愛文生

營業中

休息中

星期日相約媽媽、女朋友、細佬同弟婦一行五人去食大排擋，未去到餐廳門口已見到火光熊熊的火焰。真的難想像伙頭們點可以在火爐旁邊工作9小時以上，尤其是夏日炎炎的夏天四處都人頭湧湧，要等齊人先入得。一隻炸乳鴿四人份真的不夠喉，原因是炸到外脆內軟又多汁。不用加海鹽已好夠味呀😝黃金𧎚更是枱枱必叫之選，滿滿咸旦黃黏住成隻蝦。蝦肉身新鮮。炒蜆好有鑊氣，大部份都保留蜆肉，不會好似出面食炒蜆隻碟入面大部份係殼而入面無蜆仔🙂薯仔牛柳粒份量不小而薯仔粒粒有焦糖香。蝦醬鮮魷炒通菜：魷魚彈牙，炒菜無上枱後好快黑。我地五人連餸、啤酒和飯加埋$600，係超值又好食。

佔著幾個鋪位的大排檔，一看就知道人氣唔少。試過先知，的確唔錯，與一班好友吃飯再不必煩惱搵咩地方。平日晚上都有很多人流，幸好地方大，等位不算太耐。上菜都好快，重點係每碟份量唔少，同大班朋友叫多幾樣最好！-黑椒薯仔牛柳粒 看似係招牌菜，因為見到侍應一手拿著幾碟，香味四溢 薯仔外脆內軟 其實係停唔到口，牛柳粒都好入味，好難唔叫沙薑雞（半隻）見到其他人都有叫，最快上枱，新鮮熱辣，一放上枱沙薑味飄過黎，真係好吸引魚香茄子煲送飯就最好啦，茄子炆到好淋，好大煲，不過最底真係唔好食，好多油金銀蛋浸豆苗豆苗新鮮幾爽口，個人覺得再煮淋小小會好d沙拉豬扒反而沙拉豬扒幾有驚喜，本來都係普通叫多個餸，但d豬扒好軟身，醬汁真係令到我食到lamlam俐仲要一碟係好多件豬扒大碟夾抵食，會同朋友再encore～

深水步好出名的大排檔價錢合理 又平又正  不過星期六日預左要等位 因為無得book平日黎可能少d人  唔洗等咁耐平均消費每人$100-$130左右 算幾抵食推介薯仔牛柳粒  上枱時仲熱辣辣  牛柳粒無乜根另外青檸雞都整得好夠味炒聖子夠野味  算幾大碟  炸鮮魷真係岩岩炸起即上枱  超脆口  整體黎講真係好抵食  大排檔環境就唔可以要求太多三五知己坐幾耐都得  無人會趕你走  而且仲有我加多寶可以飲 推介

好友生日飯, 決定帶幾支酒去慶祝一番！就決定搵D 大排檔 OR 中餐廳食飯, 朋友就決定黎呢間 "愛文生"食, 聽就聽得多但係未食過, 就決定黎試下喇 去到真係好多人！ 企到出曬馬路！ 拎左飛就同好友們係路邊開始品酒吹水先唔算等左好耐, 15分鐘左右已經入得！ 正！開餐！！入內樓面整潔企理, 唔錯 事不宜遲, 即時點餐！上菜！！一黎就係我既最愛, 黑椒薯仔牛柳粒薯仔煮到軟硬適中, 外脆內軟, 正！牛柳粒非常惹味, 醬汁香濃, 食落口一d都唔靭, 加埋黑椒既香味, 成個菜無得頂呢碟小炒王又係一道招牌菜！韭菜炒得好好味, 配合鮮魷, 蝦乾, 腰果真係好正！！ 送飯一流！！真係白飯都食多碗 椒鹽九肚魚！！ 真心正！！雖然好多地方都可以煮得到呢個味道, 但食落一D渣同骨都無, 香脆而不油膩, 真係難得！誠意推介！！ 如果份量再多D就好喇~ XDD  因為多人食, 每人分到唔多啫啫芥蘭煲, 又一送飯良品！成個煲濃味得黎又唔會蓋過芥蘭既鮮味！一向唔食魚腸, 所以無食呢個菜朋友話唔錯, 而且一D腥味都無紅燒豆腐, 普通豆卜煲, 可以整得更好其實都好食既, 不過對比其他菜就比較失色豆豉鯪魚炒油麥菜,

