成都老碼頭火鍋 (已結業)

老碼頭火鍋店足有2層，座位闊落，一入去就聞倒好香麻味遍曼全舖醬汁配料等全部都係以自助形式供應，選擇多樣化，基本需要既全部都有提供，其中秘制香油混合蒜蓉、香蔥、麻油等非常香口，最值得一試。另外，亦提供水果供免費自取。鴛鴦湯底 ($158)湯底一邊係豬骨湯底，另一邊係紅油，亦即係麻辣湯底，雖然係少辣，睇圖片都見到都算頗辣。澳洲雪花牛肉 （$82）雪花尚算均勻，牛肉片數較多，如果想食牛，又抵食既話，我推薦大家可以試下依個。日本A4和牛牛頸脊（$198半份）牛肉雪花均勻，入口唔會覺得油膩，最適合用黎打邊爐，再加埋秘製既醬料，簡直天衣無縫，讚阿！老碼頭筷子牛肉 (下) ($88)已預先醃好，較爽口同微辣。口感同一般打邊爐牛肉唔同，如喜歡軟身同辣辣地既牛，應該會鍾意。杞子龍眼菊花蜜 （$68）味道清香，唔會太甜，一jar大概有5-6杯，用黎解辣一流👍🏻

聽聞朋友看了某位YouTube 介紹，特意前來試呢間，餐廳招牌好搶眼，大老遠已經見到，看著佢門面亮麗，一入去，成浸內地麻辣火鍋味即刻傳入鼻，係嗆喉果種，即刻打左個乞痴，成間店都圍繞著這味道，不嗜辣的我，好難頂，礙於免得掃朋友興，唯有硬頂，沿途地下都好滑，一不小心就會被冼到那種，雖然座位的位置蠻闊落，但後面房的人在吸煙，隔離枱又叫了麻辣鍋，成浸味攻埋來，感覺不太好，唯有叫佢開大個冷氣，點知眼看遙控溫度已調到16度都唔涼（到打完邊爐，再叫佢教大冷氣，先開始感受到風），熱住打邊爐，我地仲要叫左個鴛鴦鍋（麻辣，花膠雞），一路食一路出汗，感覺太差了，花膠雞湯底的味道也很奇怪，好似有種騷味，講返食材，無一樣出色，價錢又貴，仲要硬加每人$25的醬料生果費，生果只有西瓜蜜瓜（好像剩食，無食到），醬料就係一堆蒜蓉辣醬。回家後，成陣火鍋味（食其他店唔會咁的），不知是否花膠湯底太油膩，還是食材問題，已經肚痛疴左4次，總的來說，不會有下次。

今晚同左屋企人出去打邊爐，皆因家姐鍾意食辣，搵左間主打成都味道既餐廳餐廳裝潢好有氣派，大門好有古代元素，但顏色更鮮艷7點半前離座/9點半後入塵，仲有68折優惠，但家中兩老就一定要8點食飯，呢個咁抵既優惠只能等同朋友再黎食過但小妹我就唔多食到辣，所以就叫個鴛鴦湯底，豬骨湯 and 成都原味小辣原味小辣都唔惹少，就咁聞都覺得幾刺激豬骨湯好足料，有香菇、紅棗、大蔥調味，味道一啲都唔寡怕辣都唔緊要，自助醬油區有一款餐廳調整既油醬，話有解辣既功效，大家都可以一試下面就係我自家調配既醬汁 <3爽脆牛黃喉第一次食，跟足10秒指引，真係好爽，呢個部位亦唔多地方有，而味道就清D，主要靠湯底日本a4和牛牛肩胛 難得齊人食飯，就嗌左款靚啲既牛肉牛肉好滑同爽身，油脂分佈均勻，正正而且牛肉同辣味都好夾手工韮菜餃 估唔到地出色，韮菜涵好惹味，菜無渣，肉調味又夠香同有肉汁 手工龍蝦肉蝦丸 彈彈蝦肉，質地唔錯功夫萵荀重點係賣相到，擺到好似花花咁萵荀放一陣變透明就食到，咁就最爽口紅糖糍粑埋尾仲加左個甜品，糯米般軟燸既口感，配上外在既紅糖，又幾好食好有舊式中式小食既感覺，都係第一次食，意外地全家都幾喜歡杞子龍眼菊

