憶食尚臘味煲仔飯

營業中

休息中

 雖然2019全年都沒有一天冷過但煲仔飯到了秋冬總會想吃這一天來到憶食尚臘味煲仔飯臘味原來都是由自己製作,味道自然比起一般食到臘味無咁油膩個人就認為臘腸最好食,唔油之餘,肉鮮甜先來一客上湯煮雜菜有幾款菜一起煮,上湯加蝦米,元貝碎等等鮮甜,令平凡既菜多添了一份香氣再來一碟油菜加蠔油招牌三味煲仔飯臘腸,臘肉,臘鴨上菜時加蔥花碎,自己添加豉油他們的豉油是比較重咸味,配合起來特別濃鮮 飯粒煮得夠乾爽選用五常市長粒香米，米粒飽滿店內有零售,食過喜歡可以直接買走廣式臘肉,XO醬等等店內有兩層總評環境舒適,服務好,幫你換碟,好快加茶憶食尚臘味煲仔飯地址: 佐敦文匯街22-24號地下2-4號舖

今日就比左間好似西餐廳嘅中菜館吸引左，所以就入咗嚟幫襯，佢嘅裝修無論係梳化、枱、枱布都好有西式風格，估唔到佢最拿手嘅係臘味飯，今日仲見到呢個自家製黑松露雞煲添仲有各款主食如果食完覺得好食嘅話，仲可以買返屋企自己煮添，各款臘腸、臘肉、XO醬、麵條都有發售坐低冇耐侍應就問我飲咩茶，有鐵觀音、玄米茶同菊花茶揀望住個街景嘆呢個麵認真唔錯呢款餸係新年食就啱晒啦，因為有撈起嘅意思，二三色就有青瓜絲、蘿白絲同雞絲，仲有啲芝麻添，味道方面就有啲似平時食拍青瓜嘅味道，有小小麻辣味但係佢呢款係一啲都唔辣嘅黑松露味嘅雞煲都係第一次試咋，如果黑松露味道可以再濃啲會更加好估唔到清清地一碟油菜都可以咁好食

天氣凍凍哋，最啱食臘味 ☃️❄️上網見呢間幾靚又乾乾淨淨，所以試試佢啦👍🏻三個人叫左四樣野，好夠食！「麵餅」食落脆卜卜，其實都好似煲仔飯嘅飯焦，都係啖啖甘香可口。兩個 臘味飯，純對係唔可以唔叫啦「川味臘味煲仔飯」小小辣味嘅臘腸諗起都流口水🤤辣辣地再加上熱辣辣煲仔，成個人都可以血氣運行呀👍🏻肉汁滲入左去啲飯到，撈埋一齊食，直頭可以連豉油都唔落就已經夠味。「特色臘味煲仔飯」係川味臘味保仔飯嘅唔辣版，食到最後店員幫我地刮埋啲飯焦出黎，一啖啖脆卜卜，好香口好好味。「什菜煲」食臘味食到濟濟地，可以食返啲新鮮蔬菜🥬清一清油膩感好細心嘅餐廳仲有一包包預先包裝好嘅臘腸比客人買，覺得好食仲可以買幾包返屋企自己整黎食添👍🏻

同朋友黎左佐敦柯士甸一帶，有啲餓就去附近搵食啦，上網search到呢間憶食尚，好似幾得意咁樣一於試下佢。時間尚早未到晚飯時間無乜人，店內裝修不錯有點西餐feel。餐具整潔感覺不錯，而店家提供的蕎麥茶相當好飲，濃濃的麥香，忍不住refill一次又一次。來個早一點的豐富晚餐，一湯兩餸正呀～板鴨蘿蔔湯上枱時已聞到濃濃的蘿蔔香。內裏是蘿蔔絲，薑絲同臘鴨，看似簡單的食材，但卻做出不單調的味道！濃郁的蘿蔔味浸著鴨肉的鹹香，還有一絲絲的薑絲吊出鮮味，好好味，涂一點當泡飯可以吃到好幾碗呢！菠蘿咕嚕排骨冬季時令餐牌的一味餸，顏色好吸引。咕嚕肉軟腍入味，走過油變得香脆可口，醬汁酸酸甜甜調味對胃，好吃！油菜最後就係點左碟菜，本來打算蒜蓉炒，但店員推介白灼配上自家蠔油，好吧又試一試。自家製蠔油，顏色比樽裝某牌子的淡一點，但蠔鮮味更強烈，啖啖都係鮮蠔味，正呀！油菜點完蠔油後生色不少，條條菜嫩加上蠔鮮味，太正了。好味好味～此店主打自家製的臘味同蠔油，大部菜式都係臘腸臘肉有關，下次試試臘味菜式，可以外賣作賀年禮呢。

