憶食尚臘味煲仔飯

營業中

休息中

近期疫情肆虐都唔夠膽去太遠嘅地方食飯近近哋 喺屋企樓下搵咗餐廳醫肚 開頭以為憶食尚淨係得煲仔飯食 原來都有唔少中式嘅小菜~特色臘味煲仔飯煲仔飯嘅材料有臘鴨 臘腸同臘肉 臘鴨鹹香惹味 而用茅台整嘅臘腸 帶有淡淡嘅香醇酒香 令人回味！ 臘肉油香四溢 加埋卜卜脆嘅飯焦 令人食得上癮！菠蘿咕嚕肉味道酸酸甜甜 咕嚕肉吸收曬啲醬汁 外脆內軟 醒神又開胃 而伴碟嘅 菠蘿亦不遜色 新鮮爽甜好送飯~時令時菜菜心有鑊氣 但唔會成碟油淋淋 而且新鮮嫩綠 唔使過多嘅調味 簡簡單單 已經好好食！

憶尚膳就喺屋企附近開咗一段時間一路都未有機會試下 今日工人姐姐放假就同媽咪過嚟食！雖然餐廳係主打煲仔飯同埋中式小菜 但裝修格局就非常西式 以藍白色為主題幾特別特色臘味煲仔飯煲仔飯入面 有臘鴨 臘腸同臘肉 店員上菜嘅時候幫我哋灑上蔥花同埋豉油撈勻 臘鴨充滿鹹香唔會死鹹 臘腸係用茅台調製 食落去真係有陣酒香 🤤 臘肉肥瘦均勻 肉香重滲透曬落飯度 飯粒粒粒均勻飽滿 中間嘅飯軟綿香口 煲邊嘅飯焦香脆惹味菠蘿咕嚕肉咕嚕肉外皮脆肉質嫩滑 味道酸酸甜甜 用嚟送飯一流👍🏻我哋仲嗌咗份時令時菜菜心新鮮嫩綠 食落去爽脆冇渣 清清淡淡加埋蠔油嘅調味啱啱好~

位於佐敦文匯街22至24號地下2至4號舖的憶食尚臘味煲仔飯 (Evvoke) ，主打煲仔飯。本身以為吃煲仔飯的地方會較為有大排檔的感覺，但這間煲仔飯店的裝修典雅舒適，而且桌間還會有屏風阻隔。首先來了幾款小菜，最後煲仔飯作結。椒鹽一口骨一口骨炸得頗為酥脆，即點即製熱騰騰，鹹鹹香香夠香口，面頭還加了少許炸蒜粒作為點綴。川椒麻辣雞 - 例牌(Sichuan Pepper Spicy Chicken)朋友相當喜歡這款小菜，雞件選用走地雞，肌肉較為多，肉質更有嚼勁。醬汁又麻又辣，後勁十足。雞件底下還有吸滿了醬汁的娃娃菜，吃起來相當刺激。廣式臘味煲仔飯(Traditional Chinese Sausage and Cured Meat Clay Pot Rice)煲仔飯的賣相十分誘人，臘味整整齊齊地排放在飯面。上方是川味臘腸，中間是廣式鮮肉臘腸，而最下面的則是廣式臘肉。個人最喜歡吃中間的廣式鮮肉臘腸，味道鹹香，而且能嚐到頗濃的玫瑰露味道。朋友則喜愛吃廣式臘鴨肉，鴨肉味道香濃，伴飯吃一流。朋友則覺得飯粒略為乾身了少許，但整體的水準算是相當不錯。吃到最後，底下會有一些脆脆的飯焦。。菜心 (Seaso

週末終於帶埋屋企人黎到之前電視介紹過嘅呢間圓方附近嘅餐廳潮風小炒皇估唔到看似簡簡單嘅小炒，竟然咁好味﹗一上枱就已經聞到好香，食左一啖后發現佢好好鑊氣，勁香口﹗黑松露雞煲雞肉好嫩滑，黑松露味香，連配菜嘅洋蔥都比我地食到乾乾淨淨餐廳招牌﹕特色臘味煲仔飯臘腸豬肉味香濃，縱使煮熟左都帶住淡淡酒香，而且好有口感、有油脂香氣又唔覺得油膩。板臘鴨鹹香得黎有肉味、唔會死鹹，就咁食都好正。臘肉勁香，配埋飯一齊食好惹味﹗用砂煲煮嘅煲仔飯除左有惹味又好食嘅臘味外，仲有我最愛嘅飯焦，食到無停口🙈🙈招牌當然無介錯👍🏻上湯菜芯食左咁多肉，點都要點返碟菜平衡返下。上湯煮嘅菜芯好甜，配金華火腿絲，簡單但不平凡

