成都老碼頭火鍋 (已結業)

聽男朋友講呢間老碼頭好正💯雖然近大角咀，但旺角地鐵站行過去都吾遠👍🏻.門面古色古香有氣勢🧨坐響卡位好舒適👍🏻menu選擇又多！叫咗個鴛鴦鍋，分別係宮庭藥饍同港式紅油麻辣，細心配合翻我想食辣但食吾到太辣既心💯好足料👍🏻再去醬料吧自己mix and match～男朋友大推既紅糖糍粑（$48）炸起後淋上紅糖漿同花生粉，香口又煙靭👍🏻現炸酥肉（$58）估佢吾到，醃得入味，炸得吾吾老，大滿足💯筷子牛肉($88)切成筷子粗度，醃得好入味，又有咬口，仲要放響筷子🥢上面好得意🤣左上個手打黑松露牛丸（半份$68）幾彈牙新鮮👍🏻黑松露味濃啲就仲正～右上老友鬼鬼(半份$58)鋪滿蟹子不得了！仲要滾完都都無甩好多，彈牙口感💯左邊既極品鵝腸（半份$88）好大份，烚10秒就食得，脆卜卜又掛汁，麻辣火鍋必食！💯右邊既紫薯寛粉($38)絕對係煙靭控大愛❤️烚一兩分鐘口感啱啱好！左邊既蒙古羊肉片（半份$78）吾太羶啱哂我心水‼️台灣面筋同平時食嗰種吾一樣，無咁油但都係索汁又彈牙👍🏻配翻椰青（$39）下下火，抱住個肚走🤣730pm前離座仲有68折抵食啦喂！

正宗四川麻辣火鍋近來四川火鍋開到成行成市我都試左唔少有D好高汁，有D完全只有辣味而不香就算同一個氣團旗下不同分店都差好遠今次朋友帶我黎呢間火鍋店地方有兩層 坐得非常舒服我地叫左藥膳湯底同四川麻辣湯底一上湯底嚇親😂勁多油🥶叫左安格斯牛，羊肉片，萵筍，竹笙，桂花蚌，黃喉（極少有，之前去另一間成日叫都叫唔到），鵝腸，黑柏葉，酥肉大推安格斯牛，超有口感，油花分布均衡😻入口有油脂，強推，估唔到唔係最貴個款牛都有呢種質素💕強推2: 酥肉，係其他舖頭食過嘅酥肉其實都好食，又脆。但呢間既酥肉有醃過食得出花椒香味，係暫時食過最好食既酥肉🤣醬料區亦頗齊全，仲有西瓜食可以解辣😛人均消費：$500/1 總評：係香港食過唔少火鍋，但都忠愛四川火鍋，呢間既湯底同菜真係算正宗。會再食😆

客戶推介的麻辣火鍋店，佢食過讚不絕口，他是四川人，佢話老碼頭是成都三甲火鍋店，最出色而且一定要試吓嘅就係麻辣紅油湯底，總店直送的。突然有兩日天氣涼返啲，即刻訂位，四川姑娘咁瘦可能都係因為食得多麻辣火鍋？哈哈！不過鍾意食麻辣火鍋的人通常都不分季節的，佢哋話要食辣辣到流晒汗先至過癮。成都 老碼頭火鍋 國內過百間分店，香港分店都有兩層，空間好大，店內裝修奢華，湯底用嘅麻辣紅油亦是來自總店，確保味道一致。火鍋湯底自選鴛鴦兩款 $178成都原味 - 無渣紅油麻辣湯 我自己覺得最特別最值得推介！雖然話係小辣都已經辣到我飛起，香料混合牛油提煉成紅油，食時唔會有細細粒的渣滓，湯底越滾越香。指天椒、大紅袍花椒的香氣很重，辣味層次豐富，辣度好很勁，紅油聞到陣陣香辣味，未食已經吞緊口水，刺激到一個點！雙拼了宮廷藥膳湯，藥膳湯底材料非常豐富 ， 都為自己留一條後路，如果食唔到太辣就可以飲啖湯滋潤一下，非常足料有淮山、沙參、玉竹、杞子，桂圓和紅棗等，滾出陣陣藥材香味 ，我喝了一碗湯 ， 味道濃郁，女生可以滋補養生。自助水果及醬料吧要讚一下有當晚生果菠蘿食，可以解辣，醬料吧配料十分齊備，最緊要攞一罐佢地自家製的調

