憶食尚臘味煲仔飯

營業中

休息中

成個冬天無食煲仔飯，因為一般食煲仔飯嘅地方都好熱鬧到擠逼🤣基於疫情嘅危機感，都真係唔放心。同朋友講開，就介紹我黎憶食尚。一入到去，哇，用藍色金色嘅皮質梳發椅，每張枱都有個梅花鹿圖案嘅屏風相隔，枱面食具好精緻，完全唔似食煲食飯囉🤣🤣打開餐牌，唔係傳統嘅款式，見到食材都好有檔次，但價錢絕對大眾化👍👍川味臘味煲仔飯：$148臘肉👉🏼300天散養土黑豬，薄切方法方便一口飯配一片肉，唔會太咸，好夾好味。臘鴨👉🏼板鴨咸香，不太油，肉身好趙口臘腸👉🏼川椒+茅台酒浸醃。麻辣得黎有少少酒味，又不失臘腸原先風味，呢個超好食飯質Q糯有勁道，粒粒都有臘味油包住，粒粒分明，口感一流👍👍薑蔥爆雞煲：$98雞件選用山上奔跑雞，肉質有彈性，肉嫩皮爽脆。如果有辣味揀更啱我心水🤣但薑蔥食法帶出雞的鮮味油菜：$58（印象中係）主要食個蠔油，係蠔油，不是蠔味醬油。一問之下，經理話係用汕頭頭抽蠔油，唔怪得咁正啦❣️❣️❣️

同媽咪去柯士甸探完親戚,見到呢間好潮既煲仔飯專門店就入去食下野.裝修好有格調,每張枱都有屏風隔開,既衛生,私人度又高.Menu除左主打煲仔飯外,都有好多中菜選擇,就試下佢D中菜啦,叫左瑤柱蛋白海皇炒飯, 甜蜜咕嚕肉, 上湯娃娃菜玄米茶,茶方面都好講究,唔係用茶包,係用原粒玄米,而且好多,茶米香味特別清新,好飲.瑤柱蛋白海皇炒飯,賣相好吸引,材料豐富,大大只蝦仁,仲有超多蟹籽, 瑤柱,炒飯功力了得,飯粒分明,有咬口,瑤柱夠鮮味,蝦仁爽口彈牙,每啖都有蝦仁,加上蟹籽,蛋白,成個飯好有層次,好好味.甜蜜咕嚕肉, 咕嚕肉炸得外脆,肉依然鬆軟,酸甜汁味道岩岩好,仲有拉絲效果,非常醒胃.好好食.上湯娃娃菜,有炸蒜同火腿絲,娃娃菜本身已經好清甜,吸收埋上湯,甜上加甜,正.原來仲有自家製臘腸禮盒買,可以買埋手信^^

今日去左柯士甸附近食嘢 天氣好熱想搵間舒服啲餐廳坐 上op見到呢間都多人推薦不過要經過啲細街先去到 有少少靜大家小心啲！呢間餐廳價錢係中上 不過煲仔飯黎講相對叫做可以坐得舒服啲闊落啲🤪店員服務都細心會主動清枱！餐廳仲有屏幕增加私隱度！我地叫左個薑蔥爆雞煲！佢熱住岀曬煙咁上碟好香！😆不過就煮得有少少油 同埋啲雞可以再入味啲🤗不過都算唔錯！跟住再有蠟味煲仔飯☺️啲蠟腸 蠟鴨 蠟肉全部都好足料！個飯份量都多 2個人食好夠 飯焦好脆好香😆(不過第二日食到有啲喉嚨痛😂)中和下重口味既野食order左個上湯菜心！清淡好食！

前排天氣突然轉涼突然就好想食臘味同煲仔飯同事推薦位於佐敦文滙街嘅憶食尚臘味煲仔飯香菇滑雞煲仔飯雞肉份量頗多而且肉質軟嫩細滑帶啲黃油加埋北菇以及薑蔥打開煲蓋即刻已經聞到勁香飯粒飽滿香軟同時乾爽分明配搭調製醬油濃稠香醇鍋巴飯焦金黃薄脆香口得嚟唔會太燶證明火候控制幾好南安板鴨粥南安板鴨選用上等麻鴨古法泡醃再以陽光晾曬製成加啲薑絲用嚟煲粥鹹鮮適口同時油潤甘香粥底綿密稠厚而且富帶米香配搭切粒菜頭爽脆口感豐富時令蔬菜(上湯)娃娃菜翠綠幼嫩簡單配搭上湯同啲金華火腿以及薑絲蒜片已經足夠清甜