因為天氣開始凍約咗老公兩個人去試下呢間最近好多人講嘅高級煲仔飯查返歷史 喺中國已經有好多分店由於而家已經好難返大陸所以喺香港試下霸王蔥油雞 例牌嚟 分量唔多 但係真心幾好食 雞好香蔥油味起曬骨啖啖肉 啲豉油甜甜地非常開胃鮑魚xo醬拌麵 呢個幾清新 撈埋一齊有啲青瓜鮑魚仔同xo醬份量好多 面有彈牙 真心幾好食椒鹽排骨 揸得好香口有少少辣撈埋啲炸蒜一齊食好正 骨頭比較大要啲時間shun南安板鴨臘肉腸煲仔飯果然係重頭戲真係超好食板鴨入啲肉又香又嫩臘腸 係我最鍾意嘅半肥瘦辣辣地 撈埋啲窿窿嘅飯焦食超好食餐廳環境好西式 唔講以為係西餐廳交通方便 柯士甸隔離就到👍👍

今晚同左屋企人去左一間新開食新式煲仔飯嘅專門店💕入面d 裝修勁fancy 勁有少女風味😘 搞到我都忍唔住打卡左幾張我哋仲好正咁樣坐咗係佢2樓嗰度連餐枱嘅擺設都有少少中西合璧❤❤勁正首先我哋叫咗個雞佢地既雞好滑好juicy 💕而家個醬汁好正 用左幾種唔同既料mix 埋而且仲係髀位🤗之後就要左個xo 醬撈麵上面仲要有一隻鮑魚仔添阿😘麵質好滑身而且佢落咗一啲xo 醬同香油去囉好惹味呢個高分💋之後就係一個椒鹽排骨排骨嘅件數同肉都OK夠厚身而且佢都整得幾脆身同埋佢揸得都幾juicy 入邊嘅肉汁仲係到😙😙最後梗係要咗個佢哋招牌菜嘅臘味煲仔飯!!臘鴨佢整得乾身得來但係都仲有佢嘅香味咸香味濃💕而且佢旁邊嘅臘腸肥肉同瘦肉分明油脂都好豐富今日佢嘅煲仔飯底有飯焦勁啱喺香港嘅天氣食香港地好少見到啲裝修咁fancy有新潮嘅煲仔飯💕

冬天又係食煲仔飯嘅時候😍脆脆嘅飯焦、散發油香嘅臘味，諗起都興奮~朋友知道我鍾意食煲仔飯，所以都成日俾餐廳推薦黎🤭今日里間受朋友大推，話環境正，價錢公道🤫行到門口嘅時間諗左諗，咦西餐廳咁嘅😳提前book左4位，店員安排左我地坐下層，餐廳好新，陳設都行高級路線，唔係傳統食煲仔飯坐摺櫈嗰種，坐得舒服點菜啦~率先要左兩個煲仔飯，一個川味臘味煲仔飯，一個香菇滑雞煲仔飯亦叫左一個川味臘腸炒蛋、私心要叫嘅四季豆干煸雞脾菇同菜芯首先黎嘅係四季豆，去食小炒見到都鍾意點，微辣惹味跟住就黎左川味臘腸炒蛋，炒蛋嫩滑，川味臘腸同一般食開嘅廣東臘腸有相當不同個人認為更貼近西式salami，黑椒味突岀而濃郁，些許辣，所用豬肉脂肪含量較低菜芯就唔多講啦，新鮮就贏哈壓軸登場嘅煲仔飯，一上到黎焦香撲鼻🤩打開蓋，店員倒上葱花就更正，兩個煲仔飯嘅飯同飯焦都係我食過嘅煲仔飯中嘅上乘之作，飯焦係金黃色唔痴牙，飯粒分明乾身川味臘味有臘腸、臘肉同臘鴨，臘腸沿用炒蛋嗰款，臘肉充滿油香，而最驚喜係臘鴨，比起坊間嘅都要厚肉，亦唔硬，處理得好好跟住就到香菇滑雞，雞肉剛熟嫩滑，薑絲提味一流，雞嘅汁被飯粒吸收後尾討論一番後，決定多叫一個麵！因為

