打邊爐

營業中

休息中

今日嚟到佐敦見到有間餐廳叫打邊爐，覺得幾新奇。而且餐牌上都見到唔止剩係得打邊爐配料食，仲唔同嘅小菜所以就抱住一試無妨嘅心態咁入咗嚟食。係打邊爐之前就叫左一個海鐵魚魚生，條魚係即叫即劏，每一片魚生上面都唔會有魚皮或者魚鱗，清潔得幾好加上，肉質感覺都幾有咬口而且幾鮮甜，同平時食的魚生口感差不多。招牌火焰雞煲，店員會在你面前翻炒不同嘅香料，例如芫荽洋蔥等， 然後再落雞以及花雕酒，跟住再點火，一陣陣嘅香料味道以及雞煲味不斷咁樣刺激你嘅味覺而且，仲滿足到你嘅視覺嘅享受。個人就比較覺得雞件切得比較細件，不過好在都啖啖肉補救返些少嘅分數，而且雞肉唔會有雪藏味都幾滑，加上因為其他調味料以及香料十分充足，夠晒味道。所以之後再落湯黎打邊爐味道一流。打邊爐嘅配料覺得必食嘅係墨魚滑，因為一來份量夠多，四個人食每人都可以分到三四件，而且墨魚滑10分彈牙以及夠曬鮮味，加上吸完雞煲嘅味道都唔會掩蓋左入面嘅墨魚味反而只不過係多咗一種味道，所以墨魚滑係必食之選。另外野菌什菜拼盤，非常之抵食！因為入面除咗唔同嘅姑類之外，仲有不同嘅菜類例如生菜粟米冬瓜一次過滿足成枱人嘅喜好，而且每樣嘅份量都十分之充足。蔬菜感覺都幾新鮮唔會

我哋屋企人嘅聖誕聚會就係一齊打邊爐，搵咗間打邊爐嘅餐廳，喺廟街附近嘅，個名就係叫做打邊爐，感覺好得意呀。我哋約咗八點半，只可惜我哋等左一個鐘頭先至有位。首先就係揀咗個打邊爐湯底先，我哋揀咗個養生花膠翅裙冬瓜燉雞鍋，份量都幾大嘅，而且冬瓜都幾多。另外仲送咗一條活魚刺身，係海𩶘魚刺身。魚肉呈現半透明色，肉質都好鮮甜爽口。另外，加左$60，將個魚骨攞咗去整椒鹽，炸得好香脆。呢個係本地最新鮮黑毛豬腩卷，睇得出脂肪嘅比例多好多，所以味道好甘香爽口。

慶祝媽咪生日！阿媽話唔要生日禮物，所以諗住帶佢同阿爸食好d食豪d！朋友介紹食養生鍋，聽就聽得多，但今次第一次食！朋友介紹食花膠湯底，真係幾好飲！朋友叫我食哂野先飲會更出味，但我地會多食肉類，所以都係飲左湯先！但都好好飲！我地4個人，每人飲左兩碗！因為有朋友介紹，老闆好好人送左小食比我地，黃金魚皮之後叫紅酒牛肩肉，有好香既紅酒味，但食落好畫d酒味都無，而且甜甜地，好好味！鹿兒島豬肉，食落無鹿兒島當地既咁好食。。。始終進口貨雜菜拼盤每人一隻蟶子同帶子，鮮甜好味！雲吞，可以叫4粒，一人一粒，岩岩好！仲叫左流心蝦丸，但唔記得影相，裡面係奶黃，好似食緊奶黃包咁另外，服務員服務都好好！值得一試！

