愛文生

營業中

休息中

同honey 行開玩具街，honey話帶我去食鍋氣小菜。一見佢個店名，覺得好橋口，即刻幫佢改左花名易記d“愛紋身”。哈哈，屬於我地的nickname！回返正題，間野晚飯時間都幾旺下，等10左分鐘左右先有位。一路埋位一路偷睇人地食d咩，結果我地點左個小菜包括：鼓椒炒蜆、椒鹽蝦、金銀蛋津時菜！！真係好好味，平日挨慣d快餐店，呢晚d小菜全部都幾好食！特別推薦椒鹽蝦！！d蝦完全冇乾水，依然好有甜ge 蝦味！！正啊間舖頭普遍都系$80吾-90份小菜！抵食！！

愛紋身同餐廳發音好似，哈哈。此飯店其實位於深水埗，近石硤尾段。香港其實已經越來越少大排檔了，好多都被迫搬入鋪位，又或者結業，呢間愛文生係其中一間仲能做生意的大排檔之一。大排檔最緊要有鑊氣，在旁邊聽到鑊爐馮馮咁聲，就知呢間鑊氣夠啦！霸王雞，依家大多數係雪藏雞，要整走雪味都有啲難度，呢半隻霸王雞就真係整得唔錯，冇雪味。推介指數：8/10芥菜湯煲，有湯有菜，熱辣辣，生滾湯咁，淡口味精不重。推介指數：6/10雖然呢度係大排檔，但價錢一㸃也不便宜，有啲餸菜，可能餐廳重平啊⋯

朋友到港旅遊，當然要帶佢地試下香港特有的街頭飲食文化~大牌檔相信大牌檔是香港人的集體回憶最大的特色是沒有冷氣和環境不太清潔但價錢卻非常合理門口人頭湧湧，足足等了30分鐘先有位不過是值得的椒鹽魷魚@皮不厚，而且炸得剛剛好，呢度的椒鹽做得好出色，夠香口，上枱熱辣辣，不過要趁熱食，耐左會冇咁脆同好味😋炒蟶子@大隻爽甜，加上豉椒做得出色，有豆豉鹹香，又有紅椒辣勁，相當惹味🤩炸大腸@腸內保留番d肥膏，呢d先正宗，但食完好有犯罪感😈黑椒薯仔牛柳粒@上桌便一窩蜂把薯仔夾進碗裏，不消一秒又舉筷，向來受歡迎的牛柳粒頓時變成配角。薯仔甜脆，黑椒牛柳微辣，再配一支雪凍了的啤酒，足以把煩惱暫時拋諸腦後🤤砵仔焗魚腸@配飯食嘅一道經典菜色，菜色本身已經夠味，唔洗加胡椒粉都好夠味，魚腸無腥味，唔錯😍蒜香炒豆苗@豆苗好滑，咁當然係多油先咁滑喇，自己衡量喇😆咕嚕肉@每件都有骨有肉，加上醋汁調校得好，酸味自然，平實好味🤗金銀蛋浸白菜@味道ok，帶有雞湯味及蒜味，鐘意食金銀蛋的朋友啱晒，不過我略䁠金銀蛋嘅份量有點少🤔

呢班朋友，次次都叫到一枱都係，5個人，8碟餸，實在太強第一次黎，睇定OpenRice 有咩推介叫左咁多樣，我覺得黑椒薯仔牛柳粒、咸蛋黃炒蝦、炸大腸及炸雞軟骨都好食反而鐵板黑椒豬手，我就覺得味道一般。老闆話，即將會有羊腩煲，那麼下次便要去試一試香港的大排檔已經見少買少，還可以坐在街邊吃炒小菜，別有一番風味。

服务很周到 上菜速度也OK 都算比较快。味道很不错 点的都是推荐的菜 每一样都不失望。分量也足 两个人吃 最后剩了不少 需要打包。适合好友聚会宵夜 需要坐路边 不介意的话是很不错的经历。凌晨時分，深水埗特別冷清，走到荔枝角道，窄窄道路有一列鐵皮排檔，其中一檔，叫愛文生，其開放式廚房爐火熊熊，煙霧四起。隨着火水爐起哄之聲，食物爆炒香氣撲面而來，吆喝聲此起彼落，是另一番熱鬧景象。愛文生是深水埗老字號，開業於1956年，原名叫龍喜，由林氏一家主理，店名是由林媽媽、大哥及弟弟的名字合併而成，昔日對出是碼頭，船客、船伕都愛在此吃飯消夜，以賣燒味飯為主。將近60年，由一間鐵皮檔做到現時擁有四間相連舖，但仍保留路邊的鐵皮廚檔，用磚和水泥砌成的兩個爐頭，日子有功都被熏得烏卒卒，師傅當街兜炒，爆起的一陣陣火舌是愛文生的生招牌。「大牌檔梗係賣鑊氣，𠵱家好多舖都已經改用煤氣爐，但炒出嚟嘅效果始終唔同，火水爐火力夠猛，炒到起晒煙，噴晒火先過癮嘛！」老表說。他是老闆女婿，約20年前已在舖頭幫手，林氏一家有不同崗位，有收銀的、樓面的，而他則負責主管廚房出品，有時也會幫手劏魚。

