成都老碼頭火鍋 (已結業)

旺角-成都老碼頭：鴛鴦火鍋（hk$158)、極品鵝腸（hk$88)、脆豬黃喉(hk$46)、牛胸爽(hk$70)、即炸響鈴（hk$48) +10%-來自成都嘅成都老碼頭火鍋，來頭不少，座落旺角的邊邊，走進餐廳真的有內地火鍋店的感覺，因為，好闊落啊！我只夠膽點香港小辣，個鍋黎喇，嘩，堅係紅油呀！好厚既紅油，滾起香氣出來好香好辣，食落都好辣🤪係大陸風味麻辣，辣到會流眼水果隻，好過癮。-呢度有好多少見既內臟可以點，內臟愛好者應該興奮。除了鵝腸牛肚鴨血呢些基本野，仲有牛黃喉、豬黃喉、鴨腸頭...我唔太食內臟既，但經朋友鼓勵下試左豬黃喉，又幾得意wor!好脆爽的，食到尾有浸豬腸味出😂仲試左未食過既牛胸爽，是白色的，爽口脆身，幾特別。-而偏草食既我既top pick係即炸響鈴，應該係我近年食過最好食既響鈴，唔油膩、香脆、勁索湯、厚身，真得很出色，忍唔住食左兩件🤣然後係竹笙，索湯好正，索紅油湯好刺激！當然薯粉都係我最愛💓-另外加左每位$28任食生果同醬料。是晚有西瓜、蜜瓜、哈蜜瓜。佢地真係好重要😂一邊食辣一邊食生果解辣，蜜瓜好清甜，最喜歡💓-PS 瓜菜類因為無半份揀，份量如果兩個人都幾多，多人先可以

被成都人評分為number one嘅火鍋店 終於喺香港開始咗分店喇 港人有口福了裝修古色古香風味 彷如置身古代一樣 餐廳佔地兩層 夠哂霸氣餐廳仲設有七秒除油煙味機 食完唔使擔心個人臭崩崩新開張期間19:30前離座/21:30後入座 可獲全單68折憑的士票據送你一榨鮮西瓜汁或鮮榨橙汁今次我嚟嘅目的 除咗係想一嚐正宗嘅四川麻辣火鍋之外 仲想挑戰下呢度嘅 大辣 麻辣火鍋未食見到個湯底都知驚了 鍋中放滿大量辣椒 好重嘅藥材味 紅通通嘅紅油 撲鼻嘅辣味……結果我男朋友同我都食到滿頭大汗 真係太刺激啦 辣到噴火 唔係講笑 但係又好好味喎醬料區都係 離唔開一般嘅蒜頭，辣椒，芫茜，蔥…… 但係加入咗四川成都嘅口味 就係蠔油同麻油旁邊設有時令水果盤 係任食㗎本身係想叫鵝腸 點知原來我睇錯咗叫左鴨腸鴨腸都係第一次食 $68視覺同鵝腸係冇分別嘅 但口感上完全不一樣 口感比較淋身 冇咁脆口 好似食緊啲好淋好淋嘅肉咁樣 基本上唔使點咬就化開一口牛柳粒$82一啖一口 脂肪比例平均 牛味香濃 一點都不鞋口牛胸爽$70灼一灼就食得 入口爽脆 好似食緊筋膜嘅部分 非常有咬口秏兒魚又即係剝皮魚$46有5條 非常抵食 魚身

<好出色既成都辣鍋>😆👍🏻🌶呢間喺大角咀同旺角之間既成都火鍋 其實一路見佢上網好多宣傳 今日甘啱喺豪華戲院睇完戲就過黎試下佢 入面整個環境都好大陸 感覺好有去成都食辣野既感覺 好細心成除左辣野外 仲有唔同湯底可供 唔同既 朋友食 然後打邊爐既食物都好有特別 😆 材料新鮮 真係幾吸引既👍🏻而我好欣賞佢出面既醬料好多選擇 有秘製醬料 辣椒等 仲而自家製麻油同平時食正宗辣薯粉 會有既碗豆 正😃🍴鴛湯底 158 蚊 麻辣成都風味🌶 加 豬骨湯 🐷成個湯底大大鍋好靚 一邊既成都辣好夠香 麻子 辣椒都好多 佢雖然辣 但唔會搶喉😆 要黎打邊爐一流 另一邊既 豬骨湯 冇豬骨 但豬骨味好香🐷 仲有好多材料 好似冬菇 火腿 大葱 🐷🌿等調味 都幾清新可口 正👍🏻🍴極品鵝腸 88 蚊😆鵝腸用個好靚既架掛住 同平時廣東菜唔同 佢係去左肥膏 但整得十分爽滑 放落去鍋一陣就熟 唔會因為熟左而損失彈性 😄 好正🍴澳洲和牛面珠墩 158 蚊半份🐮平時冇乜機會食呢個位 仲要澳洲和牛 牛肉有好幼細既紋理 入口軟熟 牛味香滑 正🐮🍴紫薯寛粉 38 蚊🍜切得好粗身既寛粉 口感軟熟帶 d黏稠 而且夠厚身

