打邊爐

營業中

休息中

同朋友仔慶祝生日，黎到打邊爐到打邊爐，入到黎感覺好寬敞舒適，一d 都唔怕會同人迫同可以好好地同朋友傾下計，埸內用ipad電子餐牌點餐，方便快捷，枱上仲有樽私家類似XO 醬既鹹椒醬可以自己添，不錯不錯。以為黎打邊爐就好似平時咁點野烚下烚下，想不到呢到仲有刺身同熟食，驚喜呢，當然要試下啦。最後點左：黃立鯧刺身 $268清蒸黃立鯧就食得多，刺身真係第一次試，估唔到又幾好味，肉質鮮甜，同埋估唔到一條魚可以拆到咁多魚出黎自家制黃金炸魚皮 $78呢期大熱既邪惡配料--「蛋黃」，平時打邊爐食魚皮都係浸湯食，但呢個邪惡版已經係一份小食咁唔需要浸都好好味椰子沙白蜆水蟹鍋 $228很足料既一個鍋，湯亦很甜，蟹肉同蜆肉都很新鮮，不禁飲多幾碗當湯飲鹽燒南非鮑魚 $98六頭鮑，沒想到燒完既鮑魚都唔會韌，簡簡單單配上鹽已經很鮮味。自製手打流沙墨魚丸 $55丸子本身都係打邊爐常點既野食，特別欣賞手打的丸子，彈牙且真材實料，仲要有邪惡的流心丸子，好味。飲品自家製花旗蔘蜜$23自家製養生洛神花茶$23每天新鮮製造，賣哂就冇嫁la

天氣開始轉冷，又是打邊爐的季節，近來高質邊爐越開越多，今次來到「打邊爐」，感覺很像是私房菜的格局，因為餐廳內很舒適寬敞，可以慢慢享受美食及與朋友聊天，仲可以自己帶酒去飲，不過開瓶費就要$100,點左既美食如下👇🏻👇🏻椰子沙白蜆水蟹鍋 $228勁大鍋，三四個人黎到都可以用一鍋，鍋一到已經聞到椰子香，好足料既鍋，即刻裝番一碗黎飲，勁清甜，蜆同蟹已變相多左2個餸。紅酒浸安格斯牛肉 $198賣相非常靚既一道菜式，用紅酒做醃製既牛肉響火鍋配料出現都係第一次見，貼心既店員見到我點呢個菜仲要突登再幫我換一個鍋，上面有個小位置可以煮牛肉又不失紅酒味。竹笙蟹肉百花卷 $108很矜貴的一道菜，因為採用了新鮮的奄仔蟹拆肉製成，外面係爽口既竹笙，包成一朵朵小花形狀，上面仲有蟹籽作點綴，集口感與鮮味於一身既菜式。鮮羊肉片 $78由於朋友不食牛，也點番碟羊肉比佢，鮮羊肉顏色十分粉嫩，由外表已經睇出好新鮮，食落不太羶，平時怕羶又想小試羊肉既可以一點。蔬菜藍 $88打邊爐都想食番d 菜，貪心d 揀個蔬菜藍，貪佢乜都有，估唔到廚師也為其擺盤花心思，蔬菜的切法及擺設讓食既人見到都開心

今日朋友搵我去打邊爐，我當然一口答應啦，問佢邊間佢話打邊爐，原間餐廳直頭叫打邊，係佐敦新開㗎！！落單係用平板都幾方便有哂相片，先叫自家製花旗參蜜及香茅檸檬薏米水飲，參蜜都幾出，而檸檬薏米水好清新湯底雙併菜膽豬肺湯併金牌沙嗲鍋，豬肺好腍湯底幾香杏仁味，而沙嗲正常可以再濃啲就好小食叫咗個黃金炸魚皮，即叫即炸好香咸蛋黃味又脆身本地手切牛肥瘦剛好，都重牛味有咬口呢個豬皮唔錯幾爽口挺身，嚟沙嗲好食蟹籽墨魚蓮藕夾係用爽口蓮藕夾住新鮮彈牙嘅墨魚滑，幾特別同埋好味另一款比較特式有芝心鳳尾蝦，大大雙爽口彈牙蝦內藏芝士好鹹香惹味添啊