雖然天氣已經開始轉熱，但仍無阻我去打邊爐的意欲，今晚我同囡囡又出動去覓食了！今晚去咗旺角這間成都老碼頭火煱，無論外貌和裝修都很有懷舊氣氛，裡面有上下兩層，我們被安排坐在樓上！我哋一樣係追求「鮮」味主要，所以湯底選擇了鮮淆豬骨湯！湯底好鮮甜😋😋 - 裡面還有好多大蔥、冬菇、火腿同紅棗添！日本-A4 和牛牛頸脊今晚的主角，當然無令人失望，食到舔舔脷!西班牙黑毛豬腩肉肥瘦均勻， 記住不要「淥」太耐，否則不夠嫩口！功夫腰片師傅刀工了得，切得薄薄的腰片，啱晒食火煱！彈牙牛筋丸個名冇改錯，真的好彈牙喎！👍即炸響鈴即叫即炸，夠曬新鮮！手工韭菜餃皮不太厚，肉汁豐富

係門口經已見到佢有特色既招牌 入邊裝修古色古香⛩⛩都幾靚同有特色 晚餐時間幾乎座無虛席 入到去啲伙件都好好招呼同好態度 講番啲野食 開胃小菜雲耳青瓜 海哲 用自家制麻油制作 口感同味道一流 必點👍👍 另外個雞腳都值得一試 入口清脆 仲有個重點推介既湯底 花膠雞湯 滾左飲番碗 係出面火鍋都可以試到鮮甜既湯水 即炸響鈴都好脆口 唔同出邊食開個啲 仲有鵝腸 口感煙韌 香滑既麻辣鴨血 做為川式火鍋來講 又唔係真係咁麻同辣（只係揀左小辣 唔敢試正宗既麻辣😬😬）睇來有改良過來迎合香港本地人既口味🤭🤭 仲有叫左一渣西瓜汁 俾小朋友飲 用來解辣都係一個唔錯既選擇 牛頸脊牛味幾足 肥瘦適中 口感嫩滑👍 牛舌口感爽脆 食落有有嚼勁 仲有入口即溶既和牛 用清湯洽一洽 保留番啲牛既味道同香味 一流

今日食Lunch 時經過成都老碼頭門口，聞到好香既火鍋味，所以就決定Lunch打邊爐。餐廳設計好有特式，有啲似宮廷感覺。卡位超大 ，坐得勁舒服，發現原來Lunch已經很多客👍🏻醬料區都好多選擇，全自助型式。湯底就好多選擇，有麻辣，醉雞等等。而我就選擇了比較補身的宮廷藥膳鍋。湯底有好多藥材，淮山杞子等等，香味十足。我飲了3碗才可以打邊爐，進補一下😂手切極品prime牛小排，牛味極濃，濃濃的藥材味也掩蓋不了牛味，好味呀。舌尖上的牛舌，一點也不韌，由於薄切的關係，放湯後很快就可以食，牛味也可以。雞子，好新鮮又靚，粒粒晶凝通透，大大粒，質數很高。珊瑚蚌，爽口彈牙，記得不要放湯太耐，否則會太韌及失去它的鮮味。老友鬼鬼墨魚滑，將墨魚滑放入油炸鬼內，一起放湯，油炸鬼吸收了藥膳湯的味道，又有墨魚滑的口感，強烈推介👍🏻炸午餐肉，這一個是我打邊爐必食的，午餐肉原本已經好味，再加上上湯的味道，完全將午餐肉的味道提升上另一個層次。整體來說，這是一間高級的火鍋店，服務好，食物品質高，大家都可以去試一下。