心血來潮好想食臘味，腦海中浮現出來嘅係憶食尚臘味煲仔飯，於是就同屋企人過佐敦文匯街食臘味煲仔飯。疫症期間，好多餐廳都只係用膠板隔開座位。憶食尚就用咗屏風間開，感覺大方得體，而且仲提高咗私隱度添。廣式臘味煲仔飯：去得憶食尚，必點嘅當然係廣式臘味煲仔飯啦。雖然好耐之前有食過，但店員都會再介紹下，煲仔飯選用東北五常大米，食起嚟米味更香。臘腸、臘肉同板鴨整齊排列飯面。店員將蔥花灑上面、再淋上頭抽拌勻。拌勻嘅過程中已聞到陣陣飯香同臘味香。一啖入口，米飯濕潤富油香，加上香脆飯焦，非常之好味。臘腸、臘肉同板鴨都係憶食尚自家出品。臘腸七分瘦三分肥，酒味較重，無出食到嘅咁甜，相對地比較好味。臘肉肥瘦相間。板鴨味道甘香飽滿，每一件板鴨都啖啖肉。黑松露雞煲：黑松露嘅獨有香味，好多人都對其著迷。憶食尚就將黑松露融入雞煲。黑松露份量洽當，無蓋過雞嘅鮮味。味道芳香嘅黑松露配上鮮嫩滑雞，味道非常之配合。潮風小炒皇：小炒王有齊必備嘅韮菜、蝦乾、豆腐同五花肉絲。整個菜都夠哂鑊氣，而韮菜亦無草青味。處理得好好嘅菜式。時令菜芯：雖然係一款無需太多烹飪技巧嘅菜式，但就表現出食材嘅新鮮同鮮味。簡單嘅食材：上湯、薑、蒜、火腿，完

最近工作較忙，很少陪伴母親🤦🏻‍♂️難得一天休假，便相約去吃她最愛的煲仔飯😍-這間餐廳位於佐敦，店內環境寬敞，西式的裝修風格令一眼前一亮🤩餐廳供應多款中式小菜，其中川味臘味煲仔飯是店內最有名的，也是招牌菜😋由於我和母親從未吃過辣的臘味，所以這次是懷着期待的心情去試下🤤-1️⃣川味臘味煲仔飯 $148當侍應將煲蓋拎起，幾種臘味所傳出的香味非常誘人🤤畫面也很吸睛🤩飯粒吸收了臘鴨、川味臘腸和臘肉的油分後，和蔥粒及頭抽攪拌，配上臘味一齊食，非常美味😋而川味臘腸是很有驚喜，除了少肥肉外，因為用了茅台酒和花椒醃製的關係，越食會越辣，越食越過癮😋-2️⃣南乳豬手煲 $118豬手和南乳汁經過長時間炆煮，已變得很入味和軟腍🤤豬手上沒有毛髮，令人食得很放心👍🏻-3️⃣特色腸粉 $30這個腸粉的皮很薄很滑，能看出內裏的餡料是臘腸，配上甜豉油，估唔到臘腸腸粉都咁好食😋

Claypot rice ($88)Claypot rice is a traditional dinner dish in Southeast Asia. I especially love the comforting sound of a sizzling pot. This dish is speckled with slices of Chinese sausage and coated in soy sauce. -Pork knuckle pot ($118)My friend is a big fan of pork knuckles, she literally finished the whole pot on her own so I can’t really comment on it. -Vegetables ($68)Simple but nutritious. Steamed/boiled to the perfect texture.