難得兩位朋友在美國回港！梗系一齊食好野啦！一間用心做的餐廳，第一次食胡椒豬肚雞窩打邊爐，當個豬肚放上枱時，用剪刀剪開看見原來內裡是一隻雞，火候十足，都是第一次食，做火鍋湯底非常好味！另外印象最深刻系咸旦炸魚皮(自家制)，新鮮炸起，即叫即做，帶點咸旦香，脆卜卜😋同花竹蝦刺身，非常彈牙鮮甜，比龍蝦刺身更好吃。各款餃子都是餐廳師傅親手做，用料新鮮，非常足料！本地牛頸脊牛味十足有口感！早一天訂位每位送大閘蟹一隻👍下次九點半後入座還有75折優惠👍👍

由於屋企人好鐘意打邊爐，所以我哋經常都周圍去唔同地方試新嘅火鍋店，今日就 去打邊爐度打邊爐！打邊爐係一間火鍋店名，裝修別具現代中國風格，湯底更加係冇得頂！ 梗係要點返個超級靚湯底！養生花膠魚翅冬瓜燉雞鍋$268， 我哋全家見到呢個湯底都話嘩一聲，因為呢煲湯真係好多料，有成隻雞 ，一大片冬瓜，好多花膠魚翅同埋竹笙， 啲料多到好似媽媽牌靚湯咁，每人飲返2碗，食哂啲料先開始打邊爐！特級手切本地肥牛（大$268） ，未及影相已經被佢地搶哂！色澤鮮嫩紅潤有光澤，牛肉味濃厚，牛肉肉身較厚有口感。 自家製黃金炸魚皮（$78） 即叫即炸，送上檯嘅時候熱辣辣脆卜卜，咸旦黃仲有少少流沙感覺，絕對要試！

最近開始入秋，涼涼地最好食雞煲。佐敦附近人無甘多，可以慢慢食之餘，食店都比較闊落。今晚約了舊同事，當然要啤一啤，未點菜就送上火鍋調料。我們點了半隻雞煲，少辣。店員十分有禮，詳細介紹此店的雞煲特色，就是材料新鮮，並在客人面前即炒，又為我們親自爆炒乾葱，洋蔥，蒜片，炒香，然後再放入已半熟的雞，辣椒，芫茜，香葉。最精彩的是加入花雕酒，火一下就搶起，熊熊的燒著整盤雞煲。雞肉很滑很嫩，花雕酒入味，十分惹味。牛肋肉是火鍋必食之選，牛味濃郁，肥瘦比例均勻，好多人都討厭芫茜，但我同同事就好中意。仲要特意點一碟吃。沾上雞汁，回味無窮呀。最後還送了椰汁紅豆糕給我們吃👍🏻👍🏻👍🏻

秋風起，天氣漸涼；阿仔忽然勾起打邊爐條根，一於擇日不如撞日今晚就去。火煱店位於佐敦近龍堡酒店附近，內裏裝飾古色古香 ； 優雅別緻， 座位覺敞。海絲立(日式刺身)現時當令的海絲立居然在這火鍋店做緊推介，我們當然要把握時機order了一條做刺身啦！廚師把魚身起肉然後切得很薄，一片片半透明的刺身舖排在冰盤上；然後把頭尾骨各部分堆砌回魚的模樣。眼見魚尾和魚鰭不停的震動，內心泛起一時間的內疚。藥膳醉雞窩(半隻)服務員放上鍋盤時個窩真的很大，內裹材料份量十足；絕無欺場。 一陣陣的酒香和藥材味完全滲透入每一件雞肉內，滋味無窮。手切霜降安格斯肥牛(大)牛的油脂分佈均勻，食落幼嫩淋滑；牛味濃。新鮮本地黑毛豬腩卷一片片的黑毛豬腩肉比一般豬更有口感。桂花蚌新鮮爽口，大大隻食得滿足。自製鮮四寶丸有蝦丸、墨魚丸、牛丸和豬肉丸， 全是採用新鮮食材和用人手打製；所以咬落零舍彈牙。健康淮山麵以淮山製成幼幼的麵條都是第一次嘗試。麵條吸收濃郁的湯，食落爽滑滋味。自家製香茅檸檬薏米水自家製竹蔗茅根水

