影片
更多
2019-05-01
35 瀏覽
每次搭車經過見到呢間餐廳都好想試，因為比佢華麗堂皇既裝修吸引住。今日終於約左2個好友黎試一試。不論門面定係入面，佢既裝修充滿住中國風，甚有氣派。餐廳非常大，座位好寬闊，佢有自助醬料吧同水果，而食物方面佢係落紙order，而有d食物可以揀半份，咁就岩哂人小小，每樣都試小小了。食物既種類非常多，因為我得3個人，所以都唔係叫到好多野。湯底方面，我地叫左個鴛鴦湯。一邊係純天然椰子湯，另一邊係香港小辣。不過，其實香港小辣都已經好辣了，所以椰子湯底岩岩好可以中和返d辣味。而且椰子湯非常足料同清甜。食物方面，我地叫左嚮鈴，嚮鈴又大又脆，都係用一秒定律，一圳一食，嚮鈴充滿住湯底既精華，十分讚🤭老油鬼鬼顧名思意係油炸鬼配上蝦滑。蝦滑夠哂彈牙，而且蝦味濃郁，配搭油炸鬼，口感唔錯。黑松露牛丸，我地叫左半份，半份有四粒。雖然黑松露味唔算十分濃郁，但食既時候口腔都有陣陣既黑松露香味同牛味，牛丸亦都爽口彈牙。另外，叫左一份蛋餃，見佢係老碼頭推介。不過真係無介紹錯，平時好少見到呢一類形既餃，但真心好食，外皮係黃色既皮，蛋香好濃，而入面包住豬肉餡，出奇既夾。 最後係澳洲雪花肥牛。牛肉既油脂分部平均，肉質腍嫰，而且好香
餐廳非常大，座位好寬闊，佢有自助醬料吧同水果，而食物方面佢係落紙order，而有d食物可以揀半份，咁就岩哂人小小，每樣都試小小了。食物既種類非常多，因為我得3個人，所以都唔係叫到好多野。
湯底方面，我地叫左個鴛鴦湯。一邊係純天然椰子湯，另一邊係香港小辣。不過，其實香港小辣都已經好辣了，所以椰子湯底岩岩好可以中和返d辣味。而且椰子湯非常足料同清甜。
食物方面，我地叫左嚮鈴，嚮鈴又大又脆，都係用一秒定律，一圳一食，嚮鈴充滿住湯底既精華，十分讚🤭
老油鬼鬼顧名思意係油炸鬼配上蝦滑。蝦滑夠哂彈牙，而且蝦味濃郁，配搭油炸鬼，口感唔錯。
黑松露牛丸，我地叫左半份，半份有四粒。雖然黑松露味唔算十分濃郁，但食既時候口腔都有陣陣既黑松露香味同牛味，牛丸亦都爽口彈牙。
另外，叫左一份蛋餃，見佢係老碼頭推介。不過真係無介紹錯，平時好少見到呢一類形既餃，但真心好食，外皮係黃色既皮，蛋香好濃，而入面包住豬肉餡，出奇既夾。
最後係澳洲雪花肥牛。牛肉既油脂分部平均，肉質腍嫰，而且好香牛味，忍唔住食完一片又一片。
而店員推介我地飲鮮榨椰子汁，所以我地都叫左一渣試下。成渣都好足料，充滿左椰子既香味，尤其是當我食到個湯底非常辣既時候 解廿渴真係一流。
最後，值得一題既係餐廳非常細，提供左圍裙，比食客使用，咁就唔怕d野彈到周身都係。同埋係門口放左一部除味機，食完野既麻辣味都可以一一消除，咁就唔怕d初好大陣味。
張貼
