憶食尚臘味煲仔飯

營業中

休息中

天氣凍凍的，最好食暖笠笠的煲仔飯，相約友人來佐敦這家專門店食臘味煲仔飯。雖然主打煲仔飯，但店子裝修高雅，像一家高級西餐廳，沒有一點老土感覺。 陝北手工空心掛麵，店員表示這麵特別用上俄羅斯無基因麵粉，以陝北第五代傳承的古法手工製作，特點在於使用酵母作自然發酵後呈現空心，好特別，第一次遇上。點了一道鮑魚XO醬拌麵 $88，麵條幼細清爽，XO醬帶微微花椒香，口感細膩。看餐牌另有一道像雙面黃的做法，想像會添一點脆香，下次可以試試。廣式臘味煲仔飯 $148，臘腸選用自家放養的土黑豬，以瘦肉跟肥肉七三比例，加入茅台製造，健康無添加，而帶辣的川味臘腸則是八二比例。煲仔飯另一重點的飯是用五常市長粒香米，米飯粒粒飽滿，有米香而有嚼勁，南安板鴨亦不會死鹹，臘肉切薄片，肉味平均滲入飯中，加一點點自家製醬油提鮮，啖啖可口。喜歡飯焦的朋友更開心，火候控制得宜，飯焦金黃而脆口。這個冬天的第一煲煲仔飯很有水準喔。因為臘腸實在精彩，禁不住買下真空包裝的臘腸，我們一人一包帶回家跟家人分享，未吃已感溫暖。原來店子有提供包裝好的便攜裝臘味煲仔飯套裝，包括有鮮肉臘腸、南安板鴨、五常長粒香米及醬油包，只需放入電飯煲便可，實在方

之前聽同事講過呢間煲仔飯唔錯，今日過開黎佐敦食野就試一試佢雖然唔近地鐵站，但間餐廳坐落喺佐敦食街（文X街一帶）嘅最外圍，好容易搵到餐廳有2層，環境非常闊落，我地坐地下嗰層對住落地玻璃，午飯時間D陽光正好照射入黎，寒冬中都感受到溫暖同平時食煲仔飯感覺完全唔同，感覺似茶樓多D，一黎待應就會問你飲咩茶，又會成壼咁上俾你，唔洗驚食到一半口喝又冇人加茶4個人叫左以下食物：特色臘味煲仔飯 $148/小份一見鍾情(海鯧魚) $88/例清蒸土豬 $98/小份酸辣手工空心湯麵 $78/碗時令蔬菜 $68 x2

Lunch hour落到街都覺得好凍...同事話不如試下間臘味煲仔飯~望住個餐廳名, 心諗:唔叫臘味煲仔飯都過意唔去啦~所以問左店員有咩推介之後就叫左"特色臘味煲仔飯"、"一見鍾情(海鯧魚)" 、"清蒸土豬"~我們坐係地下個層~有個落地玻璃可以望住出面~Lunch hour個陣,陽光輕輕咁曬入黎~都幾舒服清蒸土豬幾得意, 不過有層脂肪係中間, 配個豉油好好食, 我覺得個豉油好出色!雖然食唔出除左豉油仲有咩, 不過相信唔只係豉油, 應該有溝其他醬油!~"一見鍾情(海鯧魚)" 絕對係因為個名得意而叫, 條魚應該係有醃過, 因為食得出有咸味, 有D似未抽乾水的鹹魚, 質感又食得出魚肉!幾得意~重點來了~特色臘味煲仔飯~臘味有臘肉,臘腸, 臘鴨; 煲底有少少飯焦~其實食飯除左"食物"之外, 我覺得餐廳氣氛都重要; 原本以為食煲仔飯的地方都是大排檔多, 但今次呢間餐廳係行高檔路線~開壺菊花茶, 晒下太陽咁食住飯都幾寫意, 算係忙裡偷閒~埋單臨走, 見到有賣下臘味, 同事忍唔住買左包臘腸

終於都感受到冬天的來臨, 因為Lunch hour落到街都覺得凍...所以同事就建議左去食煲仔飯!同事話之前食過"憶食尚"覺得幾唔錯, 所以山長水遠咁行過黎~望住個餐廳名, 心諗:唔叫煲仔飯都對唔住自己啦!所以一坐底咩都無理就叫左個"特色臘味煲仔飯"、同叫左個灼菜!菜心好粗好大條, 所以亦到好老; 跟菜心有個蠔油, 蠔油隻色比一般的"李X記"蠔油更淺色, 隻味亦有少少怪!重頭戲黎啦, 個煲仔飯上枱望落真係好靚仔, 有臘肉, 臘腸同臘鴨,仲有2條小棠菜~但個職員唔識處理煲仔飯, 佢落完個豉油無點焗, 搞到個飯底好少飯焦!!就算有少少焦,都係我鏟得勁辛苦先有!!無飯焦的煲仔飯算係煲仔飯咩!!!?臘味超級咸, 咸味完全無落過白飯到!臘腸好油但D油係唔香既!搞到臘味係臘味, 白飯係白飯,完全唔夾!!除左店員態度好之外, 成餐飯都無樣好!最後頂唔順同同事埋單走人去買個包食算數!