突然心血來潮想食麻辣鍋，聽聞呢間係成都老字號，又有網紅加持，就帶埋又係麻辣控既朋友黎一齊嘗鮮訂左 5點鐘兩位，第一台客侍應好有禮貌，好好笑容，環境都好有特色行去餐廳中間位置有醬料區，可以自己調配油碟，亦有已經調好既油碟乾碟比客人自己裝我地兩個人最後叫左12碟野，有 D 遲 D 上台既冇影到整體黎講都幾好食，湯底點既係豬骨 + 成都小辣，感覺可以再辣 D, 下次應該會試下中辣 鵝腸同麻辣牛肉就吾建議點啦，因為真係麻麻... 我個人吾太喜歡不過都有 D 非常推薦既，值得一試！推薦食物：紫薯寬粉 - 出奇地煙韌好食 餃子 - 真材實料，粒粒飽滿 黃喉 - 非常爽脆 紅糖糍葩 - 襯熱食，吾錯 值得一讚既係侍應服務態度真係吾錯，面對客人既提問都好有耐性解答。有個侍應拎住渣西瓜汁經過，我同朋友講「嘩，好似好好飲甘」 比個侍應聽到，佢笑笑口話「吾錯嫁，新鮮搾嫁」。走果時又見到有侍應係到教客人整油碟同點解要配油碟，吾肯定係咪同一位侍應，不過比我感覺好 nice 不過老實講句，價錢係偏貴左少少，但野食吾錯既，都值得一試。另外提提大家，如果黎食就最好早少少黎，7:30前離座有 68 折優惠

由於一直聽聞成都火鍋好辣，一直想試，終於訂到位，當天去到入座率都超過八成。訂座既時候，接聽既待應一直強調唔可以遲到，遲到要重新輪候，所以，真係要好準時。湯底有四種，豬骨湯、蕃茄湯、紅油湯仲有一個要加多幾十蚊既花膠湯。紅油湯亦有分兩種辣，香港同成都之分，而成都既辣再細分大中小辣。我選擇咗成都既小辣。有一個自助既調味位置，有一罐罐店自己出產既麻油，可能搭配豉油調味，出嚟效果唔錯，麻油好香，最可惜唔可以外賣走麻油。打邊爐既配料其實間間都差唔多，不外乎都係菜、肉、丸之類仲有海鮮咁。點咗蓮藕、淮山、萵筍、炸芋頭、黃喉、鵝腸、仲有瘋狂辣牛肉。鵝腸放係一個小架子上面，擺放得好似曬棉被一樣，食落好爽口而且材料新鮮。瘋狂辣牛肉本身已經被辣椒包圍，再放落辣湯底整熟，真係辣上加辣，食完係頭痛，真係好辣好辣，怕辣可以選擇放唔辣湯底走下辣，呢個真係食辣既人都未必頂得住。火鍋不過不失，可以再去！

巴士站旁邊，都算隔涉湯底差，叫左個全紅拼豬骨湯，盛惠$158，兩個湯都完全無味，唔沾醬料完全食唔到有味個豬骨湯底最頂癮，無豬骨，係清水加啲火腿打邊爐湯底最重要，實在一分都俾唔落食物一般，無特別，價錢都幾貴叫左相中食物加2枝啤酒，19:30前埋單已經有68折，但都要$590由於兩個湯唔得，加上啲料又唔係特別靚，所以只食到醋味👇🏼食到一半決定寫食評先影，湯底係無咁多料的👇🏼火腿湯扮豬骨湯都夠膽死麻辣豬腦係我至愛，第一次食豬腦係一啲味都無，肉片學人薄切，但羊肉片最基本嘅肉味，我都食唔到最好味係個紅糖糍粑，個唔記得咩香酥肉，好似炸完好耐放到淋晒嘅炸肉片咁所以唔會再食👇🏼紅糖糍粑，唯一好味👇🏼香辣魚皮，不過不失👇🏼香酥肉唔掂👇🏼失望鴨血，仲以為係好滑一patpat嗰啲後面個羊又係差👇🏼無味豬腦，完全無肉香味，唔識形容👇🏼正常嘢👇🏼豬腩片，薄而無味

