憶食尚臘味煲仔飯

營業中

休息中

早排去開佐敦果面做嘢，無意中發現有間裝修好靚！成餐西餐廳咁但原來係食煲仔飯嘅餐廳😂望落價錢又唔貴，同班同事又想坐耐少少可以傾多陣，所以就揀咗呢間食Lunch🍽✨芥菜排骨煲✨食落有好香嘅胡亂味！排骨炆得好嫩👍🏻啲肉吸收哂湯汁嘅精華，食落啖啖肉☺️就算空口食都唔會覺得鹹，調味做得啱啱好🤤✨手工黃金麵✨好特別嘅一款小食！其實係將佢哋自家出品嘅空心麵炸起佢製作而成！新鮮即叫即炸，咬落暖暖哋！卜卜脆😋配埋個糖醋汁，酸酸甜甜真係超級開胃‼️✨煎海鯧魚✨呢款魚嘅菜式相信都係呢間餐廳嘅招牌菜之一👍🏻煎落好香口，魚肉嘅肉質十分嫩滑，不過個人就覺得最好都係配返啲飯或空心麵食會好啲，因為如果空口食會有點鹹☺️之後叫返個主食，佢哋嘅招牌菜式之一，✨鮑魚XO醬撈空心麵✨呢款撈麵個麵底真係好好好好食呀😍食落帶點煙韌，就咁望佢外表咁幼身嘅麵，估唔到煮出嚟係咁嘅口感👍🏻個XO醬真係好好食，鮮味十足，一啲都唔味精！食完唔會口乾，果然真材實料💕一餐又唔貴又好食又坐得舒服嘅中餐廳而家真係越嚟越買少見少！呢間本人覺得絕對係誠意推介🥰一定會再有下次‼️

佐敦文匯街出名美食多 今晚去咗食煲仔飯裝修好靚 唔似大排檔 入到去以為自己食西餐😚服務就更加唔話得 招呼周到睇到餐牌有好多臘味煲仔飯叫咗個手工空心掛麵 酸酸辣辣 啲面超彈牙 應該係手拉面吧我最鍾意食煙煙銀銀嘅麵仲有呢個板鴨蘿蔔糕連湯都飲晒佢最出色嘅臘味真係好好味 好有鹹香嘅味道不過都要清清地叫碟菜 都配有小小臘肉吊味👍🏻我見佢啲餐牌仲有好多嘢食 好想食 心諗應該要帶阿爸阿媽黎食下 佢哋實好鍾意 有咁多款嘢食價錢又唔貴 係同阿爸阿媽慶祝生日之選有機會要再食再食！

天氣轉涼就岩哂食煲仔飯，但之前去過廟街食又覺得麻麻地，所以突登上openrice睇，見到呢間好高評價，所以就決定試一試!老闆娘介紹我地食芥菜排骨煲，芥菜既量好多而且好鮮甜又爽脆，排骨都煲到好淋一咬就鬆哂。重點係個湯，有少少胡椒味再加芥菜既鮮味，好出色同埋可以暖胃，我地兩個人可以每人都飲到兩碗，計返價錢其實一D都唔貴!特色臘味煲仔飯(小)另外我地都叫咗個招牌菜特色臘味煲仔飯，有臘腸、臘肉同埋雞件，店員會幫你加鼓油同埋撈個飯。成個飯都吸收到臘腸既精華，有油香而又唔會太漏，臘腸係佢地自家制既所以肥瘦度適中，用嚟做煲仔飯岩哂，一D都唔會油膩。臘肉係用過茅台腌制過所以都食到少少酒味而又唔會搶走臘肉既香味，好出色!最後仲有個油菜，蠔油係佢地自己再調味所以比起一般食到既更有鮮味同埋蠔味好突出!加上環境舒服而店員既服務態度好好，好適合帶埋屋企人一齊靜靜地食個飯!

