憶食尚臘味煲仔飯

營業中

休息中

在佐敦開完會已經7點幾，見肚餓，就跟同事一齊食埋個晚飯。請教客戶附近有咩好介紹，佢推薦對面文匯文英街一些食店，而唔係佐敦道附近的，從提議中揀選咗煲仔飯，因好耐很無食過了。舖頭入口擺放大量自家產品，舖內裝修企理骨子，每張台用靚靚高身屏風隔開，個後生侍應服務快手到位，又夠禮貌，唔錯！平時飲茶飲得多，所以今晚揀咗少飲嘅（玄米茶），真材實料，d米係晒茶壺底，唔係用茶包！嚟到梗係點想食嘅煲仔飯，揀咗有3款餸😍嘅（特式臘味煲仔飯 ），上枱時煲仔無咩香味，心想唔係中伏呀話 😅？！打開個蓋就放心晒，香味散發出來，D餸排得整齊，年青侍應快手落 “自家製” 醬油撈混飯餸，醬油少甜微鹹，臘腸煙韌唔硬，肉軟有好香酒味，超正! 臘肉睇上去好似肥多過瘦，其實肥瘦適中，食落無肥膩感；臘鴨皮少肥，可以唔食，肉夠瘦，夠鹹；米飯煙韌又帶有飯焦，飯焦唔燶又脆香，好好味，下次都要點返嚟個。😋 4.5⭐海寶獻鳳皇（鮑魚雞煲）約有六，七隻一吋大小的鮑魚，一隻一啖，每人食到三幾隻；雞件走過油，肉質香，有饞勁，有雞味，兩者都很入味。（油菜）好青嫩嘅菜心，葉淋莖微爽，醮點少鹹的頭抽蠔油，味道確係唔同d。如果價錢平宜一點就更好。唔使等天

由小到大，都喜歡那金黃色、鍋氣滿滿（並唔是揹嗰隻😗）香脆有口感的飯焦…煲仔飯好多地方都有得食，秋冬更受歡迎，但要做到金黃、簿、又唔係太痴牙…唯有來依度，真係好鍾意❤️飯焦迷，唔好錯過。環境清幽舒服，最重要係空間，枱同枱之間有足够距離，講秘密都唔使蚊滋甘細聲。歐陸得來有種「禪」味，好好地食個晚餐，的確唔錯。仲有，個服務好好，細心。最緊要係咩？叔叔好識影相，可能影慣了，影得人好瘦。整體來講，開心、舒服、賓至如歸！會再去！

今日朋友約我到佐敦文匯街「憶食尚」食午飯🥣，我是第一次光顧食店，估唔到係舊區有間咁高質中菜館，湖水藍歐陸風格裝修令我眼前一亮，每枱都有屏風相隔，格調高雅，環境好清靜，朋友家人相聚又多咗過好去處🥰🥰原來佐敦餐廳為概念店，於深圳、安徽有分店，食物都是用自家產品製作，客人食過覺得好食，就可以喺零售店買走，所有臘味都用靚料炮製，不加防腐劑及化學物，選用河源自家農場嘅走地新鮮土豬及重慶黑毛豬，食得安心又放心😘😘酸辣手工空心麵 $78川味臘腸，食落帶煙燻香，肥瘦適中，肉味濃郁，四川酸辣湯底，麵條用上陝北手工空心掛麵係《舌尖上的中國》介紹過的張爺爺廠房製作，選用俄羅斯麵粉，人手拉成空心狀，質感似天使麵，微微煙韌彈牙，配上香菜、蔥花、炸花生🥜食落好滋味😋😋瑤柱蛋白海皇炒飯 $88米係用上東北五常大米，濕潤飽滿，廚師妙工了得，炒飯粒粒分明又冇多餘油份又乾身，配合大大隻彈牙蝦仁🍤，瑤柱、蛋白、芥蘭粒，蟹子，一口一口食唔定🤤🤤白灼菜心 $68白灼茶心，顏色嫩綠，鮮甜嫩口，伴上蠔油醬又另一風味😋😋一花定真情 $118朋友一天前預訂嘅菜式，雖然好似簡簡單單，但好有心思，愛意無限🥰🥰除具觀賞價值外，味道一個字「鮮