自從冬天在佐敦渡船角試過一次這裡的自家有機臘味煲仔飯後，一直念念不忘，今日揸車經過附近揾嘢醫肚，餐廳對面便是大型停車場，非常方便，便再次來探店。店內的裝修佈置以及餐具擺設都非常淡雅高檔，完全可以同酒店媲美。今日氣溫回升，吃煲仔飯似乎略顯熱了一點，驚喜發現原來餐廳星期日亦有經濟午餐套餐供應。蝦球手工撈麵：用上陝北手工空心麵製作的冷麵，配上了五隻大蝦球，撈埋青瓜絲及香蒜蝦米，香口得來完全唔油膩，非常爽口開胃。瑤柱蛋白海皇炒飯：睇落簡簡單單，原來内有乾坤，配菜有大量蝦仁及飛魚子，炒飯幹身唔油膩。足料老火湯-蟲草花淮山燉雞：跟餐的老火湯也毫不馬虎，非常滋補。瑤柱蝦米雜菜煲：餐餐都要食菜的我另外叫了一客厨師推介的瑤柱蝦米雜菜煲，賣相已經令人非常開胃，上湯雜菜蝦米配上薑絲火腿，完全可以感受到店家的一絲不苟。午餐除了熱茶還跟餐飲，可以選擇即磨咖啡，為周日的午餐畫上完美句號。特別一提，這裡大部分的食材都有精美禮盒裝可以直接購買，且價格非常公道。

煲仔飯一樣可以滋味地慢慢嘆，環境一流舒適，每一台都相當光猛，坐得好舒服，而且環境都好靜，如果想同朋友靜靜地坐低食中菜，係好合適的。 先黎一個川味臘腸炒蛋，川味臘腸好特別，辣味既臘腸，而且臘腸肉都好好食，伴飯食一流，臘腸用來炒蛋相當惹味。 一個簡單的蒜蓉津白亦相當有家常菜既味道。簡單得來又好好食，就係要有一份時蔬先似一餐家常便飯。 主角就係臘味煲仔飯，上面有臘肉，雞等等配料。煲仔飯上黎既時侯熱辣辣，店員一打開既時候香味已經撲鼻，超香，然後佢會幫你淋上醬油，仲有加上蔥花。再會幫你炒一炒。臘肉等既配料香，但唔會過咸，而且唔係大肥肉，咸香味滲曬入飯裡面，然後呢..最後煲底的飯焦就係主角，脆，香口，為煲仔飯添上精華。

通常吃煲仔飯都是去廟街，近日我們就到了位於佐敦文匯街的一間餐廳，店內的裝修很光鮮，沒想到吃煲仔飯都可以如此高級！😁店員首先讓我們選茶，我們選了玄米茶🍵，因為中式餐廳比較少見！最令我驚喜的是，玄米並非茶包，而是有一粒粒米，而且很香。😁之後我們點了以下菜式：🥬上湯菜心平時我很少吃菜莖，因為有時太生太硬，但過碟菜心軟硬適中，配上上湯、金華火腿絲同蒜片，很入味。🍤沙拉蝦球沙拉蝦配以花瓣伴碟，相當精緻。沙拉帶點wasabi的味道，有點清新的感覺。🍚廣式臘味煲仔飯來到重中之重煲仔飯，店員很貼心問我們要不要加蔥，之後再幫我們加上醬油然後再攪拌飯。米飯吸盡了蠟腸、蠟鴨、蠟肉的精華，而肉偏瘦，適合怕肥的我們。加上，它用了茅苔酒，令整個煲仔飯得以昇華！而最後還有很多飯焦，相當香脆。😜整體來說，沒想到吃煲仔飯都可以吃得如此高尚，吃的中途還幫我們換碟，令人驚喜！下次要再約朋友吃其他煲仔飯！😚