今晚同屋企人黎到好出名既成都老碼頭火鍋食麻辣🙈，太耐無食啦，一入到鋪頭，裝修非常古色古香，成間鋪都充滿麻辣味🥰，而且啲枱都好闊落，坐得好舒服。我地叫左鴛鴦湯底，分別係麻辣既中辣同埋豬骨湯🤪。個湯勁好飲，一嚟就飲咗兩碗先，非常之清甜。而麻辣湯底非常之夠火辣，辣度十足，辣控必食。❤️。另外，啲火鍋配菜都非常之好食，尤其係麻辣牛肉同手切肥牛，😘牛肉脂肪分布均勻，牛味濃郁。而麻辣牛肉更加出色，肉質嫩滑不特止，麻辣腌得入味，再經過麻辣湯淥，😋簡直冇得頂。。除左肉肉，😍其他都好正，魚滑同手打丸勁彈牙。仲有不得不埋提，呢個湯底勁啱食烏冬，又彈牙又入味，超好食😋。。

一行入老碼頭火鍋，裝修行中國風，古色古香咁，無論風格、擺設，都令人感覺好似置身係庭院式建築裡面！！✨我地兩人叫左一個豬骨湯底，味道非常之濃，用料用了火腿、冬菇、紅棗，實而不華✨火鍋當然唔少得肥牛，我地order左半份澳洲雪花肥牛，$82有6片，味道不錯，岩哂輕食既你~~~~~✨老友鬼鬼墨魚滑半份有4粒，與一般墨魚滑唔同，外面包左一層油炸鬼，淥過龍有機會分離，所以建議大家食既時候要睇住火候黎食~~~~

從前經常飛成都除了去成都睇熊貓以外食火煱亦是不可或缺的一個項目記得以前會跟同事到老碼頭吃麻辣火鍋這次跟舊同事相聚 大家不約而同想吃火煱就到了位於旺角的成都老碼頭來吃麻辣鍋當然要點麻辣湯底所以點了成都原味 無渣紅油麻辣湯小辣已有濃濃麻香 湯底滾起已後麻辣味更是香濃 另一面則點了花膠雞湯 湯底由雞肉慢熬而成所以絕對可以當湯喝極品鵝腸 （半份)一串串像掛飾的攞盤 夾起來更方便 單張亦窩心地提未最佳滾燙時間鵝腸非常爽口 滑溜溜鴨血 （半份）切得一片片的鴨血滑潤 沾在麻辣湯底更佳筷子🥢牛肉 秘製醬料醃製好的牛肉而且真的放在筷子上面牛肉上潵上芝麻吃起來脆脆的由於已醃好了 所以不沾醬汁也很入味功夫萵筍片 （半）及功夫土豆片 （半）切好片裝 並拼切成花型真的用了不少「功夫」紫薯寬粉平日寬粉見得多 但用紫薯製成的也是首次見紫紫的 非常吸睛吃起來跟平時的寬粉差不多只是多了一份微甜的紫薯味脆炸午餐肉 （半）平時火煱必吃之選脆炸以後即食便可 但我更喜歡滾一滾 沾上湯底的味道滋味更濃😋

再一次光臨了在旺角塘尾道的成都老碼頭火鍋，只是站在餐廳門口，嗅覺已經感覺到一陣濃烈的四川風味。老碼頭除以四川麻辣火鍋聞名之外，實際上餐廳亦有其他湯底選擇，是夜選擇了花膠濃雞湯，湯料非常豐富，半隻雞，大量花膠，素翅，竹笙等等，未開始打邊爐已經先品嘗三大碗湯，爽。雖則數月未有到訪，老碼頭仍然能保持高上水準，特別推介自制手打蝦丸，彈牙，好食。肉類方面推介牛小排及每次必點項目，牛胸爽，兩者口味完全不同，值得一試。