佐敦有一間隱世飯店 臘味煲仔飯非常出色 有辣有唔辣 三星飯店嘅價錢 五星級嘅環境 -🥘臘味煲仔飯 (小份 $88）即使係輕怡份量 用料仍然充足 臘鴨臘肉臘腸全部有齊 個人推介係臘腸 肥肉唔多 並非一般嘅死實鹹味 咀嚼之時更滲出淡淡茅台酒香🍶 甚有特色 飯粒🍚分明有咬勁 多款煲仔飯連飯連料備有DIY包裝 附上烹調指引 買番屋企🏠看門口最好 隨時都做到大師級👨‍🍳嘅水準-🐷南乳豬手煲($118）豬手炆得軟腍 豬皮滑骨膠原亦豐富👍 南乳汁香濃唔肥膩 係下飯首選 若果加啲炆花生 🥜 口感會更強-🥬菜心 ($68）食飯點可以冇蔬菜 時令菜心條條粗壯爽口 綠油油嘅外表非常吸引 令人食慾大增😋-📍佐敦文匯街22-24號地下 憶食尚臘味煲仔飯

包拗頸黎食煲仔飯出名嘅食肆，唔食煲仔飯，食川味霸王蔥油雞。因為我想叫餸食飯呀嘛⋯⋯大膽嘗試有得著。例牌size份量ok，唔會齋得雞背脊，都有d肉。雖然川味煮法但唔算好辣，蔥、麻、醋、辣齊全嘅餸汁，伴飯一流。叫多個菜心送飯，ok啦，係比預期細碟左。但無渣、大棵、即係都新鮮嘅，食落仲有d脆口唔會烚得過淋，跟嘅蠔油麻麻地，用返川味霸王油雞個汁食仲好食。整體用餐感覺尚算滿意，客人少，座位非常鬆動，是日消費約2百。

這個晚上去咗渡船角嘅益食尚食臘味煲仔飯， 點解夏天熱辣辣 都仍然吸引我去食一煲煲仔飯？無他，質素好。 老實講餐廳位置唔算十分方便， 由 柯士甸 港鐵站過嚟要經過地底 隧道 先至到， 而喺佐敦行過嚟就要大概十分鐘。 但係 渡船角區 嚟講， 呢間都可以算係數一數二 有質素 私房菜, 而且價錢相宜， cp值勁高。 餐廳內面嘅裝修都經過精心嘅設計， 粉綠色粉藍色的檯布座椅，再加上不同嘅中式佈置， 帶有濃厚嘅設計氣息。 而且店主對食材同埋餐單都有要求， 簡單至一粒米都係取材自黑龍江嘅五常米， 臘腸係以放養300日嘅土豬製作而成， 睇得出餐廳店主對食物質素勁有要求。鮑魚xo醬撈麵 xo醬嚴選原粒瑤柱, 金華火腿, 蝦米及鮑魚等材料秘制而成，味道鮮中帶辣，配搭以俄羅斯無轉基因麵粉製成的陝北手工空心掛麵，麵條中間空心， 更可以約xo醬的鮮味流進去， 麵條口感細緻，配著一小勺xo醬， 立即讓家常麵條變得不平凡。 川味臘腸炒蛋 優質的臘腸配上最簡單的食材--雞蛋，更能突顯川味臘腸與眾不同之處。 川味臘腸除咗豬肉味濃外，更加帶點四川的麻辣， 惹味同時卻不會搶去雞蛋的濃郁未，這道菜雖然簡單，卻是上乘

到柯士甸站探朋友，原來好近佐敦文匯街，只是五分鐘的步行距離，好方便。🍲 臘味煲仔飯開胃好味，餐廳強調臘腸是用散養的本土豬，三肥七售黃金比例，好啱怕肥的我，而肉質唔會韌，加上蔥花及特製的煲仔豉油，非常好味。🍚 我覺得他的米都好講究，粒粒分明，加上煲仔飯的香油及豉油，好有口感，朋友話最緊要係食飯焦，香香脆脆，中煲$148有三碗飯， 唔錯。🥬 意想不到個雜菜煲好好味，有好多乾瑤柱加上魷魚吊片絲，整個雜菜煲的香味和甜度提升不少。😀 餐廳裝修精緻，每張枱用好靚的屏風隔開，增加私隱度，碗筷擺設精緻講究，吸引到我的眼球。