今日陪朋友去左柯士甸拎野, 經過見到E間食臘味煲仔飯, 諗起已經勁耐無食🤤, 於是就決定入去試下, 餐廳裝潢幾靚, 完全唔似食煲仔飯嘅地方🤣, 枱與枱之間有屏風相隔, 幾有私人空間!🌟清蒸廣式臘腸小妹未試過就咁清蒸臘腸唔跟飯食, 見到覺得幾得意於是就點左, 店員話有川式同廣式揀, 川式會有花椒, 而廣式係由茅臺酒調味! 由於朋友唔食辣所以小妹揀左經典廣式臘腸, 一上枱已經好香茅臺酒味, 色澤油潤甘香, 一咬落去臘腸嘅油分隨即爆出帶淡淡嘅酒香, 軟硬肥瘦適中, 味道好鮮甜, 推介!🌟香菇滑雞煲仔飯🍄🐔🍲一打開熱辣辣香噴噴, 飯粒飽滿, 口感煙韌, 加埋甜豉油好好味, 雞肉份量幾多幾滑, 飯焦係超多而且咬落去超脆, 幾有驚喜!🌟上湯時令蔬菜🥬菜心顏色嫩綠, 食落口感唔老幾爽脆, 上湯味道清清地唔味精, 上面鋪有薑絲蒜片同金華火腿, 令上湯味道增添少少香味同咸香味! 一濃一淡, 平衡番食完煲仔飯果重濃味嘅感覺!

最近想食煲仔飯，想揀一間廟街之外嘅選擇野飲叫左菊花茶，菊花清甜幾好味。前菜係涼拌青瓜木耳，好清新開胃嘅小菜，有少少辣，啱曬鐘意食辣嘅我主菜有川味臘味煲仔飯，想碟嘅時候，侍應會幫我哋落豉油，再刮起啲飯焦，幫食客撈好個飯。呢個煲仔飯同其他餐廳嘅臘腸有啲唔同，佢係用左川式臘腸，帶少少辣味，都幾野味臘肉同臘鴨都好入味，加埋香脆嘅飯焦，總體都好唔錯。另一個主菜係咕嚕肉，個咕嚕汁較得好惹味，仲有拉絲嘅效果。總體呢餐都有驚喜，煲仔飯係我最鐘意嘅味道得黎，臘腸都有啲驚喜。餐廳仲有賣佢嘅臘腸，鐘意食嘅話就可以買啲番屋企，都幾方便。

呢度除咗主打煲仔飯，仲有多款小菜、小食、其他主食等等。而家夏天，我哋就叫咗冇咁熱嘅嘢食。入到餐廳招呼幾好，坐低就叫咗茶。叫咗菊花茶，菊花味幾香，茶夠熱。呢度座位都坐得舒服😌▶️涼拌青瓜拼木耳青瓜夠爽口。我鍾意木耳亦都爽口，佢有微微嘅麻辣香，但係又唔會好辣。開胃又惹味。▶️甜蜜咕嚕肉一份咕嚕肉份量夠多，咕嚕肉唔會只有肥膏，肉多皮夠脆。新鮮熱辣辣整起，咕嚕汁唔會太酸，仲有配菜菠蘿 🍍、洋蔥🧅等等▶️蝦球撈手工麵蝦幾爽口，有四隻。手工麵麵汁幾好味，帶點蒜蓉麻油香，成個麵非常夾，夏天食相當適合▶️蟲草花紅棗圓肉杞子瘦肉湯呢個燉湯夠足料，味道夠濃，營養價值高。

今日就開始放復活節五日長假期🎉🎊專登同朋友出佐敦食lunch，佢話呢間係香港少數乾淨企理兼坐得舒服既煲仔飯😁去到見到環境果然係靚！仲有屏風隔住每檯客人，食得安心又有私隱👍👏我地叫左個臘味煲仔飯，蒜蓉炒小棠菜同埋涼拌青瓜併雲耳～臘味煲仔飯由臘腸，臘肉同板鴨組成，店員根據佢既經驗幫我地去拌均，形成好靚既飯焦！😋臘腸同臘肉肥瘦適中，肉味濃郁，而板鴨鹹香味就比較重，白飯口感煙韌而且粒粒分明👍 呢個煲仔飯真係好出色！果然係招牌菜👏👏 蒜蓉炒小棠菜排得好靚😂 蒜蓉味濃郁，炒得岩岩好夠爽脆，唔會太油膩👍涼拌青瓜併雲耳唔會太辣但個辣味好香，做前菜一流😁配合埋呢個環境，真係好岩三五知己傾計聚舊😊😊

