成都老碼頭火鍋 (已結業)

Item: 成都老碼頭火鍋
Rating: 2
Author: jackie.ip.395

Cheng Du Old Pier Hot Pot

4.5

945 食評

味道

環境

服務

衛生

抵食

29752

旺角

$201-400

川菜 (四川) 火鍋酒樓

822

jackie.ip.395

等級4

223

我呢個由細到大都喺大角咀區大嘅"死街童",其實一早都已經知道塘尾道呢個位開咗間成都老碼頭火鍋,只不過呢個位嘅食肆...其實咁多年嚟都冇話邊間特別好吃,然後開業幾年後就會唔見咗...又改頭換面過一間新嘅食肆。經過見到呢間老碼頭嘅門面裝修都好中國feel,貌似富麗堂皇咁款,又唔知呢個容貌可以保持住幾多年喇不過最近唔記得咗係邊個介紹,話呢間嘢個麻辣火鍋好似好正咁,所以就訂咗位,五個女子收工出嚟品嚐下。一開門入去,冷氣強勁,背心熱褲嘅朋友要注意喇,真係可以凍到個人騰騰震,我仲安慰自己,打邊爐嘛,一陣烚吓烚下就會又慶又熱架啦...不過唔好意思,可能本小姐身子弱,成晚都只有震,沒有熱。餐牌就係底面一張紙,冇其他,所以都簡單易睇,有肉有海鮮有丸類有蔬菜類亦都有啲特色小食,但望完之後係會覺得價錢都頗貴下......窮人就唔該唔好亂咁點喇。唯一有趣嘅係每人都可以拎一條圍裙著住防污糟,唔洗驚彈到自己,比堅尼嘅公仔真係幾惹笑基本上我哋肉類叫得唔多,只係點咗一碟澳洲雪花肥牛$82蚊半份+一碟日本A4和牛牛肩胛$198蚊半份再加一碟西班牙黑毛豬腩肉$86蚊半份,半份嘅份量真係唔多,好彩我哋就只係得五個人

不過最近唔記得咗係邊個介紹,話呢間嘢個麻辣火鍋好似好正咁,所以就訂咗位,五個女子收工出嚟品嚐下。一開門入去,冷氣強勁,背心熱褲嘅朋友要注意喇,真係可以凍到個人騰騰震,我仲安慰自己,打邊爐嘛,一陣烚吓烚下就會又慶又熱架啦...不過唔好意思,可能本小姐身子弱,成晚都只有震,沒有熱。餐牌就係底面一張紙,冇其他,所以都簡單易睇,有肉有海鮮有丸類有蔬菜類亦都有啲特色小食,但望完之後係會覺得價錢都頗貴下......窮人就唔該唔好亂咁點喇。

唯一有趣嘅係每人都可以拎一條圍裙著住防污糟,唔洗驚彈到自己,比堅尼嘅公仔真係幾惹笑

基本上我哋肉類叫得唔多,只係點咗一碟

澳洲雪花肥牛$82蚊半份+一碟

日本A4和牛牛肩胛$198蚊半份再加一碟

西班牙黑毛豬腩肉$86蚊半份,半份嘅份量真係唔多,好彩我哋就只係得五個人,啱啱好每碟都係一人一塊,真係試咗就冇架喇

其他嘅我哋點咗竹笙呀,鵝腸呀,金菇呀,皇帝菜呀,秋葵呀,炸魚皮呀,響鈴呀,鴨血呀蒿筍呀淮山呀冬菇呀咁~仲另外有叫手工韭菜餃同埋見到佢有紫薯寬粉以前冇聽過,就叫咗碟試下。湯底我哋就揀咗鴛鴦兩款,一邊成都原味小辣,另一邊蕃茄湯底,$158蚊。成都風味嘅話仲有大中小辣可以揀,嗜辣嘅人係可以嚟試試嘅。呢間火鍋店對我嚟講,缺點係多過優點嘅,如果話成都正宗係超好食嘅話,咁真係要親身去成都先可以感受到喇。 1. 食材真心偏貴,本身見佢啲講到A4和牛咁勁要幾百蚊一碟,原本好期待以為真係好正,真係料靚嘅話,俾錢都甘願,但試過之後覺得堅普通,平平無奇,只係正常肥牛咁嘅質素,說好的日本A4呢?仲要半份都差唔多兩舊水,一人食得一塊,即係食一塊已經冇咗4兜嘢喇,你叫我情何以堪?! 反而蔬菜類嘅份量就算做都幾多,秋葵呢種比較貴嘅食材佢都有十幾條嘅,炸魚皮同響鈴都夠脆,響鈴嘅size仲好大碌添,但係收成$48蚊一碟嘅話,呢個只係符合我哋所付出應有嘅質素。 2. 鴛鴦湯底偏油,味道唔算出眾。望落去個成都原味湯底就夠哂辣喇,仲似乎好足料咁,但其實除咗辣味之外都食唔到有其他香料嘅味道...食飽離開之後,都feel到口腔裡面殘留住一陣怪味...係苦澀嘅,雖然唔會口渴,但係咁嘅after taste仍然係會令人想不斷飲水沖走佢。蕃茄湯底雖然係甜甜地,算OK,但其實食多幾食,成個咀都係油...仲多過蕃茄香味。如果閣下係食過大陸嘅海底撈個蕃茄湯底,就會明白點解我要拎嚟對比喇。唯一一個記得嘅優點,呢度嘅手工韭菜餃真係幾好食,夠大隻涵又多,不過本身問阿姐,阿姐話一碟有五隻,咁我哋以為OK啦一人可以食一隻,點知嚟到嘅時候實情係得四隻,點解呢可??? 最後一個驚喜就係,埋單之後見到佢有折,原來阿姐話有時段優惠,我哋七點鐘嚟就全枱八八折...如果冇折嘅話,平均一個人都要$304蚊嚕。抵唔抵食,就真係睇下閣下嘅要求係乜嘢喇。

我本來都內心爭扎咗一陣,呢篇食評我俾個OK佢好,定係俾個喊喊佢好,打哂以上之後,無可置疑,有得選擇我唔會再嚟。