天氣有啲凍最啱打邊爐或者食煲仔飯😆呢次就約咗幾個frd去佐敦食呢間比較「骨子」嘅煲仔飯門面係咁嘅，就咁睇仲以為係酒樓入面係咁樣😂 好似cafe咁，仲好好坐辣辣地嘅乾煸四季豆雞髀菇，好惹味呀炒蛋又香又滑本身已經好出色，辣味唔係好明顯，適合初次食辣嘅人試川味臘腸比港式少脂肪，肉質無平時食開嘅臘腸咁鬆，反而多咗啲咬口，味道有啲似西班牙風乾臘腸，好食😍到當晚主角-煲仔飯呢個係特色臘味煲仔飯，有臘肉、臘腸同臘鴨，臘味味道唔會過鹹，食感亦唔會好膩，臘鴨無腥羶味，唔錯店員仲會幫食客用大匙羹刮起飯焦，可以一啖食到富有嚼勁嘅白飯同帶甘香嘅飯焦👏🏻另一煲香菇滑雞煲仔飯😍 都係咁好食，連埋薑絲一齊食真係暖在心頭酸辣湯底夠酸又夠辣，個辣味開頂係香辣，之後會慢慢變成好麻嘅辣 好有層次手工空心粉有啲煙軔，幾香麵粉味，值得試吓

有晚去佐敦文匯街見到有間食煲仔飯叫憶食尚煲仔飯，通常食煲仔飯畀人嘅感覺都好頹廢好hea嘅感覺，但係呢度係有西餐嘅裝飾，而且環境裝修得幾靚，真可以叫有fusion感覺。首先坐低開壺茶飲，有菊花，鐵觀音，蕎麥。我選了蕎麥，非常清優既感覺！入口好順好滑。之後點了一份 手工黃金麵， 麵條表面煎香，非常金黃香脆，配上糖醋汁更 香更開胃。當然要叫個特色臘味煲仔飯煲仔飯甘香入味，飯焦脆脆好正。 臘味又唔會過咸，味道不錯！員工服務態度幾好，不錯！

憶食尚臘味煲仔飯開佐敦果面做嘢，無意中發現有間裝修好靚！成餐西餐廳咁但原來係食煲仔飯嘅餐廳，人流量無咁多，而且有兩層，食得舒服啲。店面係西餐裝潢，但食嘅係中式食物，好特別芥菜排骨煲芥菜湯濃味得嚟又帶清甜，是整個煲的精華！排骨炆得好嫩👍🏻啲肉吸收哂湯汁嘅精華，食落啖啖肉就算空口食都唔會覺得鹹，調味做得啱啱好，排骨係半肥瘦、口感嫩滑唔覺肥。湯好清，好好飲三色雞絲撈麵麻醬，麵條煮得軟硬剛好，口感順滑有彈性加上帶海鮮鹹香鮮味的XO，拌好後惹味好吃。雞絲份量好多

冬天想食煲仔飯溫暖溫暖於是隨便找了一家，在佐敦文匯街面店看起來正正常常但原來入面裝修超級靚，好舒服似是高檔的西餐廳以藍色做主調，座位都是雅座通想想到煲仔飯，都是街邊/廟街食，環境一般但想不到有個主打煲仔飯的地方環境如此優美！.臘味煲仔飯有鮮肉臘腸、臘肉及臘鴨，十分豐富未食已聞到一陣陣香熱辣辣，加點醬油伴著食，是十分引誘的味道而且飯粒粒分別，硬度適中食到最後，服務員還會幫手起飯焦，飯焦好香脆.菠蘿咕嚕排骨酸酸甜甜非常開胃，優惠價$58.菜心煮得很爽脆，而且沾上秘製醬汁口味特別.不得不提除了環境舒服優美，而且服務十分之好，服務員都很有禮貌，而且會主動加水，到最尾還有張顧客意見表，證明真的很重視服務