這次朋友帶我來的這家是有較高質高價食材的海鮮火鍋店. 店外有一組大的魚缸, 看來海鮮的選擇不會少. 店子走的風格是中式裝修, 簡單樸素, 但座位闊落舒適. 各式醬料齊備, 較特別的是老陳醋以及XO醬. 枱面上的食具齊備, 用上較安全的電磁爐. 這裡很新潮地用PAD點菜, 點菜後即時加總, 很方便知道點了什麼, 吃了多少錢. 送上的芽菜小吃, 爽口又開胃. 朋友堅持要點大辣的四川麻辣火鍋, 我只好加點半份杏汁豬肺湯平衡一下. 上桌才發現, 原來鍋底的中間部份是清湯. 不過豬肺湯的味道亦不錯. 四川麻辣火鍋的大辣比想像中要辣上許多, 辣的爽快程度比之前在成都武候區的火鍋名店更刺激. 乘著老闆經過時趁機一問, 原來除基本香料外還用上泰國魔鬼辣椒. 難怪難怪. (普通不太能吃辣的朋友建議先點小辣一試)這個香茅檸檬薏米水可謂是解辣的恩物, 微甜的清涼味道極為解辣. 另外亦一消火鍋的熱氣. 這裡的羊肉片, 比我去過的許多火鍋店切得更厚, 抵食之外, 明顯肉質及吸湯的能力要強上許多, 與麻辣火鍋是絕配. 刀背蚌實在是超級抵食, $98有8隻, 而且隻隻肉質飽滿鮮甜. 蟹肉百花卷用上竹笙包著, 咬入口

在云云本地火鍋店之中,要數能有令我印象極度深刻的,自從在這家名字叫--打邊爐的一嚐其味後,可說是進佔了第一位!能說世事中有些至繁若簡的境界,在這次的飲食經驗中,可說有細膩的體驗,其原因很簡單,一切在於那個令人愛極又恨的可達魔鬼辣度的麻辣湯底!從門面那中式鏤空紅木底的設計,然後襯托著打邊爐三字店名,已直達中心點了!餐廳內裡的裝潢,自是沿襲這股氣息,紅色實木大檯面上鑲嵌了黑色紋理石面,沉穩古樸而高雅!再加上大紅燈籠飾燈有意思的點綴,古風氣息更顯濃厚!而抽氣與冷氣俱足,令人置身在內感到十分舒適!別以為店內的環境氣氛走中國風路線,其他配件也是相應而生;反而隨著科技進步,餐廳引了平板電腦配置的點餐系統,方便快捷之餘既能減少人手之誤又有環保況味,值得一讚!當然,有一些時令即日海鮮還是要用人手在店內一隅的黑板上寫上,保留著一貫香港食肆特色!餐廳用的餐具有點向日式精緻細美致敬,從碗碟,杯具到醬料罐,用的是陶瓷器皿,一致而雅緻!簡單如前菜小食-大豆芽,其青豆類本味與辣味酸味融合而調和,細意品嚐之下別有一番滋味!調好醬料後,就與好友一齊研究起平板電腦所載入的菜單來;根據我們所選的食物,決定來個麻辣湯底與菜

朋友相約一齊打邊爐啦， 選咗近佐敦呢間"打邊爐"，門前看到大海鮮缸外，門面設計好吸引，座位好寬敞，坐得舒服。看到餐具知道店主悉心挑選，美觀實用。坐低職員已經奉上平板電腦讓我們落單。朋友預早訂枱會每位客人送上每人一隻大閘蟹，意外驚喜。先選咗潮式豬什鍋，當中材料豐富，有豬肺、豬肚、豬腸，粟米，紅蘿蔔及酸菜等而且胡椒味都很濃郁，飲淡湯還可以吃埋內裏所有材料，整個湯底也非常濃郁惹味。朋友好鍾意食牛肉，牛魔王梗係會叫一個頂級牛肉拼盤啦。呢一個拼盤賣相真超靚，真係十分之有水準。包括頂級本地牛肉，安格斯肥頸脊，牛胸爽，本地金錢展，牛脷等等。牛味非常濃郁，鍾意吃牛的朋友，真的大快朶頤。美國桶蠔超大隻肥美，就算滾熟之後，足足有四吋長。自家製啲黑松露牛肝菌餃，碌熟後已經聞到濃牛肝菌及黑松露香味，入口啲肉汁流晒喺口腔內，味道好濃郁，呢個一定要試。另一特色，就是竹花豬黃喉，在其他打邊爐的店舖不常見的。呢一種食材在火鍋中特點就是爽脆！全部人都大讚，十分美味，而且非常爽脆。桂花蚌好新鮮，唔靭仲爽口彈牙。其餘鮮豬潤同手打墨魚丸都唔錯。自家制飲品有花旗參蜜及薏米水都有水準。呢間店鋪食材新鮮多元化，另有雞鍋，刺身嘅選擇