超喜歡麻辣火鍋的我一有時間就會心癢癢，找朋友吃，住在九龍的我當然不想過海吃飯，這家成都老碼頭火鍋位於旺角，開設在塘尾道一個顯眼的街角，非常方便。成都原味小辣（$158)拼豬骨湯小辣不是很刺激，一般吃開小辣的朋友絕對沒問題。而成都火鍋的好處是不像重慶火鍋一樣越滾越濃和重牛油，成都火鍋無論對味覺/腸胃的負擔都比較少，比較著重麻辣的香味。極品手切肥牛 $168 （半份）店員力推下，我們便選擇了本地手切肥牛，2人分享的話份量剛剛好，牛味夠濃但每片切得較幼身，喜歡較有口感的朋友就建議選擇和牛。炸雞皮 $38好驚喜！沒想到炸雞皮非常高質！雞皮即叫即炸，每件都好大片而且厚薄適中，非常惹味，配啤酒一流！炸響鈴 $48火鍋必備的炸響鈴，又係即叫即炸，件件都金黃香脆，只要放到鍋中數秒便完全吸收了湯底精華，超喜歡！鴨血 $36 （半份）鴨血半份已經很多，每件都很大很完整，即使滾了十分鐘都不怕爛開，入口軟滑，沒有腥味。牛黃喉 半份 $48之前已經吃過的牛黃喉，今次當然要再點。這碟黃喉一直是我的最愛，而這家店的黃喉較其他火鍋店厚身，吃起來是爽口中帶煙軔質感。蓮藕 $28吃麻辣火鍋當然要有蓮藕，經過長時間的浸泡會

第一次去呢間，真心話很難吃，吃火鍋最主要湯底，湯底我叫咗兩個，一個花膠拼麻辣鍋，一個椰子雞拼麻辣鍋，兩個鴛鴦底，但牛油落太多，啲油濃到一pari .成個鍋底冇味，我諗呢啲嘢唔配，啲材料也是，呢個名，把招牌都做臭咗，真心難吃，特別肥牛一般，仲冇我係百佳買既靚，蚌也是，除咗四色丸可以，仲有四川的磁靶，整體來講真心差評，價錢適中，一共13人人均400，也唔知係唔係因為便 ，所以質素有限湯底除清湯好啲，辣湯真唔敢評

朋友鐘意食辣火鍋，就揀左成都老碼頭火鍋店，店舖位於大角咀頭段，塘尾道油站對面，旺角地鐵站行過去5分鐘左右，唔難找，但店舖超大，裝修富有中國色彩，間隔空間大，幾乎每張枱都好似獨立卡位咁，坐得好舒服。湯底當然務必要試試佢地出名嘅麻辣火鍋，另外揀左豬骨湯底，湯底好濃烈嘅麻辣椒味，麻得幾過癮，朋友都讚湯底得。嚟到當然要試下佢地出名嘅獨有火鍋料啦，先嚟過爽脆牛黃喉（$48）10s 白色嘅牛黃喉輕淥10秒就可以，口感爽脆彈牙，有啲鮮味。老友鬼鬼（墨魚滑）（$58）用油炸鬼包墨魚滑，做法有新鮮感，食落去口感有稔同爽嘅感覺，另外油炸鬼索哂啲湯底令到味道更豐富。極品鵝腸（$88）10s 呢個必試，鵝腸爽脆新鮮，唔係一味肥，好特別好好食，加上佢用個架逐條整齊掛上，有一種霸氣嘅感覺。高原雪花繡球菌（$68）1週年價10蚊加配，呢個菌我之前未見過未食過，幾特別又大塊爽脆，好清甜。A4雪花和牛（$198）賣相靚又大塊，油脂分佈均勻，食落彈牙有牛味。台灣鴨舌（$40）1min 收費唔貴，份量足夠，鴨舌大隻有肉整體滿意，好食又好坐，食物又有特色，一定會有下次。

響旺角搵有心機做嘅嘢食唔容易，彈丸之地，租金貴，入低質平貨、賣貴價已是常態... 但竟然都搵到佔地唔少，又古色古香嘅火鍋城，睇OpenRice食評，發現佢有靚牛肉，一於試一試～又要食辣，又要怕辣，必揀鴛鴦湯底啦... 麻辣好惹味，清湯足料～Prime手切肥牛，香濃牛肉味，雪花均勻，襯上萵筍條，剛好平衡一下...老友鬼鬼墨魚滑，脆脆油炸鬼，包住爽滑麥如滑～爽脆牛黃喉，比起平時食到嘅都厚及爽～鷹嘴豆、水果盤、調味料全部任拎任食，西瓜、菠蘿正好解辣～助料花椒油一罐罐上，感覺好有誠意～