係偶然行過呢條街見到呢間，舖面幾吸引就入去試下囉。 叫咗個潮州胡椒豬什鍋。嘩！原來好大個鍋！好香，好多料！ 豬潤，豬肺，豬大腸 通通都有！個湯仲好有胡椒味！成個人暖晒！！啲邊爐料，仲正！！牛肉粒啲脂肪比例吾錯！又夠大粒。 淥耐啲都吾韌！仲好有肉汁！啲丸應該係自制，好彈牙！！ 一夾上手就知道吾係普通野！西洋菜餃好飽滿嘅料！ 豐富口感！點會咁滑咖！連雞胸肉都吾鞋！呢個係小食： 脆皮牛腩。炸得吾過火！牛肉吾老，好香口！白鱔片新鮮！肉質都幾札實，吾錯！！打邊爐要食下菜嘅：豆苗睇落幾大棵。好彩吾老，新鮮！好滿足！好食。服務有禮貌，坐得都幾舒服。第一次打邊爐吾駛加湯！因爲個鍋真係夠大夠湯！！

呢間火鍋店係朋友介紹，所有食材都好高質！我哋今晚叫咗手打牛丸、墨魚丸、自家製鳳城水餃。呢三類嘅食物，鋪頭好貼心，俾你叫半份(4粒)或一份(8粒)！可能因為手打嘅關係，啲丸非常彈牙，亦都食得出係好新鮮嘅。水餃方面，個水餃皮好薄好香，入面嘅鮮蝦好大隻，絕對值得試！另外，我哋仲叫咗安格斯手切牛，淥幾秒就食得，完全唔需要配料，因為好香牛味！魚方面，脘魚片好爽口，好好食。諗住打邊爐之前叫個刺身食下，叫完之後店員就拎咗條好新鮮嘅魚俾我哋睇，真係好生猛架！刺身好鮮甜，最意外嘅係食完之後店員原來係會將剩餘嘅部位椒鹽俾我哋食，好香脆！

10月份已經嚟過食，一直好回味，所以佢一直係我嘅encore list裏面。好欣賞呢間鋪頭嘅湯底同出邊嘅鋪頭有啲唔一樣，選擇好多。上次試咗胡椒豬什湯底，今次試吓雞煲。估唔到佢嘅雞煲都好有驚喜，通常啲鋪頭係擺落邊爐鍋底上，但呢間鋪頭係用一個好大嘅圓形、貌似煎pan嘅物體。然後有職員係我地面前爆香材料，係佢炒嘅時候已經聞到好香嘅雞煲味，最後佢竟然加咗啲酒然之後冇預警地點火，視覺上已經得到享受。再試一試個味道，我哋叫咗小辣，已經覺得好辣，但係好香口嘅，值得一試！

香港越開越多高質邊爐，一大班人食飯最鐘意就係打邊爐，可以慢慢食慢慢聚舊。朋友搵到呢個集高質刺身以及邊爐嘅餐廳，一於試試佢。海𩶘魚屬於清爽鮮味，肉質緊實。而且原條海𩶘魚刺身都係咁嘅價錢，實在抵食椒鹽魚骨餐廳話刺身部分剩番可以做椒鹽魚骨，魚骨炸得酥脆，當脆卜卜嘅零食咁咬勁過癮，細骨就咁就可以食。藥膳醉雞鍋藥材味濃，淡淡當歸味。落左雞之後就可以就咁飲個湯，好香好養生，感覺飲完身體又好左😂😂😂智利刀背蚌刀背蚌好大隻，差唔多有手掌咁大。香港好少機會食到咁甜又大隻嘅蚌🤤念念不忘，下次一家會再叫蟶子皇叫得蟶子皇長度有番咁上下，而且食落去鮮味，丁點沙都冇手切霜降安格斯肥牛肥瘦比例剛好，而且牛味濃郁，但冇任何羶味萵荀片完美咁吸左湯底嘅味，但一d都唔油，口感清爽

