憶食尚臘味煲仔飯

營業中

休息中

在鬧市之中，想不到有這間高級裝潢，而且價錢平民的煲仔飯店舖，事不宜遲馬上食評！XO醬鮑魚伴麵鮑魚煮得很入味，口感偏淋，不是罐頭鮑魚的那種，非常好味。而且他們的自製XO醬非常嘢味，搭配拌麵非常好味，而且面質幼身，爽口彈牙！芥菜排骨煲想不到這味也出乎意料的好味，芥菜配上豬肉排骨令到入面的湯更上一層樓，整煲湯最後也吃得一滴不漏。最後不得不提除了店內的環境非常令人舒適之外，服務員的態度也令我耳目一新！他們每一味餸上的時候都會主動介紹食物的名字和略略介紹食物的煮法，而且非常有禮貌，勤主動加茶，而且還最後會有一張顧客意見表，非常重視食客的意見。

婆婆一向鐘意中菜，最近話好耐冇食過煲仔飯，我就搵左一間近近地喺佐敦食煲仔飯，環境優雅又坐得舒服。餐廳裝修高雅，杯碟擺設精緻，座位舒適，啱晒我攜老扶幼黎食。我地叫左個咕嚕肉+特色臘味煲仔飯咕嚕肉好香脆，比較乾身，唔會太多汁，酸酸甜甜，岩我口味，配菜當然唔少得Ronnie最鍾意嘅菠蘿🍍特色臘味煲仔飯有臘腸、臘肉、臘鴨，從自家農場嘅新鮮土豬及重慶黑毛豬製成，整個煲仔飯充滿臘味香味，飯粒佔上了臘味既油份，好香好好味呀😋之後店員幫我地整飯焦出黎，脆卜卜好我至愛食完再飲返杯鐵觀音😌好滿足聽店員講，原來佢地有自家工場製作臘腸、臘肉及板鴨，而食物都是用自家產品製作，不加防腐劑及化學物，可以安心食用，食完喜歡的話可以買返屋企自己煮。

今日與友人嚟咗呢間餐廳食煲仔飯，未入餐廳喺門口望落去覺得似西餐廳。入到去見到有樓梯直上2樓，問咗時應得知原來2樓有房間招呼人客，非常之大同好有氣派。今次我哋叫咗一份特色臘味煲仔飯，同埋麻辣川味臘腸炒蛋。侍應非常之有禮貌，上菜速度亦都非常快，十分鐘以內！係等食期間留意到佢哋牆上掛滿晒好多介紹臘腸臘肉嘅資訊，感覺非常專業。另外值得一提嘅係佢哋係有散買一盒盒臘腸臘肉既服務。講返食物質素，個臘味煲仔飯做得認真出色，啲飯粒唔似底而且粒粒分明，而啲臘腸臘肉整得非常之香，非常值得推介。另外個炒蛋亦都做得好出色，個蛋非常之嫩滑，而個臘腸係有少少麻辣味但都可以接受到既。最後配清香既蕎麥茶，就完成左美滿既一餐。

今日與父母兩老行到攰攰地看見門口都好企理進來坐下。招牌煲仔飯的確好好味粒粒飯都好有味！當然有連飯焦一齊食！當然價錢就見仁見智啦！因為唔係太肚餓所以只係食咗兩樣，上湯青菜的上湯都不錯！至於環境就非常值得稱讚，小圓枱顏色佈置溫馨。非常之令人舒服，餐廳細細地，也很適合拍拖小情人一起吃飯！不知道為什麼在附近一直沒有留意到這間餐廳，感覺上應該也開了一段時間！ 大家路過佐敦不妨試吓高級煲仔飯及臘味炒飯！👍🏻👍🏻

係element 行完街買下d 生活必須品🧻🧻，又有d 肚餓tim!☺️搵下有咩食🤔🧐🥴，早早地6點幾唔洗等位，裝修又好似幾有氣派咁🤔兩層bro!樓上個景重望到西九站個邊，樓上大約10 張台。兩個人比人安排左4人台，兩個細胃人士是但叫左d 野食。諗住食完重順手去隔離食糖水，叫左一個酸辣麵，一條蓀魚同埋食番碟菜！茶有幾個選擇咁，我地叫左玄米特別d !$15/位茶介員工都幾快手加水！酸辣麵分到三個細碗既，麻麻辣辣咁，上面有幾粒臘腸吊下味！蒸魚個味有d 似食咸魚🐟🐠🐡-醃鯧魚🐟🐠🐡👀本身就切定上台方便食既。食完濃味野食條菜清🥬🥒🥦

