捌哥‧馬拉籽 (已結業)

私人事務在身走上一趟大圍，拿出開飯網幫幫手，就搜尋了這一間位於油站附近的小店子，店內是屬於售賣馬拉菜食品，裝修用可愛的卡通圖案做壁畫，有地面及閣樓兩層，不過地面空間比較狹窄，由於有廚房位置，故此閣樓反觀比較舒適～午餐選擇了福建檳城蝦麵HK$78.近年的自動落單形式這裏也不例外，效率其高大約落單5分鐘後已送上面前，呷一口超級香濃的湯底，絕對是整個用餐體驗的加分位，至於餸料有大蝦/魚片/蛋/燒肉，自己就覺得最差勁的還是面層兩片很像燒肉般的（燒肉）沒有味兼且又凍又硬，在這個寒冷的冬季上，相信廚師應該將這兩件恍如燒肉般的厚身（燒肉）翻熱一下會較為好，其他材料不過不失餐飲（茶啡滲）超級之濃，而且覺得這一份濃,濃至一個自己未為接受的一歩~整體來說以這個價位沒有加一，行過路過可以一試，特意前來就冇必要。★此店沒有加一服務，亦可收八達通！★

因為要上堂既關係，所以我又係大圍覓食啦！大圍真係美食天堂，咩國家既菜都有得食。今次我就揀左係油站對面的捌哥‧馬拉籽試下馬拉菜🇲🇾本身就咁望入餐廳，以為佢細細間，得果幾個位可能要等下，點知原來可以上2樓😗 2樓空間寬敞d，坐得舒服d。而點餐係用QR code 的，幾方便。鮮牛油咖央多士 ($35)多士兩邊都烘到好脆身，咖央醬好甜好幼滑，而且椰香同班蘭味濃，夾埋鮮牛油🧈真係好正！(不過都好肥😈)不過上枱時個多士係凍的，如果多士皮係暖的話會更加分。魚仔醬啦啦 ($48)用左製好的魚仔醬炒蜆，隻隻蜆都勁惹味，好食到停唔到口！一隻接一隻咁食😋 蜆入面無沙，咁大碟蜆都係得一隻無開口。店員仲好醒目咁俾多個碗我地裝殼👍🏻 不過叫呢碟蜆之前我有問過店員呢個菜式有幾大碟，但唔知係佢指錯定係我睇錯，佢話好似蝦麵個碟咁大，但最後上枱時個碟係細碟… 檳城福建蝦麵 ($78)蝦味湯底好濃郁🦐🦐🦐！配料有🦐虎蝦、🥚雞蛋、🐷腩肉、🐟魚片等等。麵面可以揀米粉/油麵/兩溝，即係所謂既「槮槮」。不得不提佢個d小蝦乾真係好出色，唔會好辣但超香超惹味又有咬口🤤

肉骨茶好 + 豬油撈飯 + 怡保冬齋咖啡 個湯無限fill 好似去咗馬拉食飯 店員有禮 主重問你重要唔要添加湯 重藥味 重口味 豬油撈飯香口 直得一試 可以再回頭 咖啡唔同普通茶餐廳個啲味道

想食馬拉嘢可以過下口癮，座位都算寬躺望落都好乾淨，另外仲有二樓可以坐，不過食野方面鍾意食開重口味嘅小編就嫌唔夠出味，個蕹菜魷魚無乜特別無乜味，辣椒蝦係好微辣，蝦肉質地唔夠爽口有啲唔太新鮮既感覺，但味道唔錯搭夠下😅最後個咖哩喇沙就好夠味啦，椰香比較重，另外係麵方面都有好多選擇比客人去揀。見到餐牌都仲有幾樣嘢好想試都會再去試吓既😋😋😋