屋企人最鍾意打邊爐，剛剛天氣有少少轉涼，我哋梗係一齊打邊爐啦，選擇左呢一間新店。座位好闊落，坐得舒服，一家人傾計最開心。呢度裝修幾古色古香，有木座椅，餐具也有心思。一坐下，職員已經奉上平板電腦讓我們落單。好彩我哋一早訂枱，訂枱送大閘蟹，仲要每人一隻，真係太正啦！呢度環境唔錯，不過最緊要都係食物。豬什湯底很濃郁，當中材料豐富，有豬肺、豬肚、豬腸等而且胡椒味都很濃郁，整個湯底也非常惹味。由於屋企人係好鍾意食牛肉，牛魔王梗係會叫一個頂級牛肉拼盤啦。呢一個拼盤賣相真係10分澎湃，一送上枱嘅時候，大家不禁嘩了一聲。拼盤除咗賣相靚，真係十分之有水準。包括頂級本地牛肉，安格斯肥頸脊，牛胸爽，本地金錢展，牛脷等等。牛味非常濃郁，滿足我們吃牛的慾望。每一款牛肉都非常新鮮，真係好想叫多一盤呢。打邊爐最緊要就係選擇多，有海鮮雞煲真係任君選擇，美國桶蠔超大隻肥美，就算滾熟之後，足足有四吋長。平時打邊爐嘅生蠔都係好細隻，呢一間真係好大隻呢。另一個一大特色，就是竹花豬黃喉，在其他打邊爐的店舖不常見的。其實黃喉是四川火鍋中的一種食物，來自豬、牛等家畜的主動脈（又稱心管），呢間食店真係好有心思，因為呢一種食材在火鍋中

秋冬約班姊妹食火鍋，氣氛十分高漲。為方便大家選擇了佐敦的一間火鍋店，地鐵站數分鐘已達。裝潢古典風格，環境舒適。店員推介今晚最時令的刺身，原條海絲䲞。上枱時還在郁動，新鮮程度可見一斑。一片片晶瑩剔透，肉質爽口，鮮美。剩下的魚頭，魚骨採用椒鹽來炸，十分香口惹味。伴啤酒一流。湯底是藥膳醉雞鍋，酒香樸鼻。嚐了湯底，隨了酒香還有藥材的香氣，滋補暖胃。雞件嫰滑，每啖滲出酒香。安格斯肥牛肥瘦適中，肉質軟腍，入口溶化，品質上乘。黑毛豬腩也不錯，軟熟得嚟有𡁻口，肉味夠濃厚。桂花蚌好新鮮，爽口又嫩滑。淮山麵第一次食，意外地好味。煮得耐了也不會變腍，爽爽地，吸了湯的精華特別滋味。這間火鍋店材料質量有水準，店員服務又殷勤，值得讃！

天氣開始冷，又吃火鍋了，來到咗敦的火鍋店，火鍋店雖然小巧，但用料上乘，手工精緻。我們點選了餐廳自家製的三款特色餃子，包括蟹籽蝦膠蓮藕餃，彈牙厚肉的蝦膠夾於兩片爽脆蓮藕片中，還有蟹籽，十分爽口。竹笙蟹肉蟹籽卷，長長的竹笙搯了蝦膠蟹肉和蟹籽，下半部隨意散開，像小女穿上跳舞裙在水中跳動。最後有芝心鳯尾蝦，原隻大蝦包圍了蝦膠，全部都是蝦，十分豐富。之後叫了特級手切肥牛和花雕牛肉，都很嫩滑，有香濃牛肉味。特別是花雕牛肉，用上大半杯的花雕，上碟時由服務生即時混在一起，香味四溢。還有我至愛的蔬菜，朋友不好，我便可以獨佔！自家製參蜜很香濃，值得一試。最後餐廳送上甜品，雖然我不好紅豆，全給了朋友，但奶凍也不錯。另外，進食其間，除了本身每位收費的醬料任君選取外，還免費有一瓶自家製醎椒醬（好像是這樣），味道也不錯。豐盛的晚宴，每人也是$400，也是不得了。