憶食尚臘味煲仔飯

營業中

休息中

今日去左一間喺佐敦叫憶食尚臘味煲仔飯嘅餐廳。一聽個名以為淨係得煲仔飯食。但入到去先知原來重有好多款菜式。店員先問我們想喝哪種茶。原來有菊花茶！好特別！好香菊花味，完全冇加糖，喝下全是菊花本身的清香。芥菜排骨煲芥菜好嫩，唔會苦。排骨鮮甜，脂肪同肉嘅比例剛好。湯底有少少辣辣地，睇真d原來有黑胡椒。秘製臘味炒飯飯炒得飯粒粒分明，唔會黐埋一舊。飯粒質感煙韌。有花生，食落更香口。臘腸切成小粒，混入飯中，唔仔細d睇都睇唔出有臘味，切到咁細粒都係方便你食每啖飯嘅時候都可以食到臘腸。加上蔥花，可以中和一下臘腸嘅油膩感。秘製臘味炒飯係午市套餐，跟餐送有營滋潤老火湯。粟米佛掌瓜豬肉湯，好清甜，無味精，唔會鹹。粟米清甜無渣。呢個湯有菜有肉好健康！特色腸粉(川味)用切成小粒嘅臘腸做餡，食落辣辣地，原來係臘腸本身辣。有d臘腸混入粉漿裏面，臘腸煙韌嘅口感同滑溜嘅腸粉互相輝映，呢個腸粉係真·腸粉，因為係用臘「腸」整成嘅腸粉！

第一次黎食e間餐廳，3個人叫左4樣野: 菠蘿咕嚕肉，酸辣手工空心湯麵，特色臘味煲仔飯(中份)，菜心佢地咕嚕肉嘅份量偏少。。但味道唔錯！酸甜度得宜。煲仔飯有好多飯焦！脆脆！係十分港式嘅味道！推薦推薦～(^o^)佢地嘅酸辣手工空心湯麵味道頗特別，因為唔太食得辣，所以特意吩咐要少辣，佢地staff都好nice好好人幫我地少辣！酸辣麵嘅辣味附帶住少少麻味( ^ω^ )相信食得辣或者麻辣愛好者一定會好鍾意食！餐廳嘅位置非常容易搵~係柯士甸站a出口行幾分鐘就到！相當方便。餐廳嘅裝潢亦十分之的色~係偏向西式嘅風格～係一間西式裝修嘅餐廳度食住港式煲仔飯，飲住熱辣辣嘅菊花茶，完全係中西嘅完美結合！

食煲仔飯幾時都可以食！今次呢間環境唔錯而且裝修都特別係一個高級的感覺香港傳統地道風味～試咗呢個特色臘味煲仔飯(小)($148)臘味同飯都幾香！唔過咸控制得啱啱好飯焦味道都唔錯，如果可以多啲就好啦～同埋如果可以幫手起埋飯焦就好啦～咕嚕肉酸酸甜甜～外皮夠脆！而且肉質不錯，好開胃啊！但如果咕嚕肉多肉D就好了～再嚟多一份白灼菜心菜心清甜而且可以解膩～感覺搭配煲仔飯都唔錯！最後再食咗一碗酸辣手工空心麵呢個份量超出左我哋想像因為大碗麵都幾飽！而且熱辣辣送上嚟好惹味啊！餐廳環境中級檔次，而且環境好舒服，注重食材質素，可以去試下！

今日帶大家黎食煲仔飯！！之前肺炎期間試過佢地嘅外賣煲仔飯，覺得非常正，所以今次決定帶埋朋友嚟堂食😆😆第一時間就叫佢哋嘅招牌臘味煲仔飯☺️有齊臘腸、臘肉、板鴨，熱辣辣完個瓦煲上菜，一打開蓋都已經聞到啲臘味香味。淋上自家製豉油撈埋飯一齊嚟食，香噴噴夠惹味！臘腸連埋啲肥膏一齊食，油香特別正，臘肉肥瘦適中。成個煲仔飯份量好夠，成個飯面都鋪滿晒😍仲有必食嘅飯焦，金黃色啱啱好，脆卜卜。朋友第一次食都覺得好正👍🏻