天氣咁凍，坐office既我血氣唔運行，手腳meep住冰冷。朋友就提議去"打邊爐"打邊爐，仲可以順便飲下胡椒豬雜湯暖胃。金牌沙爹鍋 有濃郁既沙爹香，但又唔辣，而且鍋內送左大量豬皮，吸左湯汁好入味。潮式胡椒豬什鍋煲到奶白色既湯底，內有多種豬雜，包括主角豬肚，仲有豬粉腸、豬潤、豬肺。湯微辣，但會越飲越辣，因為湯係用左磨碎左既胡椒籽黎煲，味道更突出，天氣凍飲多幾碗暖身就岩哂~叫鴛鴦鍋仲會附送一個清湯湯，以紅蘿蔔粟米冬瓜熬成，飲落甜到入心。手切滑牛肉貴妃滑牛肉原來兩種牛肉係相同架，當初我仲傻傻地以為貴妃滑牛係新品種既牛黎😂手切滑牛牛肉味濃郁，每片起碼有0.5cm厚，所以牛肉有咬口而又不失滑嫩感。而貴妃牛係加左牛奶去撈滑牛，用牛奶浸過既牛肉帶有奶香，食落仲更滑。我個人鐘意將手切滑牛放落胡椒豬肚湯/沙爹湯，而貴妃滑牛就放落清湯烚，咁就唔會俾其他味道蓋過奶香。手釀流沙墨魚丸由於中間包左奶黃夾心既關係，食落有d似食緊流心月餅墨魚丸加奶黃流心真好創新既食法，我都係第一次見，兩樣都好食，但夾埋一齊好唔好食就見人見志啦…手釀芝心蝦丸呢個組合就比較常見，不過我覺得呢到既蝦丸更加出色，因為佢落既蝦肉非常多，一粒

今日一家四口去打邊爐 甘岩系openrice睇到d人評語吾錯 仲話個到好新鮮 我就帶左媽媽去食拉 個到地理位置幾好 出地鐵吾洗5mins就去到一入到去就叫左條魚 叫海鐵魚Around15mins就上左菜 即叫即做 廚師刀法一流 有甘薄切甘薄 完全冇食到骨 易入口 重點就系d海鮮真係超級新鮮 擺咗上枱大概10分鐘條魚仲郁緊 新鮮到震呀！ 食完啲刺身之後店員仲問我地啲魚骨使唔使再加工之後就幫我地整咗第二道菜式tim！之後我哋叫咗招牌火焰雞煲 顧名思義就梗係會喺我哋面前出現火焰啦 而且店員仲係我地面前細心甘炒雞tim 隻雞雖然吾系太肥 瘦咗少少 但係味道都唔錯 而且有好多配料添 之後再加埋湯上去打邊爐就一流啦當然我哋仲叫左唔少打邊爐嘅材料啦有佢哋嘅即叫即炸招牌響鈴 響鈴基本上唔需要擺喺個火鍋上滾都已經好好味 而佢哋就叫我地加少少醋去食 結果唔錯喎我哋仲叫咗佢哋嘅墨魚滑同埋韭菜餃添 墨魚滑份量都幾大而且仲好彈牙添 而韭菜餃入邊嘅餡又夠多不得不提嘅就係佢嘅雜茹拼盤 呢個真係超值 入面有好多唔同嘅蔬菜其中包括茼蒿白菜蕃茄粟米雜菇等等食咗咁多野如果佢哋提供埋甜品就簡直一流啦 甘就真係完滿拉

天氣凍最岩打邊爐食得任食種類多今日食番d保證有水準既餐廳叫左藥膳醉雞煲mix麻辣煲醉雞係成碟另上客人面前落湯藥膳煲好重藥材香味飲一淡成身都暖哂 好補貴妃滑牛肉自家製鮮蝦水餃自家製蝦子蝦滑白蘿蔔片水魷脆骨腩新西蘭羊肉樣樣材料一上檯就知新鮮貴妃滑牛肉鐘意食牛必試，滾幾耐都唔會老白蘿蔔片好有heart咁切到心心咁放落麻辣火鍋果邊吸收哂d味 又淋多入味堅正自家製鮮蝦水餃自家製蝦子蝦滑兩樣自家製都係我最欣賞既水餃既蝦超多超足料包到漲卜卜蝦滑彈牙到爆食得好享受既一餐佢仲有好多出面少有既海鮮刺身，下次再番黎試！！

