意八餐廳 (已結業)

平日都會到這裡用餐的 大多都是午餐 今天就在接近下午茶時間來到服務態度一向都不算好 特別是餐飲出現問題時 今天我們選了叉燒拉麵和蟹籽煙三文魚蛋白炒飯拉麵來先 但內裡沒有平日都有的半隻蛋 其後更發現少了一件醬油叉燒 我們先跟侍應說欠蛋 他雖然很相信我們轉頭把蛋拿來 但只把蛋放在桌的旁邊位置就走了其他更發現原本有三塊叉燒的拉麵只有兩塊 但我們都沒有追討了三文魚那個炒飯等了多過15分鐘才到 但眼看並不是繁忙時段 人客不多 心中十分疑問我追問侍應餐來沒有 他態度緩慢 很失望 炒飯全名是蟹籽三文魚蛋白炒飯 但完全見不到蛋白只見一兩小塊炒熟的蛋黃是次用餐確令我十分失望 

Pizza + 2隻雞翼的茶餐 $27(熱飲)Pizza 唔熱、唔好味，雞翼得層皮有柚子味𥚃面淡而無味，食完仍覺得肚餓。出餐耐，搵侍應係一件好難嘅事，除咗差之外，唔知仲可以講咩。唔會有下次！

食過幾次 一次過先寫叉燒拉麵以為係個D 白SAI SAI 既叉燒其實係好靚既醬油叉燒 拉麵同湯都幾好焗豬扒飯:豬扒林 又有芝士 同珍珠米D大字頭快餐店貴過佢 都冇呢D啦炒飯 焗飯難得用珍珠米不過 PIZZA真係唔好食似麵包 食麵包好過咩巴馬火腿焗通心粉 只係火腿 點解要作個咁既名呢?優點多過缺點 整體係好既因為呢間好食既野 出面冇 就算有都貴但係就愈黎愈貴 同埋食黎食去都係個D

呢間店在區內經常都好多人等位，因為價錢算平，同裝修OK，咪俾佢外面等位嘅人嚇親，兩個人等咗10分鐘就有位了。個忌廉粟米湯非常之OK, 絕對有西餐廳水準Pizza就一般，上面嘅料超級普通，都是菠蘿火腿之流，比較硬身，可幸有芝士搭救，同埋都夠熱。蕃茄湯天使麵其實唔係用「湯」上會好好多囉……感覺有少少糟蹋咗了,因為佢用料同味道其實OK架…..但有湯嘅天使麵真係有啲奇怪@@ 而套餐亦冇唔用湯的選擇。街坊價,環境OK, 食物味道中等, 可以接受的.

特然想食意粉 ，行行下入佐呢間餐廳 ，第一次係呢間食野 ，係一間坐得舒服既餐廳 ，d員工服務態度好  ，出野出得幾快 ，d野食都好食  ，價錢適中 ........ 下次會再食.....

經朋友介紹來到意八餐廳~幸好朋友有先見之明，六點幾就入座，避開人潮，成功地不用等位。只見點餐之後餐廳門外已經有好多人等位。落單點的有晚市一人火鍋，牛排餐，pizza同雞翼，出乎意料地，食物的分量都好多。以牛排餐為例，一般餐廳都係薯角同主食意粉或飯三選一，但意八餐廳做法係跟飯跟薯角，令60幾蚊既扒餐邊得非常抵食。火鍋套餐的配料好多，豆腐，金菇，粟米，肥牛的分量可觀，以女仔的食量衡量，非常大份。最後係pizza的部分，是小型的pizza，無咩驚喜，味道亦一般。成餐飯的味道同感覺就係物美價廉，是團體晚飯的好去處。