提到煲仔飯相信大家諗到嘅就會係舊式茶餐廳裏面嘅畫面，可能冇諗過一間高級嘅餐廳亦都可以食到香港嘅經典菜🤣🤣呢一間位於佐敦嘅餐廳主打嘅就係煲仔飯，從餐廳出面又或者成間店入面嘅裝修嚟睇完全唔覺會係可以食到香港最懷舊嘅嘢食，睇完餐牌之後就真係刮目相看🙀雖然呢一度最出名係煲仔飯但今次要試吓其他菜式嘅表現如何。首先要介紹下招牌菜生炒骨，咕嚕肉相信大家都食得多但係食親嘅味道都係差唔多，不過呢一間做出嚟嘅效果相信大家試完之後應該會有另一番體會。從呢一間餐廳入面嘅海報可以得知呢一間餐廳對豬肉嘅重視程度都幾高，所以單憑呢一碟生炒骨咁樣睇係絕對唔會令人失望，的確一食落去出面層皮仍然係脆卜卜，個味道同燒肉上面層皮一樣咁有層次，另外裏面嘅肉完全係淡淡瘦肉少少肥嘅感覺都冇，可能因為對豬肉嘅執着所以食極都係有甜味同埋好清爽嘅感覺。😻😻😻另外亦都試埋臘味炒飯，外觀上可能以為係糯米飯但食落去原來係同普通炒飯差唔多但係最特別就係用咗臘味油代替傳統炒飯嘅油，淨係呢一點已經可以將成碟飯嘅香味提升到另外一個層次，食落去真係又香又粒粒分明，完全對食開嘅炒飯有另外一個睇法👍🏼👍🏼 真係唔可以錯過淨係單憑呢兩款菜式已經可以睇到呢一間

呢間餐廳近佐敦，亦都近柯士甸，佢係一間食煲仔飯嘅餐廳，朋友上網見到佢嘅臘味幾吸引，所以我哋就決定喺度食啦！我哋嗌咗自家製臘味炒飯，另外都嗌左個比較開胃啲嘅咕嚕肉，依家天氣當然要食返啲開胃啲嘅菜啦！佢嘅炒飯份量都幾多，兩個人食足夠有餘，每一粒米飯都上晒色，炒得好均勻，而且好入味，臘肉粒份量都幾多，每一啖炒飯都有臘肉粒，我好滿意！佢嘅咕嚕肉，真係好開胃，酸酸甜甜，我好欣賞佢嘅咕嚕肉，因為佢嘅肉做得唔厚粉，好香，好酥脆，係我鍾意嘅口感同埋味道！

今日喺佐敦呢邊收工，朋友過收工過嚟搵埋我一齊食飯，點知佢行到你已經成身汗，所以我哋就係近地，渡船街附近食飯就算。坐低呢間餐廳之後，環境都幾舒服，適合可以慢慢坐傾吓計嘅地方。我同朋友每人一人叫咗一個餐，我就叫咗咖喱雞飯，個咖喱雞飯都有驚喜，啲雞係好似啲鮮雞件斬件嘅雞咁，同平日食嘅咖喱雞唔同。入面仲有啲薯仔啊洋蔥，超好送飯，如果碗飯可以再大碗就好啦，份量大啲撈汁更加一流。仲有跟咗個老火湯，湯都好足料而且冇味精。最後值得一提嘅係呢度嘅侍應好好笑容，服務態度亦都幾好。