餓底差不多咩都啱食，近幾日開始凍，忽發奇想走來試下臘味這種傳統食物，感覺暖笠笠啲！餐廳的裝修好elegant，藍綠白色為主色，望落好舒適，就連椅子都靚過人，唔知仲以為係做high tea既餐廳！特色臘味拼盤臘腸用瘦肉製作，唔肥唔膩但好夠香，唔硬，易咬，大人細路都啱食！鴨肉唔酥，瘦而不柴，食一啖慢慢咬，香味越咬越出；臘肉望落晶瑩剔透，靚呀！食落竟然有點蜜汁燒豬肉乾的味道！令餓底對臘肉完全改觀呀！籠仔荷葉蒸土雞飯一上枱，飄來陣陣荷香，香到隔離枱都應該聞到，侍應好細心幫我們打開荷葉，順道讚下這裡的服務，侍應會幫我們斟埋茶，好好服侍！講返個雞，好滑，肥瘦適中，飯有色，應是豉油，餓底好陶醉呢個飯既荷香😌菜心配自家製蠔油，鮮味十足！正呀！

今日收工同同事系公司附近搵野食行到去佐敦見到間煲仔飯天氣咁凍決定去試試一入去見到裝修得幾靚門口仲有COUNTER系直接賣臘腸臘鴨既而且仲已經放左聖誕樹，幾有氣氛一坐低就開左菊花茶，好香～叫左個酸辣湯麵酸味好勁，辣就麻麻地，可以接受，但系第一啖真系有D攻食落就覺得好過癮，面質地有D似上海面咁，浸住湯都唔會好林之後再叫左個臘鴨湯麵開頭以為個湯會好清，但系原來吸曬臘鴨味如果鐘意食臘鴨既推介要試下呢個個鴨都唔會好硬，仲好香之後叫左個排骨芥蘭煲黎到仲滾緊，熱辣辣食好正可惜份量比較細，好快就食完之後仲叫左呢個蒸魚好得意，好似比人斬左件嘛配埋姜絲同蔥都好好食又唔會好鹹，可以一試最後緊要煲仔飯啦好多雞，蔥同鼓油都分開上，就番你自己調味飯粒分明，又唔會好乾，加埋鼓油再局一局之後起到飯焦幾正，好脆好香天氣凍食真系一流！！

今日好凍呀！！！！收工決定同同事食煲仔飯因為我地幾個又想傾下偈...坐得舒服d..我就醒起..朋友屋企附近有間modern裝煲仔飯..就黎試下啦呢度好方便，西鐵出口行一陣就到..唔難搵ge如果就咁經過唔為意..真係唔會lum到呢度會有煲仔飯食又到聖誕又到聖誕呀…原來呢度仲有好多自家製產品比您買走一坐低waiter哥哥好nice問我地要菊花定鐵觀音睇睇餐牌..佢粉面、飯、粥、小菜、甜品、套餐都有！影唔到咁多我地4個人..決定散叫乜都試下酸辣川味腸空心面 $68又橙又紅..視覺上已好刺激面質似上海面..淋淋地ge..湯底好正呀！夠酸夠辣！板鴨空心湯面 &78呢個湯底好重臘鴨味一見鐘情 (海鯧魚) $88/例原來呢個係咸魚黎架我睇餐牌張相無為意，就叫左lar！魚質食落有驚喜喎..本身都擔心叫錯野..就咁食應該會咸到癡線啦..點知！佢係淡淡的咸然後又帶鮮架！絕對唔會無左魚ge鮮味！呢個得呀！芥菜排骨煲 $98/例呢個湯連肉連菜清哂絕對無問題..好鮮甜香菇滑雞煲仔飯 $156 /小份煲仔飯最後先上..製作用時..建議黎ge話先order煲仔飯再慢慢點其他菜煲仔飯合唔合格..一定要睇有無飯焦吧