📍捌哥·馬拉籽🪄辣死你嗎配生炸雞全髀 $86（基本配料：椰漿飯、參巴醬、青瓜、花生、乾魚仔、薯仔、雞蛋。）薯仔係沾滿咖哩，勁入味，雖然好入味但係唔會煮到爛晒。（咖哩係下樣菜式再作詳細食評）花生係炒過，有啲鹽係表面。乾魚仔脆卜卜，鹹鹹地咁。參巴醬主要係將辣椒與蔥，大蒜和蝦醬一齊磨碎，辣得來好惹味，勁餸飯，建議落單時同佢講嗌「多參巴醬」🪄辣死你嗎配娘惹咖哩雞肉 $72雞肉肉質嫩滑多汁，一啲都唔乾柴。咖哩嘅椰漿比例剛剛好(好怕啲好重椰漿嘅咖哩)咖哩味濃郁惹味，辣得黎可口，又係好餸飯，岩晒我呢啲飯桶😂以上兩樣勻可轉飯( $5）白飯除外淨藍花飯淨椰漿飯淨黃薑飯豬油撈飯*當日兩個飯都轉咗豬油撈飯🪄砂煲老鼠粉 $98見menu上寫住砂煲連爐會一同上枱，而且係人氣之選，就揀咗黎試。見有炸蒜、蝦米、肉碎、江魚仔、豬油渣、半熟蛋，份量都好足下。不過上枱個時係碗黎，除咗呢個位有啲失望，整體上都好滿意。🪄細滲 $98肉骨茶可以無限添飲 。超足料，大大塊豬肉，藥材味都好夠，但味道略鹹，嘢飲我試咗兩杯馬來西亞茶 $20桔仔話梅水 $26個人比較推薦後者，第一次飲呢種配搭，估唔到咁夾！

大圍開咗間馬拉菜，見好耐冇試過，入去食碗喇沙，有人氣之選咖喱喇沙,娘惹喇沙及亞參喇沙 ，每款各HKD78。今次試咗個咖喱喇沙，咖喱湯頭加入椰奶，再加少許桔仔出味，味道香濃馥郁，配料薯仔、雞塊、魚片、芽菜蝦仁、炸腐皮、薄荷葉。唯一嫌佢個面太淋，並唔係我鍾意嘅口感，如果個湯重口味少少就再正啲☺️飲品凍奶茶就中規中矩，嘢食來講算係中等。如果下次經過大圍又想食碗麵或者飲碗肉骨茶，就過嚟試吓啦 地理位置都好方便

這間餐廳已經很想去試，今日星期日有機會去到大圍附近，就決定入去一試。可能因為過了午飯時間，大約2:45pm不需要等位。第一次幫襯，就叫了檳城福建蝦麵、鮮牛油咖央多士、我知你啦薄餅和兩杯馬來西亞奶茶。不得了，每一樣都好好味，好食過蘇x蘇x😅 不會過鹹，檳城福建蝦麵湯底好有風味，麵底我揀了「槮槮」，即係米粉加油麵。薄餅整得好鬆軟，馬來西亞奶茶都好好飲，奶味比較重。如果咖央多士層牛油薄返一點就更加理想，牛油太厚搶咗咖央醬的味道。服務都不錯，服務生特登給我們一隻細碗裝蝦殼。一定下次再來，大家值得一試👍🏼

🔸️捌哥‧馬拉籽 🌍 馬來西亞菜📍大圍積存街14號兆苑地舖上次食完質素唔錯，好想試埋佢其他野🗨️ 檳城福建蝦麵轉米粉牙菜脹卜卜，三隻蝦就麻麻地新鮮，仲有兩片魚蛋片同豬腩肉，有雍菜同半隻蛋，其實料都算多～湯底未覺得好出色同深刻但味道可以。🗨️老鼠粉黎到既時候唔覺好香，不過撈既時候有煙出，熱辣辣，老鼠粉加埋啲黑醬油，配啲肉碎，食落都唔錯。🗨️檳城香炸滷肉卷配半熟蛋個肉卷好失望，味道唔好，豬肉配香料，但做唔到馬拉個種惹味，同埋係酒吧位用氣炸窩加熱，唔好食。要讚個半熟蛋，加少少胡椒粉同鼓油撈黎食，唔女錯呢🗨️淨雍菜Lunch 加錢食，份量都幾多🗨️凍馬來西亞茶🗨️凍咖茶滲下次飲番咖啡，好夠馬拉味