香港舊式大排檔文化可說是買少見少今次來到在深水埗頗有名氣的愛文生大排檔每逢假日都大排長龍食齊當中最熱門菜式，如黑椒薯仔牛柳粒(HK$98)、椒鹽鮮魷($90)、鼓椒炒聖子($88)、避風塘茄子($78)等當中以黑椒薯仔牛柳粒最出色，真係夠晒穫氣，爆香左既牛柳粒入晒味，超惹味避風塘茄子能做到炸漿少，又保留茄子原汁原味，外脆內軟，又帶少少辣，真係好有風味

是日放棄治療，可以放肆地大吃大喝！原訂計劃是與男朋友在太子買過新手機便在同區找吃的，碰了兩次釘後唯有轉戰深水埗。有幾次飯後經過愛文生都吵着要試試，終於得償所願。七時半入坐，剛剛秋風起，非常適合坐路邊的大牌檔。兩個人始終戰鬥力有限，精挑細選後決定了三款餸菜。先上 豉椒蟶子份量大、很香、頗辣。送飯一流！似乎是烚熟後再落鑊炒，因為在殼堆裏頭有幾隻沒有豉椒的蟶子。再來 椒鹽鮮魷炸得很脆、放久後亦沒有淋、炸粉厚度適中、鮮魷肉厚。下酒一流！本來想點椒鹽瀨尿蝦，不過售罄。要試趁早叫。最後 脆皮乳鴿一隻皮脆、味濃、唯男朋友覺得肉質一般。最後來一張大合照大牌檔有的就是那種鑊氣、風味和本地文化。多謝大廚們。

星期六晚上行完山朋友話想食大排檔，由於係東涌行完山，沿地鐵線嘅話就即刻諗到深水埗，深水埗嘅大排擋第一個就諗到係愛文生。上一次嚟食愛文生已經係好幾年前帶外國朋友嚟試下香港大排檔嘅時候。嚟到嘅時間為八點零，嚟到都見到好多人等，都擔心要等好耐，點知三個人等左五分鐘都無就有枱可以坐底啦，仲坐係廚房位隔離，可以望住師傅煮餸，更加感受到大排擋嘅特色！三個人嗌左三個餸，為最出名嘅黑淑薯仔牛柳骨、椒鹽九肚魚同埋椒鹽豬扒，再加青島同埋汽水！椒鹽豬扒 - 椒鹽味好足！好好口感食落去！下次會再Encore!椒鹽九肚魚 - 本身係最期待嘅餸落，但食落去剩係食到脆卜卜位多，唔太食到魚黑椒薯仔牛柳粒 - 薯仔好林黑椒味亦好重！正！三個人最尾埋單為325，價錢合理，下次經過深水埗會再嚟食！

三個男人最適合去邊? 除左豆腐火腩飯之外,當然就係大排檔啦.甘我地就一行3人去左深水埗"愛文生"啦.其實由MTR 行過黎唔算好遠.但都唔近. 10分鐘左右啦.我地7點未夠就去到,所以唔洗點等位.不過走個陣,大約8點半. 就好多人.所以大家要去就早少少啦.另外,個度好多位置都要坐街,所以天氣太熱就係唔建議你去.但最近幾日天氣凍凍地,去個邊就一流啦好.講返D菜式.大排檔最好就係大份以及有鑊氣.甘愛文生係合格既,應該係話做得好既.我地叫左4個菜,椒鹽九肚魚黃金鮮尤JAR JAR 通菜保,仲有就係豬手.係絕對絕對夠食既.再加幾支BLUE GIRL.仲唔係男人的浪漫~

因為朋友生日嘅關係 我哋決定嚟到深水埗呢一間大排檔食嘢一去到門口，發現好多人排隊結果等左40分鐘 終於可以入去坐啦環境方面：大部份座位都係冷氣房內對於喺大排檔黎講 有冷氣已經叫做好舒服架啦當然座位一定有啲迫夾 不過地方尚算滿意嘢食方面：性價比好高 十分推介椒鹽魷魚酥同平時外面食嘅椒鹽魷魚酥好有分別佢用咗特製嘅蛋黃碎做調味 好鬼惹味絕對推介另一推介：豬手豬手香脆 配合埋黑椒汁亦都超惹味推介三：黑椒薯仔牛肉粒相信去過萬發食嘢嘅人 一定對呢道菜唔陌生呢度嘅煮法可以媲美萬法光輝時期絕對推介