朋友喺渡船街附近收工，我就由尖沙咀行去佐敦，都行咗成差唔多20分鐘，烈日當空下真係成身都濕晒。所以跟住都唔想周圍走來走去，直接喺渡船街搵吓有咩食，見到呢一間環境好似坐得幾舒服，因為成身汗嘅關係淨係想搵一間冷氣夠大坐得舒服嘅地方。我哋每人帶左一樣嘢食，我就要在XO醬鮑魚撈麵，佢係套餐嚟，跟湯。先講吓個湯，都幾足料，見到有好多湯渣。至於一個麵，除咗XO醬味之外，同平時有啲唔同就係有一啲麻辣尖椒味，但係又唔係話好辣嘅，所以就算唔係好食得辣嘅朋友都接受唔到，幾惹味。鮑魚就係一隻比較細細隻嘅鮑魚，不過呢個價錢都唔會預係有啲咩大鮑魚㗎啦，人均80幾蚊一個人消費。

煲仔饭家里煮唔到又无办法外卖，所以疫情缓和来吃煲仔饭。经过佐敦发现呢间，坐低search openrice先发现好评甚多。想吃特别的所以选择了川味煲仔饭，还有清蒸咸鲜海鲳鱼因为未试过。煲仔饭的川味和港味都有腊肠、腊肉和腊鸭。主要是腊肠分别，一个是原味一个是川味，川味很惹味，味道浓。腊肉肥瘦适中，口感好，相信原味腊肠一定也会很有水准。腊鸭不算太咸，咬起来几香。两个人吃完一份中份，吃到最后有饭焦，几好。咸鲜鱼份量不大，处理的几好，我同老公话如果配白粥一流，有少稍潮州风味。会再光顾。

呢間我之前見到有foodie推介 好似好靚咁 已經想去試🤤前幾日黎開呢邊有機會就終於去咗食 我覺得佢環境真係幾舒服 同埋佢煲仔飯個價錢係貴啲 但係其實一個真係可以夠兩個人食 所以除翻開都算OK😎·特色臘味煲仔飯 $148我覺得呢度個煲仔飯都幾值得試😍😍佢啲臘味係真係食得出用料好靚 佢個油脂真係好好🤤我最欣賞佢個臘肉 個調味岩岩好 而且個肉嘅質地都好好 之後個臘鴨 我自己都係第一次食 我就覺得佢好似有啲啲太咸同埋有啲啲un🙊不過我唔係好知臘鴨係咪本身係咁😂😂之後佢個臘腸都超特別 佢係有用茅台黎整 所以食落去真係會有酒香😈我食嘅時候話有酒味 我男朋友仲喺度覺得我亂吹 之後我哋一睇 發現真係有用酒醃🙄🙄·芥菜排骨煲 $98呢一個係個Staff推介我哋嘅 話我哋如果兩個人食一個煲仔飯加個菜就啱啱好 所以我地就嗌左😎我覺得佢個芥菜都整得幾好食 不過入邊啲排骨就肥左少少 好多肥膏🤭🤭個湯我自己幾鍾意 佢係有啲胡椒豬肚湯嘅感覺 超濃郁 我哋飲晒成煲🤤🤤不過又係飲到最底會有啲鹹 果然都係老師傅野😂·#rbyeat#rby港式#rby佐敦·📍佐敦文匯街22-24號地下2-4號舖

好耐之前係尖沙咀食過呢間近期裝修 冇計 好掛住煲仔飯🤭🤣去到佐敦都要食呢 呢間又大間又靚 裝修得好好呢 仲靚過尖沙咀嗰間冇變既個種中式情懷 非常正宗 又好味新出既仲有蕃茄炒蛋幼麵蕃茄又香又滑 非常入味 好正 加埋呢種上海麵 吸哂d湯 我連湯都飲埋呢新出仲有川味雞煲 食落小小麻 好岩兩個人好想食雞煲又食唔哂洋蔥同椒都好香呢當然有必食既煲仔飯啦 臘味唔會太肥太油多蔥 多點點豉油 臨尾仲一定有飯焦食百幾蚊一個煲仔飯 性價比極高🥳🥳🥳🥳