就算夏天都要打邊爐啊呢間去到門口已經覺得好有氣派，裝修古色古香，一入到去就聞到麻辣味座位都好舒服我地叫左鴛鴦湯底，一個紅油（即係麻辣）同埋豬骨湯，辣味有得簡香港辣定成都辣，不過成都辣既少辣都好辣，真係食得辣先好叫，我地叫左香港小辣，個湯好麻辣，我已經覺得好辣啦肉方面叫左兩碟肥牛，另外點左筷子牛肉同埋舌尖上的牛舌，兩個個名都好特別。筷子肥牛係一條條既牛肉，口感有啲似牛腸幾彈牙，舌尖上的牛舌就係好薄好薄既牛舌，兩個都唔錯啊野飲方面我地叫左一渣龍眼花蜜，配埋邊爐好夾

個日渣車經過呢間老碼頭，見到個招牌勁大，風格好中式好似好正宗麻辣火鍋咁，就搵一晚黎試下，真係冇令我失望！餐廳好大，有兩層一入黎就聞到勁香麻辣味，食指大動！首先要介紹佢既醬料區好似宮廷！醬料好齊全，加分！呢個係「老碼頭火鍋秘制香油」，十分推薦大家直接拎呢個！勁香！我地叫左鴛鴦鍋：紅油、豬骨麻辣個邊好濃，個血橙色，好似好辣咁！我地叫左成都小辣薄切牛舌，淥15秒食得！沾左麻辣湯同埋香油，正到爆！份量都算多食左好多塊凍豆腐最岩就係放落麻辣湯索味日本A4牛頸瘠半份，用冰震住，賣相非常吸引果然牛味好重，油花靚，入口即溶午餐肉必點佢係預先炸左架！仲有我最鐘意既薯粉飲品方面我叫左杯hoegaarden生啤，夠凍！另一杯係乳酪沙冰，酸酸地又薄荷，超開胃！臨走仲有呢部除味機添，好貼心！

昨日難得兩姊妹一齊放假，做完facial後一齊去打邊爐，呢間餐廳我想嚟咗好耐㗎喇，咁啱今日有伴。佢嘅湯底好正，椰香撲鼻非常蜜甜，有少少微辣， 一碟排開雪花點點肥牛， 晶瑩亮麗，薄薄一片，只需輕輕一燙，不用多久 便可品嚐，滋味到不得了。一款芝心墨魚丸，全是手打之作，煙韌彈牙，當你輕輕咬開，濃郁芝士源源不絕流進你的口腔，配搭墨魚鮮香，認真一絕。一款糖心芝士魚蛋，同樣出色，有另一番風味，手工製作還有西洋菜餃，餃皮柔韌細膩，西洋菜香怡人，大廚手作功力不凡。台灣麵筋特別出色，零舍有咬口，索滿濃甜湯汁， 食到停不到口。紅薯粉幼滑柔韌，加入香甜濃郁湯底進食頂呱呱。當你食到飽肚後，還有大量不同種類新鮮水果無限添食，夠曬貼心，結帳後我倆滿意地離開。

今晚，約了一班中學同學聚舊，幾年無見，當然要坐得耐一點，我們最後選擇了去成都老馬頭打邊爐。這裡主打麻辣火鍋，不得不點，但同行有人不吃得辣，所以點了一個鴛鴦鍋－成都麻辣（小）和花膠雞湯底，麻辣雖說小辣，但辣味非常強烈，可與譚仔大辣，而花膠雞湯底溫和得多，花膠大大件，味道清甜，用來煮蔬菜相當夾。由於人多，我們點了一個牛摩皇拼盤，每款牛各有少許，如牛頭脊、牛肩胛、手切牛、肥牛、一口牛肉粒等，價錢六百幾，初頭都覺得有點貴，但它的質素是高的，而且份量是多，貨真價實。另外，我們又點了牛舌、鵝腸、鴨血、花甲、冰豆腐等，這些配料當中，最愛的是鵝腸，首先是賣相十分精緻，餐廳把鵝腸掛上一個木架上，其次它的口感十分爽口、鮮嫩，百吃不厭。這火鍋店確實又好味，環境又舒服，很適合一大班人聚會，如果大家在七點半前結賬，還有六八折。