咁難得泊到錶位，即興喺附近搵吓有咩好嘢食😋.▪️炸饅頭(3個) $22 • 8/10炸到金黃色💛💛 熱辣辣㗎！！外脆內軟，點煉奶一流😋.▪️鮮牛油咖央多士 $35 • 8/10必叫！！！椰漿味好出，好好味😋😋再加埋牛油係錦上添花，麵包又烘到脆卜卜👍🏼.▪️肉骨茶(大骨) $98 • 3/10呢度嘅肉骨茶可以無限添飲～落咗單之後，侍應好快就已經幫我哋每人斟咗一碗🍲藥材味夠香、夠濃郁👍🏼 不過略嫌有啲鹹🥲肉質方面有少少乾🤏🏼試過就算～.▪️馬來西亞茶 $20 • 6/10不過不失，冇咩特別😗

有時為咗就近方便返工地方/屋企黎黎去去都係某幾區搵食 去到有啲悶有時都想去啲少去啲嘅地方周圍行下😂素聞大圍其實都有唔少好嘢食youtube見到呢間餐廳都幾多人推薦就決定起行去呢到搵食👀.🍴肉骨茶 細滲 $98 💛8.5/10本人唔太好肉骨茶呢味因為唔同地方整出黎嘅味都幾大差異試過飲落去好似飲左碗鼓油滷水汁落肚咁😵‍💫不過女友話想飲就頂硬上好彩呢間冇伏 雖然濃味但同時充滿藥材香😋而且只叫一兜就可以兩個人都無限添飲中意飲嘅話真係抵到爛👍🏻細滲就姐係細細份但咩料都有啲豬手仔、豬肚、三層肉、雞腳等一次試勻😋.🍴咖喱喇沙 $78 💛7.5/10比平時食開嘅喇沙多少少椰奶香味同有塊炸腐皮叫做少見啲🧐但整體味道以至配搭都冇咩大分別.🍴鮮牛油咖央多士 $35 💛8/10多士烘得香脆 夾住大大塊牛油極邪惡😈再加埋咖央醬嘅班蘭香係幾好食不過個人覺得有少少偏甜🤏🏻.其實仲有叫咗兩杯飲品分別喺凍馬來西亞茶同檸檬薏米水都係廿蚊左右不等 但味道未見太突出 呢個價黎講真係略貴 唔建議如非太想飲凍野 留肚添肉骨茶好過😂

之前食過深水埗店就好喜歡🥢大圍分店仲有限定生炸雞髀飯🍗惹味香口嘅美味絕對係我哋嘅comfort food☺️—————————————————舊街白咖喱麵 $78好有驚喜✨奶白色湯底用上大量椰漿煮🤍香濃而不膩口🌴🍜滲滲(油麵加米粉)又好掛湯，每啖都吸滿椰汁香🥥配料有虎蝦、豬紅、豆卜、魚片、白豆角、雞肉及雞蛋都好豐富😋本身湯底唔辣，可以加白咖喱辣醬自行調節辣度🌶️辣死你嗎配生炸全雞髀 $86💚辣死你嗎係椰漿飯、參巴醬、乾魚仔、花生🥜、青瓜🥒、雞蛋🥚同薯仔🥔雞髀熱辣辣🍗肉嫩Juicy💦雞皮又脆✨乾魚仔同參巴醬超香口惹味😆超香椰漿飯🥥，再加多隻溫泉蛋撈飯食真係無得輸🫶🏻🥚溫泉蛋就算淨係加Pepper & 黑醬油都好好食💛馬來西亞奶茶 $20茶香奶綿滑，少甜Perfect☕️—————————————————🧜🏻口水度：🌕🌕🌕🌕🌑🤑性價比：🌕🌕🌕🌕🌘🧚🏻打卡值：🌕🌕🌕🌑🌑🥰舒適度：🌕🌕🌖🌑🌑🤤回頭率：🌕🌕🌕🌕🌖.♟Overall♟平靚正！飯同麵都十分推薦！😇