今日天氣涼涼地，經過見到有間懷舊色彩嘅火鍋店，於是入去食晚餐😋😋🌟鮮淆豬骨湯（$88）豬骨湯濃郁，加上有香菇，大蔥調味，令湯底升華，味道提升，湯底本身清甜再多左一份香菇味，唔錯😋😋🌟 極品鵝腸 （$88）鵝腸新鮮，腸內無肥膏，好爽脆，長度剛剛好，煮熟後唔會太短，必點😋😋🌟 澳洲雪花肥牛 （半份$82）牛肉唔會太肥，牛味濃郁，牛肉新鮮，厚度切得岩岩好，煮10秒就已經剛剛熟，下次食會叫一份😂🌟 老碼頭筷子牛肉 （$88）筷子牛肉經過調味，唔需要加任何醬汁已經夠味，牛味濃郁，必點😋🌟 菠菜墨魚滑 （$68）菠菜墨魚滑🦑好特別，將菠菜整成蓉再加上新鮮墨魚肉，爽口彈牙，墨魚滑多左一層味道，菠菜同墨魚原來都可以咁夾😋😋🌟珊瑚蚌 x 韭菜餃 （$68 & $39）珊瑚蚌爽脆，而且鮮甜，鍾意食海鮮既朋友必點😋😋韭菜餃自家製，肉質新鮮，韭菜份量多，而餃子皮夠薄，手工唔錯👍🏻👍🏻🌟 紅糖糍粑 （ $48）糍粑炸得外脆內軟，加上紅糖一齊食，打完邊爐必食既甜品😋😋

以前因Audit工作曾經到過成都仲記得果時收工就會去老碼頭火鍋暢聚一番無意中發現旺角都有一間就想嚟試吓店內裝修一樣有成都特色 很古色古香 環境亦光潔明亮入座先點好 麻辣拼豬骨湯底 $178個鍋真係超大超有氣食物選擇可以選擇半份或一份 非常貼心今次3個人食就點多啲半份 食多幾款丫嘛極品鵝腸 $88 - 新鮮少肥膏舌尖上的牛舌 $68 - 非常透薄 已醃帶有少許辣味滑溜溜鴨血 $36 - 份量多 抵食 真係夠晒滑牛胸爽 $70 - 我最愛食 牛味重又爽口甜心咸蛋流沙丸 $38 - 夠特別 試吓咸蛋味丸又唔錯冰豆腐 $26 - 索哂湯汁 正唐生菜 $28 - 價錢合理手工西洋菜餃 $39 - 唔厚皮 唔易散 肉汁豐富蛋餃 $35 - 幾好味 內餡夠紥實紫薯寬粉 $38 - 紫色好靚呀 有紫薯嘅香甜味紅糖糍粑 $48 - 又係份量多 好好味又抵食醬料 $25/位食得好滿意嘅一餐 仲有8折優惠👍🏻召喚火鍋控🔥不妨嚟試試成都火鍋嘅風味

把握冬天的尾巴 去食麻辣鍋先🤤🍲揀左鴛鴦鍋底 港式紅油小辣+豬骨湯底賣相吸引 湯底一上枱已經聞到好香了豬骨湯底好足料 仲加左火腿 菇類 大葱 紅棗等等 感覺養生💆🏻‍♀️.牛毛肚 鮮黃喉同澳洲雪花肥牛 一致認為係必食之選牛毛肚下湯15秒左右就食得 爽口 有點脆脆的鮮黄喉就恰大約10秒 同樣爽口彈牙 點埋自己調製既醬油無得彈🤤🐂雪花肥牛厚薄適中 肥瘦均勻 雪花紋理好靚 入口好香牛味 肉質嫩👍🏻.牛筋丸我地一致認同好好食 咬落好juicy好香有爆汁既感覺 入面有啲透明一粒粒既牛筋 彈牙十足～配返罐天地一號🧃蘋果醋gur一gur啖氣 果然 同麻辣鍋🌶好夾土豆片同萵荀片切到好似一朵朵花咁靚鐘意佢唔洗煮太耐先食得 而且好快就入晒味.依家優惠時段仲有8折 好抵食啊～

