親切，唔會限時限刻趕人走，唯一不足係坐得近廚房會有啲嘈。- - - - - - - - - - - - - - - - - -

【沙田區】【捌哥‧馬拉籽】嚟到「生日飯巡禮」嘅最後一站，同一位同事兼朋友去慶祝。有啲特別嘅係因為我識呢位朋友嘅時候，我哋未係同事，我只知佢喺呢間公司度做。到之後我自己都入埋呢間公司做，先驀然驚覺大家已經做咗同事咁樣。我哋本身係想去大圍另一間西餐度食，點知去到先發現佢冇開門，而家疫情真係要有定呢啲心理準備先好。好彩朋友都即刻有 Plan B，好過民主黨，做得呢間公司係咁。我哋就咁走咗嚟油站呢頭食馬拉嘢，朋友話都係好食嘅。首先嚟嘅係 $98 嘅「細滲」，即係雜錦嘅肉骨茶，我覺得啲料幾好，藥材味都夠，好飲嘅。之後嚟嘅係「我知你啦薄餅」，$48 有兩塊薄餅加沙嗲醬汁，佢啲醬汁唔錯，不過個人怪癖喜歡點煉奶食，咁係好食吖嘛。然後到「鮮牛油咖央多士」，$35，幾好食，塊包夠脆，咖央夠香，牛油夠凍，得呀。之後係 $98 嘅「馬拉沙嗲串燒（半打）」，叫咗豬、牛、雞各兩串，不嬲唔多好呢味嘅我都覺得幾好食，所以大家應該會感覺更好嘅。跟住係 $38 三件嘅「愛他愛他」，一向都麻麻哋 otak otak，唔識欣賞，難有突破。反而之後價值 $48 嘅「檳城香炸滷肉卷」幾正，辣辣哋嘅肉碎春卷咁，唔錯。嘢飲我叫咗杯凍