店舖有2層 坐得都算舒服 店舖仲貼左d幾有趣既字畫🤣「團結就是食量」😂😂😂❤️🍴 大滲 $158因為人比較多 所以就叫左個大既肉骨茶 呢度既肉骨茶係可以添飲既 落完單之後 就已經會有侍應幫我哋每人斟一碗茶先 藥材味都OK濃但有少少油 而料都算多😆入面d排骨、豬手都煮到幾淋 仲有響鈴 滲落d茶到唔錯 🍴 砂煲老鼠粉 $98砂煲會連同個爐一齊上 但記住要快d撈同埋熄火 唔係會燶同痴底 味道就中規中矩 🍴 我知你啦薄餅 $48推薦❤️ 薄餅好鬆軟＋有d脆口 而佢有2個汁可以點 一個醬係比較似喇沙 有少少辣 另一個係較重香材味既醬 🍴 咖央多士 $30推薦❤️ 去食馬來西亞菜必點 好香班蘭味 麵包烘到脆卜卜

🔸️捌哥‧馬拉籽 🌍 馬來西亞菜📍大圍積存街14號兆苑地舖成日覺得大圍無野食，但其他朋友堅稱多籮籮。記得有間馬拉菜，見拉傷腳，要食啲野補下，就食肉骨茶啦。🗨️ 細滲 （肉骨茶）$98濃濃既肉骨茶，我覺得個味唔錯，唔算極重藥材味，人地會話偏咸但對我黎講ok呀！入面姐係咩都有啲超足料，兩大一字骨肉，兩大舊三層腩肉，一隻豬腳仔，一隻雞腳，幾件豬肚，豆卜，配一碗白飯，食左三份一，侍應主動加肉骨茶湯，抵食到呢！其實我唔太鍾意食腩肉，但呢個三層腩肉食落唔肥膩，第一層皮甘仲要好煙un添，不過一字骨有啲位鞋口，點左靈魂黑豉油加少少蒜同辣椒，簡直點精呀！🗨️ 怡保白咖啡一貫馬來西亞咖啡作風，唔錯，好鍾意呢種啡色！不過食完辣再飲就好似怪怪地？下次要試馬來西亞茶，我以為係純茶，原來是奶茶😋整體唔錯呀，12點去有位，仲有樓上既，不過位置同枱偏細，會再去試埋其他野！服務覺得唔錯，算有禮呀～

睇YouTube d人講話好食，於是今日閒日去咗食，未夠7pm不用排隊，坐樓上，本來坐2人位，因為個位好迫同冷氣好勁，於是搬咗過隔離4人位，隔左冇幾耐有個長髮男話有人book 左，於是坐返過去。叫左3樣野，肉骨茶（1字排）、牛油咖央多和芽菜雞配黃薑飯，共200蚊，份量不多，尤其個多士，細得可憐🥺，由1塊方包切開4件，收你$35，但性價比低，可能大圍租金貴，所以週遭d食肆價錢都唔平，坐喺ok,試過就算冇下次。

三層肉肉骨茶 👍🏻 $52係馬拉藥材味個隻，好香好濃郁，仲可以無限添飲，熱辣辣好暖胃！ 老鼠粉 👌🏻 $62整體麻麻唔夠惹味，可能係因為無叫砂鍋上個隻。衣家似係豉油撈粉咁同埋啲肉都比較乾身。芽菜雞 (配飯) 👎🏻 $88好普通，冰鮮雞仲要啲肉死實實，芽菜都係普通。黃薑飯 👍🏻 粒粒分明做得唔錯，係幾香既！咖央多士 👍🏻 $30無得輸！超好食！！椰漿味好出！呢個必叫！凍拉茶 👌🏻 $20無咩特別，冇話特別香咁。