冬天咁凍，最岩就係食個熱辣辣既煲仔飯，呢間餐廳比較特別，就係個環境同平時食煲仔飯既餐廳唔同，呢間餐廳靚好多，中餐館配上優雅的裝潢和精緻的餐具，顯得十分高級，而且座位寬敞，坐得好舒服!一坐低，服務員就問我地飲咩茶，我地選了菊花，飲落清新解渴🍀原味臘腸炒蛋炒蛋好香好滑，臘腸有咬口，香而不膩，原來呢個配搭十分好食!🍀特色臘味煲仔飯主角來了! 一到已經聞到好香，來到之後服務員會問我地需唔需要幫落豉油同撈飯，服務十分細心飯入面有臘肉，臘腸，臘鴨，樣樣都好好味！我最中意既係臘肉，味道好濃，充滿油香，配飯食好夾，個飯吸哂D香味，加埋的蔥花和煲仔飯鼓油，十分惹味! 特別係D飯焦，香脆可口🤤🍀時令油菜菜芯幼嫩而且清甜食物不錯，服務員態度親切，值得推薦👍🏻

上星期有一日喺佐敦附近返工，午飯時間因為可以彈性慢慢食，喺附近望望有咩餐廳可以坐得舒服，比呢間餐廳環境門面吸引，於是入去一試呢間餐廳主打煲仔飯，但係留意到餐牌有酸辣空心麵，好想食濃味野，於是一試，結果並沒有失望，湯底酸辣味道濃郁，配上佢哋自家製嘅空心麵條，每一條麵條都有獨特嘅口感，而且麵條非常索湯，非常不錯鮮𩸆鯧魚，這一味菜是店員推薦的，肉質綿滑，而且充滿鹹香味，但卻又不是一般的鹹魚，鹹度比較少得多，如果配上煲仔飯必定一流油菜菜心，主角竟然是他們自家製的蠔油，比起坊間的蠔油鮮味更高，十分驚喜

今日黎到位於佐敦既一間中菜館，環境好寬落，裝修仲好靚好高雅，即刻帶埋朋友入去坐低慢慢食☺️～ 我地叫左兩個小菜、兩個主食。分別係：「三絲撈麵」賣相非常吸引，有蘿蔔絲、青瓜絲、芫荽，夠哂健康，手撕雞用咗芝麻同埋麻醬黎調製，好入味！😍「XO醬鮑魚撈麵」呢個原來係中菜館嘅特色菜，XO醬係自家製，配合少少鮑魚汁，令到撈麵口感好豐富，撈麵都帶點彈牙，鮑魚好爽口，兩者原來係絕配呀！🤣「蔥油雞」兩樣材料-蔥同麻油，都係我好鍾意架。隻雞好嫩滑，咬落去口感十足，煮得好入味，蔥同埋麻油瞬間喺口入邊溶化。「菠蘿咕嚕排骨」菠蘿汁好開胃，酸酸甜甜咁，令我哋胃口大增，個排骨炸得外脆內軟，好有香港大排檔小菜嘅風味～ 🥳每個小菜仲跟一碟油菜又健康貼心，菜心好嫩又爽口，點少少蠔油嚟食，鮮味大增。😘💓仲有餐廳既麥茶都好好飲，我覺得好有誠意呀🤣👍🏻

放假同老婆去玉石市場買禮物比外母，之後去了附近食飯，餐廳午市時間有套餐，但我們都不算太餓，所以只叫了散幾款食物。這裏有菊花茶供應，啱哂我們仲意食熱氣野，可以清下熱，而且菊花味道清香，即使翻沖了幾次味道都唔會淡而無味。霸皇葱油雞：灑上了薑葱在面，雞皮很薄而且無脂肪，入口雞肉較結實但雞皮爽口，食完唔會滿口油。蒜蓉炒菜心：菜心翠綠又唔會太多油，出街都要食下菜既。手工黃金麵：麵炸至金黃色，淋上特製酸甜醬汁，十分開胃，入口脆卜卜。

媽媽想食煲仔飯，帶了她去了佐敦這間憶食尚，這裏最出名就係食臘味，尤其是臘腸以黑毛豬肉製作，所以豬肉味會比一般的臘腸濃郁且脂肪較少，比較健康。板鴨蘿蔔煲以臘鴨配蘿蔔，蘿蔔清甜，正好吸收了臘鴨的咸香味道，蘿蔔湯鮮甜有肉香。廣式臘腸拼土雞煲仔飯臘腸油香滲入了飯內，而且不會太油膩，雞肉嫩滑，下面還有些香脆的飯焦，，米飯煮得飯粒分明，非常爽口，即使食到最底都唔會油淋淋。最後再叫多碟菜心，去掉了菜頭硬的部位，菜心清甜無渣。