今日星期六同朋友經過佐敦文滙坊，知道哪裡多餐廳選擇，而家凍凍地想食個想食下臘味煲仔飯，又想有質素又坐得舒適可以傾下計，結果我們選了這一間。．．特色臘咪煲仔飯：一放上枱已經食指大動，香味四溢，臘味肉質一流（有臘肉、臘鴨、同埋廣式臘腸）聽講佢哋嘅臘味係自家製造，有自家農場，特別新鮮。而且食落唔會太鹹，同埋個飯蒸得剛剛好，同臘味非常之夾。簡直係完美配搭。店舖職員仲幫我地撈勻個飯，加咗啲豉油更加好味．鮑魚XO醬伴麵有成隻鮑魚配XO醬既拌麵，賣相已經好吸引，食落隻鮑魚做炆得好琳添，再攞佢哋自家製嘅XO醬撈埋個麵食，味道好夾又好味。．我哋最後都加多碟油菜，原來佢哋嘅蠔油係自家製，怪不得咁鮮味。食過呢間餐廳之後，如果經過佐敦嘅朋友不妨你試一試佢哋嘅煲仔飯，好少可以坐得舒服又可以食到優質嘅煲仔飯的店鋪。

佐敦渡船街出咗名多好嘢食，除咗食串燒，糖水，越南嘢之外，發現又有間新店係專門食臘味嘅。裝修得幾骨子，仲有好多臘味賣。有兩層多人食飯一流。坐低就有個甜酸前菜食得清淡啲揀咗個雞粥一碗都有幾多件放養土雞，幾滑身另外點左個蠔油菜心，佢原棵菜心上，擺款係幾靚但係食就好唔方便囉！既然佢係專門食臘味嘅，點都要揀番碟，雙味臘腸貝殼包，細細份，如果唔餓嘅話都幾好。三個貝殼包每個都已經切開咗一半，佢好鬆軟熱辣辣嘅好食雙味臘味係指廣式鮮肉臘腸同埋川味臘腸，川味臘腸花椒味香濃，肉比較瘦。廣式臘腸帶有陳年汾酒及醬油香。

呢排天氣凍 想食煲仔飯但廟街果邊煲仔飯又好似唔太衛生搵搵下搵左呢間去試試😂.呢間係佐敦 裝修勁新淨 好似去左酒店咁😂服務唔錯 叫左菊花茶（好小地邊方有）呢日叫左⭐️菠蘿咕嚕肉$48⭐️廣式臘味煲仔飯$88最主打一定係。臘味煲仔飯呢間既臘味 真係幾高質 自家製如果覺得好食 出面有得買 可以帶番屋企上店前店員會幫你調味呢間煲仔飯做到岩岩好連飯焦都做到粒粒分明係我食過最高質嘅臘味飯臘味有鹹香唔會太肥而且唔算貴 抵食⭐️時令油菜$68就真係貴既🙈.整體都好高評分憶食尚臘味煲仔飯 (佐敦)地址：佐敦文匯街22-24號地下2-4號舖

餐廳外表平平無奇，想不到內裡裝潢華麗舒服，而且座位之間亦闊落。除了主打的煲仔飯外，還有其他特色菜式或巧手小菜，另外他們有售賣空心麵條，自家臘味。因下午茶時段不想吃太飽，所以沒有點他們最出名的煲仔飯，只是輕食。酸辣手工空心湯麵 $78空心麵有點似麵缐，酸酸辣辣加上幾片蠟腸惹味並且有開胃感，湯底配上蒜，炸菜粒，花生等等配料菠蘿咕嚕排骨$48咁岩見到菠蘿咕嚕排骨做推廣48蚊，叫了一份，炸得肉夠香又啖啖肉，甜酸調得美味可口菜心菜甜無渣，新鮮，蠔油另上。還有很多吸引的菜式，而且服務生笑容滿面如果想不到吃什麼他們還有套餐選擇