同朋友係旺角附近搵野食, 見到open rice 成都老碼頭評分唔錯就想去試下。我同朋友都鐘意食辣野, 所以叫左駌鴦湯底, 結果真係辣得過隱。 黃喉係個人最愛, 放落去滾十秒就食得, 爽脆彈牙, 建議放係辣個邊比較入味。鵝腸亦屬於正常以上水準。咁啱個高原雪花繡球菌做優惠, $10碟就叫左黎試下, 口感有少少似雪耳, 但更爽脆, 鐘意食菌類嘅可以一試。最後個老友鬼鬼其實係墨魚滑油炸鬼, 同朋友掛住傾計放耐左, 搞到油炸鬼有少少淋, 但墨魚滑好食。

本身在香港能吃到四川火鍋實屬難得，這家味道還可以還原度大概60%左右，但是價格太高，單是鍋底加兩份蘸料就已經超過200元，兩個人6份菜就645且分量也沒有很足。雖說晚上七點半之前離座有68折優惠但性價比仍然不高，四川小辣鍋底也沒有明顯的辣味。本說微信點單送飲品，點餐時服務生又推薦說每天都有不同的優惠菜品10元一份，特意又再確認過一遍才下單，結果埋單時告訴我只可以用現金，還說微信下單沒有優惠，經過協商才同意退錢。總之是不太好的用餐體驗。

講起麻辣火鍋，就會諗起呢間富有中國氣息和韻味嘅成都老碼頭火鍋裝潢有強烈中國風味，企係門口已經有麻辣火鍋嘅味道撲向鼻腔古色擺設，懷舊味道成間鋪共兩層，非常大及寬敞🎑自助調味吧 $25/每人🎑除咗有調味料之外， 仲有生果可以任食， 而是日嘅生果係西瓜及菠蘿🍉🍍🎇鴛鴦湯底 $158🎇一邊係豬骨湯底，而另一邊係紅油嘅成都小辣豬骨湯底有火腿、冬菇以及其他配料而紅油成都小辣就有滿滿嘅麻子及辣椒🌌日本a4和牛頸脊 半份 $198🌌油脂分怖均勻，以冰保持和牛的新鮮，入口慢慢溶化，配合麻辣湯底，非常過癮🎆蒙古羊肉 半份 $48🎆羊之騷味一流，肉味不錯🎑台灣鴨舌 半份 $40🎑鴨舌新鮮，鍾意食嘅人就會明白佢嘅吸引之處🌌 手工芝士墨魚丸 半份 $62🌌魚肉結實，內有芝士香，味道很夾🎇 自家製響鈴 全份$48🎇自家製響鈴炸得非常脆及鬆化，浸少許湯底食，絕對惹味🌌 解辣玫瑰冰粉 $32🌌由於湯底越食越辣，所以Order咗解辣冰粉試試，果然食一啖就會將辛辣味消除總結: 環境之美以及食材的鮮，令呢間火鍋鋪的客人客似雲來，一邊食一邊流汗，與辣下戰書，下一個挑戰者會是你嗎?😎

這間火鍋店是內地的過江龍，淨看裝修已經夠氣勢，一入餐廳門口已經有一個類似龍泉的水池仔，再行入D有小橋又有煙霧，十分強。餐廳共有兩層，估唔到都差不多滿座。餐牌有好多唔同火鍋配料，諗到頭都大，最後揀了幾款試試。點餐後自行到自助bar枱拿醬油、生果，更有圍裙提供使用。蕃茄+花膠雞湯底($208)，由於朋友唔食得辣，所以並沒有試到他們出名的麻辣湯底，但是這兩個湯底也不錯呢!蕃茄湯有點點蕃茄酸味，幾開胃。而花膠雞湯花膠大大隻，有半隻雞在內，湯滾後可先飲一碗才開始打邊爐，湯底很鮮甜。涼拌魚皮($38)，這裡的灼魚皮很爽脆，配埋酸酸甜甜的醬汁，很開胃!原罐桶蠔($188)，這裡的桶蠔非常肥美，而且好大粒，有差不多一隻手掌咁大，非常juicy!油豆腐串($28)，有這裡鮮甜的湯底冇可能唔食D吸味的配料，油豆腐串能夠吸收湯的鮮味!西班牙黑毛豬腩肉($86)，看上去好似好肥美的豬腩肉，但食落又唔覺得太油太滯，豬肉味都幾出!桂花蚌($78)，桂花蚌味道很甜，食落有點爽口!杞子龍眼菊花蜜($68)，這款飲品不會好甜，而且飲落有種好潤的感覺!總括黎講，這裡環境寬敞，食物種類又多，店員服務也不錯，值得再來!