今日就經過西九龍站,黎到JORDAN搵下有咩好食呢個天氣凍凍地,見到呢間餐廳寫住煲仔飯就入左黎本身就係真係想食煲仔飯既,先望一下MENU呢個臘味煲仔飯好似好吸引--原來呢度唔單止煲仔飯,連椰子雞煲都有- 最後最後,同朋友都係決定叫一個麵同小雞煲-因為天氣凍,都係食碗湯麵暖身比較好,蕃茄雞蛋湯麵 $68蕃茄湯好足料, 湯底蕃茄味濃得黎帶甜,加上滑蛋鋪滿成碗麵,簡單既食材,食得出當中既用心- 見到牆上寫住呢味黑松露雞煲, 見呢個味道既雞煲相對少見,就又試下-黑松露味同雞煲原來都幾夾雞件肉質嫩口,唔錯~-

今日屋企無飯開😉自己一個人食飯😝天氣仍然有啲凍😗但唔想又去食一人火鍋😂諗諗吓，忽然之間諗起煲仔飯🤤呢啲天氣食，確實適合不過👍幸好咁啱響佐敦附近有一間😛店內環境寬躺舒適😎裝潢時尚新穎，帶點歐陸風格☺️餐廳主要食中菜😉店家係臘味製造商😆臘味不加防腐劑及化學物😛廣式臘味煲仔飯😎時令油菜🥬一個人食，當然簡單啲😆但個煲仔飯絕對唔簡單🤤完全舖滿臘腸、臘肉同臘鴨🤤即叫即煲，用料豐富，鮮味十足😋店員亦會幫手加上秘製豉油同香蔥粒😉然後再攪拌均勻才進食😊臘味唔會太油太鹹👍食到飯焦，香脆可口，非常滿足☺️憶食尚臘味煲仔飯 (佐敦)佐敦文匯街22-24號地下2-4號舖

朋友A話上網見到間幾有質素既煲仔飯想試,貪佢大大煲,而且有別於其他煲仔飯的餐廳係用西餐的裝飾,感覺上舒服好多,可以慢慢食比其他西餐廳更加有格調,食煲仔飯都可以坐得好舒服慢慢享受呢碟鮮醃鯧魚,連出面食煲仔飯既地方都無見過鯧魚因為係新鮮醃製,無咸魚咁咸同咁乾,肉質比較一般新鮮蒸實一點點味道就濃一點點,魚味亦很鮮味蕃茄雞蛋湯麵麵很滑,蕃茄很濃,雞蛋都很滑廣式臘味煲仔飯要左個Small size $88一D都唔small,勁多臘味,臘腸臘肉,油鴨鋪满左成個煲仔飯很香好好味~

地道的爉味煲仔飯是冬天的恩物，通常都是去比較平民的檔口食，環境可想像不太好今次有點特別，佳因這餐廳提供出色爉味煲仔飯之餘，它的環境絕對是elegant優雅和舒適，店內裝潢設計時尚，服務也非常貼心。香菇滑雞煲仔飯，即叫即煲，火喉十足，店員悉心幫手攪拌好飯餸，送上甜生抽是油和香蔥粒自由調味，很是細心。加少蔥花令整個飯更香口清新。精華就是這塊飯焦，很香很脆口好味。時令油菜，菜芯非常新鮮，條條幼嫩，大讚。椒鹽排骨，用適量的炸香蒜酥炸已成，野味非常。餐具很別致，很高級的感覺，氣氛十分適三五成群聚會暢談。下次會來食下臘腸！

店既裝修其實好靚, 中國風味濃, 座位算係舒服首先有一個好好既體驗係, 好耐無飲過菊花茶可以用年黎計啦,先講講呢到既特色先啦, 香港主要都係普通西餐為主, 真正有特色既店其實好少,呢間算係十分特色, 雖然似係普通中餐館但入面賣既野比較特別臘味黎講呢到既臘肉同臘腸算係十分好食,品質仲係幾高, 臘腸口感爽口, 味道其實算係濃, 所以我覺我配飯食會係一流, 因為臘味本身重味, 配上白飯中和返會易入口好多, 如果只食臘味會比較易食唔落, 臘肉反而味無咁濃但以口感為主,臘肉本身肉感反而係一邊係偏硬, 一邊就脂肪所以偏軟, 口感比較特別.手工酸辣空心麵,麵身不滑,小小軟身, 如果講口感有小小似擔擔麵+依麵既混合,算係好食, 麵份量不算多, 外觀好睇, 會有臘味做肉, 湯底係酸辣湯 典型既麻+酸,酸味算係重, 如果唔中意食酸既人要留意, 因為酸辣店分2派係常識, 有一部分人只喜歡麻不喜歡個酸.菜方面餐廳會配上自家制既蠔油, 此蠔油比一般的酸小小, 味道會帶小小咸, 感覺配菜食唔錯.整體而言性價比一般, 但臘味做得算係出色但菜單選擇我覺得比較少.. 不能滿足太多客人, 環境好. 地方比較偏.