今日下午要去佐敦買嘢，買完同老公去憶食尚食Lunch，上次食完回味無窮，今日再嚟食嘢😋今次都係飲菊花茶，菊花清香撲鼻好好飲😋我哋叫咗菜芯，條條菜芯都好大條又翠綠仲好有菜味👍🏻最正係配埋自家製蠔油，呢個蠔油同出面嗰啲好唔同，呢個超級鮮味仲唔會太咸，同菜芯一齊食味道即刻提升😋酸辣手工空心麵，配上自家製臘腸味道不錯，湯底酸辣適中，空心麵比較有口感同層次🤤鮮醃倉魚，這條倉魚先醃好再天然生曬之後再蒸，其功夫一點都不小，仲好好食，上碟嗰時已經去晒魚骨，魚肉鮮味咸香，食到唔停手😋鋪面仲有得買煲仔飯和臘腸等材料，可以係屋企自己整嚟食，非常方便👍🏻仲有好多自家製造的產品，非常多選擇😻呢到環境優美，食物質素高，真心推介比大家😘

一個寧靜嘅中午， 我就去左是一間摩登煲仔飯餐廳。 去到餐廳後覺得座位闊落，是一個品茶嘅好地方。我就叫左一個鐵觀音，因為當日中午的確幾熱，飲完茶後覺得好舒暢。之後就叫左呢度嘅出名嘅煲仔飯。 煲仔飯上嘅時候好熱 ，服務員會為我去講解入面嘅材料而且會為我去拌均所有嘅材料嘅中。 而我呢個煲仔飯就有好香的臘腸，仲有土黑豬 （黑毛豬）十分之特別。呢個煲仔飯唔需要有太多嘅調味 ，反而更突出材料嘅原汁原。 臘腸唔會太鹹、土黑豬有啲似薄切嘅五花腩， 咬落口仲有少少油分流出來。 再配上脆飯焦可以話係簡單得來又口感豐富。 而呢個飯的份量一個男仔食就啱啱好。我自己覺得呢間煲仔飯確係特別，下次我會叫埋其他朋友，一齊試其他菜式！

今晚來到佐敦和朋友行街，準備找一間舒服的餐廳。可以舒舒服服邊晚餐邊聊聊天~~♥️🎵在轉角位置見到一間環境優雅的歐式風格餐廳， 藍色綠色米白色融合得很舒服。✨ 少女心的我們對呢個環境都好滿意呀～😍特式臘味煲仔飯估5到甘歐式環境食中式菜😂一上檯香噴噴的，非常惹人喜愛中份size都有甘多餸～包括: 鹹魚 臘味 臘腸 白菜仔一定要襯熱加上煲仔飯豉油，變成金黃色～～絕配呀！臘腸都大大粒，入口啖啖肉～椒鹽排骨炸至金黃色，香香脆脆的加上像避風塘口味的椒鹽粉在表面！小小辣，我覺得辣辣地都幾過癮呀。

又來憶食尚食午餐啦，今日約左客來憶食尚食野兼傾生意，點解揀呢度？因為呢度環境舒適，又高檔，見客食野傾計真係一流。今次我揀左碗酸辣手工空心麵，同埋一碟鮮醃鯧魚，呢個酸辣手工空心麵第一次試，我真係好鍾意這個酸辣湯底，唔會太鹹或太酸，真係成碗麵的精華所在，味道真係好正斗，差唔多成個湯飲曬。而這個鮮醃鯧魚係成條上，而且切好一塊塊，好體貼，雖然是醃製的鯧魚，但亦食得出這個鮮味，廚師真係好犀利。特別喜歡這裡的環境，帶少少歐陸風情又帶有典雅，同客人邊聊邊吃，傾生意都易好多，食碗仲可以慢慢坐同飲茶，大家可以來品嚐一下呢度的美食，仲有好多馳名菜，下次我都要再來試多d先。