响疫情之前曾經食過呢間，佢哋自家品牌嘅臘腸，真係一試難忘念念不忘🤗今日專登出佐敦買順便食餐好嘅🤪裝備佈置無乜改變只係為疫情多加間隔屏風，係屏風並唔係膠板👍🏽餐廳環境依舊雅緻！今日主要任務係買臘腸😛茅台酒味香醇芳郁肉香濃厚，誠意推介🙌🏼一場嚟到梗係食埋啦！涼拌青瓜拼木耳：入口味道「麻」「辣」層次分明，青瓜切段勁爽口，木耳柔韌適中帶爽！𡁻完吞咗都仲有after taste😋真係越食越想食！金銀絲拌銀針：新菜式仲要係店員用心推介，一於試吓...蛋香惹味！芽菜爽口！最簡單係最美味😋土雞板鴨煲仔飯：因為買咗臘腸🥶咁就試下第二味...土雞口感結實有咬口！板鴨肉質細嫩帶少許咸香！煲仔飯由生米煲成熟飯需時20分鐘，採用上東北大米口感少少偏硬令飯焦更脆🤩鍾意食飯焦嘅朋友呢間煲仔飯真係非點不可！

一向懶寫食評的我都忍唔住出手了！因為實在好食！煲仔飯固然好食，多料、飯的焦熟度拿捏得很好，飯底食到的是焦香味，而不是「囉」味。我跟老公較欣賞南安板鴨粥，需然用臘鴨煮，但不油膩，還有種咸香的「嘢」味。至於雜菜煲，我們都食出菜的鮮甜。

Happy Friday! 今日決定去試試新餐廳，地點係佐敦既憶食尚臘味煲仔飯。講起食煲仔飯，可能大家都會覺得係街邊大排檔食，不過今次呢間係高檔版既煲仔飯！呢度舊樓林立，又估唔到呢度會有間裝修都企企理理，坐得幾舒服，又有私隱度既煲仔飯餐廳。午餐有四款揀，有炒飯，手工麵同湯飯，亦有2人同4人餐。午餐送咖啡或茶。熱茶居然係玄米茶，堅有粒粒米可以咬下，仲要唔收茶錢。蟲草花燉湯 首先一人一個燉湯，燉湯係蟲草花。湯味非常清甜，都幾足料，有蟲草花，淮山，桂圓，紅棗，豬肉，雞肉。瑤柱蛋白海皇炒飯 $88瑤柱蛋白海皇炒飯賣相都唔錯。一大碗飯上面有一隻剝殼蝦。都幾足料，有唔少鮮蝦粒，蛋白，瑤柱，青瓜粒，香蔥同脆脆蟹籽。炒飯少少濕潤，味道幾好，海鮮味幾濃吓。而且口感好好，有鮮甜鮮蝦粒配爽脆青瓜同蟹籽。酸辣湯手工麵 $68酸辣湯手工麵成鍋上。手工麵有d似上海麵，又幼又稔滑。個湯酸酸辣辣，幾開胃。原來有好幾塊臘腸，浸左湯一d都唔乾。仲有一隻煎太陽蛋，同兩條菜心，另外仲有d花生粒同葱花香茜調味。白灼菜心 $68另外叫左一碟白灼菜心。菜心超翠綠同嫩，落左唔少油所以好滑。隨碟上嘅蠔油係冇添加嘅頭抽，又真係望落色水冇

呢日有事要到柯士甸站處理，之後就喺附近覓食，想搵間坐得舒服嘅餐廳，行吓行吓經過呢度，裏面環境睇落乾淨企理又舒適，咁就決定入去開餐😆叫咗 $78嘅 午餐「蝦球撈手工麵」，包咖啡或茶，揀咗「即磨咖啡☕️」，$88嘅「蟲草花燉雞」，同埋$68嘅「清炒菜心」😋-「蝦球撈手工麵」：蝦球🍤好似係輕輕炸過，新鮮美味肉質結實😋；手工麵上邊鋪滿整碎咗嘅蝦米絲（係廚師後來告知），超級香口，又好食，呢個係小小嘅神來之筆😋- 「蟲草花燉雞」：味道非常清甜😋，除咗有蟲草花同雞，仲見到有紅棗、桂圓乾、北芪、杞子😋；仲有，我唔覺意咬到雞骨，發覺原來雞骨都燉到軟軟哋😋-「清炒菜心」：菜心新鮮，簡單味美😋-「即磨咖啡☕️」：香濃好飲😋