今日佛誕約咗成班fd打牌直落，夜晚又到左醫肚嘅時候！一行10人等左大約十分鐘就有大檯了，每樣小食都double，因為份量唔大的。小食方面叫了玉子豆腐，香辣薯角及水牛城雞翼。玉子豆腐幾唔錯，而且嚟到嘅時候仲係好熱！呢個加分！薯角唔太辣，同行友人唔食辣都讚！另外叫左唔少飯同意粉，都係幾唔錯，份量細左啲，特別要提係鐵板牛扒！唔會好似平時茶餐廳咁太硬或淋，而且佢個牛肝菌汁真係非常出色，本來伴碟嘅飯同薯角大家都冇興趣食，點知沾完個汁，大家胃口即刻開返，非常有水準！最後就係每個餐再叫野飲都有半價！只係叫左普通凍檸茶。餐廳能夠提供嘅大檯都唔算大，唔係坐得太舒服，而且野食嚟得非常之快，之前好多都要急住食哂食返張檯出嚟，呢點算係美中不足吧！不過整體都係正面嘅！因為叫左好多野食每都係70蚊，性價比非常高！

藍田到底有甚麼特別好吃的呢?在OpenRice見到這一家「意八餐廳」的正評頗多，價錢也不太貴，心動想一試。星期五下午4時半的下午茶中段時間，意想不到餐廳的入座率依然頗高！(依我所見大約有70-80%)可想而知這餐廳有多受歡迎了。先看餐牌：雖然附有下午茶餐牌，詢問過店員，指下午茶的份量跟單點的差不多，但肚餓極的我還是想吃點有特色的。管他的，難得來到，真的好好看一看內在環境：這只是餐廳的一角。雖然不算得上甚麼高級餐廳，間格跟普通PizzaHut的差不多，但柔和的燈光加上精心怖置的牆壁，坐在這裏還感受到一點點的意大利歐陸格調和風韻。主菜在約15分鐘後來了，是帆立貝海鮮龍蝦汁意大利飯(單點價$51)：一看到飯這樣的顏色，心想：希望不要「中伏」吧！幸而沒有─龍蝦汁的味道濃郁。吃意大利飯最怕的是汁料太濃同時令飯太軟，可這飯沒有這個問題，反而反粒分明，軟硬適中，吸收了龍蝦汁的味道也帶出飯香，能造出意大利飯的精髓。海鮮比較細小，但加上切碎的香菌，配上香濃的大利飯，剛剛好。這樣的價錢可以享受美味的意大利式食物及優雅的環境，還挺划算！

同男朋友行開藍田，熟個度既人都知個邊成個山岥咁唔知食咩好，正係度躊躇之際就見到呢間好似好高級既餐廳，見佢價錢咁抵就係試下～間餐廳好多人等位，似乎好受歡迎，建議如果大家想去食就要儘快去拎位！入到去間餐廳好有異國風情feel,周圍都畫有風景牆畫，令人感覺身處係外國既餐廳咁～小妹細食，叫左個細既三文魚炒飯試下一黎到就聞到陣陣炒三文魚既魚油香味，流哂口水～而且佢有好多三文魚，超級抵食完全冇呃秤！碟炒飯加咗蛋咗去炒，令到出嚟嘅效果每粒飯都有小小痴痴地嘅感覺，再加埋撈咗入去嘅新鮮三文魚同黑椒，入口，係幸福嘅感覺～加上少少嘅蒽吊味，三文魚嘅香味完全出晒嚟！！！重點係，咁高質嘅炒飯都係三十蚊咋！真係超抵～加上咁靚嘅環境，呢間餐廳真係藍田必食之選。

今日去左藍田行街，經過一間西餐廳叫意八。勁多人排隊，估計水準應該不錯。我們叫了兩set 下午茶餐： 1. 西柚芝麻雞翼，雜果沙律，加紅豆冰紅豆冰要加7蚊。雞翼好入味，有啲西柚皮，好清新。另外沙律亦不錯。 最特別就是那杯紅豆冰，初頭飲落去有陣檸檬味，我都不以為意，後尾仲要比我喺杯底摷到舊檸檬出黎。即時揾店員問個究竟。 原來佢話，佢哋啲紅豆係用檸檬煮，出便通常都用陳皮煮。搭真啲，呢杯紅豆冰又真係同出便嘅唔同啲。有淡淡檸檬香，無咁甜膩。 ↳ 西柚芝麻雞翼 ↳ 經典紅豆冰↳喺杯底點解會有舊檸檬？ 原來係咁。2. 百里香烤雞忌廉天使麵呢個係堅好食。啲烤雞超入味，同天使麵果味好夾。啲汁又煮得好食。而且雖然話係忌廉，但一啲都唔漏，正!埋單都係60幾蚊，好抵食。有機會要試下呢度嘅晚餐。