今日去咗食煲仔飯 呢間煲仔飯嘅環境令我意想不到 氣氛安靜高格調侍應態度好好 斟茶斟得好快 服務令人非常滿意值得一提如果隔離枱有客人會用屏風相隔 增加客人嘅私隱度 真係冇諗過食煲仔飯竟然有高級感涼拌青瓜拼木耳份量十足 青瓜好爽脆 木耳好入味非常開胃 味道有少少麻辣 但又有青瓜嘅清新廣式臘味煲仔飯一上菜就有煲仔嘅咋咋聲 侍應好貼心地比我哋先影相 跟住再幫我哋撈煲仔飯豉油 份量非常充足兩個人食一個煲仔飯已經有五成飽 但因為太好味個底有好多金黃色飯焦所以我哋最後都食曬 煲仔飯餸菜亦都好多有辣味臘腸同鴨髀 鍾意煲仔飯嘅一定要試川椒麻辣雞煲侍應好貼心問我哋食唔食得辣由於朋友唔係好食得辣所以我哋叫咗小辣一上菜雞煲勁香 食落去有少少辣但係麻嘅份量比較多份量都好多基本上兩個女仔食上面三樣嘢一定勁爆飲品方面有菊花鐵觀音同玄米選擇我哋揀咗菊花 好清新可以一解雞煲嘅油膩感 感覺喉嚨亦都好舒適

秋冬季節⋯突然間好想食煲仔飯😙午餐時間係佐敦找一找知道這間店有西式裝修，但係食中菜仲要主打係煲仔飯，唔使諗即刻去試吓先！因為平日關係不太多人，我們被安排窗口位而且和後面有屏風隔開，感覺私隱而且衛生！我哋當然點咗佢嘅招牌特色臘味煲仔飯，仲有一個甜蜜咕嚕肉，因為我哋得兩個人都食唔到太多野，但係呢兩個餸已經令到好驚喜！煲仔飯上枱已經陣陣香味，最重要嘅佢有飯焦👍🏻而且臘肉、臘鴨、臘腸都係咁好味！另外嗰個甜蜜咕嚕肉都好惹味酸酸甜甜咁！而店員嘅服務都好好而且好主動，我哋同佢傾偈有問必答令我哋更加了解到啲餸菜😉

這個Weekend Brunch應該比平時的晚飯, 更油膩和重口味. 秋風起, 就是吃煲仔飯的時間. 這家餐廳主打的是自家的臘味煲仔飯, 當中的臘腸以土黑豬製作而成, 吃起來口感更實在, 今次吃的是川式做法, 在製作臘腸時更加了花椒提味, 因此麻香味比酒香味重, 但不會過辣, 這做法比較特別. 至於臘肉和臘鴨 味道和平時吃的沒太大分別, 肉質偏瘦而油亮度一般. 米飯外表圓亮, 煮起來口感飽滿, 頭抽平均沾在飯粒上, 如果臘味油量再多一點, 三者味道的融合應該會更好. 飯焦香脆但較難從煲底刮開, 吃起來有點吃力, 對我而言這是一煲合格, 有特色但還有改進空間的煲仔飯, 特別它強調食材的高質, 要吸引客人買它的食材, 在處理方面和者法要求要更高, 才能讓客人有購買的Wow Factors.其他菜式方面, 最有印象的是生灼土黑豬肉, 簡單的薄豬腩片, 肉味香濃而且肉質結實, 以腩位來說平衡度高. 簡單的芫莤豉油提味就夠. 相反黑松露雞煲太過油膩, 味道濃烈但層次感不夠, 不太能品嚐到松露的香味, 前者用料和煮法簡單非常, 但比起後者吃得更舒服.

We ordered a takeaway after HK has restricted for takeaway food only these days. I would say this restaurant is cheating. We spent 340 hkd on the following food and all the meat tastes like been expired and especially the fried pork is awful! The amount of the food as you can see is quite small.I don’t think this restaurant will survive the pandemic if they cheat on customers like this.