天氣轉涼，突然間好想打邊爐🍲。今次有機會和朋友夾到時間食這家裝潢古色古香既氣派飛凡的成都老字號火鍋🍲店，地方寛敞，樓高兩層，設有卡位雅座，坐得舒服。宮廷藥膳火鍋🍲湯底： 藥材味濃，用上山藥、黨參、紅棗、杞子、真材實料，黨參能夠補中益氣，淮山能夠健脾補肺，好養生。食之前當湯飲碗都不為過，飲兩左兩大碗，好補呀 😍店內提供自助水果🍉和醬料，當天有甜到爆汁的西瓜🍉同蓮霧🥰解一解辣太好了。必食自制油碟用上老碼頭火鍋秘製香油加上適量生蒜🧄、香菜、蠔油🦪、蔥、醋同鹽，拌勻，有降溫提鮮效果。開胃小食：麻辣鳳爪，嗜辣者不能放過，大量辣椒油，鳳爪都算易LUN，骨肉分離，連腳筋都食到，香辣味濃。嫩滑鴨血：食落如豆腐般嫩，蘸上油碟，香油味濃郁，蘸上乾碟更有複合香味，帶點肉味，淡淡藥膳湯底味。極品鵝腸： 拖一拖水， 一分鐘好放入口，保持爽脆無難道，一吃再吃。老友鬼鬼： 墨魚🦑滑釀入油炸鬼，魚滑上放上爽脆蟹子，鮮上加鮮，油炸鬼部分吸收曬藥膳湯味，墨魚滑彈牙得很。冰豆腐：第一樣要淥就是冰豆腐，趁湯底味受污染，吸收藥膳味精華所在，呈蜂巢狀，食落爆汁， 小心熱。韮菜餃子🥟：每日人都新鮮包製，皮薄餡靚，每啖滿滿韮菜，充足

一開門已經有陣陣麻辣香氣飄入我嘅鼻腔，雖則今次我同朋友只係兩個人一齊尼打邊爐烚下烚下，但居然都有得坐大枱，真係唔洗驚會坐得唔舒服，而且依度嘅服務質素都幾高，長時間有一位職員喺枱邊企住，不時主動添加湯底、斟添飲品、斟水等等；洗手間內有擺放漱口水，令顧客可以去除食完火鍋嘅口氣。爆菊花鮮蝦滑，多麻少辣，辣度3分，口感彈牙，味道獨特。瘋狂辣牛肉，表面鋪滿花椒、辣椒，辣度6.5分，食落好惹味。功夫千層肚，口感厚身，食落好爽口。花甲，食落好新鮮，肉質肥美，味道鮮甜。A級五花肉，五花肉肥瘦相間，油脂味濃。皇帝雞件，份量多，肉質超級嫩滑，肉味濃厚。糖心芝士魚蛋，糖心芝士味道咸香帶甜，流心效果突出，魚蛋口感Q彈。娃娃菜，口感鮮嫩，味道清甜。冬菇，食落好Juicy，菇味濃香。稻庭烏冬，口感爽滑，容易掛湯。蕃茄湯底，味道濃郁，好足料，內有冬菇、蕃茄、大蔥。柚子青檸梳打，青檸、柚子兩者味道互相中和，飲落好清爽。鮮芒果布丁，芒果味道酸甜，布丁食落充滿芒果汁味道。自助醬料及水果吧，收費睇落略為有小貴，但實際都值回票價；醬料種類高達13種，包括自家製香油、乾碟、黃豆、蔥、生蒜、香菜、炸蒜、指天椒、芝麻醬、蠔油、醋、