深水步好食大排檔小抄皇 香翠好食九土魚呢個我見好到多人叫， 好鬆翠，唔錯牛肉口感唔錯呢個佢整得幾無醒味， 但我本身麻麻呢個送黃金蝦 幾入味好食既店係多人等位d., 但好食既店就係多人排， 9個人食8個菜大約850蚊， 一人都唔使100, 仲大大碟 ， 正

剛剛由台灣回來，好想去食特色既野，所以走左去深水埗食愛文生食小炒，呢間野成日要等位，好在今次唔係等得太耐，好快有位，去呢到必叫椒鹽鮮魷，食落去好香口，今次都係叫左豬潤啫啫雞煲（但份量比以前少左），仲叫左黑椒薯仔牛柳粒（薯仔做得好入味），豉椒炒蜆（夠鑊氣），生炒骨（味道ok),叫埋個菜（少炒王)，1人叫1枝飲品，1人1碗飯，埋單都係668，除返5人都係134，食到少炒風味又夠飽，不過位置略遠，容易走錯，如有私家車會比較方便

今晚與老公的中同相聚，當中有友人也是愛吃之人，今晚他帶我們到這家深埗大排檔尋找美食，小妹很久也沒來深水埗了，還記得以前常光顧小菜王，這家愛民生還是第一次，要晚上六時左右來霸位，雖然已經有三個舖位，但仍然座無虛席。 先來個羊腩煲(例牌$298)，男仕們的至愛，份量十足，羊肉很腍，亦相當入味，羶味不太濃。 鹽水雞(半隻$100)，雞肉鮮嫩，口感滑，正！ 椒鹽九肚魚及魷魚雙拼($98)，粉漿夠薄，椒鹽味濃，最重要的要用料新鮮，炸得外脆內軟，一流！ 金銀蛋浸荳苖($78)，這道菜亦是食大排檔必點的，菜夠新鮮，味道都不用多講了。 金牌乳鴿王($68隻)，味道亦佳，但這個炸得有點乾身，略嫌未夠Juicy。 黑椒薯仔牛柳粒($98)，小妹不太好薯仔，都本著姑且一試的心態，點知，一口咬下，薯仔的味道極佳！香濃的黑椒加蒜味，完全滲入整片薯仔內，薯仔是耐煮食物，不可能短時間做到的，師傅真有功架！可惜牛肉不夠腍。 師傅就是在舖前的街邊炒餸，感覺很地道。 這個事必要返轉頭啦！

可能我們4個女生骨子帶著麻甩，每次相約都很愛吃"大排檔"🙈🙈🙈🙈這次來到朋友推介的"愛文生"！！！未到舖位已嗅到濃濃的小菜香味😭感到好餓了！但在等候的人龍很長，等候的人很多，擠滿齊條街道。相信人龍長一定不是伏😂😂😂辣子雞💜💜💜💜很香口，略帶鹹豉椒炒蜆💜💜💜可能少愛吃蜆，不太大愛😂味道的確香濃帶點辣，朋友們瘋狂吃這個蜆😂😂😂💜💜💜💜我們最期望的黑椒鐵板咸豬手😍好滑好入味，豬手皮是滑滑的，放進口感覺也不會很油膩😋不過略帶鹹生炒骨💜💜💜不過不失，味道不錯還有一客"蒜蓉炒豆苗"💜💜💜💜由於四子見到豆苗上枱已失了理性，瘋狂大吃，相片是沒有的🙈🙈🙈份量很多！整餐較為清淡的一個小菜😋😋😋整體而言，食物水準不錯，相比起什麼海鮮酒家/酒樓，這大排擋的小菜水準還是高！"伙記"的熱情賣少見了！他們見我們4個女手自拍作留念，他們主動前來一問，"需要幫你們嗎？來吧，拍一張美美的🤗!" 我們滿心激動好！😍😍😍" 可以說香港不論政治，經濟，文化在變動，可是"熱情"，"人情味"依舊還有。伙記叔叔說跟我們一拍照🙈