在外國旅遊回來，適逢近排香港天氣寒冷，至啱食我至愛的火鍋。所以一回到香港，立即相約朋友食餐飽。佐敦區最就腳，在Openrice找到這間新開的"打邊爐"，店名夠直接，一於試試，果然有驚喜！火鍋店地方雖然不太大，但尚算寬敞，更有一張大枱，闊落舒適。我們全部都是牛肉控，首先點了令人期待的A4和牛刺身$448 ~ 看着滿滿的和牛鋪在鮮菜上，大家已急不及待。嘩…嫩嫩的和牛刺身真是令人無法抗拒，嫩滑鮮味， 越食越滋味， 不消一刻已全部食清光！泰式海蝦撈 ~ 片片晶瑩剔透，份量十足，爽彈鮮美，沾上自家制泰式酸辣汁更惹味！脆皮牛腩配蜜糖 ~ 炆牛腩食得多，炸牛腩還是首度食，鬆化香口 , 肉腍入味, 每一口都充滿脆嫩滋味。終於輪到火鍋上場，湯底選了"胡椒豬肚雞鍋"【 限量 】 $288 ~ 爽滑豬肚包裹住原隻鮮雞，師傅細心地起骨拆肉，湯頭雞味濃厚，胡椒味道適中，滿咀鮮味，忍不住連續渴了三碗呢， 實在超好味！另一必食的是頂級本地手切肥牛頸脊 ~ 牛肉肉質鮮味，牛味濃郁，像是入口即溶，這是我每次必點火鍋配料之一。紅酒霜降安格斯 ~ 賣相非常特別，牛肉顏色光澤誘人，香稔軟嫩，經紅酒輕醃後果然有一種獨特香味

呢排凍返甘多，梗係要去打邊爐啦，上次去佐敦經過「打邊爐」果陣已經想試下，今晚就帶埋媽咪黎烚下烚下。呢度裝潢好有中國風，餐牌非常多野食，應有盡有。🍲椰子沙白蜆水蟹鍋 $268其實好多湯底我都好想試，最後簡左個清清地既水蟹鍋。一上黎已聞到好香嘅椰子味，d海鮮好新鮮，沙白清甜，蟹肉爽實而甜，一食就知係活蟹，而個湯底非常清甜，我同媽都飲左好幾碗先開餐。🥢手打鮮牛肉丸（4粒）$48食落肉爽Q彈，富有肉汁。🥢自家制西洋菜餃（4粒）$38大大粒，蔬菜新鮮，皮薄餡靚。🥢新鮮黑栢葉 $68份量比想像中多，入口較白柏葉彈牙，所以識吃之人，一定搵黑柏葉食。🥰唐蒿 $38極少餐廳既蔬菜有唐蒿，但茼蒿既營養價值卻非常豐富，而且配埋呢個湯底極清甜好味🥰。🥢健康淮山麵 $38以淮山磨粉做麵，口感爽滑彈牙，非油炸，健康又好味，媽咪一食就愛上。🍹自家製香茅檸檬薏米水 $23🍹自家製竹蔗茅根水 $23最後叫左兩樽自家制飲品，竹蔗茅根清熱，薏米水排毒，打邊爐飲就岩哂啦～

好友生日一行四人出來慶祝一番，天氣轉凉，唔使諗！一定係打邊爐喇！生日食好啲，要揾間有靚野食嘅！ 其中有朋友试過一家喺佐敦廟街嘅"打邊爐"火鍋店，話好正喎！一於跟佢去試試！ 出左地鈇行两個街口就見間店，都好易揾！朋友已到齊，店细细但裝修講究，中式風格有喜慶氣氛。 店外設有鱼缸，供應各種活刺身和火鍋海鲜…… 先用平板電腦Order小食佐下酒先！**自家製黄金炸鱼皮 $ 78份量唔少，熱辣辣鬆而脆！起曬沙嘅咸蛋黄越食越想食，停不了！**脆皮牛腩配蜜糖芥末醬 $ 198 脆中又煙韌嘅牛腩好爽滑，点埋個芥未沙律醬汁更多左重口感，餸酒一流！Asahi (细) $ 23/枝**泰式海蝦( 六隻 ) $ 168今次食海蝦同過去好唔同，係以泰式食法。喺泰國餐廳食嘅生蝦一般係雪嘅，口感 ''黐立立"今晚選用左活海蝦感覺好唔同，清甜爽口彈牙！點上泰式醬汁酸，甜，辣，非常鲜，惹味！食到咁上下，個限量湯底出場喇……**胡椒豬肚包鷄湯 $ 288一出場好有睇頭！就係一大煲老火湯！牛奶咁色，豬肚包住隻雞，沙参，玉竹……等药材。認真足料！店員即場将豬肚剪開，再只細咁將鷄拆骨放返湯度，各人都急不及待咁飲左湯

