愛文生

營業中

休息中

小炒熱聚，頓成往事，時日實在過得太快，太匆忙 誰說大學是人生中最閒的時間？ 工作份數少，當中質量要求卻不像中小幼稚園般直接，對此著緊的不會不費心思 當然，若是以吃喝玩樂堆砌人生，忽略其他方面發展平衡的話，可另作別論 提到小炒、大牌檔、深水埗，不論是網搜還是友薦，十之八九會提到愛文生 街知巷聞的道地風味的確受歡迎，多次路經都見不少人排隊，平日亦然 價位老實說不是非常低廉，中等水平，而質素聽聞已不及當年 然而未曾一試又怎會罷休？這次相約於六點七點，順利入座，食住睇人排隊 蔬菜就等於清淡健康？既然來到大牌檔，我們就不會讓此事發生 鴨蛋帶來鹹香及金黃微沙的食感，還有我愛的皮蛋，外表不討好，但味道獨一無二 金銀蛋浸時菜 $78的那層綠根本是點綴，重點是金銀蛋，且鹹度適中，不會太重口味 黃金炸鮮魷 $98的黃金有兩種意義－－酥炸後的黃金外層及鴨蛋黃裹面的黃金 魷魚肉帶彈性，軟嫩不韌，雖然表面真的很油，但依然酥鬆未有浸爛 蛋黃香潤不過，不會太水濕，輕裹面層，沾味較輕 酸甜口味無疑是我的愛，少不免三心兩意，最後選定京都豬扒 $80 豬扒連帶脂肪不多，瘦肉無腥臊，比較乾身，幸得酸甜醬汁解膩潤口

成班中同好耐都無出黎敍下舊了，趁住今晚大家都得閒就相約黎呢度食下飯聯誼一番。諗返真係好耐無食大排檔了尤其係返工放工都無咩興趣想食。見佢門口有幾個大火爐，就知呢度嘅鑊氣有幾足。一坐低大家就七嘴八舌咁講下近況同返工趣聞差啲唔記得點餐。餐單一張過，但要食咩想食咩都可以同伙計講或者聽佢建議。但我地無頭緒所以完全交俾幫襯過嘅朋友發板。燒乳鴿。真係皮脆肉嫩而且無咩羶味，但略嫌唔夠入味多返啲椒鹽會更惹味。全餐最好食嘅薯仔牛柳粒。薯仔好鬆化同香口完全係呢度菜嘅精粹，牛仔粒炒到有少少焦香，非常適合做一道下酒菜。西蘭花炒鮮魷。唔算特別但鮮魷厚實幾有咬口，不過不失咁啦。鼓汁蒸鱔。呢度我地係叫錯左嘅因為本身想食係砵酒焗鱔煲，但原來朋友口快快講錯左上枱先發覺。鱔魚本身夠肥美而且蒸得啱啱好，所以入口彈牙同嫩滑，幾唔錯同埋個鼓椒汁好送飯。黃金蝦。呢道就覺得差左啲食落唔係咁香口，同埋油膩咗少少。雖然蝦肉都大隻但唔夠乾身成為左佢嘅瑕疵。大排檔黎講呢度算唔錯，食物都有返咁上下，但最緊要係個氣氛好適合一大班人黎啤酒一番。

大排檔 又係代表作 呢間好多朋友介紹過今日同埋一班朋友黎 人多有樣好 多咁野食介紹下大家食美食薯仔牛柳粒 薯仔脆卜卜蜆肉炒一炒大大粒獅子球 炸bb乳鴿田雞炒菜 唔係個個接受到 其實好好食😆😆出哂名既黑椒豬手🤘🏻🤘🏻🤘🏻