朋友和我都喜歡吃火鍋，差不多每個月一定會餳次，今次來到大角咀見到有間十分古色古香的店，原來是已經有不少分店的金鍋店，當然去試一試成都火鍋的味道吧。這裡的醬汁都十分特別，有成都的油碟，用蠔油，蒜，蔥和自家一罐罐的油十分特別，沾左之後辣度的確減少不少。而且仲有生果作飯後甜品添。今次叫了香港小辣配蕃茄湯底，麻辣叫了香港辣，沒有成都辣的牛油，但已經辣味十足，幸好有調味汁成都油碟，辣度即時減退不少。蕃茄湯底都會比平常食開的甜一點，都幾特別。極品鵝腸掛在器皿上都幾特別，顏色有點粉紅色，食到十分爽口，半份都不少。這款草原鮮毛肚在其他火鍋店比較少有，爽身之餘又吾會好硬。朋友最愛日本牛肉，這個日本A4牛頸脊係佢叫一定要食的食物，娕滑牛味夠出，不錯。而這個爽滑豬潤的口感軟熟有獨特的香味，不會似其他金鍋店一煮就好硬的感覺。叫了牛肉再叫多個肉就選押了蒙古羊肉，羊味夠而且吾太肥，剛剛好。皇帝雞件，朋友都讚好，雞件嫩滑之餘雞味十足，份量不少。花甲都新鮮而且十分大隻又鮮甜。喜歡即炸響鈴的我當然叫啦，驚喜夠新鮮又吾油身，大大件吸晒辣湯底十分惹味。食辣鍋一定要配冰豆腐，豆腐慢慢吸湯汁口感保持到，不錯。菜就選擇了皇帝菜，

鍾意食辣點可以錯過成都老碼頭火鍋呢？呢間主打成都原味的辣湯底，又辣又頂癮。想食”大陸味”又唔想返大陸既朋友可以一試現場打造到好似皇宮官庭，好有氣派，打卡都幾好。一入門口已經有好濃既肉”So” 味，要差不多幾分鐘先可以同化到鴛鴦湯底 （外紅油、內骨湯） ＄158當然要試下成都原味既湯底啦，小妹叫了中辣因為湯底通常都會愈煮愈辣，以防菊花爆所以叫了中辣。中間骨湯真係有條豬骨證明真材真料，骨湯都幾清甜，有一陣陣肉骨既味現場有醬料部，除了醬料外仲可以拎圍裙同新鮮水果，感覺喜出望外。當日新鮮水果係蜜瓜同哈蜜瓜，十分甜，值得一讚配料都好多元化，咩都有就連小好既Like既 薯粉同寬粉都有，基本上肉類、海鮮類、餃類都有好多選擇，鍾意食或者想試既都可以滿足到總括，價錢當然唔及大陸咁平喇，不過成班人齊嘩嘩又唔使花時間係交通同等位，呢到都算一個唔錯既選擇。地方位置都算方便而且配料都多選擇同新鮮，雖然話有入座限時但當日可能唔多人所以都無趕人走既情況。如果有人生日，餐廳仲會關哂燈，勁開喇叭播生日歌，心臟夠強或者想整古朋友，就去喇

男友好中意食辣，見旺角新開麻辣火鍋，佢問都唔問我就帶我去食啦！！！只食小辣既我，今次簡直係挑戰！！！一入到去，裡裡外外都係中國風一知道係食麻辣火鍋個下。。。我真係驚架！！好在呢度既麻辣火鍋係鴛鴦鍋底，係用內外之分，內圈揀紅油而外圈揀骨湯， 但係食完之後，我發覺調返轉內圈骨湯外圈紅油會更加好， 因為一路滾時，紅油就會彈左D落骨湯度， 而且男友夾喺紅油嘅食物時都會滴到落骨湯度，變相我都食緊小小小麻辣。牛胸爽睇落白色一片會以為一塊脂肪， 牛胸爽肉即是牛胸部兩排肋骨中間的肉，甘香爽口不油膩，烚完之後，仲有好重嘅牛油香味鮮魚標新鮮既魚標，洗得好乾淨，一啲魚腥味都無爽脆彈牙，最刺激既係魚標係一個氣泡，放入紅油湯煮，湯灌到入面，放涼一陣，一啖入口，辣湯會一湧而上，會成為一種挑戰遊戲高原雪花繡球菌完全唔認識呢種菌菇，立刻叫份試一試先，呢種繡球菌，係湯烚大概20秒左右就已經足夠熟，一食就已經有獨特既味道出現，有啲似秀珍菇既味道加雪耳既口感，仲要非常吸味，所以強烈建議用骨湯黎烚，紅油湯只會蓋過所有既菇味同吸油（呢隻菇比金菇或者冬菇感覺輕盈一啲）勁中意食，所以後尾再加多1份即炸響鈴毫無油漬嘅味道，落湯烚最多