今日去左意八餐廳(藍田)，😁我地叫左個卡邦尼長通粉同鐵板芝士雞扒。😍唔夠十分鐘，鐵板餐就送左上黎，餐廳效率唔錯!雞扒嘅芝士味幾香濃，而且又夠大塊，價錢算實惠，可惜薯格稍為鹹左少少，但整體黎講都好好味。👍👍卡邦尼長通粉嘅汁冇我想像中咁濃，菇同煙肉唔太多。😳不過食完唔會覺得太油膩。

今日晏就2點半左右黎左意八食野因為下午茶先岩岩開始仲未需要排隊即刻就有位之前都有黎過食野 記得讚岐烏冬好食都係點番呢樣一口酥雞豬骨濃湯讚岐烏冬烏冬麵底依然咁好食 一大片既蘿白都相當入味同埋淋身但係個炸雞就差左好多=_= 唔知係因為下午茶時段趕 定係其他原因個碟炸雞細左好多 同埋味道都好差 有D似放左好耐淋淋地男朋友就點左佢寫住推介既百里香烤雞忌廉天使麵忌廉汁比較水身唔係好杰果隻 但係味道岩岩好 唔會話好淡味天使麵好好食 我覺得相比之下比個一口酥雞豬骨濃湯讚岐烏冬好食好多不愧為推介 而且價錢都比個讚岐烏冬平因為天使麵係下午茶餐 讚岐烏冬果D係午餐先有野飲點左兩杯奶茶 我覺得味道都係比以前差左=_=之前亦有試過黃大仙果間意八 相比落兩間水平差好遠 呢間藍田店好食D但係E家感覺上藍田呢間整體水準都差左

這是間閒坐hea時間的好餐廳。下午茶基本是早午晚餐都有的選擇，看了meun,晚餐也好像不太貴。突然想吃熱湯飯，就點了個泡飯當晚飯吃了。很大碗飯，鮮菌很香但湯有點鹹。下次希望試試西多四重奏~~

呢間餐廳真係無意中發現架咋！我諗如果唔係住開藍田啲街坊都應該沒有外來人特登入嚟食呢間架啦，因為佢都收得寄埋幾偏僻，雖然係商場入面但都幾難搵架！呢間其實已經食過幾次，每次去到食唔同嘅野感覺都唔錯，今次揀咗焗豬扒飯！不錯！有大份又好味！佢焗到個面有少少脆咁樣！D飯lo埋啲汁超正好好食~但可能因為真係焗飯又大份 食完有少少流嘅感覺。但係30幾又真係抵嘅一個好味既豬扒飯。佢嘅晚事都可以一試因為有扒食又唔差。我今次去係食午市，都有幾多人等嫁，以街坊平民餐廳來講，但都係等左十分鐘到，ok la.下次行開藍田應該都會繼續嚟幫襯！

今晚家人不煮飯，所以三人又來這間餐廳食，之前都食過兩次，每次都見到一大堆人在門口等位。拿了籌，等的人雖多，但等了15分鐘就有位，都算快。今次食之前未食過的，兩份打邊爐，一個焗豬扒珍珠飯。1)打邊爐有四個湯底選擇：蕃茄湯，濃蝦湯，牛乳豬骨湯，還有一款是日式湯。每份火鍋都有一碟是菜，烏冬，丸，蟹條等等，另一碟是肥牛，肥牛下面有一堆生菜。份量多比較起其他快餐的打邊爐，而且加$2有4款選擇的飲品，好抵食。我選了牛乳豬骨湯，細佬選濃蝦湯。牛乳湯味濃，濃蝦湯一般，牛乳好味些。2)焗豬扒珍珠食：忘記影相，食到一半才記得。豬扒ok,有芝士，蕃茄汁好濃，加上珍珠米，好食。