與友人麻甩聚會，我就提議左去深水埗嘅「愛文生」大排檔！呢間鋪頭我食過好多次，絕對係大排檔嘅精選👍🏼依家食店係冇book位嘅服務，佢有分坐街邊同埋坐餐廳裏面，如果你唔習慣坐街邊，咁就要早啲嚟霸位！皆因佢七點打後一定爆場！食飯當日係32度😅所以我六點半就到左霸位，坐冷氣位😂但係如果你想試吓啲風味嘅感覺，可以選擇坐係爐頭嘅隔離，一定完全感受到嗰個「熱力」😂呢間食店嘅其中一個賣點就係爐頭喺街，你可以睇到廚師嘅功力同鑊氣！就好似一場表演咁👏🏼👏🏼黎到大排檔梗係啤啤佢啦!我哋一行五人，叫咗五樣餸！首先睇招牌鐵板黑椒豬手🐽睇佢個樣就知佢大件啊，上枱是用鐵板上！仲「謝謝」聲架😂豬手10分juicy同熱辣辣！配上惹味嘅黑椒汁，淋上去邪惡嘅豬皮，omg跟住到第二度邪惡美食，黃金鮮魷！邪惡嘅鹹蛋黃包住新鮮嘅魷魚，非常香口同埋有少少張口嘅感覺！大家一定要趁熱食！第三度就係坊間少有嘅魚腸焗蛋！佢一上枱我仲以為係Creme Brulee😂皆因佢表面都好似焦糖燉蛋咁，表面做得非常之香脆👍🏼魚腸清理得十分之乾淨，無腥味！整體都10分不錯！黎都大排檔點可以唔食豉椒炒蜆🤔蜆吐沙十分乾淨，10分鮮甜！師傅落鑊快炒配上香辣豉

因有朋友介紹呢間係唔錯所以第一次試食,星期六去有 12 個人,無得訂位要夠半數人先俾位你. 食物質數唔差,碟碟都算大份,但價錢唔算平總體來講都 ok. 只係職員態度唔好,有個唔知係唔係老細,係得別串,問佢可幫手影張相答你話唔得見佢對其他客人態度都差,係有個阿叔差唔多光頭果個,唔休做嘛,你唔食實有其他人幫襯. 所以如果要慶祝福節日食飯就唔岩喇地方環境就一般,如果唔介意環境就岩.

愛文生大排檔☺️如果要講最有香港特色既野食我覺得一定要數大排擋啦😎1️⃣豉汁蒸鯇魚 hkd88 😀個人最中意呢個👍🏿蒸到好入味好香呀☺️而且啲魚肉好滑～撈埋啲汁好好好食，送飯一流又惹味😈真心正呀！2️⃣黃金炸鮮魷 hkd98 😀個人覺得呢個都唔錯～用左蛋黃去炸😄更加香脆爽口！都用左幾多蛋黃架～好入味👍🏿正3️⃣黑椒薯仔牛柳粒 hkd98😀呢間就真係麻麻地啦⋯⋯薯仔好乾身，而且冇乜汁，牛肉都比較老..有點失水準呀😣

好耐無食過小炒．出開深水步就梗係唔放過食好野既機會啦😋今次得幾個人所以叫既野都唔多．但全部都好正👍🏻椒鹽鮮魷．惹味又邪惡．味道剛剛好黑椒薯仔牛柳粒．薯仔夠粉．牛肉夠惹味避風塘茄子😋呢款係朋友介紹我食．結果真係勁勁勁正！一定要食!食左幾樣比較上火既．叫返樣清清地既蒜蓉西蘭花．估唔到仲會配埋粉絲上比你．有誠意👍🏻我地叫既野唔多．但當晚有幾檯其他客都指住我地D"食送"問係咩．同埋都要點黎食．唔洗多講都知有幾吸引🤣

要食夠鑊氣既小菜, 即時係腦海裏閃出呢間, 為左唔想等位, 提前食飯時間至六點零鐘, 仲可以坐係室內區, 可以有埋電視送飯!食物選擇何其多, 差唔多可以係大排檔叫到既餸都有, 其實都唔駛睇餐牌, 每人心目中都有幾味必食菜式, 以下呢幾款就係我既心水!香口之選當然點呢碟椒鹽九肚魚, 九肚魚唔算肥大, 但脆口度就滿分, 魚肉嫩滑, 椒鹽味唔會過咸, 用黎送啤酒就一流!唔好睇少呢碟椒絲腐乳通菜, 係屋企個爐無咁好火好難炒得好味, 通菜當造無渣, 個腐乳汁調教得岩岩好, 唔係誇張, 只食呢碟都可以送到一碗白飯!呢味又係去大排檔必叫既紅燒乳鴿, 熱辣辣斬件上, 鴿既大少正常, 炸得皮脆嫩, 而卥水汁都浸得幾入味, 無需點淮鹽都夠味道!呢碟黑椒豬手係我目測出菜次數何其多, 差唔多有半場枱都有叫, 咁當然唔可以錯過啦! 巨型豬手以鐵板上菜, 再淋上惹味黑椒汁, 煙韌既豬皮食完覺充滿"骨膠原", 肉質唔嚡口, 肉既份量切開都唔少, 用黎送飯亦都唔錯, 唔怪之得咁多客叫啦!當我地食完離開之際, 天都已經黑齊, 等緊位既人亦都排滿門口..............................我地就帶住