今日帶咗個老外朋友黎見識下我地港式嘅鑊氣小炒，見佢對住個爐位起勢咁影，我先至驚覺呢度好可能係全香港最能夠臨近師傅炒嘢嘅大排檔。鐵板黑椒豬手，據我所知呢味除咗呢度好似就係得大中華有得食，隻豬手夠哂肥美，淨係層豐富嘅皮下脂肪都已經贏哂啦，底下嘅洋蔥索哂個黑椒汁更加係無得輸啊。

實在很久沒幫襯「愛文生」了。這一夜，又是個周末做對「無飯夫妻」的日子，想吃點熱騰騰，有鑊氣的小菜，想起「愛文生」，就立刻出發了。雖說自己來到「愛文生」的時候不算太晚，但一向生意滔滔的它，幾間舖的室內二人桌子都已坐了客人，我與太太唯有坐在店外一張侍應即時為我們而開的桌子，享受一番特別的街頭風味。 只得兩夫妻撐檯腳，吃的當然不會太多，只是叫來兩道惹味小菜，已能讓我倆大快朵頤。「黑椒薯仔牛柳粒」（$98）絕對夠鑊氣，大大粒的牛柳與薯仔沾滿黑椒的味道和香氣，確是惹味。 以錫紙包著上桌的「銀山砵酒鱔球」（$148），用筷子把錫紙破開，陣陣香氣立刻飄散而出，無論洋蔥還是啖啖肉的鱔球，都帶著濃郁的砵酒香。鱔球雖不算厚身，但份量極多，足有十五六件，足以讓極愛食鱔的我大感滿足。假如要說這熱力四射的菜式的不好處的話，我就覺得鱔球的味道偏甜了些，沒有「豉汁蒸鱔」的味道那麼教我喜歡。 兩道惹味菜式，我與太太雖只以可樂代酒伴吃，而且還要坐在街頭享用，仍然感到滿意。

愛文生-大排檔！星期五晚上，朋友帶我來這間大排檔食晚餐，我們一行四人，等咗大約15分鐘就有位了。等咗15分鐘，終於等到枱了！職員叫我地去6號枱坐！我們張飛寫住坐6號枱（坐鋪頭裡面），點知個職員比咗我地個位其他客人坐，最後，我們被安排坐路邊！點知，帶我地過到嚟坐，對坐成包垃圾！ 🙊🙊好大陣垃圾味！嗅🙊食大排檔坐路邊，我預咗，但無諗到哩間餐廳既職員會咁同理心，安排客人坐喺垃圾堆對面用餐！我問個男職員，我聞到好大陣垃圾味，我可以調位嗎？個男職員說，那麼你們出去重新再排過！等過位啦！（明明係佢地安排錯座位，倒轉頭把責任全怪責在顧客身上）。老實講，我聽朋友說這間大排擋幾好㗎，我滿心歡喜來試，我好有誠意來等位，我唔係嚟乞食㗎，我都要真金白銀比錢㗎！我唔需要酒店級款待，但至低限度我都能夠得到合理的服務掛？那時晚上9時30分左右，一間大排擋（沒有椒鹽賴尿蝦，沒有䜴椒炒蜆，沒有豉椒炒聖子）！果然係好生意！如果有興趣試哩間大排擋既朋友，我勸你地都係早d去等位！

成日坐車都會經過呢間大排檔, 每次都好多人, 坐哂出街, 哈哈....咁啱今日就約埋成班朋友一齊去試下, 嘩....一去到勁多人low, 哈哈...仲好大油煙其實, 不過可想而知幾有鑊氣呢, 勁好彩呀, 咁啱有人走所以就即將有位啦.一坐低就緊係睇下有咩好食啦, 其實之前都有睇過open rice, 都見到好多好野食咁, 見到有聖子呀, 花甲呀個d都好正, 點知...........店員說所有貝殼類都賣哂了, 好失望, 哈哈....所以唔理咁多啦, 即刻叫返幾碟之前open rice d 人介紹另外話好食個d先.首先先黎個黑椒咸豬手$138, 基本上每枱都會叫咁制. wao...係鐵板上既, 一上枱就已經好吸引啦, 哈哈...相機食完就拿拿聲切開佢開心share la, 黑椒汁都好有黑椒味, 而肉質未夠淋身, 不過都好入味. 而呢個金牌乳鴿王, 燒得好香口, 好脆身, 熱既時候食係最正.招牌黃金蝦$160, 每隻蝦都沾滿咸蛋黃, 不過有少少鑊撈味, 但d蝦都好彈牙, 新鮮的, 仲有蝦膏tim, 都幾大隻下架.金銀蛋波菜$78, 菜都好鮮嫩, 哈哈....皮蛋好好食, 沒有煮過龍.椒鹽九肚