有質素嘅餐廳唔一定開喺方便就腳嘅地方, 反而 開喺舊區租金平啲, 相對上食物價錢就會冇咁貴, 同一價錢仲可以食到咁高質素嘅食物， 性價比更高， 講緊嘅係位於渡船角嘅憶食尚臘味煲仔飯。餐廳位置位於渡船角文匯街， 由佐敦地鐵站行過去大概十分鐘，而由柯士甸站行過去經隧道都要大概五分鐘， 論方便當然不夠大商場。但是 餐廳裝修得怡， 座位與座位間寬敞舒適， 而且食物有質素， 食材來自自家農場，沒有添加化學成分， 睇得出老闆對食物的要求， 這些全都是心機的表現。鮑魚xo醬撈麵面底是取材自陝北手工空心掛麵， 陝北手工麵珍貴之處是經過20小時12道工序製作而成， 以俄羅斯無轉基因麵粉巧製而成， 麵條中間空心可以浴匯上湯， 口感極度細利。 配以巧手製作的完美xo醬， 元貝鹹肉鮑魚等等的滋味， 在口中 徘徊徘徊， 箇中滋味讓人難以忘懷。上湯咸肉伴菜心菜心條條青綠新鮮，沒有渣。 配以鹹肉淆製的上湯， 鹹肉的鹹鮮更加突顯菜心的清甜， 清香好食。特色臘味煲仔飯煲仔飯上到枱後， 經理會喺你面前將 把蓋打開 ， 打開蓋的那一刻臘肉臘腸乳油鴨腿的香味迎面而來 ，然後再把蔥與芫茜徐徐落下， 並慢慢倒入豉油。臘腸是由30

煲仔飯一向都係大排檔做得好，見到呢間餐廳裝修似高級中菜館，但主打煲仔飯，便決定試吓。除咗煲仔飯，仲有好多特色煲仔菜及中式小炒，裝修似高級酒家，但價錢都好大眾化，好多小炒都係$68起。雜菜煲，除咗菜心同黃芽白之外，亦有啲魷魚同蝦米做底，野味。而上湯底亦好靚，感覺清甜，所以最後連湯都飲晒。菠蘿咕嚕排骨，個酸甜汁嘅顏色特別紅潤，味到調校得幾好，只有小小酸，咕嚕排骨炸得脆口，啖啖肉。臘味煲仔飯有齊臘腸、臘肉及臘鴨，我最欣賞臘腸，濃味但空口食又唔會太咸，皮薄肉質厚實但又唔會太肥，另外，飯底水準超高，煮飯時間控制得好，所有飯都熟透亦粒粒分明，又乾身，加上甜豉油之後亦唔會覺得軟林林，煲底飯焦脆身。

唔係住附近，山長水遠去到柯士甸站，行過黎數分鐘食馳名煲仔飯。臘鴨臘腸臘肉舖面，顏色一望就知正。3種臘味嘅顏色不同，引到我流口水。一開蓋香味撲鼻。職員幫忙將蔥花同醬油撈勻，熱辣辣帶飯焦嘅煲仔飯即成！臘味份量算多，飯焦都夠煙韌，味道幾好。但臘味味道太相似，略嫌有d寡。茶類可以揀菊花茶消滯，員工尚算有禮。店舖雖然位於舊樓樓下，但裝修優雅。如果人在附近，如果想坐得幾舒服歎個細煲仔飯，人頭計連加一盛惠$100有找，尚可接受。

父母喜歡中菜，今次就久違帶他們來到佐敦這間煲仔飯專門店試試。與旁邊廟街的傳統食店不同，這裏的裝潢新淨企理，坐得舒服，聽侍應介紹，每款食物均特別講究，重視用料，難怪價錢比一般中餐貴。——————————🔹 廣東腸粉 $30開始時先叫點清淡的墊胃，腸粉外皮嫩滑，內層餡料豐富，味道不錯。-🔸 秘制炆豬手 $118豬手每煲有6件，每件均炆得軟嫩入味，完全不油膩。醬汁香濃，重香料味，拌飯吃就更加好。-🔹 川味臘味煲仔飯 $148煲仔飯即叫即煲，新鮮熱辣！瓦煲上枱時，食物排得整齊，客人拍照打卡後，侍應才即席加入古法製頭抽及鮮葱攪拌，充分滿足視覺味覺享受。米飯採用東北大米，臘味有板鴨、臘肉及臘腸，每塊切得細細件，方便入口及出味。最喜歡的是川味臘腸，帶煙燻及玫瑰露香，味道還帶點川辣，特別惹味。整體火候控制得好，米飯粒粒分明，底部亦有適量的飯焦，正！