今日嚟咗佐敦探親戚，探完親戚經過呢間憶食尚臘味煲仔飯嘅餐廳，見到裝修和環境好精緻😻好靚，於是同老公入咗去食晚飯😋餐枱上的餐具好特別😻坐低之後職員問我哋飲咩茶，我哋揀咗菊花，菊花茶好清香👍🏻我哋叫咗四季豆幹煽雞髀菇🍄清蒸川味腸🐷鮮醃鯧魚🐟荷葉蒸飯🐔御髮膳粥和柚子水😋四季豆幹煽雞髀菇辣辣哋，好惹味，雞髀菇好爽口👍🏻清蒸川味腸，真係第一次食有辣味嘅臘腸🥰感覺好特別，臘腸配埋蒜片食都幾好食😋花生好香口🥜👍🏻鮮醃鯧魚呢個食法都係第一次食，嚟到第一個反應係覺得師傅刀功好勁，鯧魚咸香鮮味，魚邊位仲係脆卜卜，真係超級好食😋荷葉蒸雞飯，啲雞好滑又嫩口，飯好煙韌有口感，每一啖飯都充滿荷葉味，Yummy😋御髮膳粥由有機黑米，糯米，蓮子，花生，蕨麻等材料整成，口感煙韌，唔會太甜，加埋椰汁就更好食🤤柚子水都好濃柚子味，飲完好解渴👍🏻餐廳裝修真係好靚😻環境好舒適🥰職員又友善，職員同我講餐廳嘅食材係自己廠造，咁就食得安心又放心💖

就來入冬，突然好想食煲仔飯搵左幾間，最後決定左來文匯街呢間”憶食尚臘味煲仔飯”。地點好易搵，近柯士甸站附近，或者係佐敦站直行過來都可以。入到餐廳，見到主要係藍色色調，連桌椅裝潢都比較西式，加上食物的話，有D中西合璧的感覺，有點驚喜。看餐廳名字就知道，呢度主要係食臘味的。我地就叫左呢度既招牌菜：川味臘味煲仔飯。有分小份及中份，因為我地係2個人，所以叫左小份。另外我地仲叫左菠蘿咕嚕肉同埋白灼菜心。有前菜提供，係酸醋醃蘿蔔青瓜，好開胃。另外吃完臘味煲仔飯又可以食下前菜解膩！川味臘味煲仔飯，開頭以為成個飯都係辣既，擔心好辣食唔到，點知自己的擔心係多餘既。入面有臘腸、臘肉同埋臘鴨。主要發出辣味的，只係臘腸。臘腸的辣係麻辣，係好香口的小麻辣，食唔到辣的朋友基本可以接受到。臘腸同臘肉望落有肥豬肉，以為會好肥。但係食落愈咬愈香，加埋白飯一齊咀嚼，簡直不得了！製作煲仔飯時，幾款臘味既肥油滲透落D白飯度，令到每粒白飯都閃亮亮的，有油香味！臘鴨唔會一味死咸，望落好乾身其實食落唔係。3款臘味都有其獨特之處，唔怪得係招牌菜！至中意煲仔飯產生的飯焦，燶燶地，好好味！菠蘿咕嚕肉，呢個都值得推介！醬汁甜甜酸酸的，送飯

三色酸菜 $25有白蘿蔔紅蘿蔔和青瓜，爽脆開胃，一條接一條不自覺已吃完😆籠仔荷葉蒸土雞飯 $98帶點鹹香和荷葉香味的燴飯，雞肉彈牙，係新鮮雞，不過要小心碎骨比較多。飯粒都充滿雞鮮味，令人再三回味清蒸川味臘腸 $68臘腸切片，原來就咁食一片臘腸都唔鹹，相信係設計俾人就咁食嘅，而且呢個係川味臘腸會有少少辣，仲有配搭蒜片，夾住一齊食真係未試過，好新穎同刺激味蕾清蒸鮮醃海鯧魚 $88好特別既做法，應該係先醃左魚再清蒸，鹹鹹的但又不失鮮甜四季豆干扁雞髀菇 $88帶點辣的干扁四季豆，即炒好夠穫氣，略嫌份量比較少甜品御髮膳粥好似係紫米露加熱紅豆沙既味道，十分有飽足感

一開始見到佢個名有煲飯，所以就比佢吸引咗，之後先發現原來個地理位置都有少少吾方便，係柯士甸岀去都要行一陣先到。不過一見到個鋪面，就同我想像中好吾同，佢都係一啲幾grand既中式餐廳。入到去店員就問就我地飲咩茶，我地揀咗菊花茶，因為平時係其餐廳都好少有菊花茶，所以就要試下，個味道真係幾清香。香煎土豬肉，肥瘦適中，塊肉都切得好薄，而且肉質仲吾錯，最重要係加番佢既秘制醬油真係好正。清蒸臘味拼盤，包括有臘肉、臘腸同埋臘鴨，我最欣賞臘鴨，因為平時食開既都好乾同埋吾滑，但佢既肉質係做到曬乾咗都仲係滑既。臘肉都肥瘦分明。酸辣湯空心麵，個湯真係好惹味同埋開胃，因為佢既辣味吾會太重而蓋過啲酸味。手工黃金麵，依個其實係炸麵餅，不過佢既特別之處係外脆內軟，中間係無炸過既麵，所以一齊食既時候都吾會覺得太過熱氣。最後叫咗個上湯浸菜芯，啲菜芯都幾新鮮。嚟埋個紫米露就真係perfect。