今日由我覺得比朋友呃咗，到覺得好滿足的過程。今日我朋友約我去佐敦食午餐，行行吓佢指住一間舖，話我哋今日嘅午餐就喺呢度解決，寫住煲仔臘味飯。我心諗夏日炎炎食臘味飯？點知一入到去成間西餐廳咁，每張桌之間都有屏風隔開，冷氣溫度適中，完全改變左我入餐廳前覺得會好熱的感覺。我們叫了一個酸辣湯手工麵，一隻半生熟的蛋加埋少肥而不膩的臘肉，湯底酸辣分明。上湯娃娃菜一大煲的臘味煲仔飯，我成日食的臘肉係好乾，好油好膩，但這個臘肉完全係軟硬適中又唔會得個鹽的咸味蓋住本身的味，加上好香的白飯又唔會太乾，想食飯焦時，煲邊的飯焦剛剛剛好，脆得來又唔難入口。食完這餐，我對臘味的感覺完全改觀。

今日去左位於佐敦嘅煲仔飯專門店 見到好少可煲仔飯都會整得咁靚 所以一定要入去試吓✨川味臘味煲仔飯有兩種煲仔飯可以選擇，原味臘味煲仔飯同埋帶有少許辣味嘅川味臘味煲仔飯呢度嘅煲仔飯真係超級正 即叫即做 上枱嘅時候侍應會即場喺你面前幫你落豉油 將飯粒同埋豉油都撈勻 食落去飯粒每粒都好彈牙有米香味 豉油嘅味道又恰到好處甜甜地🤪好高質食到底仲有飯焦咖😛😛😛✨四川辣子雞辣子雞我主要睇兩樣嘢 夠唔夠脆同埋夠唔夠辣 呢度嘅辣子雞做到哂兩樣野 食得岀啱啱炸起 調味又做得夠 非常惹味 份量都足夠 只係每件雞切得細件左少許✨小棠菜呢個菜既大小同擺盤都做得幾好 首先每件都係一口既size 每一件都可以直接放成舊係口到食 非常貼心。第二，啲白菜放得十分公整 放得好靚仔而味道又恰到好處

星期日黎食都有lunch set，跟餐有湯送，個湯幾足料!! 酸辣蛋手工麵手工麵屬於幼身的幾彈牙，湯底微辣香口但又不太油，除咗太陽蛋仲有花生、菜同臘腸，好耐冇食過臘腸同埋通常配飯，同麵一齊食真係第一次，但感覺又幾唔錯!!瑤柱冬瓜脆米湯飯貪佢清清地，因為有瑤柱令個湯底幾清甜，除咗冬瓜仲有肉絲蟹柳草菇等等，撈飯食一流，脆米另外用細碟上，食落多一個口感!! 再叫咗一個蒜蓉炒菜心 ，呢碟發揮正正常常!! 另外讚下呢度有屏風間隔住，同隔離枱有距離感，裝修都幾典雅簡單明亮!!

今次真係要大叫一句好好味啊!!!!比張大合照大家睇先~話說老闆成日都話想試下香港的煲仔飯,但係一般食煲仔飯的地方都比較隨意。終於比我搵到間坐得舒服,食物又靚仔的地方啦。其實一間餐廳食物品質好唔好,除咗主打菜,茶水前菜的質數都好重要。憶食尚臘味煲仔飯真係無令我失望,只係玄米茶都超有水準。玄米香氣四溢,暖暖入心。第一次黎緊係要食佢地的招牌菜臘味煲仔飯!!!我想話簡直係我有生以來最好味的煲仔飯!!!原來餐廳的總公司就係食品工場,餐廳內的食材大部份都有自家公司供應。臘味煲仔飯內有鮮肉臘腸(係我食過最好食的臘腸,肥瘦適中,超多肉汁)廣色臘肉(非常野味,肉質不會於乾身)南安板鴨(都非常野味,口感較臘肉柔軟)米飯乾身度也恰到好到處,超多飯焦!!!!!最後店長更介紹我地煲仔飯可以兩食,加上特製上湯滾起將整個飯焦味更特出!!!川椒麻辣雞煲亦好出色!!!開胃而不會過辣,雞肉肉質鮮嫩,不像雪藏貨。建議要襯熱食,因為凍咗辣油會依附食物上。今次真係連我個要求多多的老闆都好滿意,仲即刻訂咗枱再帶朋友黎食飯。以後諗起煲仔飯,我都有地方介紹啦!