一班識飲識食的朋友介紹我到 “打邊爐”，果然是鬧市中的出色火鍋，店內抽氣十足，沒有火鍋氣味，餐品也是悉心挑選，可算是用心 「做」餐廳🍴。海虹雞魚魚香肉甜，因底部有冰粒冷凍，使肉質帶點彈牙。 😋日本帶子、油甘魚新鮮日本帶子，柔軟細膩。油甘魚點上餐館自製醬汁，更帶出魚香味，口腔內溶化後，回味無窮！😁一魚兩吃（海虹雞魚）油泡又是另一種感覺，小許椒鹽、辣椒，非常醒胃，肉實皮脆、不錯！👍🏻胡椒豬肚雞鍋 $288惹味胡椒，濃郁香氣撲鼻，原隻雞肉稔入味全被香滑豬肚包著了，店員細心在我們面前，慢慢地把豬肚剪開，再把原隻雞拆肉去骨，再放回濃湯內，個人建議，先來一碗香噴噴濃湯 😋😋。自家制黃金炸魚皮、脆皮牛腩配蜜糖剛剛炸起的黃金炸魚皮，甘香爽脆，配搭脆皮牛腩密糖，這是送酒必傋！😍紅酒霜降安格斯特色紅酒霜降安格斯，賣相相當有新意，紅酒滲透在上安格斯牛肉內，更顯牛肉鮮嫩，充滿牛味。😘😘😋火鍋配料： 掂自家手打墨魚丸手打鮮牛肉丸 (4粒4粒)鮮打墨魚丸和牛肉丸，爽口彈牙，必食之品。自家制鮮蝦雲吞 (8粒)原隻鮮蝦雲吞，在胡椒豬肚雞鍋湯底後，分外惹味。各式蔬菜新鮮：新鮮淮山片、野菌雜菜盤👍🏻火鍋再好都要加添一個好

天氣凍比朋友拉咗去打邊爐，朋友平時喺佐敦返工，所以對佐敦比較熟，佢話食過有間打邊爐幾好，就梗係去試吓啦。去到門口笑咗，原來間鋪頭名真係叫「打邊爐」，入到去又幾闊落，門面都好新淨，仲要用iPad落單咁高科技添！潮式胡椒豬雜鍋 $88今晚天氣凍凍地，叫左潮式胡椒豬雜鍋湯底來暖下身，少量胡椒加上潮汕特產酸鹹菜調味，加埋豬雜，飲一碗湯，當堂暖晒身，胃口大開！海絲𩶘刺身消費滿600再憑宣傳單張有得送海絲𩶘刺身，食落魚肉新鮮且有口感，師傅刀工都厲害，薄薄一片好爽口。特級本地手切肥牛 (大) $268火鍋點可以冇牛呢，最後揀左呢款特級本地手切肥牛。牛味雖不算好重，但肥瘦適中，入口即溶。自家製黃金炸魚皮 $78配上鹹蛋黃而炸嘅黃金魚皮炸得到啱啱，好脆，入口非常鬆化。鮮魚卜 $68口感滿滿膠質感，爽脆得黎，裏面又好似花膠咁滑，值得一試。非常新鮮，食落一d腥味都無！萵筍片$48切成大大片，好新鮮，鐘意爽脆就早d夾起，鐘意腍d又得，吸左豬什湯個咸菜胡椒味一樣好味道。簡單，人人都鐘意嘅配料。鮮炸午餐肉 $58鮮炸午餐肉除左令佢外表香脆，食落佢既鹹香又特別，我覺得要快食呢個菜，因為可以享受到香脆既午餐肉又幾特別