一到秋冬就好想食臘腸, 大食妹今次帶大家嚟到佐敦去－間幾唔錯嘅餐廳食下廣式臘腸<X.O 醬鮑魚伴面>去食飯點都要嗌返啲飽肚嘅飯麪類, 今次我地就揀左xo醬鮑魚拌麵麪質比較軟熟, xo醬嘅量都幾多, 配上一隻小小嘅鮑魚, 都幾唔錯<手工黃金面>另外我地仲嗌左個黃金麪, 麪底應該係米粉, 外脆內軟配上酸甜醬, 味道好似飲茶時食到嘅炸雲吞<雙味臘腸貝殼包>雙味臘腸顧名思義係有兩種味道嘅臘腸一種係我哋平時食開嘅原味, 而另一種就係川味...整體臘腸偏向半肥瘦, 原味食落去有少少鹹鹹甜甜, 川味就比較麻辣, 加埋貝殼包, 味道啱啱好<霸皇蔥油雞>霸王蔥油雞雞肉鮮嫩, 食落有少少似豉油雞咁鹹鹹地<板鴨蘿蔔煲>板鴨蘿蔔煲湯底就比較清淡, 有少少胡椒味, 再加入鹹鹹嘅板鴨同鮮甜嘅白蘿蔔, 好有冬天嘅味道

秋風天氣開始轉涼，系時候約朋友食煲仔飯食煲仔飯唔一定要去廟街咖，難得約列朋友仔一齊食飯，專登搵間靚仔D的餐廳食<廣式臘味煲仔飯$88>臘味煲仔飯有齊臘腸同潤腸，仲有臘鴨，好豐富臘腸、潤腸、臘鴨份量唔欺場，煲仔飯的靈魂系飯焦，食完個飯食埋D 飯焦好開心不過，美中不足的系，個飯可以再lone d <清蒸鮮腌海鯧魚$88>呢個海鯧魚口感似曬干左的魚乾，但又無咸魚咁咸，口感幾得意，脆卜卜又唔肥膩<川味臘腸炒蛋$68>Fatbrown 最鍾意呢味炒蛋，蛋香勁炒到滑嘟嘟半生熟，加埋臘腸吊味，好味指數可以送到十碗飯<芥菜排骨煲$78> 健康菜湯，幾鮮甜無味精系列，食完D唔健康系列都要飲番碗湯咖，呢個無味精芥菜排骨湯好清淡，用胡椒吊味，幾好飲咖

今日渣左車返工，放左工老公話反正揸車不如搵個易泊既地方，諗諗下都好耐無食煲仔飯不如去食，本來想去廟街，不過好難泊車，所以上op搵間係文匯街個頭既煲仔飯餐廳。一坐低已經見到間鋪頭好四正好企理，唔係街邊個d, 裝修係幾好不過都要食下野食得唔得。我地叫左霸皇蔥油雞，雞好滑同實肉，好食。芥菜排骨煲，正正常常小菜份量算多。鮑魚XO醬伴麵，超正呢個鮑魚麵，好似話係特色野，雖然得一隻鮑魚，但咁抵食算收貨啦。雙味臘腸貝殼包，呢個好特色，幾得意，平時夾金華火腿就多，無諗過配孖腸都幾夾又好食。最正就係條魚（一見鍾情海鯧魚）同（臘味煲仔飯）魚又滑又得意，唔會太鹹又蒸得剛剛好，煲仔飯料多又有飯焦😝😝👍🏻👍🏻呢餐食得好滿意，最緊要泊到車🙈🙈

已經好耐無同爸爸食飯今日難得佢又放工 我又放工係柯士甸站乎近搵到間煲仔飯交通方便 鋪面睇落新裝修 乾淨先叫茶 鐵觀音廣式臘味煲仔飯煲仔飯緊系主菜 熱辣辣 侍應會問你加唔加蔥 豉油 我呢 就緊係加哂 然後蓋好 等10分鐘 焗出飯蕉 夠鐘食時再攪攪攪 米飯粒粒分明成功焗出飯蕉 臘腸唔會太油 豉油加小小已經夠味 臘鴨唔太硬 我爸爸話好香2人分量 侍應會主動協助起飯蕉 細心芥菜排骨煲排骨芥菜淋就不在下話 連湯都可以飲川味臘腸抄蛋蛋抄得滑滑的 有光澤 臘腸帶有小許辣味 有別於其他臘腸 第一次試👍🏻鯧魚待應表示是蒸的 口感似咸魚質地 但又無咸魚咁咸 滿足到愛食咸魚既人 又健康啲甜品御發膳粥 另加上椰漿 紫米 豆 等 又唔會太甜 大愛真心覺得好適合同父母黎 又唔會太嘈吵 食物又唔會太重味眼闊肚窄 飽到一個點 但值得的❤️