又到了姊妹小聚時間，我們三個鐵三角對於西餐廳或fine food麻麻，反而次次相約都酷愛東南亞菜或中餐，而平民地道美食更是她們大愛❤️❤️今次我們相約深水埗試試愛文生鑊氣小炒是否傳說中的霸氣。由於她們兩人是年畢業各奔前程，只淨下我獨自在校園做個「老學生」。自由身的我一早到了深水埗，再先約某人先會合再前往霸定枱，熱定茶，等另某大小姐的光臨。原來愛文生地點都不太近地鐵站，我跟友人走了10分鐘，等過馬路時遠眺有炊煙裊裊升起，一張張醒目紅色枱布包著的圓枱，便知到了！我們選了坐在室內，環境燈火通明，牆身貼滿報張雜誌的餐廳剪報，還有大大張紅通通的海報，圖文並茂列出必點精美小菜推介。最有韻味的是藍色圓筒直身的膠茶壺、細細個白色膠碗和綠色的港式筷子，更突出的是代表著香港大牌檔的紅色膠凳和紅布圓枱。菜式種類選擇多，而且價錢親民，$70-120不等。看到有很多平日很難在酒家或中菜廳看到的特色小菜，例如雞蛋焗魚腸和豉椒炒生腸，還有更多大牌檔必點小菜，例如：油鹽水九肚魚、椒鹽炸鮮魷、招牌黃金蝦....已經有點花多眼亂，很多都想點來試試！可惜三人肚量有限，只選三款，不能浪費食物💪🏻黑椒薯仔牛肉粒每次吃港式小炒，我最

大牌檔在香港現在還有多少間，而且還要比較好味的，也真的冇幾多間了😌今次朋友介紹這間位於深水埗的愛文生需然不是最好，但是水準也是可以的鼓油王蝦 - 鼓油味十分香濃，蝦新鮮彈牙，可惜份量略小很多不是原整頭和身分開😑油鹽水九肚魚 - 油鹽水味道適中完全把九肚魚的味道帶出而且九肚魚十分嫩滑大條金牌乳鴿 - 外皮炸得十分香脆肉汁豐富鴿味濃完全沒有過火鼓汁炒大蜆 - 鼓汁味夠香濃但蜆太細隻煮得過熟了🙄蜆蚧鯪魚球 - 鯪魚球材料十足而且十分彈牙鼓汁蒸鱔 - 鼓汁味香濃鱔肉新鮮肥美爽口送飯一絕

成日都聽跳舞同學話落左堂之後要去食薯仔牛柳粒今日終於試到啦啦離地鐵站都有小小遠, 周圍又冇乜食肆, 偏偏依一檔野就熱鬧非常有半間店有冷氣位, 有半間店係冇冷氣店, 仲有戶外嘅位, 應該係俾人食煙嘅呢~服務生反應快, 上菜快, 食完又唔會催你走, 俾你慢慢同人地吹水 (鬥大聲)跳舞同學仔成日話要食嘅黑椒薯仔牛柳粒色香就有啦, 薯仔好香口, 食落口比較啖味可能因為太多人叫呢再試埋牛柳粒, 冇筋又唔韌, 但牛味欠奉U get what u paid 呢 唔送飯都唔會覺得太咸連菜都入左食家推介, 梗係要試試同其他餐廳大不同嘅地方係佢嘅鹹蛋肉粒超多 鋪滿左成碟菜皮蛋有點煮過龍, 冇左皮蛋嘅味道大排檔請自行搭配可樂同啤酒>v<