第一次到老碼頭朝聖一下，聽聞湯底滾落唔油，所以開張至今已想試好耐。裝潢幾中國特色，紅紅藍藍的，而坐位亦覺得幾闊落。一入到去覺得室內冷氣都開得幾大，不過打邊邊食食下就會熱，仲要係麻辣火鍋👀店內有個自助醬料吧，幾得意既係佢個特製香油，仲有一罐罐裝比你拎返位，聽聞香油可以令食物降溫，變左淥完可以快d放入口😯覺得有個咁既醬料吧係幾方便既～火鍋湯底叫左鴛鴦，外圍中辣，中間唔辣。辣度的確幾堅，中辣都平時出面大辣咁上下程度，個個食到出晒汗😂聽朋友說呢個*麻辣牛肉*必點，但我唔太欣賞，太咸了，肉又無咩口感咁，感覺似肉干。*鵝腸*掛得好靚，還好的，肥膏清晒，爽口。*牛柏葉* 無咩特別～*繡球菌*有驚喜，爽脆得黎，滑嘟嘟，淡淡菇香味，配清湯好正。*黃喉* 爽脆，淥得耐都唔會un。*鴨血* 紮實，配麻辣湯底很適合。*牛舌* 本身未煮都浸住辣油，直切幾特別咁，食落一般。*牛頂鋒* 唔係好多地方有得食，但係第度食過，相比下差d，唔夠香。*萵筍* 好清甜，嫩!*皇帝菜* 好嫩，雖然菜本身帶甘，但比平日食既更甜。另外有叫牛肉但唔記得叫邊種，牛肉都ok👌🏻食既時候還可以，不過停筷無耐，碗入面既麻辣湯凝結左，睇得出好多

我呢個由細到大都喺大角咀區大嘅"死街童",其實一早都已經知道塘尾道呢個位開咗間成都老碼頭火鍋,只不過呢個位嘅食肆...其實咁多年嚟都冇話邊間特別好吃,然後開業幾年後就會唔見咗...又改頭換面過一間新嘅食肆。經過見到呢間老碼頭嘅門面裝修都好中國feel,貌似富麗堂皇咁款,又唔知呢個容貌可以保持住幾多年喇 不過最近唔記得咗係邊個介紹,話呢間嘢個麻辣火鍋好似好正咁,所以就訂咗位,五個女子收工出嚟品嚐下。 一開門入去,冷氣強勁,背心熱褲嘅朋友要注意喇,真係可以凍到個人騰騰震,我仲安慰自己,打邊爐嘛,一陣烚吓烚下就會又慶又熱架啦...不過唔好意思,可能本小姐身子弱,成晚都只有震,沒有熱。 餐牌就係底面一張紙,冇其他,所以都簡單易睇,有肉有海鮮有丸類有蔬菜類亦都有啲特色小食,但望完之後係會覺得價錢都頗貴下......窮人就唔該唔好亂咁點喇。唯一有趣嘅係每人都可以拎一條圍裙著住防污糟,唔洗驚彈到自己,比堅尼嘅公仔真係幾惹笑 基本上我哋肉類叫得唔多,只係點咗一碟澳洲雪花肥牛$82蚊半份+一碟日本A4和牛牛肩胛$198蚊半份再加一碟西班牙黑毛豬腩肉$86蚊半份,半份嘅份量真係唔多,好彩我哋就只係得五個人