今晚同老婆同兩個渣車去到佐敦柯士甸附近搵食，貪佢易泊車，搵到有間煲仔飯好似幾有特色環境唔錯，夏天咁耐都冇咩食過煲仔飯、就去試下。裝修好靚靚過平時去既酒樓，d野食平時好小見到，我地4條友都叫左幾多野，叫個臘味煲仔飯，好足料，其中一個辣辣地既臘腸之前冇食過，好惹味臘腸炒蛋原來都幾配，個炒蛋夠哂滑芥菜排骨煲d排骨好林，清清地板鴨蘿蔔煲係臘鴨同白蘿蔔整既湯，第一次似原來可以咁整蔥油雞係用土雞，好有咬口唔係冰鮮雞有個好特別既蒸鯧魚，咸咸地好滑，餸飯一流試下新野好過食黎食去都係哥幾間

好友介紹了一間食臘味出名的食肆，位於佐敦文匯街，地點方便易搵。“秋風起食臘味”真係永恆的金句 ，當秋意漸濃的時候自不然會想起。清蒸臘味拼盤臘腸，臘鴨，臘肉三款。採用芧台酒和土黑豬秘製而成的臘味，入口有酒的微香。臘腸肉質軟熟，不含過多肥肉，惹味香口。臘鴨皮薄肉結實，不油膩。臘肉雖然肥位多於瘦位，但肥位入口卻帶爽，滿腔脂香。香煎土豬肉軟腍的土豬肉，肉味清淡，靈魂在於醬汁，生色不少。上湯浸菜心時令菜心鮮嫩可口，吸盡上湯精華。手工黃金麵脆卜卜的黃金麵，蘸少許甜酸醬，味道更加豐富。酸辣湯空心麵空心麵有點似麵缐，熟度剛好，不會太腍。酸辣湯底對我而言，比較辣了少許，不過味道惹味有開胃感。

之前一直好想黎呢間餐廳食飯，今次終於約到朋友黎食了我地點了鐵觀音茶，個杯好靚呀「清蒸川味腸」是帶點川辣的薄切臘腸，另附蒜片，可以跟臘腸片一起吃不過辣度會加倍呢～ 清蒸臘肉保留了一點臘肉的油份，肉質不會太乾，有咬口「四季豆乾煸雞比菇」炒得好香口，雞比菇juicy, 味道偏辣「鮮醃鯧魚」鹽醃的鯧魚煎得好香口，皮脆肉嫩，咸香的魚肉好適合送飯「荷葉蒸飯」飯底吸收了荷葉的香味和雞肉的鮮味，味道香口，配上嫩滑雞件和薑絲，味道不錯最後是我最喜歡的甜品「御髮膳粥」由黑米、黑芝麻、蓮子等材料煲成的粥，口感像紫米露，淡淡的香甜味，再配上椰奶的香味，絕對是encore首選

憶食尚臘味煲仔飯，顧名思義係以臘味及煲仔飯馳名，位於佐敦文匯街嘅億食尚！ 以獨特嘅方法炮製臘腸，以茅台酒加土黑豬做臘腸是比較特別的 。今日與朋友到嚟幫襯，我們點了籠仔荷葉蒸土雞飯，清蒸川味臘腸及香煎鮮腌海鯧魚及四季豆乾煸雞髀菇。首先荷葉飯用籠仔盛載而上，材料方面，用薑絲，冬菇，雞及飯，用荷葉包裹著，原汁原味上檯，所以荷香味特濃。 至於香煎鮮海鯧魚做法亦比較特別，魚是新鮮嘅鯧魚，由於係醃製關係，所以食落帶鹹味但它又不鹹魚！感覺是怪怪的但因為煎到脆的關係, 食落卻特別爽口。至於清蒸川味臘腸，這個就真是不知如何說起，雖然他是一片薄薄的臘腸，但與我們平時食開的臘腸倒是有分別， 薄薄的一片臘腸雖有豬肉，但並不肥膩，由於是秘製及要有四川風味所以有少許辣味。 至於餐廳環境方面，非常簡潔。待應亦非常殷勤及隨和，令人有一種賓至如歸的感覺 總括而言，花費數百元而有如此享受！我覺得非常值得。