通常去開深水埗大排檔就會去呢間愛民生，今次我哋五個人都點左五個菜一個湯。椒鹽鴨舌＄98 ,呢個真係一試上癮，唔使＄100大有成碟鴨舌好抵食，而且每件都好大嚿，但係今次咸左少少。鹽水雞半隻＄100 ,個雞皮鹹得滯，最好咬開咗雞皮先食，雞肉滑口，如果送飯都係不錯嘅。朋友推介個滑蛋蝦仁$98，本身都覺得好家常餸冇乜驚喜，但係原來隻蝦仁好大隻，比平時食開嘅起碼大兩至三陪，蛋都炒得夠滑身。蒜蓉蒸蟶子，呢款大蟶子就每隻計，價錢就唔記得咗，都非常入味，但下面嘅粉絲就唔敢食因為好油。椒鹽九肚魚＄90 ,不過不失，份量都可以接受，炸得都不算油膩。

如果去是大排檔一定要試E間愛民生，個師傅和廚房都係街邊，大家可以不需要入到廚房便見到師傅唔怕火嘅能力，同埋所有餸炒出來的鑊氣，真係不得了，雖然是街邊檔口但係都尚算整潔，一定要介紹嘅餸就係豉椒炒生腸，他們會將生腸反轉來洗，裏便嘅污糟野會唔見晒洗得乾乾淨淨，同埋吵得超級入味，其次就係要試吓佢地隻浸雞，皮薄肉嫩，其他椒鹽菜式都有大排檔一定的水準，大家睇吓過火就會明白！不要當所有大排檔都唔再出牌嘅時候先搵大排檔！

若提起愛文生的大名，相信很多人都一定知道它的來頭。先不說老饕和食家，就是很多現下的年青人和江湖人物，尤其住九龍區的人。若稍為對大排檔小菜有興趣的話，其中一間必定會想起的，定是這間響噹噹的老舖。它的背景，雖然Google大神定必找到，但在這裡也略講一下，它由1956年開業，原名為＂龍喜＂，最初主打燒臘，由林氏一家主理。後來做大了之後改名＂愛文生＂，變成主打大排檔小菜，賣的招牌，就是＂鑊氣＂，因此多年來，它仍然堅持使用火力較猛的火水爐，質素才能保持優質水準。時歷60多年，不但生意愈來愈大；今時今日更已傳到第三代的傳人。能由一間鐵皮檔做到今天坐擁四間相連店舖，又豈是浪得虛名？對上一次來愛文生，將近七年前。而自筆者執筆以來，一直想再去卻苦無同伴。直到兩日前，老爸提到再想食鑊氣小菜，正好晚上差不多九點的時間，讓我再一次想起了愛文生。七年沒見，風采依然，店面變得有點新淨，但是簡潔格局依舊，不同的是多了天花的兩部新冷氣和電視；而廚房則由室外的鐵皮屋轉到室內，少了一份懷舊感，多了一份衛生，有辣，也總有唔辣 。大排檔式格局，Menu自然是一張過膠餐牌兩面看，方便快捷。不過這都是給遊客用，老手的話當然已＂

前2晚同同事傾食咩宵夜 佢地即刻話要黎～愛文生～4個收工即搭的士去食野 其實我超鐘意食大排檔 小菜因為覺得好有鑊氣佢地話必食椒鹽鮮魷同水煮牛肉仲叫左個黑椒牛仔骨同蒜蓉炒白菜仔試左椒鹽鮮魷 終於知點解必食因為真係好好味 好夠椒鹽 烤得好香脆 入面魷魚熱辣辣 好爽口 好夠味 所以叫多一碟食白菜仔冇咩特別 水煮牛肉唔太辣 但麻味好重 正牛肉好嫩口 我仲用水煮牛肉個底黎撈白粥食黑椒牛仔骨好入味 唔會好咸 總括黎講 真係唔差😍諗起都想食多次椒鹽鮮魷