呢日約咗個朋友仔食飯，同佢就約咗係呢間餐廳。到去餐廳就見到佢雅緻既裝修，每枱都有屏風隔開。仲有個印象好深刻，就係餐廳職員好專業有禮，做事一絲不苟，細如擺放餐具都好用心，未開餐前都已經加分。蝦球撈手工麵佢既手工麵係幼麵，但係口感軟熟彈牙，再加上蝦乾,乾蒜等調味，香口得黎又唔會太重口味一再配上爽彈四隻大蝦，正！柱海皇蛋白炒飯炒飯粒粒分明夠乾身，而配料都好足，飯入面都有唔少飽滿既大蝦，鮮味十足。菜心都有驚喜，佢既上湯竟然有唔少既火腿，連咁細微既位都咁用心，值得一讚。燉湯用料好足，飲落好清甜入味，飲得出一定要落足時間火候先有咁入味呢。餐茶就中規中距正正常常。

以往食煲仔飯都係在大排檔食， 雖然有風味，但往往都係髒髒又熱的環境。 原來煲仔飯都可以食得好舒服。 今次就食主打煲仔飯位於佐敦文匯街的餐廳。土雞板煲仔飯 一煲靚的煲仔飯，飯是不容有失的。新米米香突出，舊米有質感，才做到米飯應有的甜味和焦香。鼓油是重中之重，調味調得好，一湯匙已令煲仔飯昇華！ 打開鍋蓋看到裊裊輕煙，香氣撲鼻，熱烘烘的感覺令人遍體生溫外，也引人垂涎。 享受除咗食之外，仲會有侍應幫你撈混，認真是享受！飯焦多又脆！雞又滑， 臘鴨融入在飯中。正！甜蜜咕嚕肉糖醋汁酸酸甜甜好正宗，咕嚕肉炸得非常脆口！上湯菜心非常用心的菜式是用了上湯配上金華火腿絲！值得回味！

一直都念念不忘憶食尚既煲仔飯, 佢可以話係我食過既煲仔飯最top頭三甲, 如果講埋環境既話, 專食煲仔飯而又可以令人坐得舒適悠閒, 應該只得哩度!餐廳裝潢優雅有品味, 疫情間坐位需要分隔, 依度既間隔係我見過最靚既, 用上有藝術感既屏風,  令原本優雅既裝潢更添味道。店員呈上玄米茶, 清楚見到粒粒炒香左既玄米, 味道清香既, 感覺天然無添加。涼拌青瓜併木耳青瓜新鮮爽脆, 木耳同樣帶爽口口感, 涼拌醬汁酸辣中帶少少麻辣香, 非常開胃。川椒麻辣雞煲上枱仍滋滋作響, 有川菜既椒香麻辣, 非常香, 今次揀左小辣, 以我口味下次揀中辣應該仲正! 份量足, 雞件肉質緊實有口感, 而且冇乜脂肪, 每件都掛滿哂醬汁, 香口惹味! 另外仲有紅黃青椒, 紅黃椒好甜, 帶來一點refresh口腔既感覺! 蒜蓉炒小棠菜擺盤簡潔精美, 中意佢唔會太油膩同太濕, 新鮮爽脆既小棠菜加上蒜香味, 簡單味美。 廣式臘味煲仔飯店員淋上自家製古法瓦缸頭抽, 再將之拌勻。臘腸, 臘鴨同埋臘肉既精華係烹煮飯既時間已滲入米飯, 米飯夠乾身有咬口之餘有臘味既油分包裛住, 啖啖都食到臘味香! 臘腸並無太多脂肪, 食落唔膩。而臘肉肥瘦

以前食過茶餐廳或大排檔煲仔飯，多數都係鋪外，對着大街，即叫即煮，在舊式嘅餐廳內享用。而這家裝修豪華嘅憶食尚臘味煲仔飯，亦打正牌做煲仔飯。餐廳內裝修新穎，每張枱都有屏風隔着，餐具擺放整齊，整個格局很優雅和舒服。餐廳除了煲仔飯，仲有小炒，麵類和粥，款式都算多元化。我哋等緊上茶時，隔離枱先上煲仔飯，飯香已經直撲過嚟，真係好期待。我哋叫咗個臘味煲仔飯，材料十足，香氣撲鼻，臘味好香，飯粒夠乾身，粒粒油潤煙韌。煲底係金黃香脆飯蕉，好香口，豉油亦調得好好，香甜適中，份外滋味。甜蜜咕嚕肉，鑊氣十足，甜酸適中，酸酸甜甜非常開胃。上湯娃娃菜，娃娃菜通透清爽，配上上湯清淡可口。