今晚約左一班舊同事，一大班人食飯首選係可以坐得耐，又唔趕你走，大排擋算係唔錯選擇！對上一次幫襯呢間已經係兩年前，今次睇下有無退步先。鹽水雞(半隻)$100，係細隻左d，但好入味，雞肉好嫩黑椒鹹豬手$138，好多黑椒汁，豬手肉淋，好大隻！黑椒薯仔牛柳粒$98，黑椒again，薯仔同牛柳都好好果，薯仔係有煎過，好惹味！鹹魚蒸肉餅$88，比較薄身！鹹魚味唔重，但又有d咸，都算大塊，抵食！椒鹽炸豆腐($68)，不乾，好脆好香口，椒鹽好出色！上湯魚肚浸勝瓜($88)，本來好怕距係又咸又味精，但唔係。好鍾意食魚肚，魚肚夠哂入味，有小爽既彈口。

十多年前，我是天祥的常客。但自從天祥大聲阿姐不見了，天祥恍惚失了靈光，再好吃也提不了興趣。似乎食物和人的地位在大排擋來說是同樣重要的。因為，大排檔享用的是鑊氣和人情味！近十年轉戰愛文生，吃的總是豉椒炒蟶子、招牌乳鴿、其他如黃金蝦、紅燒豆腐、炸大腸等！蟶子隻隻肥美、我敢講第二喥絕不會吃到，因為愛文生的炒蟶子除好鮮味外，更是蟶子肉多過殼！至於乳鴿就隻隻熱辣辣，皮脆肉嫩，美味可口！這兩味是我的至愛！加一枝大啤，無以上之。天祥與愛文生之間，一直以來無分軒輊，有時遠眺天祥，總回味那裡的人！但回到過去總不容易！

呢度啲餸菜又大碟又好食，火喉十足，水準平均，超抵食,我已經食過好幾次，帶同朋友都食過，大家都讚好！尤其椒鹽鮮魷又大碟又脆口，薯仔牛柳粒係招牌菜，做得相當乾爽，一定要試下！掂

今晚有朋自遠方來，諗左好耐應該要帶佢地食咩好，為左俾佢地感受一下香港地道風味嘅晚餐，於是乎搵左呢間馬路邊大排檔，廚房嘅位置就喺馬路旁，一轉入街角就會見到師傅們同火爐嘅烈火快炒。如果坐街邊位嘅話重有得睇埋廚師即席下廚添，哈哈哈...(鐵板燒都係咁啫!)但如果夏天都係建議大家坐番室內，因為火爐邊真係好熱好熱!!我地6:30就到達餐廳門口，一行4人唔洗等位就有得坐啦!因為每樣菜式嘅份量都非常足料，所以決定先叫左3樣菜先。唔洗10分鐘京都豬扒就上桌啦，賣相都唔錯，眼見都差不多有成10塊，真係未必會食得哂，調味略嫌唔夠，似係腌得唔夠時間?!醬料方面唔夠酸甜味，但食落肉質夠腍因為朋友想食辣，所以就叫左個麻辣啫啫雞煲試下，一樣份量十足!裡面都一樣有豬潤架! 但雞件好似唔多新鮮，食落雪藏味好重，醬汁都無想像中嘅麻辣味，淨係食到好重嘅苦味，唔知係麻油定花椒油，而且煲底好多油輪到今次嘅主角啦~ 係椒鹽田雞，未食之前希望可以食番嫩滑田雞嘅嗰種口感，每一嚿田雞件上面都掛滿左炸蒜粒，椒鹽味都做得好好!炸粉調味恰度好處，食落一啲都唔油膩，田雞肉亦都唔會好老，好好味呀!!但唔係個個都夠膽食田雞，試咗呢碟之後，我諗你

出色大排檔-沙薑雞半隻 ($100)勁出色既沙薑雞阿！一上枱係仲冒緊煙，口水已經流晒出黎👅💦，梗係啦而家仲熱既斬雞已經買少見少。沙薑味道唔算太重，但夠香！件件雞都連雞皮，肉質嫩滑，咬落去仲有雞油架🙌🏻，叔叔不行了，自己食左三分一😂，下次肯肯定會再戰。-金牌炸大腸 ($98)雖然係炸大腸，但唔算好油，咬落口好脆身👍🏻，點少少附送既醬汁就岩岩好。-金菇肥牛粉絲煲 ($88)煲類既選擇亦都頗多，點左個金菇肥牛煲，同樣地熱辣辣上枱🔥。金菇份量極多，反而肥牛就少左啲，不過個汁搭夠，撈飯一流🍚！-椒鹽炸豆腐 ($68)炸豆腐配青島是基本吧🙌🏻。椒鹽味道都頗重，炸得香口，送酒岩晒🍻。