天氣轉涼係時候食番個煲仔飯。想食得舒服啲就揀左呢間裝修幾靚既餐廳。黎到發現個裝修好似一間高級西餐廳咁，完全唔會覺得係一間食中菜或者食煲仔飯嘅地方。呢度嘅枱布同埋牆上嘅佈置到十足一間西餐廳。我哋今日點左一份芥蘭、一份菠蘿咕嚕肉仲有一個煲仔飯。清炒芥蘭（ $68 ）份量都幾大，每人都食到六條，食完都幾飽肚啦已經。呢度嘅蠔油就冇平時食嘅咁深色或者咁鹹，幾特別。菠蘿咕嚕肉而家做緊特價（原價$68 ， 宜家$48就食到啦）。味道調得唔錯，酸酸甜甜，肉都幾多，算係幾抵食嘅一道菜。川味臘味煲仔飯（$88），黎到侍應就幫我啲攪埋啲飯。食到咁上下就幫我地起埋飯焦。時間控制得幾好，唔會真係燶到黑曬。臘味份量正常，因為係臘味，味道固然鹹少少，配飯食啱曬。

去完朋友家，在樓下的餐廳吃個午餐才回家，見到有間裝修時尚的食尚的中式煲仔飯店，於是入去試一試。從近聖誕節，餐廳門口放了一棵大大的聖誕樹，加上周邊簡單的裝飾，節日氣氛濃郁。一入餐廳，侍應便迅速安排座位，再問飲什麼茶，不足兩分鐘，茶便送到枱上，十分有效率。食物方面，點了南安板鴨粥和番茄雞蛋湯麵。南安板鴨粥的鴨味道充滿咸味的味道，配上棉滑的粥底，在近期轉冷的天氣食，十分暖胃。番茄雞蛋湯麵方面，不只盛載的湯碗大，碗裡的用料亦十足，炒蛋估計用兩、三隻的分量，番茄蓉鋪滿湯面，每口湯麵都能掛上新鮮可口的番茄蓉，十分滿足。論食物、環境、服務，這餐廳都很值得再光顧，下次要吃煲仔飯！

煲仔飯店係佐敦有好多擇選，但要揾間坐得舒服又靜靜地傾到計嘅確實有少少難度，今次朋友的確有好介紹，依間煲仔飯店裝修走高級路線，座位闊落，勝在樓底高有空間感唔會嘈，餐廳又舒服又乾淨。原味鮑魚XO 醬非常足料，有一絲絲元貝、金華火腿、蝦乾及蝦子，口感豐富。鮑魚雖得一隻，但口感軟腍，鮮味十足。另外麵條口感輕韌，配上XO醬啖啖都食到鹹香味，加上青瓜絲味道剛剛好。餐廳職員介紹一見鐘情俾我地，一個完全唔知係什麼來的菜式，聽到一頭濛水，既然介紹到又咁特別就一於試下。原來係鮮腌海鯧，第一次聽同食鮮腌鯧魚，起初怕煎會更鹹同更乾。但一試之下果然出乎意料之外，外皮煎得金香，魚肉鮮滑，有別於傳統鹹魚嘅乾硬肉質。白灼菜心一點也不單調，上菜時配上一碟自家製蠔油，蠔味重鮮味濃得嚟唔會過鹹，味道適中。

天氣開始凍，最啱食返啲熱野！除咗打邊爐之外當然就係時候食臘味，煲仔飯啦。佐敦（其實近柯士甸）呢個area都多野食，之前都黎過食野，但覺得環境就麻麻。估唔到呢間煲仔飯店環境又幾好喎！裝修好新，舒服，唔似一般嘅煲仔飯店。一入到去門口仲有臘味賣。服務員好好即刻帶左我地坐呢個兩人位，坐得舒服，感覺乾淨，而且擺設精美。餐牌菜式選擇都唔少！除左有煲仔食，臘味，仲有粥，魚，菜等等，唔想揀嘅仲有套餐！今日我地兩個人唔算餓，所以叫左個臘味拼盤，雞粥，同菜芯。而同時服務員會幫手沖茶！土雞粥熱辣辣正呀！粥底好有雞味，而且滑雞足料，好多件，肉質嫩身。粥亦都好綿，整體唔錯！特色臘味拼盤重點臘味到啦！呢度最出名嘅應該就係臘味。好香！我特別鍾意食臘腸。肥瘦啱啱好，而且有咬口，分量都唔少。臘肉都好有油香，一次過試哂唔同嘅臘味！時令蔬菜服務員話個醬汁係佢哋自家製嘅，同出面啲蠔油又真係有少少分別，更加鮮。菜心好新鮮，煮得好嫩，唔會好硬或者老。健康首選！總括嚟講呢間臘味店俾我一種煥然一新嘅感覺，原來都有坐得舒服，服務員服務好嘅臘味店。下次再嚟試吓佢另一樣馳名嘅煲仔飯先。