期待以久想來老碼頭試佢個麻辣火鍋好耐喇，今日終於來到，一入到餐廳就嗅到好強烈既麻辣味，我地坐左係樓下個層餐牌上有d款式都從來未見過，好似菊花牛鞭，高原雪花繡球菌醬料自已岀去羅，但其實好食既麻辣火鍋係唔需要甘多醬料個鍋終於來到，我地叫左一邊成都原味小辣，另一邊就係蕃茄湯底，本身來到係無甘多湯，放底之後有位侍應即刻幫我地加湯，甘樣唔會變淡嗎？蕃茄湯底都幾濃郁，食極都有蕃茄味反而麻辣個邊，可能佢只係加水，所以最後我地要求加辣，所以鍾意食辣既朋友可以直接叫中辣麻辣鳯爪餐牌有粒星星推介，但來到食落口，同朋友們都覺得唔夠腍同埋唔夠入味極品鵝腸(半份) $88鵝腸一d肥膏都無，餐牌上寫住碌10s就夠，食落係幾爽口既竹笙吸晒d湯，好正手工韭菜餃本身問左侍應有5粒我地可以一人一粒，點知來到只有4粒，但餃子包到脹卜卜，加左豬肉包埋都有韭菜味，最後同伴説要 encore多一碟紫薯寬粉食落無紫薯味，吸左d湯都幾好食，紫色幾特別西班牙黑毛豬腩肉$86呢個要讚下，切得好薄，食落好腍，好易入口日本A4牛頸脊 $198呢碟真係偏貴，只得5片咋，食得都無咩特別雪花肥牛 $82普通肥牛都要呢個價錢台灣墨汁腸食落係甜甜地，

因為知道在港開店後去試下，聽說在成都挺出名。我和朋友總數四個人九點半後去的，因為好像是六八折，其實本身進店食客也不是很多，但不知道是什麼原因，服務員的數量也不是很多．．．填完單想落單，可以叫幾次也是沒人理的，所以我覺得服務方面我以經會比唔合格。食物方面，其實我覺得十分普通，但價錢郤定在偏高位置，例如肉類，我點的是一份，但份量小得可憐，肉又不夠新鮮，只是比任食火鍋店好一點點，菜類就其實每間店也沒太大分別，海鮮沒有什麼特式類，也是平常火鍋店有種類，只有那個墨汁腸我覺得可以，我個人觀點，食物質素同價錢不成正比，如果以這價錢同區有很多比這裏好的火鍋店。個人食後感覺，一次試後不會再回頭的店，不是價錢問題，而是配不上這個價錢，不論食材或服務也是。

平時經常經過已經好想去試下嫁啦！終於有時間去試下，我地食晚餐6:30入去食不用排隊，很快便有位！我地叫左個辣同唔辣間野好特別有圍裙可著，好貼心，最岩係我呢啲著左白衫嘅人！但男士就真係唔敢著，佢地見到個款就話唔著！有好多醬料提供比我地，我揀左佢哋秘製醬料👍🏻不錯，只不過油過多😂辣味湯底好正，我揀左中辣但我覺得不太辣但食食下就覺得辣了種麻辣真係好正，唔似其他地方個啲！鵝腸好爽口好好食肥牛亦都好靚，有牛味靚👆🏻好新鮮好爽口好好食大讚薯粉配辣勁好食！我地三個人埋單約一千幾，價錢不平，但物有所值

話說今晚睇完戲，11點打算食個宵夜，就同男朋友黎呢間成都火鍋。見到出面大大字貼著9點30後入座6.8折，有d出奇，因為問過成都朋友確實係地道成都品牌，香港人又普遍中意打邊爐，點解開左咁耐仲要打折促銷？唔通生意唔好？入到鋪頭大概11:05，有幾台人食緊，放眼望去都好多吉台，前台話等陣執個卡位比你，一等等左差唔多15分鐘先有。期間已經有走嘅衝動，因為問左幾次，都話未得，而眼前明明有吉台。大把吉台都等咁耐，只因為想試下同成都食有冇差。事實證明我就唔應該等⋯⋯坐低之後冇人招呼，單都冇，問店員拎，佢話我幫你跟下。我？？？？單都未有跟乜嘢？？？等佢幾分鐘之後返來發現冇嘢跟，先恍然大悟比張單我。叫左成都小小辣➕清湯，上到來發現係幾乎唔辣⋯⋯⋯⋯同成都嘅小小辣唔係一回事⋯⋯⋯⋯⋯⋯⋯⋯失望之餘唯有安慰自己，呢個係香港口味。望下menu，菜品價格係成都3倍以上，呢個可以理解，畢竟香港租貴人工貴，過江龍價格高都正常。最後埋單，411蚊，精彩嘅時刻到了，店員話，小姐要500蚊先可以碌卡。我又？？？我問，咁我冇咁多現金點算？？因為我平時真系帶得個一二百現金出街，其餘全靠八達通apple pay信用卡⋯⋯佢只係