捌哥‧馬拉籽 (已結業)

記得之前喺深水埗食過捌哥印象超級深刻係好好食！佢哋嘅配搭好正宗今次試吓大圍呢一間分店唔知味道一唔一樣中午時間嚟到有好多午市套餐超級抵食咖央多士下午茶餐除咗多士仲會有一盒半熟蛋撈豉油食，估唔到就咁樣撈豉油都幾出色咖央多士上下麵包都烘得好脆，配合中間冰凍嘅牛油超級好食，咖央醬超多好滿足咖喱牛肋條配油飯之前食過椰漿飯所以今次想試吓油飯，估唔到佢仲好食！唔好睇佢白雪雪咁冇乜特別其實充滿豬油香配埋旁邊嘅花生魚竿同埋佢哋秘製辣醬已經好好食，牛肋條炆得好淋好正大滲肉骨茶呢一個煲真係不得了，超級大煲而且入面好多料，有雞腳，豬手，五花腩，牛展，豆卜，仲有響鈴，最正嘅係個湯免費無限任添，多人嚟食嘅話一定要叫！