認識我久嘅朋友都知道相比於五星級酒店，米之蓮餐廳等等，我更加喜愛是香港的那種地道風味。尤其是喜歡和幾位從外國遠道而來工作的朋友，以及幾位很懂食的朋友一起尋找本港的地道風味。可惜的是到現在我還未考到車牌。。唉！就是要靠別人帶我去吃好東西。這次朋友一行多人來到深水埗愛文生，路邊架起火爐。豐聲火聲，對我們就是要找這種！原來這裏已經由第三代傳人主理了，這天有機會認識這位第三代，後生，年青有為，不會只坐著收錢，同樣落手落腳。這次已經是第二次來這裏晚餐了。先點了一個薯仔牛柳粒，薯仔炸得金黃，配上軟淋的牛柳粒，十分之香口，份量是巨型！看似簡單絕對不容易，在這歌薯仔牛柳粒中已經吃到了這裏火光熊熊的鑊氣。我是一個潮州女孩，特別喜歡這個潮式炸豆腐，這裏的潮式炸豆腐炸得剛好，香口而且乾身。美中不足是醬汁比較淡。改善一下更加好送酒。避風塘茄子是我點的，侍應說啊你真識食！同樣鑊氣十足乾身美味，茄子不會過淋，外邊的炸漿10分薄脆，配上避風塘炸蒜辣椒等等，香口惹味。這裏的王牌是黃金大蝦，但今次點了蒜蓉蒸開邊蝦，原因很簡單因為點得太多炸嘢了。用上新鮮蝦，配上美味蒜蓉以及豉油，把鮮味送到我們的口中。還有這裏的招牌砂薑雞

好耐無番深水埗, 自從搬走左之後, 都好耐無番過來, 今日來探下朋友, 行下鴨記, 之後梗係幫襯下老店啦! 愛文生真係好耐無食過, 每一次經過都會被佢嘅穫氣所吸引, 幾個朋友, 吹下水, 啤啤佢, 叫左幾味, 椒鹽豆腐, 夠香口, 佐酒一流; 黃金蝦, 咸蛋夠香, 炸得香脆, 連殼食都無問題, 原汁原味; 炸乳鴿, 皮脆肉嫩, 唔會一陣油益味, 即上即食, 炸物都係即食為佳; 豉椒炒蟶子, 有少少沙, 不過炒得夠辣, 蟶子都夠嫩, 可以; 最後來個蒜茸炒菠菜, 不時不食, 今期菠菜最當造, 唔食佢食咩呢! HAHA

一班舊同事聚舊想約食飯，諗起上次打完邊爐，今次梗係轉食第二樣啦，我提議不如去愛文生食小炒，多人去食可以食多幾個小菜開心share星期六1915到達，已經預期係要等位，只係冇諗過會係咁多人，而為左盡快可以開餐，等位既時候不妨先睇餐牌揀好心水菜式，最後等左45分鐘終於可以入座，足以證明小炒王既魅力$138 鐵板黑椒咸豬手之前食過一次，相比之下今次較為多筋，肉質雖稔但略嫌不夠入味，滿足唔到食肉獸既我$98 黃金炸鮮魷喺等位個陣已經見到出左好多個order, 當然我地都唔執輸，蛋黃咸香配上炸鮮魷，一絕$98 辣子炒雞軟骨辣子雞丁同椒鹽雞軟骨食得多，冇諗過辣子配雞軟骨一樣咁夾，夠惹味而且唔會太辣，佐酒及送白飯都咁出色$80 京都豬扒 / $78 金銀蛋浸時蔬(豆苗) 豬扒唔會過肥或太瘦，咬落啖啖肉，味道酸酸甜甜實屬開胃小菜必選。至於金銀蛋大多數人會配莧菜，偏偏今次賣哂而換左豆苗上場，不過一啲都唔失禮，夠新鮮嫩口仲有好多未食過，下次一定再encore! (最好揀閒日8-9點左右唔駛等咁耐位)