今晚同同事係近柯士甸收工，見天氣漸涼，路過這一間外表乾淨企理的小廚，就即管試一試。我個人覺得餐廳入面座位的佈置係有足夠空間感的，而且坐得舒服，侍應都好留心客人有咩需要，例如會好留認茶壺有冇水，好快就幫客人添水，對菜式亦很熟悉，主動介紹岩客人口味的菜式。餐廳原來臘味同蠔油都係自己腌製，所以食落同出面有啲唔同，例如蠔油係自製的，所以冇落防腐劑同色素，食落比出面新鮮一啲。不過我覺得餐廳腌製的黑毛豬川味臘腸最特別，食落有少少辣，又唔會太咸，夾埋麵包食係真係食唔停。

最近天氣開始凍，除咗食火鍋之外，煲仔飯就係不二之選。成日好怕煲仔飯嘅餐廳都係比較簡陋，坐得唔舒服，尼間係一間比較新式嘅煲仔飯店。環境高尚，清靜，裝修風格柔和，有格調，感覺高級但價錢平民。餐具精緻⭐️臘鴨滑雞煲仔飯雞係用咗新鮮雞，所以食落特別有雞味，而且肉質嫩滑。食到差唔多，店員亦都好細心咁幫我地刮埋啲飯焦出嚟。煲仔唔大，但係兩個人食份量亦足夠。⭐️椒鹽排骨呢間餐廳除咗一啲恒常嘅菜式例如煲仔飯、空心麵等等，亦都有一啲季節限定嘅菜式，椒鹽排骨就係其中一款，而且而家仲做緊優惠。即叫即炸，椒鹽用來撈飯一流。⭐️菜心另外亦都叫咗個菜，估佢唔到大條得來亦都冇渣，清甜，爽嫩。

今天走到文匯街附近去找尋美食，看見文匯街有很多不同的餐廳，例如有普通茶餐廳、風味小炒、麻辣雞煲、應有盡有......我便被華麗裝修這一間吃煲仔飯的餐廳吸引着，一進到去，有一個前枱是賣臘味零售的， 可見這個老闆除了做飲食外還是臘味製造商。論環境美得不用說，你們一來便會知道。他的食物分量有分大中細，完全符合你們大食量或細食量的要求。九龍佐敦文匯街22-24號地下2-4號店名：憶食尚臘味煲仔飯清蒸土豬 小份$98川味臘味煲仔飯 小份$88裏面的臘腸非常特別，有麻辣味即是配合它特式的川的風味油菜一碟 $68茶位 $15/位最值得一讚是他的茶質素非常好，你會飲完一杯便會再繼續飲不停的飲，因為實在太好飲。

步入秋天即係到左食臘味既日子,今晚朋友帶左我去一間專食臘味既鋪頭。呢間鋪位於渡船街,附近都有好多出名食店。本身聽名以為係普通茶記,點知去到門口先發覺裝修到好似一間高級餐廳,好小有可以坐得舒舒服服又乾淨既煲仔飯店。餐牌上有唔同款式既臘味菜式,除左臘味煲仔飯,仲有臘味粉麵同臘味小食提供。雖然出名臘味煲仔飯,但今晚無咩飯癮,所以要左一個粥同一個麵。南安板鴨粥,粥底煲得好綿,食落有飯既甜味又有臘鴨既鹹香味。臘鴨鹹度適中，有濃郁既醃肉香，完全唔油膩。廚師仲加入左少量薑絲,好暖胃。酸辣手工空心湯麵,湯底既酸辣味唔同平常米線既酸辣湯底,加入左特製香料,又香又惹味。川味臘腸係店家自製,有花椒味同辣味,拎黎炒菜一定好正。最後仲叫多左個油菜,連蠔油都係自家製,鮮味十足,我覺得隱約食倒啲蝦醬味,不過略嫌鹹左小小。呢間鋪全部既臘味都係自家製,因為佢地有自家農場,保證新鮮。而且仲有零售，可以買番屋企煮飯。不得不提店員服務都非常殷勤，主動介紹餐牌上既食物同幫你加水。從此食煲仔飯唔再麻甩,可以同男朋友撐住擡腳食個高級煲仔飯。